• Home
  • »
  • News
  • »
  • tech
  • »
  • Netflix and Boat Rockers: ನೆಟ್​ಫ್ಲಿಕ್ಸ್​ನ ಹೊಸ ಆವಿಷ್ಕಾರ; ಏಕಕಾಲದಲ್ಲಿ ಕಂಪನಿಯ ಮೂರು ಹೊಸ ಆಡಿಯೋ ಡಿವೈಸ್​ಗಳ ಲಾಂಚ್

Netflix and Boat Rockers: ನೆಟ್​ಫ್ಲಿಕ್ಸ್​ನ ಹೊಸ ಆವಿಷ್ಕಾರ; ಏಕಕಾಲದಲ್ಲಿ ಕಂಪನಿಯ ಮೂರು ಹೊಸ ಆಡಿಯೋ ಡಿವೈಸ್​ಗಳ ಲಾಂಚ್

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ನೆಟ್​ಫ್ಲಿಕ್ಸ್​ ಓಟಿಟಿ ಪ್ಲಾಟ್​ಫಾರ್ಮ್​ ಆಗಿ ಬೋಟ್​ನೊಂದಿಗೆ ಕೈಜೋಡಿಸಿದ್ದು ವಿಶೇಷ ಎನ್ನಬಹುದು. ಇದೀಗ ಕೆಲವೇ ದಿನಗಳಲ್ಲಿ ಈ ಎರಡು ಕಂಪನಿಗಳಿಂದ 3 ಆಡಿಯೋ ಡಿವೈಸ್​ಗಳು ದೇಶದ ಮಾರುಕಟ್ಟೆಗೆ ಕಾಲಿಡಲಿದೆ. ಹಾಗಿದ್ರೆ ಇದರ ಬೆಲೆ, ವಿಶೇಷತೆಗಳೇನು ಎಂಬುದನ್ನು ಈ ಕೆಳಗೆ ಓದೋಣ.

  • Share this:

    ಓಟಿಟಿ ಪ್ಲಾಟ್​ಫಾರ್ಮ್ (OTT Platform)​ ಮೂಲಕ ಎಲ್ಲರ ಗಮನ ಸೆಳೆದಿದ್ದ ನೆಟ್​ಫ್ಲಿಕ್ಸ್ (Netflix) ಇದೀಗ ಹೊಸ ಪ್ರಯತ್ನವನ್ನು ಕೈಗೊಂಡಿದೆ. ಈ ಮೂಲಕ ನೆಟ್​ಫ್ಲಿಕ್ಸ್ ಇಂಡಿಯಾ ಮತ್ತು ಬೋಟ್​ ರಾಕರ್ಸ್​ (Boat Rockers) ಇವೆರಡೂ ಕಂಪನಿಗಳು ಸೇರಿಕೊಂಡು 3 ಆಡಿಯೋ ಡಿವೈಸ್​ಗಳನ್ನು (Audio Device) ಬಿಡುಗಡೆ ಮಾಡಲು ಸಜ್ಜಾಗಿದ್ದಾರೆ. ನೆಟ್​ಫ್ಲಿಕ್ಸ್​ ಎಂಬು ಒಂದು ಓಟಿಟಿ ವೇದಿಕೆಯಾಗಿದ್ದು ಇದು ತನ್ನ ಪ್ಲಾಟ್​ಫಾರ್ಮ್​ನಲ್ಲಿ ವಿಡಿಯೋ ಸ್ಟ್ರೀಮಿಂಗ್ (Video Streaming) ಮಾಡುವ ಮೂಲಕ ಬಹಳಷ್ಟು ಗ್ರಾಹಕರನ್ನು ಹೊಂದಿತ್ತು. ಆದರೆ ಬೋಟ್​ ತನ್ನ ಆಡಿಯೋ ಡಿವೈಸ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ದೇಶದ ಮಾರುಕಟ್ಟೆಯಲ್ಲಿ ಉತ್ತಮ ಸ್ಥಾನವನ್ನು ಪಡೆದೊಂಡಿದೆ. ಇದೀಗ ಈ ಎರಡು ಕಂಪನಿಗಳು ಸೇರಿ ಟೆಕ್ನಾಲಜಿ ಮಾರುಕಟ್ಟೆಯಲ್ಲಿ ಹೊಸ ಸಂಚಲನವನ್ನು ಮೂಡಿಸಲಿದೆ.


    ಹೌದು, ನೆಟ್​ಫ್ಲಿಕ್ಸ್​ ಓಟಿಟಿ ಪ್ಲಾಟ್​ಫಾರ್ಮ್​ ಆಗಿ ಬೋಟ್​ನೊಂದಿಗೆ ಕೈಜೋಡಿಸಿದ್ದು ವಿಶೇಷ ಎನ್ನಬಹುದು. ಇದೀಗ ಕೆಲವೇ ದಿನಗಳಲ್ಲಿ ಈ ಎರಡು ಕಂಪನಿಗಳಿಂದ 3 ಆಡಿಯೋ ಡಿವೈಸ್​ಗಳು ದೇಶದ ಮಾರುಕಟ್ಟೆಗೆ ಕಾಲಿಡಲಿದೆ. ಹಾಗಿದ್ರೆ ಇದರ ಬೆಲೆ, ವಿಶೇಷತೆಗಳೇನು ಎಂಬುದನ್ನು ಈ ಕೆಳಗೆ ಓದೋಣ.


    ಯಾವುದೆಲ್ಲಾ ಆ ಬೋಟ್​, ನೆಟ್​ಫ್ಲಿಕ್ಸ್​ನ ಡಿವೈಸ್​ಗಳು:


    ನೆಟ್‌ಫ್ಲಿಕ್ಸ್‌ ಈ ಬಾರಿ ಬಿಡುಗಡೆ ಮಾಡಲಿರುವಂತಹ ಪ್ರೊಡಕ್ಟ್​ನ ಮುಖ್ಯ ಉದ್ದೇಶವೇ ನಾಯ್ಸ್‌ಕ್ಯಾನ್ಸಲಿಂಗ್‌ ಫೀಚರ್ಸ್‌ ಅನ್ನು ಒಳಗೊಂಡಿರುವುದು. ಈ ಬೋಟ್ ಮತ್ತು ನೆಟ್​ಫ್ಲಿಕ್ಸ್​ ಬಿಡುಗಡೆ ಮಾಡುವಂತಹ ಪ್ರೊಡಕ್ಟ್​ಗಳು ಇದೇ​ ಡಿಸೆಂಬರ್ 20 ರಿಂದ ಮಾರುಕಟ್ಟೆಯಲ್ಲಿ ಲಭ್ಯ ಇರಲಿವೆ. ಬೋಟ್‌‌ X ನೆಟ್‌ಫ್ಲಿಕ್ಸ್‌ ಸ್ಟ್ರೀಮ್ ಆವೃತ್ತಿಯು ಮೂರು ವರ್ಷನ್​ಗಳಲ್ಲಿ ಬರಲಿದೆ, ಬೋಟ್ ನಿರ್ವಾಣ 751ANC, ಏರ್‌ಡೋಪ್ಸ್‌ 411ANC ಮತ್ತು ರಾಕರ್ಸ್‌ 333 ಪ್ರೋಗಳಾಗಿದೆ. ಈ ಸಾಧನಗಳಿಗೆ ಈಗಾಗಲೇ ಪ್ರಿಬುಕಿಂಗ್‌ ಆರಂಭವಾಗಿದೆ.


    ಇದನ್ನೂ ಓದಿ: ಜನಪ್ರಿಯ ’ಕೂ’ ಆ್ಯಪ್​ನ ಟ್ವಿಟರ್​ ಅಕೌಂಟ್​ ಡಿಲೀಟ್​! ಕಾರಣ ಏನು ಗೊತ್ತಾ?


    ಬೋಟ್​ ನಿರ್ವಾಣ 751ANC:


    ಬೋಟ್​ ಮತ್ತು ನೆಟ್​ಫ್ಲಿಕ್ಸ್​ನಿಂದ ಬಿಡುಗಡೆಯಾಗುವಂತಹ ಬೋಟ್​ ನಿರ್ವಾಣ 751ಎಎನ್​ಸಿ ಆಡಿಯೋ ಗ್ಯಾಜೆಟ್​ ಉತ್ತಮ ಫೀಚರ್ಸ್ ಅನ್ನು ಹೊದಿರಲಿದೆ. ಇದು ವಾಯರ್​​ಲೆಸ್​ ಹೆಡ್​ಫೋನ್​ ಆಗಿದ್ದು. 40mm ಡ್ರೈವರ್​ಗಳನ್ನು ಹೊಂದಿದೆ. ಈ ಮೂಲಕ ನಾಯ್ಸ್​ ಕ್ಯಾನ್ಸಲಿಂಗ್​ ಫೀಚರ್ಸ್​ ಅನ್ನು ಹೊಂದಿದ್ದು 1ಡಿಬಿಯವರೆಗೆ ಇದು ಒಳಗೊಂಡಿದೆ. ಇದನ್ನು ಒಮ್ಮೆ ಫುಲ್​ ಚಾರ್ಜ್​ ಮಾಡಿದ್ರೆ 65 ಗಂಟೆಗಳ ಕಾಲ ನಿರಂತರವಾಗಿ ಬಳಕೆ ಮಾಡಬಹುದಾಗಿದೆ.


    ಬೋಟ್​ ಏರ್​ಡೊಪ್ಸ್​ 411ANC


    ಇದು ಕೂಡ ವಾಯರ್​ಲೆಸ್​ ಇಯರ್​ಬಡ್ಸ್ ಆಗಿದೆ. ಇದು ನಾಯ್ಸ್​ ಕ್ಯಾನ್ಸಲಿಂಗ್ ಫೀಚರ್​​ ಅನ್ನು ಒಳಗೊಂಡಿದ್ದು ಇದು 25ಡಿಬಿಯವರೆಗೆ ಫೀಚರ್​ ಅನ್ನು ಹೊಂದಿದೆ.ಇನ್ನು ಇದು 10mm ಡ್ರೈವರ್​ಗಳನ್ನು ಹೊಂದಿಕೊಂಡು ಉತ್ತಮ ಸೌಂಡ್​ ಅನ್ನು ಇದು ನೀಡುತ್ತದೆ. ಇನ್ನು ಇದರ ಬ್ಯಾಟರಿ ಫೀಚರ್ಸ್ ಬಗ್ಗೆ ಹೇಳುವುದಾದರೆ ಒಮ್ಮೆ ಫುಲ್​ ಚಾರ್ಜ್​ ಮಾಡಿದ್ರೆ 17.5 ಗಂಟೆಯವರೆಗೆ ನಿರಂತರವಾಗಿ ಬಳಸಬಹುದಾಗಿದೆ.


    ರಾಕರ್ಸ್​ 333 ಪ್ರೋ ನೆಕ್​ಬ್ಯಾಂಡ್​ನ ಫೀಚರ್ಸ್​


    ಈ ರಾಕರ್ಸ್​ 333 ಪ್ರೋ ನೆಕ್​ಬ್ಯಾಂಡ್​ ವಾಯರ್​ಲೆಸ್​ ಬ್ಲೂಟೂತ್​ ನೆಕ್​ ಬ್ಯಾಂಡ್​ ಆಗಿದ್ದು ಡ್ಯುಯಲ್​ 10mm ಡ್ರೈವರ್​ಗಳೊಂದಿಗೆ ಉತ್ತಮ ಸೌಂಡ್​ ಫೀಚರ್​​ ಅನ್ನು ಹೊಂದಿದೆ. ಇನ್ನು ಇದು ಬಹಳ ಹಗುರವಾದ ವಿನ್ಯಾಸವನ್ನು ಹೊಂದಿದೆ. ಬ್ಲೂಟೂತ್ ಆವೃತ್ತಿ v5.2 ನಲ್ಲಿ ಕಾರ್ಯನಿರ್ವಹಿಸಲಿದೆ. ಹಾಗೆಯೇ IPX5 ರೇಟಿಂಗ್‌ನೊಂದಿಗೆ ಬೆವರು ಮತ್ತು ನೀರು ನಿರೋಧಕವಾಗಿದ್ದು, 150mAh ಸಾಮರ್ಥ್ಯದ ಬ್ಯಾಟರಿ ಮತ್ತು ಚಾರ್ಜಿಂಗ್‌ಗಾಗಿ ಯುಎಸ್‌ಬಿ ಟೈಪ್-ಸಿ ಪೋರ್ಟ್ ಅನ್ನು ನೀಡಲಾಗಿದೆ.


    ಬೆಲೆ ಮತ್ತು ಲಭ್ಯತೆ:


    ಬೋಟ್‌ ನಿರ್ವಾಣ 751ANC ಡಿವೈಸ್‌ಗೆ 3,999 ರೂಪಾಯಿಯಲ್ಲಿ ಖರೀದಿ ಮಾಡಬಹುದಾಗಿದೆ.


    ಹಾಗೆಯೇ ಬೋಟ್‌ ಏರ್‌ಡೋಪ್ಸ್‌ 411ANC ಇಯರ್‌ಬಡ್ಸ್‌ಗೆ 2,999 ರೂ. ಗಳ ಬೆಲೆ ನಿಗದಿ ಮಾಡಲಾಗಿದೆ.


    ರಾಕರ್ಸ್ 333 ಪ್ರೋ ನೆಕ್‌ಬ್ಯಾಂಡ್‌ಗೆ 1,699 ರೂ.ಗಳ ಬೆಲೆ ಇದೆ. ಈ ಆಡಿಯೋ ಡಿವೈಸ್‌ಗಳು ಪ್ರಸ್ತುತವಾಗಿ ಪ್ರೀ ಬುಕಿಂಗ್ ಮಾಡಿ ಖರೀದಿ ಮಾಡಬಹುದು. ಇವುಗಳ ಮಾರಾಟವು ಡಿಸೆಂಬರ್ 20 ರಂದು ಮಧ್ಯಾಹ್ನ 12 ಗಂಟೆಗೆ ಇಕಾಮರ್ಸ್​ ವೆಬ್​ಸೈಟ್​​ನಲ್ಲಿ ಪ್ರಾರಂಭವಾಗುತ್ತದೆ.

    Published by:Prajwal B
    First published: