Noice Smartwatch: ಮಾರುಕಟ್ಟೆಗೆ ಬರ್ತಿದೆ ನಾಯ್ಸ್​ನ ನ್ಯೂ ಕಲೆಕ್ಷನ್ಸ್, ಈ ವಿಶೇಷ ಬೆಲೆಯ ಸ್ಮಾರ್ಟ್ ವಾಚ್ ಹೇಗಿದೆ ನೋಡಿ

ಪ್ರಸಿದ್ಧ ಸ್ಮಾರ್ಟ್​ವಾಚ್ ಕಂಪನಿಯಾಗಿರುವ (Smartwatch Company) ನಾಯ್ಸ್​ ಕಂಪನಿ (Noise Company) ದಿನದಿಂದ ದಿನಕ್ಕೆ ಮಾರುಕಟ್ಟೆಗೆ ತನ್ನ ಉತ್ಪನ್ನಗಳನ್ನು ಬಿಡುಗಡೆ ಮಾಡುವ ಮೂಲಕ ಮಾರುಕಟ್ಟೆಯಲ್ಲಿ ತನ್ನದೇ ಆದ ಸ್ಥಾನವನ್ನು ಪಡೆದುಕೊಂಡಿದೆ. ಇದೀಗ ನಾಯ್ಸ್ ​ಕಂಪನಿಯಿಂದ ಈ ಬಾರಿ ಹೊಸ ಸ್ಮಾರ್ಟ್​​ವಾಚ್​ ಬಿಡುಗಡೆಯಾಗಿದ್ದು ಅದಕ್ಕೆ ನಾಯ್ಸ್ ಕಲರ್​ಫಿಟ್​​ ಲೂಪ್  ಸ್ಮಾರ್ಟ್​ವಾಚ್ (Noise Colorfit Loop Smartwatch) ಎಂಬ ಹೆಸರನ್ನು ಇಡಲಾಗಿದೆ. ಇದಕ್ಕಿಂತ ಮೊದಲು ಬಿಡುಗಡೆಯಾದಂತಹ ಸ್ಮಾರ್ಟ್​ವಾಚ್​ಗಳಿಗೆ ಈಗಲೂ ಮಾರುಕಟ್ಟೆಯಲ್ಲಿ ಬಹಳಷ್ಟು ಬೇಡಿಕೆಯಲ್ಲಿದೆ. ಇದೀಗ ಬಿಡುಗಡೆಯಾಗಿರುವ ನಾಯ್ಸ್​ ಕಲರ್​ಫಿಟ್​ ಲೂಪ್​ ಸ್ಮಾರ್ಟ್​​ವಾಚ್ ಬಹಳಷ್ಟು ಫೀಚರ್ಸ್​ ಅನ್ನು ಒಳಗೊಂಡಿದ್ದು ಇದು 6 ಬಣ್ಣಗಳಲ್ಲಿ ಖರೀದಿ ಮಾಡಬಹುದಾದ ಅವಕಾಶಗಳಿವೆ.

ನಾಯ್ಸ್​ ಕಂಪನಿ ಪ್ರತೀ ಬಾರಿಯೂ ತನ್ನ ಕಂಪನಿಯ ಅಡಿಯಲ್ಲಿ ಬಿಡುಗಡೆ ಮಾಡುವಂತಹ ಸ್ಮಾರ್ಟ್​ವಾಚ್ ಏನಾದರೊಂದು ಸ್ಪೆಷಲ್ ಫೀಚರ್ಸ್​ ಅನ್ನು ಹೊಂದಿರುತ್ತದೆ. ಹಾಗಿದ್ರೆ ಈ ಬಾರಿ ಮಾರುಕಟ್ಟೆಗೆ ಕಾಲಿಡುತ್ತಿರುವ ಸ್ಮಾರ್ಟ್​ವಾಚ್​ನ ಬೆಲೆ, ಫೀಚರ್ಸ್​ ಹೇಗಿದೆ ಎಂದು ಈ ಕೆಳಗೆ ಓದಿ.

ಫೀಚರ್ಸ್​​:

ಹೊಸ ನಾಯ್ಸ್ ಕಲರ್‌ಫಿಟ್ ಲೂಪ್ ಸ್ಮಾರ್ಟ್‌ವಾಚ್ 60Hz ರಿಫ್ರೆಶ್ ದರದೊಂದಿಗೆ ದೊಡ್ಡ 1.85-ಇಂಚಿನ ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಸ್ಮಾರ್ಟ್​ವಾಚ್ 2.5D ಕರ್ವ್ಡ್ ಗ್ಲಾಸ್ ಕ್ಲಬ್ ಡಿಸ್ಪ್ಲೇ 550 ನಿಟ್ಸ್ ಬ್ರೈಟ್ನೆಸ್ ನೀಡುತ್ತದೆ. ಟ್ರೂ ಸಿಂಕ್ ತಂತ್ರಜ್ಞಾನದಿಂದ ನಡೆಸಲ್ಪಡುವ ಈ ಹೊಸ ಸ್ಮಾರ್ಟ್ ವಾಚ್ ಸಿಂಗಲ್ ಚಿಪ್ ಬ್ಲೂಟೂತ್ 5.3 ನೊಂದಿಗೆ ಬರುತ್ತದೆ.

ಇದನ್ನೂ ಓದಿ: ನಿಮ್ಮ ಮೊಬೈಲ್​ ಸ್ಟೋರೇಜ್​ ಬೇಗನೆ ಫುಲ್​ ಆಗುತ್ತಾ? ಈ ಟ್ರಿಕ್ಸ್​ ಫಾಲೋಮಾಡಿ ಕ್ಲಿಯರ್ ಮಾಡಿ

ಈ ಸ್ಮಾರ್ಟ್‌ವಾಚ್ ಅನ್ನು ಸ್ಮಾರ್ಟ್‌ಫೋನ್‌ನೊಂದಿಗೆ ಸುಲಭವಾಗಿ ಸಂಪರ್ಕಿಸಬಹುದಾಗಿದೆ. ಇದರ ಲ್ಯಾಗ್-ಫ್ರೀ ಯೂಸರ್ ಇಂಟರ್ಫೇಸ್ (UI) ಅತ್ಯುತ್ತಮ ಸ್ಕ್ರೀನ್​ನ ಅನುಭವವನ್ನು ನೀಡುತ್ತದೆ. ಇನ್ನು ಈ ಸ್ಮಾರ್ಟ್​ವಾಚ್​ ವಾಟರ್​ಪ್ರೂಫ್ ಆಗಿರುತ್ತದೆ.

ನಾಯ್ಸ್​ ಕಲರ್​ಫಿಟ್​ ಲೂಪ್​ ಸ್ಮಾರ್ಟ್​ವಾಚ್

ಬ್ಯಾಟರಿ:

ಇನ್ನು ಈ ಸ್ಮಾರ್ಟ್​ವಾಚ್ ಅನ್ನು ಒಮ್ಮೆ ಫುಲ್ ಚಾರ್ಜ್​ ಮಾಡಿದರೆ ಏಳು ದಿನಗಳವರೆಗೆ ಸುಲಭವಾಗಿ ಬಳಸಬಹುದು.

ಇತರ ಫೀಚರ್ಸ್​:

ಈ ಸ್ಮಾರ್ಟ್​​ವಾಚ್​​ನೊಂದಿಗೆ ನೀವು SPO2 ಫೀಚರ್ಸ್​ ಕೂಡ ಇದೆ ಇದರಿಂದ ಹೃದಯ ಬಡಿತ, ನಿದ್ರೆ, ಉಸಿರಾಟ, ಬಿಪಿ ಮುಂತಾದ ಎಲ್ಲಾ ಪ್ರಮುಖ ವಿಷಯಗಳನ್ನು ಟ್ರ್ಯಾಕ್ ಮಾಡಬಹುದಾಗಿದೆ. "ಸ್ಮಾರ್ಟ್‌ವಾಚ್‌ನ ಸೂಟ್ ಕ್ಯಾಲ್ಕುಲೇಟರ್, ಈವೆಂಟ್ ರಿಮೈಂಡರ್, ಹವಾಮಾನ ವರದಿಗಳನ್ನು, ಕರೆಗಳು, ಎಸ್‌ಎಂಎಸ್, ಅಪ್ಲಿಕೇಶನ್ ಅಧಿಸೂಚನೆಗಳು, ಸ್ಮಾರ್ಟ್ ಡಿಎನ್‌ಡಿಯಂತಹ ಫೀಚರ್ಸ್​ಗಳನ್ನು ಒಳಗೊಂಡಿದೆ.

ನಾಯ್ಸ್​ ಕಲರ್​ಫಿಟ್​ ಲೂಪ್​ ಸ್ಮಾರ್ಟ್​ವಾಚ್

ಬೆಲೆ

ನಾಯ್ಸ್ ಕಲರ್ ಫಿಟ್ ಲೂಪ್ ಸ್ಮಾರ್ಟ್ ವಾಚ್ ಅನ್ನು 2499 ರೂಪಾಯಿ ಬೆಲೆಯಲ್ಲಿ ಬಿಡುಗಡೆ ಮಾಡಲಾಗಿದೆ. ಇದನ್ನು ಜನಪ್ರಿಯ ಇ-ಕಾಮರ್ಸ್ ವೆಬ್​ಸೈಟ್​ ಆಗಿರುವ ಫ್ಲಿಪ್‌ಕಾರ್ಟ್ ಮತ್ತು Gonoise.com ನ ಅಧಿಕೃತ ವೆಬ್‌ಸೈಟ್ ಮೂಲಕ ಖರೀದಿಸಬಹುದು. ಇವುಗಳ ಮಾರಾಟವನ್ನು ಈಗಾಗಲೇ ಆರಂಭಿಸಿರುವುದಾಗಿ ಕಂಪನಿ ಪ್ರಕಟಣೆಯಲ್ಲಿ ತಿಳಿಸಿದೆ.

ಸಂಸ್ಥಾಪಕ ಅಮಿತ್​ ಖತ್ರಿಯವರ ಹೇಳಿಕೆ:

ಕಲರ್‌ಫಿಟ್ ಲೂಪ್ ಸ್ಮಾರ್ಟ್‌ವಾಚ್ ಬಿಡುಗಡೆ ಕುರಿತು ನಾಯ್ಸ್‌ನ ಸಹ-ಸಂಸ್ಥಾಪಕ ಅಮಿತ್ ಖತ್ರಿ, “ನಾವು ಬಳಕೆದಾರರ ನಿರೀಕ್ಷೆಗೆ ಅನುಗುಣವಾಗಿ ನಮ್ಮ ಸ್ಮಾರ್ಟ್ ಉತ್ಪನ್ನಗಳನ್ನು ತಯಾರಿಸುತ್ತಿದ್ದೇವೆ. ನಾವು ಹೊಸ ಉತ್ಪನ್ನವನ್ನು ಪ್ರಾರಂಭಿಸಿದಾಗಲೆಲ್ಲಾ ಬಳಕೆದಾರರ ಅಗತ್ಯಗಳನ್ನು ಫೂರೈಸುವತ್ತ ಗಮನ ಹರಿಸುತ್ತೇವೆ.

ನಾಯ್ಸ್​ ಕಲರ್​ಫಿಟ್​ ಲೂಪ್​ ಸ್ಮಾರ್ಟ್​ವಾಚ್

ಅದೇ ರೀತಿ, ನಾವು ನಮ್ಮ ಇತ್ತೀಚಿನ ಉತ್ಪನ್ನದಲ್ಲಿ TrueSync ತಂತ್ರಜ್ಞಾನವನ್ನು ಸೇರಿಸಿದ್ದೇವೆ. ಸ್ಮಾರ್ಟ್ ವಾಚ್‌ನಲ್ಲಿ ಪವರ್-ಪ್ಯಾಕ್ಡ್ ಅನುಭವವನ್ನು ಬಯಸುವ ಯುವತಿಯರಿಗೆ ನಾಯ್ಸ್ ಕಲರ್‌ಫಿಟ್ ಲೂಪ್ ಸ್ಮಾರ್ಟ್‌ವಾಚ್ ಅತ್ಯುತ್ತಮ ಆಯ್ಕೆಯಾಗಿದೆ. ಎಮದು ಹೇಳಿದ್ದಾರೆ.

ಇದು ನಾಯ್ಸ್​ ಕಂಪನಿ ಬಿಡುಗಡೆ ಮಾಡಿದ ಸ್ಮಾರ್ಟ್​​ವಾಚ್​ನ ಬೆಲೆ ಮತ್ತು ವಿಶೇಷತೆಗಳಾಗಿವೆ.