Google Chrome: ಗೂಗಲ್​ ಕ್ರೋಮ್​​ನಿಂದ ಹೊಸ ಫೀಚರ್ ಬಿಡುಗಡೆ! ಇನ್ಮುಂದೆ ಸರ್ಚ್​​ ಹಿಸ್ಟರಿಯನ್ನು ಡಿಲೀಟ್ ಮಾಡೋದು ಇನ್ನೂ ಸುಲಭ

ಟೆಕ್​ ಜಗತ್ತಿನಲ್ಲಿ ಬಹಳಷ್ಟು ಜನಪ್ರಿಯತೆಯನ್ನು ಪಡೆದ ಕಂಪೆನಿಯೆಂದರೆ ಅದು ಗೂಗಲ್ (Google)​. ಜನರು ಯಾವುದೇ ವಿಷಯವನ್ನು ಇದರಲ್ಲಿ ಸರ್ಚ್​ ಮಾಡಿದ್ರೆ ಸಾಕು ಕ್ಷಣಮಾತ್ರದಲ್ಲಿ ಮಾಹಿತಿಯನ್ನು ಒದಗಿಸುತ್ತದೆ. ಗೂಗಲ್​​ ತನ್ನ ಆದ ಶೈಲಿಯಲ್ಲಿ ರೂಪುಗೊಂಡು, ಇಂದಿಗೆ ಸಾಕಷ್ಟು ಬಳಕೆದಾರರನ್ನು ಇದು ಹೊಂದಿದೆ. ತಮಗೆ ಬೇಕಾದ ವಿಷಯವನ್ನು ಬಳಕೆದಾರರು ಸರ್ಚ್​ ಮಾಡ್ತಾರೆ ಆದರೆ ಸರ್ಚ್​ ಹಿಸ್ಟರಿಯನ್ನು (Search History Delete) ಡಿಲೀಟ್​ ಮಾಡಬೇಕೆಂದು ತಿಳಿದಿರುವುದಿಲ್ಲ. ಇದರಿಂದ ಕೆಲವೊಮ್ಮೆ ನಿಮ್ಮ ಗೌಪ್ಯ (Privacy) ಮಾಹಿತಿಗಳು ಇನ್ನೊಬ್ಬರಿಗೆ ತಿಳಿಯಲು ಸಾಧ್ಯವಾಗುತ್ತದೆ. ಆದರೆ ಇದನ್ನು ಮನಗಂಡಂತಹ ಗೂಗಲ್​ ತನ್ನ ಸರ್ಚ್​​ ಹಿಸ್ಟರಿಯನ್ನು ಡಿಲೀಟ್​ ಮಾಡಲು ಗ್ರಾಹಕರಿಗೆ ಇನ್ನಷ್ಟು ಸುಲಭದ ಫೀಚರ್ ಅನ್ನು ಬಿಡುಗಡೆ ಮಾಡಿದೆ.

ಗೂಗಲ್​ ಕ್ರೋಮ್​ನ ಬ್ರೌಸ್​ ಹಿಸ್ಟರಿಗೆ ಹೊಸ ಫೀಚರ್​ ಅನ್ನು ಪರಿಚಯಿಸಿದ್ದು, ಈ ಮೂಲಕ ಬಳಕೆದಾರರು ಇನ್ನಷ್ಟು ಸುಲಭದಲ್ಲಿ ಗೂಗಲ್​ ಕ್ರೋಮ್​ನಲ್ಲಿ ಬ್ರೌಸ್​ ಹಿಸ್ಟರಿಯನ್ನು ಡಿಲೀಟ್​ ಮಾಡಬಹುದಾಗಿದೆ. ಈ ಫೀಚರ್​ಗೆ ಕ್ವಿಕ್ ಡಿಲೀಟ್​​ ಸರ್ಚ್​ ಹಿಸ್ಟರಿ ಎಮದು ಹೆಸರಿಸಲಾಗಿದೆ. ಹಾಗಿದ್ರೆ ಈ ಫೀಚರ್ ಯಾವ ರೀತಿ ಕಾರ್ಯನಿರ್ವಹಿಸುತ್ತದೆ ಎಂದು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ಕ್ವಿಕ್​ ಡಿಲೀಟ್​ ಎಂದರೇನು?

ಗೂಗಲ್​ ಕ್ರೋಮ್​ ಪರಿಚಯಿಸಿರುವ ಕ್ವಿಕ್​ ಡಿಲೀಟ್​ ಫೀಚರ್​ನ ಆ್ಯಕ್ಟಿವೇಶನ್​ ಫೀಚರ್ ಬಗ್ಗೆ ಇನ್ನು ಯಾವುದೇ ಮಾಹಿತಿಯನ್ನು ಕಂಪೆನಿ ಬಿಡುಗಡೆ ಮಾಡಿಲ್ಲ. ಇದರ ಬಳಕೆ ಸಹ ಹೇಗೆ ಮಾಡುವುದು ಎನ್ನುದರ ಬಗ್ಗೆಯೂ ಮಾಹಿತಿ ಬಹಿರಂಗವಾಗಿಲ್ಲ. ಆದರೆ ಈ ಆಯ್ಕೆಯು ಬಳಕೆದಾರು ಗೂಗಲ್​ ಕ್ರೋಮ್​ನಲ್ಲಿ ಮಾಡಿದಂತಹ ಸರ್ಚ್​ ಹಿಸ್ಟರಿಯನ್ನು ಕೆಲವೇ ನಿಮಿಷಗಳಲ್ಲಿ ಡಿಲೀಟ್ ಮಾಡಬಹುದಾಗಿದೆ. ಇದರಿಂದ ಇನ್ಮುಂದೆ ನಿಮ್ಮ ಗೌಪ್ಯತೆಯನ್ನುಕಾಪಾಡಲು ಸುಲಭವಾಗಲಿದೆ.

ಇದನ್ನೂ ಓದಿ: ಒಂದೇ ಕಂಪೆನಿಯಿಂದ ಮಾರುಕಟ್ಟೆಗೆ ಲಗ್ಗೆಯಿಟ್ಟಿದೆ ಬರೋಬ್ಬರಿ 2 ಸ್ಮಾರ್ಟ್​​​ಫೋನ್ಸ್​! ಹೇಗಿದೆ ಗೊತ್ತಾ ಫೀಚರ್ಸ್​?

ಈ ಫೀಚರ್​ ಅನ್ನು ಗೂಗಲ್​​ನಲ್ಲಿ ಸಕ್ರಿಯಗೊಳಿಸುವುದು ಹೇಗೆ?

ಗೂಗಲ್​​ ಕ್ರೋಮ್​ನ ಸೆಟ್ಟಿಂಗ್ಸ್​ಗೆ ಹೋಗಿ ಈ ಕ್ವಿಕ್​ ಹಿಸ್ಟರಿಯನ್ನು ಆ್ಯಕ್ಟಿವ್ ಮಾಡಿಕೊಳ್ಳಬಹುದಾಗಿದೆ. ಒಂದು ವೇಳೆ  ಬಳಕೆದಾರರು ಇದನ್ನು ಆ್ಯಕ್ಟಿವ್ ಮಾಡಿದ್ರೆ ಗೂಗಲ್ ಕ್ರೋಮ್​ನ ಬಲಬದಿಯಲ್ಲಿರುವ ಮೂರು ಚುಕ್ಕೆಗಳ ಮೆನುವಿನಲ್ಲಿ ಆ್ಯಕ್ಟಿವ್​ ನಾಟಿಫಿಕೇಶನ್ ಕಾಣಲಿದೆ.

ಸಾಂಕೇತಿಕ ಚಿತ್ರ

ಈ ಮೂಲಕ ಬಳಕೆದಾರರು ತಮ್ಮ ಗೂಗಲ್​ ಕ್ರೋಮ್​ನಲ್ಲಿ ಸರ್ಚ್​ ಹಿಸ್ಟರಿ ಮೂಲಕ 15  ನಿಮಿಷಗಳ ಹಿಂದೆ ಸರ್ಚ್​ ಮಾಡಿದ ವಿಷಯಗಳನ್ನು ಕ್ವಿಕ್ ಆಗಿ ಡಿಲೀಟ್ ಮಾಡಬಹುದಾಗಿದೆ. ಕ್ವಿಕ್​ ಡಿಲೀಟ್​ ಎಂಬ ಫೀಚರ್​ ನಿಮ್ಮ ಕ್ರೋಮ್​ನಲ್ಲಿ ಮಾಡಿರುವಂತ ಸರ್ಚ್​ ಹಿಸ್ಟರಿಯನ್ನು ಕ್ಷಣಮಾತ್ರದಲ್ಲಿ ಡಿಲೀಟ್​ ಮಾಡುತ್ತದೆ.

ಕಳೆದ ವರ್ಷವೇ ಪರೀಕ್ಷೆ

ಗೂಗಲ್ ಈ ಬಗ್ಗೆ ಕಳೆದ ವರ್ಷವೇ ಪರೀಕ್ಷೆಯನ್ನು ಮಾಡಿತ್ತು. ಇದರಿಂದ ಬಳಕೆದಾರರ ಪ್ರೈವಸಿಯನ್ನು ಕಾಪಾಡುವುದೇ ಮುಖ್ಯ ಉದ್ದೇಶವಾಗಿದೆ. ಇನ್ನು ಈ ಫೀಚರ್​ ಸದ್ಯ ಆಂಡ್ರಾಯ್ಡ್​ ಬಳಕೆದಾರರಿಗೆ ಲಭ್ಯವಾಗಲಿದೆ. ಇದೇ ರೀತಿ ಗೂಗಲ್ ಕಳೆದ ಬಾರಿ ತನ್ನ ಬಳಕೆದಾರರಿಗೆ ಹಲವು ಪ್ರೈವಸಿ ಕಾಪಾಡುವ ಫೀಚರ್​ ಅನ್ನು ಬಿಡುಗಡೆ ಮಾಡಿತ್ತು.

ಗೂಗಲ್​ ಪಾಸ್​​ ಕೀ ಫೀಚರ್​

ಗೂಗಲ್​ ಕೆಲದಿನಗಳ ಹಿಂದೆ ಬಳಕೆದಾರರಿಗಾಗಿ ಪಾಸ್​ ಕೀ ಫೀಚರ್​ ಅನ್ನು ಲಾಂಚ್ ಮಾಡಿತ್ತು. ಈ ಮೂಲಕ ಬಳಕೆದಾರರು ಪಾಸ್​​ವರ್ಡ್​ಗಳನ್ನು ಟೈಪ್​ ಮಾಡದೆಯೇ ತಮ್ಮ ಅಕೌಂಟ್​ಗಳಿಗೆ ಲಾಗಿನ್ ಮಾಡಬಹುದು. ಈ ಪಾಸ್​ ಕೀಗಳನ್ನು ಮರುಬಳಕೆ ಮಾಡಲು ಸಾಧ್ಯವಿಲ್ಲದಿರುವುದರಿಂದ ಇದು ಬಹಳಷ್ಟು ಸುರಕ್ಷಿತವಾಗಿರಲಿದೆ. ಇದಿಷ್ಟೇ ಅಲ್ಲದೆ ಸರ್ವರ್ ಉಲ್ಲಂಘನೆಗಳಲ್ಲಿ ಸೋರಿಕೆಯಾಗುವುದಿಲ್ಲ ಮತ್ತು ಫಿಶಿಂಗ್ ದಾಳಿಯಿಂದ ಬಳಕೆದಾರರನ್ನು ರಕ್ಷಿಸುತ್ತವೆ. ಪಾಸ್‌ಕೀಗಳನ್ನು ಉದ್ಯಮದ ಮಾನದಂಡಗಳಿಗೆ ಅನುಗುಣವಾಗಿ ನಿರ್ಮಾಣ ಮಾಡಲಾಗಿದ್ದು, ವಿವಿಧ ಆಪರೇಟಿಂಗ್ ಸಿಸ್ಟಮ್‌ಗಳಲ್ಲಿ ಇದು ಕೆಲಸ ಮಾಡುತ್ತದೆ.