• Home
  • »
  • News
  • »
  • tech
  • »
  • Motorola E13 Smartphone: ಬಿಡುಗಡೆಗೂ ಮುನ್ನ ಕುತೂಹಲ ಹುಟ್ಟಿಸಿದ ಮೊಟೊರೊಲಾ ಸ್ಮಾರ್ಟ್​ಫೋನ್ಸ್​!

Motorola E13 Smartphone: ಬಿಡುಗಡೆಗೂ ಮುನ್ನ ಕುತೂಹಲ ಹುಟ್ಟಿಸಿದ ಮೊಟೊರೊಲಾ ಸ್ಮಾರ್ಟ್​ಫೋನ್ಸ್​!

ಮೊಟೊರೊಲಾ ಸ್ಮಾರ್ಟ್​ಫೋನ್ಸ್

ಮೊಟೊರೊಲಾ ಸ್ಮಾರ್ಟ್​ಫೋನ್ಸ್

ಮೊಟೊರೊಲಾ ಕಂಪನಿಯಿಂದ ಬಿಡುಗಡೆಯಾಗುವಂತಹ ಸ್ಮಾರ್ಟ್​ಫೋನ್​ ಮೊಟೊ ಇ13 ಎಂಬುದಾಗಿದೆ. ಈ ಸ್ಮಾರ್ಟ್​ಫೋನ್​ ಮುಂದಿನ ವರ್ಷದಲ್ಲಿ ಬಿಡುಗಡೆಯಾಗಲಿದ್ದು ಬಿಡುಗಡೆಯ ಮೊದಲೇ ಇದರ ಕೆಲವೊಂದು ಫೀಚರ್ಸ್​ ಸೋಶಿಯಲ್​ ಮೀಡಿಯಾದಲ್ಲಿ ಸೋರಿಕೆಯಾಗಿದೆ. ಹಾಗಿದ್ರೆ ಮೊಟೊ ಇ13 ಮೊಬೈಲ್​ನ ಫೀಚರ್ಸ್ ಹೇಗಿದೆ ಎಂಬುದನ್ನು ಇಲ್ಲಿ ತಿಳಿಯಿರಿ.

ಮುಂದೆ ಓದಿ ...
  • Share this:

    ಜಾಗತಿಕ ಮಾರುಕಟ್ಟೆಯಲ್ಲಿ ಹಲವಾರು ಮೊಬೈಲ್ ಕಂಪನಿಗಳಿವೆ (Mobile Company). ಆದರೆ ಇದರಲ್ಲಿ ಜನಪ್ರಿಯ ಪಡೆದುಕೊಂಡ ಕಂಪನಿಗಳು ಕೆಲವೇ ಕೆಲವು. ಆ ಸಾಲಿನಲ್ಲಿ ಮೊಟೊರೊಲಾ ಕಂಪನಿ (Motorola Company) ಕೂಡ ಒಂದು. ಇದೀಗ ಮೊಟೊರೊಲಾ ಕಂಪನಿಯಿಂದ ಹೊಸ ಸ್ಮಾರ್ಟ್​ಫೋನ್​ ಬರುತ್ತಿದೆ ಎಮದು ಸುದ್ದಿಯಾಗಿದ್ದು, ಇದು ಬಿಡುಗಡೆಗೂ ಮೊದಲೇ ಗ್ರಾಹಕರಲ್ಲಿ ಭಾರೀ ಕುತೂಹಲವನ್ನು ಮೂಡಿಸಿದೆ. ಇದೀಗ ಮೊಟೊ ಕಂಪನಿಯಿಂದ ಬಿಡುಗಡೆಯಾಗುತ್ತಿರುವ ಸ್ಮಾರ್ಟ್​ಫೋನ್ ಮೊಟೊ ಇ13 (Moto E13) ಎಂಬುದಾಗಿದ್ದು ಈ ಮೊಬೈಲ್​ನ ಫೋಟೋ ಜೊತೆಗೆ ಇದರ ಫೀಚರ್ಸ್​ ಕೂಡ ಸೋರಿಕೆಯಾಗಿದೆ. ಮುಂದಿನ ವರ್ಷದಲ್ಲಿ ಬಿಡುಗಡೆಯಾಗುವಂತಹ ನಿರೀಕ್ಷೆಯಿದ್ದು, ಮಾರುಕಟ್ಟೆಯಲ್ಲಿ ವಿಶೇಷ ರೀತಿಯ ಫೀಚರ್ಸ್​ ಅನ್ನು ಹೊಂದಿಕೊಂಡು ಬರಲಿದೆ ಎಂದು ಹೇಳಲಾಗಿದೆ.


    ಮೊಟೊರೊಲಾ ಕಂಪನಿಯಿಂದ ಬಿಡುಗಡೆಯಾಗುವಂತಹ ಸ್ಮಾರ್ಟ್​ಫೋನ್​ ಮೊಟೊ ಇ13 ಎಂಬುದಾಗಿದೆ. ಈ ಸ್ಮಾರ್ಟ್​ಫೋನ್​ ಮುಂದಿನ ವರ್ಷದಲ್ಲಿ ಬಿಡುಗಡೆಯಾಗಲಿದ್ದು ಬಿಡುಗಡೆಯ ಮೊದಲೇ ಇದರ ಕೆಲವೊಂದು ಫೀಚರ್ಸ್​ ಸೋಶಿಯಲ್​ ಮೀಡಿಯಾದಲ್ಲಿ ಸೋರಿಕೆಯಾಗಿದೆ. ಹಾಗಿದ್ರೆ ಮೊಟೊ ಇ13 ಮೊಬೈಲ್​ನ ಫೀಚರ್ಸ್ ಹೇಗಿದೆ ಎಂಬುದನ್ನು ಇಲ್ಲಿ ತಿಳಿಯಿರಿ.


    ಮೊಟೊ ಇ13 ಪ್ರೊಸೆಸರ್​​ ಹೇಗೆ ಕಾರ್ಯನಿರ್ವಹಿಸುತ್ತದೆ?


    ಮೊಟೊ ಇ13 ಸ್ಮಾರ್ಟ್‌ಫೋನ್‌ ಯುನಿಸೊಕ್ ಟಿ606 ಪ್ರೊಸೆಸರ್‌ ವೇಗದಲ್ಲಿ ಕಾರ್ಯನಿರ್ವಹಿಸಲಿದೆ. ಅಲ್ಲದೆ ಇದು ಆಂಡ್ರಾಯ್ಡ್ 13 ಗೋ ವರ್ಷನ್​ನಲ್ಲಿ ಸ್ಮಾರ್ಟ್​ಫೋನ್ ಅನ್ನು ರನ್ ಮಾಡುವ ಸಾಧ್ಯತೆಯಿದೆ. ಹಾಗೆಯೇ 2ಜಿಬಿ ರ್‍ಯಾಮ್ ಮತ್ತು 32ಜಿಬಿ ಇಂಟರ್ನಲ್​ ಸ್ಟೋರೇಜ್‌ ಸಾಮರ್ಥ್ಯವನ್ನು ಹೊಂದಿರಲಿದೆ. ಇದಲ್ಲದೆ ಮೆಮೊರಿ ಕಾರ್ಡ್‌ ಮೂಲಕ 1TB ವೆರೆಗೆ ಸ್ಟೋರೇಜ್​ ಸಾಮರ್ಥ್ಯವನ್ನು ವಿಸ್ತರಿಸುವ ಅವಕಾಶವನ್ನು ನೀಡಲಿದೆ.


    ಇದನ್ನೂ ಓದಿ: ವಿವೋದಿಂದ 3 ಹೊಚ್ಚಹೊಸ ಸ್ಮಾರ್ಟ್​​ಫೋನ್​ಗಳ ಬಿಡುಗಡೆ! ಹೊಸವರ್ಷಕ್ಕೆ ಅನಾವರಣ


    ಮೊಟೊ ಇ13 ಸ್ಮಾರ್ಟ್​ಫೋನ್ ಫೀಚರ್ಸ್​


    ಮೊಟೊ ಇ13 ಸ್ಮಾರ್ಟ್‌ಫೋನ್‌ ಎಂಟ್ರಿ ಲೆವೆಲ್‌ ಸ್ಮಾರ್ಟ್‌ಫೋನ್‌ ಆಗಿರುವುದರಿಂದ ಇದು 6.73 ಇಂಚಿನ ಹೆಚ್‌ಡಿ ಡಿಸ್‌ಪ್ಲೇ ಹೊಂದಿರಬಹುದು ಎಂದು ನಿರೀಕ್ಷಿಸಲಾಗಿದೆ. ಈ ಡಿಸ್‌ಪ್ಲೇ 20.5:9 ರಚನೆಯ ಅನುಪಾತವನ್ನು ಹೊಂದಿರಬಹುದು ಎಂದು ಸೋರಿಕೆಯಾದ ಫೋಟೋ ವನ್ನು ನೋಡಿ ಅಂದಾಜಿಸಬಹುದು. ಅಲ್ಲದೆ ಡಿಸ್‌ಪ್ಲೇ ವಾಟರ್‌ಡ್ರಾಪ್-ಶೈಲಿಯ ನಾಚ್ ವಿನ್ಯಾಸವನ್ನು ಹೊಂದಿರಬಹುದು ಎಂದು ವರದಿಯಲ್ಲಿ ಹೇಳಲಾಗಿದೆ.


    ಕ್ಯಾಮೆರಾ ಫೀಚರ್ಸ್​​


    ಈ ಸ್ಮಾರ್ಟ್‌ಫೋನ್‌ ಹಿಂಭಾಗದಲ್ಲಿ ಡ್ಯುಯಲ್ ಕ್ಯಾಮೆರಾ ಸೆಟಪ್​​ ಅನ್ನು ಹೊಂದಿದೆ. ಆದರೆ ಇದರಲ್ಲಿ ಒಂದು ಮಾತ್ರ ಕ್ಯಾಮೆರಾದಲ್ಲಿ ಸೆನ್ಸಾರ್‌ ಇರಲಿದೆ. ಇನ್ನೊಂದು ಕ್ಯಾಮೆರಾದಲ್ಲಿ ಎಲ್‌ಇಡಿ ಫ್ಲ್ಯಾಷ್‌ ಲೈಟ್‌ ಇರಲಿದೆ ಎಂದು ನಿರೀಕ್ಷಿಸಲಾಗಿದೆ. ಇದಲ್ಲದೆ ಈ ಸ್ಮಾರ್ಟ್‌ಫೋನ್‌ 5 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸೆಲ್ಫಿ ಕ್ಯಾಮೆರಾವನ್ನು ಹೊಂದಿರಬಹುದು ಎಂದು ನಿರೀಕ್ಷಿಸಲಾಗಿದೆ.


    ಬ್ಯಾಟರಿ ಫೀಚರ್ಸ್​ ಹೇಗಿರಲಿದೆ?


    ಮೊಟೊ ಇ13 ಸ್ಮಾರ್ಟ್‌ಫೋನ್‌ 5000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿರು ನಿರೀಕ್ಷೆಯಿದೆ. ಇದು ವೇಗದ ಚಾರ್ಜಿಂಗ್ ಬೆಂಬಲಿಸುವ ಸಾಮರ್ಥ್ಯದ ಬಗ್ಗೆ ಯಾವುದೇ ಮಾಹಿತಿಯಿಲ್ಲ. ಜೊತೆಗೆ ಫೋನ್‌ನ ಕೆಳಭಾಗದಲ್ಲಿ ಯುಎಸ್​​ಬಿ ಟೈಪ್​ ಸಿ ಪೋರ್ಟ್‌ನೊಂದಿಗೆ ಬರುತ್ತದೆ ಎಂದು ರೆಂಡರ್‌ಗಳು ತೋರಿಸುತ್ತವೆ. ಹಾಗೆಯೇ ಪೋರ್ಟ್ ಪಕ್ಕದಲ್ಲಿ ಬಲಭಾಗದಲ್ಲಿ ಸ್ಪೀಕರ್ ಗ್ರಿಲ್ ಮತ್ತು ಎಡಭಾಗದಲ್ಲಿ ಮೈಕ್ರೊಫೋನ್ ಇದೆ.


    ಬೆಲೆ ಮತ್ತು ಲಭ್ಯತೆ:


    ಮೊಟೊರೊಲಾ ಕಂಪನಿಯ ಈ ಮೊಬೈಲ್ ಆರಂಭದ ಹಂತದಲ್ಲಿ ಇರುವುದರಿಂದ ಇದು 10 ಸಾವಿರ ರೂಪಾಯಿಯಲ್ಲಿ ಖರೀದಿಸುವ ಅವಕಾಶವನ್ನು ಗ್ರಾಹಕರಿಗೆ ನೀಡಬಹುದು ಎಂದು ನಿರೀಕ್ಷಿಸಲಾಗಿದೆ.


    ಮೊಟೊ ಎಕ್ಸ್​40 ಸ್ಮಾರ್ಟ್​​ಫೋನ್


    ಇದಲ್ಲದೆ ಮೊಟೊರೊಲಾ ಕಂಪನಿ ಇತ್ತೀಚಿಗೆ ಮೊಟೊರೊಲಾ ಕಂಪನಿ ಹೊಸ ಮೊಟೊ ಎಕ್ಸ್​​40 ಸ್ಮಾರ್ಟ್‌ಫೋನ್‌ ಬಿಡುಗಡೆ ಮಾಡಿದೆ. ಇನ್ನು ಮೊಟೊ ಎಕ್ಸ್​40 ಸ್ಮಾರ್ಟ್‌ಫೋನ್‌ 6.7 ಇಂಚಿನ ಫುಲ್‌ ಹೆಚ್‌ಡಿ ಪ್ಲಸ್‌ OLED ಡಿಸ್‌ಪ್ಲೇಯನ್ನು ಹೊಂದಿದೆ. ಈ ಸ್ಮಾರ್ಟ್‌ಫೋನ್‌ 60 ಮೆಗಾಪಿಕ್ಸೆಲ್‌ ಸೆನ್ಸಾರ್‌ ಸೆಲ್ಫಿ ಕ್ಯಾಮೆರಾ ಹೊಂದಿರುವುದು ಇದರ ದೊಡ್ಡ ಪ್ಲಸ್‌ ಪಾಯಿಂಟ್‌ ಆಗಿದೆ. ಜೊತೆಗೆ 4,600mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದ್ದು, 125W ವೈರ್ಡ್ ಫಾಸ್ಟ್ ಚಾರ್ಜಿಂಗ್ ಬೆಂಬಲವನ್ನು ಒಳಗೊಂಡಿದೆ.

    Published by:Prajwal B
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು