Moto Smartphones: ಮೊಟೊ ಕಂಪೆನಿಯ ಎರಡು ಸ್ಮಾರ್ಟ್​​ಫೋನ್​ಗಳು​ ಲಾಂಚ್​! ಬೆಲೆ ಎಷ್ಟು?

ಇತ್ತೀಚೆಗೆ  ಎಲ್ಲಿ ಹೋದರೂ ಸ್ಮಾರ್ಟ್​​​ಫೋನ್​ಗಳದ್ದೇ (Smartphones) ಹಾವಳಿ. ಇದು ಸ್ಮಾರ್ಟ್​​ಫೋನ್​ ಯುಗ ಎಂದರೂ ಒಮ್ಮೆ ತಪ್ಪಾಗದು. ಮಾರುಕಟ್ಟೆಗೆ ದಿನ ಕಳೆದಂತೆ  ಹೊಸ ರೀತಿಯ ಸ್ಮಾರ್ಟ್​​ಫೋನ್​ಗಳು ಬಿಡುಗಡೆಯಾಗುತ್ತಲೇ ಇರುತ್ತದೆ. ಅದೂ ಕೂಡ ಈ ವರ್ಷವಂತೂ ಬಿಡುಗಡೆಯಾದಂತಹ ಸ್ಮಾರ್ಟ್​​​ಫೋನ್​ಗಳಿಕೆ ಲೆಕ್ಕವೇ ಇಲ್ಲ. ತಿಂಗಳಿಗೆ 5 ರಿಂದ 7 ಸ್ಮಾರ್ಟ್​ಫೋನ್​ಗಳು ಮೊಬೈಲ್​ ಮಾರುಕಟ್ಟೆಗೆ ಲಗ್ಗೆ ಇಡುತ್ತಲೇ ಇದೆ. ಈ ಮಧ್ಯೆ ಜನಪ್ರಿಯ ಮೊಬೈಲ್ ತಯಾರಿಕಾ ಕಂಪೆನಿಯಾಗಿರು ಮೊಟೊರೊಲಾ ಕಂಪೆನಿಯ (Motorola Company) ಎರಡು ಸ್ಮಾರ್ಟ್​​ಫೋನ್​ಗಳು ಲಾಂಚ್​ ಆಗಿವೆ. ಈ ಎರಡೂ ಮೊಬೈಲ್​ಗಳು ವಿಭಿನ್ನ ಮಾದರಿ ವಿನ್ಯಾಸ (Design), ಫೀಚರ್ಸ್​ಗಳನ್ನು ಒಳಗೊಂಡು ಮಾರುಕಟ್ಟೆಯಲ್ಲಿ ಹೊಸ ಸಂಚಲನವನ್ನೇ ಮೂಡಿಸಲು ರೆಡಿಯಾಗಿವೆ ಎಂದು ಹೇಳ್ಬಹುದು.

ಮೊಟೊರೊಲಾ ಕಂಪೆನಿಯಿಂದ ಮೊಟೊ ಜಿ53 5ಜಿ ಮತ್ತು ಮೊಟೊ ಜಿ73 5ಜಿ ಸ್ಮಾರ್ಟ್​​​ಫೋನ್​ ಅನ್ನು ಬಿಡುಗಡೆ ಮಾಡಿದೆ. ಈ ಸ್ಮಾರ್ಟ್​​​ಫೋನ್​ಗಳು ಬೇರೆ ಬೇರೆ ರೀತಿಯ ಫೀಚರ್ಸ್​​ಗಳನ್ನು ಹೊಂದಿದ್ದು, ಈ ಸ್ಮಾರ್ಟ್​​​ಫೋನ್​ಗಳ ಫೀಚರ್ಸ್​​, ಬೆಲೆಯ ಬಗ್ಗೆ ಮಾಹಿತಿ ಇಲ್ಲಿದೆ.

ಮೊಟೊ ಜಿ73 ಮತ್ತು ಮೊಟೊ ಜಿ53 5ಜಿ ಸ್ಮಾರ್ಟ್​​​ಫೋನ್​ ಫೀಚರ್ಸ್

ಮೊಟೊ ಜಿ73 5ಜಿ ಸ್ಮಾರ್ಟ್‌ಫೋನ್‌ ವಿಶೇಷವಾಗಿ 6.5 ಇಂಚಿನ ಫುಲ್‌‌ ಹೆಚ್​ಡಿ+ ಐಪಿಎಸ್​ ಎಲ್​​ಸಿಡಿ ಡಿಸ್‌ಪ್ಲೇಯನ್ನು ಹೊಂದಿದೆ. ಇನ್ನು ಈ ಡಿಸ್​ಪ್ಲೇಯು 120Hz ರಿಫ್ರೆಶ್ ರೇಟ್‌ ನೀಡಲಿದೆ. ಹಾಗೆಯೇ 20:9 ಆಕಾರ ಅನುಪಾತವನ್ನು ಹೊಂದಿರುವ ಈ ಫೋನ್‌ ಡಿಸ್‌ಪ್ಲೇ ಮೇಲ್ಭಾಗದ ಮಧ್ಯದಲ್ಲಿ ಪಂಚ್ ಕಟೌಟ್ ಆಯ್ಕೆ ಪಡೆದಿಕೊಂಡಿದೆ. ಇನ್ನು ಮೊಟೊರೊಲಾ ಕಂಪೆನಿಯ ಮೊಟೊ ಜಿ53 5ಜಿ ಸ್ಮಾರ್ಟ್‌ಫೋನ್‌ 6.5 ಇಂಚಿನ ಐಪಿಎಸ್​ ಎಲ್​ಸಿಡಿಇ ಹೆಚ್​ಡಿ+ ಡಿಸ್‌ಪ್ಲೇಯನ್ನು ಹೊಂದಿದ್ದು, ಇದು 120Hz ರಿಫ್ರೆಶ್ ರೇಟ್‌ ನೀಡಲಿದೆ.

ಕ್ಯಾಮೆರಾ ಫೀಚರ್ಸ್​

ಮೊಟೊ ಜಿ73 5ಜಿ ಸ್ಮಾರ್ಟ್​​​ಫೋನ್‌ ಡ್ಯುಯಲ್‌ ರಿಯರ್‌ ಕ್ಯಾಮೆರಾ ಸೆಟಪ್​ ಅನ್ನು ಹೊಂದಿದೆ. ಇದರಲ್ಲಿ f/1.8 ಸೆನ್ಸಾರ್‌ನೊಂದಿಗೆ 50 ಮೆಗಾಪಿಕ್ಸೆಲ್​ ಪ್ರಾಥಮಿಕ ಕ್ಯಾಮೆರಾವನ್ನು ಅಳವಡಿಸಲಾಗಿದೆ ಹಾಗೂ ಆಟೋಫೋಕಸ್‌ ಬೆಂಬಲದೊಂದಿಗೆ 8 ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಕ್ಯಾಮೆರಾ ಹೊಂದಿದೆ. ಇನ್ನು ಸೆಲ್ಫಿಗಾಗಿ 16 ಮೆಗಾಪಿಕ್ಸೆಲ್ ಕ್ಯಾಮೆರಾ ಆಯ್ಕೆ ಸಹ ಇದರಲ್ಲಿದೆ.

ಇನ್ನು ಮೊಟೊ ಜಿ53 5ಜಿ ಫೋನ್‌ನ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಹೇಳುವುದಾದರೆ, ಇದು ಸಹ ಡ್ಯುಯಲ್ ರಿಯರ್‌ ಕ್ಯಾಮೆರಾ ಸೆಟಪ್ ಅನ್ನು ಹೊಂದಿದೆ.​ ಇದರಲ್ಲೂ ಸಹ 50 ಮೆಗಾಪಿಕ್ಸೆಲ್ ಮುಖ್ಯ ಕ್ಯಾಮೆರಾ ಮತ್ತು 8 ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್ ಕ್ಯಾಮೆರಾ ಆಯ್ಕೆ ಇದೆ. ಹಾಗೆಯೇ ಸೆಲ್ಫಿಗಾಗಿ 16 ಮೆಗಾಪಿಕ್ಸೆಲ್ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.

ಪ್ರೊಸೆಸರ್​ ಸಾಮರ್ಥ್ಯ

ಮೊಟೊ ಜಿ73 5ಜಿ ಸ್ಮಾರ್ಟ್‌ಫೋನ್‌ ಡೈಮೆನ್ಸಿಟಿ 930 ಎಸ್​ಓಸಿ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಹಾಗೆಯೇ ಮೊಟೊ ಜಿ53 5ಜಿ ಸ್ಮಾರ್ಟ್‌ಫೋನ್‌ ಸ್ನಾಪ್‌ಡ್ರಾಗನ್ 480+ ಎಸ್​ಓಸಿ ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ. ಅದರಂತೆ ಮೊಟೊ ಜಿ73 5ಜಿ ಸ್ಮಾರ್ಟ್‌ಫೋನ್‌ 8 ಜಿಬಿ ರ್‍ಯಾಮ್ ಮತ್ತು 256 ಜಿಬಿ ಇಂಟರ್ನಲ್‌ ಸ್ಟೋರೇಜ್‌ ಆಯ್ಕೆಯನ್ನು ಹೊಂದಿದೆ. ಮೊಟೊ ಜಿ53 5ಜಿ ಸ್ಮಾರ್ಟ್‌ಫೋನ್‌ 4 ಜಿಬಿ ರ್‍ಯಾಮ್ ಮತ್ತು 128 ಜಿಬಿ ಇಂಟರ್ನಲ್‌ ಸ್ಟೋರೇಜ್‌ ಸಾಮರ್ಥ್ಯದೊಂದಿಗೆ ಬಿಡುಗಡೆಯಾಗಿದೆ.

ಮೊಟೊ ಸ್ಮಾರ್ಟ್​​​ಫೋನ್ಸ್​

ಬ್ಯಾಟರಿ ಫೀಚರ್ಸ್​

ಮೊಟೊ ಜಿ73 5ಜಿ ಸ್ಮಾರ್ಟ್‌ಫೋನ್‌ 5000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ. ಹಾಗೆಯೇ ಈ ಬ್ಯಾಟರಿಯು 30W ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದೆ. ಅದೇ ರೀತಿ ಮೊಟೊ ಜಿ53 5ಜಿ ಸ್ಮಾರ್ಟ್‌ಫೋನ್‌ ಸಹ 5000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ. ಹಾಗೆಯೇ 10W ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದೆ.

ಬೆಲೆ ಮತ್ತು ಲಭ್ಯತೆ

ಮೊಟೊ ಜಿ73 5ಜಿ ಸ್ಮಾರ್ಟ್‌ಫೋನ್ 8ಜಿಬಿ ರ್‍ಯಾಮ್ ಮತ್ತು 256ಜಿಬಿ  ಸ್ಟೋರೇಜ್​ ಆಯ್ಕೆಯಲ್ಲಿ ಮಾತ್ರ ಬಿಡುಗಡೆಯಾಗಿದೆ. ಈ ವೇರಿಯಂಟ್​ನ ಬೆಲೆ EUR 299 ಅಂದರೆ ಭಾರತದಲ್ಲಿ ಸುಮಾರು 26,500ರೂಪಾಯಿ ಬೆಲೆ ನಿಗದಿ ಮಾಡಲಾಗಿದೆ. ಈ ಫೋನ್ ಲ್ಯೂಸೆಂಟ್ ವೈಟ್ ಹಾಗೂ ಮಿಡ್‌ನೈಟ್ ಬ್ಲೂ ಬಣ್ಣದ ಆಯ್ಕೆಯಲ್ಲಿ ಮಾರುಕಟ್ಟೆಯಲ್ಲಿ ಖರೀದಿ ಮಾಡಬಹುದಾಗಿದೆ.

ಇದನ್ನೂ ಓದಿ: ಸೋಶಿಯಲ್ ಮೀಡಿಯಾಗಳಿಗೆ ಮತ್ತೆ ಬಂದ ಟ್ರಂಪ್; 2 ವರ್ಷದ ಬಳಿಕ ಅಮೇರಿಕಾ ಮಾಜಿ ಅಧ್ಯಕ್ಷರ ಫೇಸ್‌ಬುಕ್‌, ಇನ್ಸ್‌ಸ್ಟಾ ಖಾತೆ ಆ್ಯಕ್ಟೀವ್!

ಮೊಟೊ ಜಿ53 5ಜಿ ಸ್ಮಾರ್ಟ್‌ಫೋನ್ ಸಹ 4 ಜಿಬಿ ರ್‍ಯಾಮ್ ಮತ್ತು 128ಜಿಬಿ ಸ್ಟೋರೇಜ್‌ನ ಆಯ್ಕೆಯಲ್ಲಿ ಮಾರುಕಟ್ಟೆಗೆ ಬಿಡುಗಡೆಯಾಗಿದೆ. ಈ ಫೋನ್‌ಗೆ EUR 249 ಅಂದರೆ ಭಾರತದಲ್ಲಿ ಸುಮಾರು 22,100 ರೂಪಾಯಿ ಬೆಲೆ ನಿಗದಿ ಮಾಡಲಾಗಿದೆ. ಈ ಫೋನ್ ಇಂಕ್ ಬ್ಲೂ, ಆರ್ಕ್ಟಿಕ್ ಸಿಲ್ವರ್ ಮತ್ತು ಪೇಲ್ ಪಿಂಕ್ ಎಂಬ ಮೂರು ಬಣ್ಣದ ಆಯ್ಕೆಯಲ್ಲಿ ಲಭ್ಯ ಇರಲಿದೆ.