Redmi Smart Band: ರೆಡ್​ಮಿ ಕಂಪೆನಿಯಿಂದ ಹೊಸ ಡಿವೈಸ್ ಲಾಂಚ್! ಫೀಚರ್ಸ್​​ ನೋಡಿದ್ರೆ ಫಿದಾ ಆಗೋದು ಗ್ಯಾರಂಟಿ

ಮಾರುಕಟ್ಟೆಯಲ್ಲಿ ಸ್ಮಾರ್ಟ್​​ಬ್ಯಾಂಡ್​ಗಳು (Smart Band) ಫಿಟ್ನೆಸ್​​ ಫೀಚರ್ಸ್​ಗಳನ್ನು ಹೊಂದಿಕೊಂಡು ಭಾರೀ ಜನಪ್ರಿಯತೆಯನ್ನು ಪಡೆದಿದೆ. ಇದೇ ಕಾರಣಕ್ಕೆ ಮಾರುಕಟ್ಟೆಯಲ್ಲಿ ಸ್ಮಾರ್ಟ್​ಬ್ಯಾಂಡ್​​ಗಳಿಗೆ ಭಾರೀ ಬೇಡಿಕೆಯೂ ಇದೆ. ಇದನ್ನು ಮನಗಂಡಂತಹ ಜನಪ್ರಿಯ ಟೆಕ್​ ಕಂಪೆನಿಗಳು ತನ್ನ ಗ್ರಾಹಕರಿಗಾಗಿ ಹೊಸ ಮಾದರಿಯಲ್ಲಿ ಸ್ಮಾರ್ಟ್​​ಬ್ಯಾಂಡ್​ಗಳನ್ನು ಪರಿಚಯಿಸುತ್ತಾ ಬಂದಿದೆ. ಇದೀಗ ಸ್ಮಾರ್ಟ್​​ಬ್ಯಾಂಡ್​ಗಳನ್ನು ಪರಿಚಯಿಸುವಲ್ಲಿ ಬಹಳಷ್ಟು ಮುಂಚೂಣಿಯಲ್ಲಿರುವ ಶಿಯೋಮಿ ಕಂಪೆನಿ (Xiaomi Company) ಇತ್ತೀಚೆಗೆ ತನ್ನ ಬ್ರಾಂಡ್​ನ ಸ್ಮಾರ್ಟ್​​ಬ್ಯಾಂಡ್​ ಅನ್ನು ಚೀನಾದ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿತ್ತು. ಇದೀ ಫಿಟ್ನೆಸ್​ ಬ್ಯಾಂಡ್ (Fitness Band)​ ಅನ್ನು ಇದೀಗ ಜಾಗತಿಕ ಮಾರುಕಟ್ಟೆಯಲ್ಲಿ ಶಿಯೋಮಿ ಕಂಪೆನಿ ಲಾಂಚ್ ಮಾಡಿದೆ. 

ಜನಪ್ರಿಯ ಟೆಕ್ ಕಂಪೆನಿಯಾಗಿರುವ ಶಿಯೋಮಿ ಕಂಪೆನಿ ಇತ್ತೀಚೆಗೆ ತನ್ನ  ಬ್ರಾಂಡ್​ನ ಅಡಿಯಲ್ಲಿ ರೆಡ್​ಮಿ ಬ್ಯಾಂಡ್​ 2 ಅನ್ನು ಚೀನಾದಲ್ಲಿ ಬಿಡುಗಡೆ ಮಾಡಿತ್ತು. ಇದೀಗ ಈ ಬ್ಯಾಂಡ್​ ಜಾಗತಿಕ ಮಾರುಕಟ್ಟೆಗೆ ಎಂಟ್ರಿ ನೀಡಿದೆ. ಈ ರೆಡ್​ಮಿ ಬ್ಯಾಂಡ್​ 2 ಅಗ್ಗದ ಬೆಲೆಯನ್ನು ಹೊಂದಿಕೊಂಡು, ಉತ್ತಮ ಪ್ರೀಮಿಯಮ್ ಫೀಚರ್ಸ್​ಗಳನ್ನು ಹೊಂದಿದೆ.

ರೆಡ್​ಮಿ ಬ್ಯಾಂಡ್​ 2 ಡಿಸ್​ಪ್ಲೇ ವಿನ್ಯಾಸ ಹೇಗಿದೆ?

ಶಿಯೋಮಿ ಕಂಪೆನಿ ಪರಿಚಯಿಸಿರುವ ಹೊಸ ರೆಡ್​ಮಿ ಬ್ಯಾಂಡ್‌ 2 ಸ್ಟೈಲಿಶ್‌ ಬಾಡಿ ಡಿಸೈನ್‌ ಅನ್ನು ಹೊಂದಿದೆ. ಈ ಸ್ಮಾರ್ಟ್​​ಬ್ಯಾಂಡ್​ ಈ ಮೂಲಕವೇ ಹೆಚ್ಚು ಜನರನ್ನು ಆಕರ್ಷಿಸಬಹುದು. ಯುವಜನರನ್ನು ಗುರಿಯಾಗಿ ಇಟ್ಟುಕೊಂಡು ರಚಿಸಿರುವ ಈ ಬ್ಯಾಂಡ್‌ 1.47 ಇಂಚಿನ TFT LCD ಡಿಸ್‌ಪ್ಲೇಯನ್ನು ಹೊಂದಿದೆ.

ಇನ್ನು ಈ ಡಿಸ್‌ಪ್ಲೇ 172 × 320 ಪಿಕ್ಸೆಲ್ ಸ್ಕ್ರೀನ್‌ ರೆಸಲ್ಯೂಶನ್ ಸಾಮರ್ಥ್ಯವನ್ನು ನೀಡುತ್ತದೆ. ಜೊತೆಗೆ ಡಿಸ್‌ಪ್ಲೇ 450 ನಿಟ್ಸ್​ ಗರಿಷ್ಠ ಬ್ರೈಟ್‌ನೆಸ್‌ ಅನ್ನು ಬೆಂಬಲಿಸಲಿದ್ದು, 100ಕ್ಕೂ ಹೆಚ್ಚು ಗುಣಮಟ್ಟದ ವಾಚ್ ಫೇಸ್‌ಗಳನ್ನು ಒಳಗೊಂಡಿದೆ. ಈ ಮೂಲಕ ಬಳಕೆದಾರರು ತಮಗೆ ಬೇಕಾದ ಹಾಗೆ ವಾಚ್​ ಫೇಸ್​ಗಳನ್ನು ಡಿಸ್​ಪ್ಲೇನಲ್ಲಿ ಸೆಟ್​ ಮಾಡಿಕೊಳ್ಳಬಹುದು.

ಸೆನ್ಸಾರ್​ ಸಾಮರ್ಥ್ಯ 

ಇನ್ನು ಈ ಫಿಟ್ನೆಸ್‌ ಬ್ಯಾಂಡ್‌ ಆಪ್ಟಿಕಲ್ ಹಾರ್ಟ್‌ ಬೀಟ್‌ ಮಾನಿಟರಿಂಗ್ ಸೆನ್ಸಾರ್ ಸಾಮರ್ಥ್ಯವನ್ನು ಒಳಗೊಂಡಿದೆ. ಜೊತೆಗೆ ಈ ರೆಡ್​ಮಿ ಬ್ಯಾಂಡ್ ಮೂಲಕಜ ರಕ್ತದ ಆಮ್ಲಜನಕದ ಮಾನಿಟರಿಂಗ್ ಸೆನ್ಸಾರ್ ಅನ್ನು ಕೂಡ ನೀಡಲಾಗಿದೆ. ಇದರಿಂದ ಬಳಕೆದಾರರ ಆರೋಗ್ಯವನ್ನು ಸುಲಭವಾಗಿ ಮೇಲ್ವಿಚಾರಣೆ ಮಾಡಬಹುದಾಗಿದೆ.

ರೆಡ್​ಮಿ ಸ್ಮಾರ್ಟ್​ ಬ್ಯಾಂಡ್​ 2

ಇದಲ್ಲದೆ ಸ್ಟೆಪ್ಸ್‌, ಸ್ಲೀಪಿಂಗ್ ಜೊತೆಗೆ ನಿರಂತರ ಹೃದಯ ಬಡಿತದ ಮೇಲ್ವಿಚಾರಣೆಯ ಮಾನಿಟರ್ ಅನ್ನು ಸಹ ತೋರಿಸುತ್ತದೆ. ಇನ್ನು ಈ ಸ್ಮಾರ್ಟ್‌ಬ್ಯಾಂಡ್‌ ಫಿಟ್‌ನೆಸ್ ಟ್ರ್ಯಾಕರ್ ಅಕ್ಸೆಲೆರೊಮೀಟರ್ ಅನ್ನು ಸಹ ಹೊಂದಿದ್ದು 30 ಕ್ಕೂ ಹೆಚ್ಚು ಸ್ಪೋರ್ಟ್ಸ್‌ ಮೋಡ್‌ಗಳನ್ನು ಟ್ರ್ಯಾಕ್ ಮಾಡುವ ಸಾಮರ್ಥ್ಯವನ್ನು ಪಡೆದುಕೊಂಡಿದೆ.

ಬ್ಯಾಟರಿ ಫೀಚರ್ಸ್​

ರೆಡ್​ಮಿ ಬ್ಯಾಂಡ್‌ 2 ಸ್ಮಾರ್ಟ್‌ವಾಚ್‌ ವಿಶೇಷವಾಗಿ 210mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್‌ ಅನ್ನು ಹೊಂದಿದೆ. ಈ ಸ್ಮಾರ್ಟ್​​ಬ್ಯಾಂಡ್​ ಅನ್ನು ಒಮ್ಮೆ ಫುಲ್ ಚಾರ್ಜ್ ಮಾಡಿದ್ರೆ 14 ದಿನಗಳವರೆಗೆ ನಿರಂತರವಾಗಿ ಬಳಕೆ ಮಾಡಬಹುದಾಗಿದೆ. ಆದರೆ ಹೆಚ್ಚುವರಿ ಬಳಕೆಯೊಂದಿಗೆ 6 ದಿನಗಳ ಬ್ಯಾಟರಿ ಅವಧಿಯನ್ನು ಪಡೆದುಕೊಳುವ ಅವಕಾಶ ದೊರೆಯಲಿದೆ ಎಂದು ಶಿಯೋಮಿ ಕಂಪೆನಿ ಹೇಳಿಕೊಂಡಿದೆ. ಈ ಬ್ಯಾಂಡ್‌ ಬ್ಲೂಟೂತ್ 5.1 ತ್ವರಿತ ಕನೆಕ್ಟಿವಿಟಿ ಆಯ್ಕೆಯನ್ನು ಬೆಂಬಲಿಸಲಿದ್ದು, ಆಂಡ್ರಾಯ್ಡ್‌ ಮತ್ತು ಐಒಎಸ್‌ ಡಿವೈಸ್‌ಗಳನ್ನು ಸಹ ಬೆಂಬಲಿಸುತ್ತದೆ.

ಇದನ್ನೂ ಓದಿ: ಜಸ್ಟ್​ 15 ಸಾವಿರಕ್ಕೆ ಸಿಗುತ್ತೆ ಸ್ಮಾರ್ಟ್​ಫೋನ್​ಗಳು, ಕಾಸ್ಟ್ಲಿ ಮೊಬೈಲ್​ನಲ್ಲೂ ಇರದ ಫೀಚರ್ಸ್​ ಇದರಲ್ಲಿದೆ!

ಬೆಲೆ ಮತ್ತು ಲಭ್ಯತೆ

ಸದ್ಯ ರೆಡ್​ಮಿ ಬ್ಯಾಂಡ್​ 2 ವಾಚ್ ಅನ್ನು ಗ್ಲೋಬಲ್​ ಮಾರುಕಟ್ಟೆಯಲ್ಲಿ ಬಿಡುಗಡೆ ಮಾಡಿದ್ದಾರೆ. ಅದೇ ರೀತಿ ಜಪಾನ್​ನಲ್ಲಿ ಈ ಸ್ಮಾರ್ಟ್​​ಬ್ಯಾಂಡ್​ನ ಬೆಲೆ ¥4,990 ಅಂದರೆ ಭಾರತದಲ್ಲಿ ಅಂದಾಜು 3,200 ರೂಪಾಯಿ ಆಗಿರುತ್ತದೆ. ಆದರೆ ಭಾರತದಲ್ಲಿ ಕೆಲವೇ ದಿನಗಳಲ್ಲಿ ಈ ಸ್ಮಾರ್ಟ್​ಬ್ಯಾಂಡ್​ ಬಿಡುಗಡೆಯಾಗಲಿದ್ದು, ಯಾವಾಗ ಎಂಬುದರ ಬಗ್ಗೆ ಯಾವುದೇ ಮಾಹಿತಿಯನ್ನು ಬಹಿರಂಗ ಮಾಡಿಲ್ಲ.