Mobile Seva App Store: ಇನ್ಮುಂದೆ ಅಪ್ಲಿಕೇಶನ್​ಗಾಗಿ ಪ್ಲೇ ಸ್ಟೋರ್​ಗೆ ಹೋಗಬೇಕಿಲ್ಲ..ದೇಸಿ ಮೊಬೈಲ್​ ಸೇವಾ ಆ್ಯಪ್​ ಸ್ಟೋರ್​ ಇದೆಯಲ್ಲ!

ಆ್ಯಂಡ್ರಾಯ್ಡ್​ ಬಳಕೆದಾರರು ಆ್ಯಪ್​ ಬೇಕಾದಲ್ಲಿ ಗೂಗಲ್​ ಪ್ಲೇ ಸ್ಟೋರ್​ಗೆ ತೆರಳಿ ಡೌನ್​ಲೋಡ್​ ಮಾಡಬೇಕಿತ್ತು. ಐಫೋನ್​ ಪ್ರಿಯರು ಆ್ಯಪ್​ ಸ್ಟೋರ್​ಗೆ ತೆರಳಬೇಕಾಗಿತ್ತು. ಆದರೀಗೆ ಅದಕ್ಕೆ ಪರ್ಯಾಯವೆಂಬಂತೆ ಕೇಂದ್ರ ಸರ್ಕಾರ ‘ಮೊಬೈಲ್​ ಸೇವಾ ಸ್ಟೋರ್ ಆ್ಯಪ್’​​ ಅನ್ನು ಪರಿಚಯಿಸಿದೆ.

Mobile Seva Appstore

Mobile Seva Appstore

  • Share this:
    ಭಾರತ ದೇಸಿ ಆ್ಯಪ್​ಗಳನ್ನು ಅಭಿವೃದ್ಧಿ ಪಡಿಸಿ ಬಿಡುಗಡೆ ಮಾಡುತ್ತಿದೆ. ಈಗಾಗಲೇ ಸಾಕಷ್ಟು ಆ್ಯಪ್​ಗಳು ಗ್ರಾಹಕರ ಬಳಕೆಗೆ ಸಿಗುತ್ತಿದೆ. ಜೊತೆಗೆ ಎಲ್ಲಾ ಕೆಲಸಗಳು ಆ ಆ್ಯಪ್​​ಗಳಿಂದ ಸರಾಗವಾಗಿ ಆಗುತ್ತಿದೆ. ಕಚೇರಿಗೆ ತೆರಳಿ ಮಾಡಬೇಕಾಗಿದ್ದ ಕೆಲಸಗಳು ಆ್ಯಪ್​ಗಳ ಮೂಲಕ ನಿಮಿಷಾರ್ಧದಲ್ಲೇ ಮಾಡಬಹುದಾಗಿದೆ. ಇದೀಗ ಸರ್ಕಾರ ಮತ್ತೊಂದು ದೇಸಿ ಆ್ಯಪ್ ಪರಿಚಯಿಸಿದೆ. ನೂತನ ಆ್ಯಪ್​ಗೆ ‘ಮೊಬೈಲ್​ ಸೇವಾ ಸ್ಟೋರ್’​ ಎಂದು ಹೆಸರಿಟ್ಟಿದೆ.

    ಕೇಂದ್ರ ಸರ್ಕಾರ ಪರಿಚಯಿಸಿದ ‘ಮೊಬೈಲ್​ ಸೇವಾ ಸ್ಟೋರ್’​ ಆ್ಯಪ್​​ ಭಾರತೀಯರಿಗೆ ಹೆಚ್ಚು ಉಪಯೋಗವಾಗಲಿದೆ. ಆ್ಯಂಡ್ರಾಯ್ಡ್​ ಬಳಕೆದಾರರು ಆ್ಯಪ್​ ಬೇಕಾದಲ್ಲಿ ಗೂಗಲ್​ ಪ್ಲೇ ಸ್ಟೋರ್​ಗೆ ತೆರಳಿ ಡೌನ್​ಲೋಡ್​ ಮಾಡಬೇಕಿತ್ತು. ಐಫೋನ್​ ಪ್ರಿಯರು ಆ್ಯಪ್​ ಸ್ಟೋರ್​ಗೆ ತೆರಳಬೇಕಾಗಿತ್ತು. ಆದರೀಗೆ ಅದಕ್ಕೆ ಪರ್ಯಾಯವೆಂಬಂತೆ ಕೇಂದ್ರ ಸರ್ಕಾರ ‘ಮೊಬೈಲ್​ ಸೇವಾ ಸ್ಟೋರ್ ಆ್ಯಪ್’​​ ಅನ್ನು ಪರಿಚಯಿಸಿದೆ.

    ಮೊಬೈಲ್ ಸೇವಾ ಆ್ಯಪ್​ ಸ್ಟೋರ್​ಗಾಗಿ ನಾನಾ ಹೊಸ ಅಪ್ಲಿಕೇಶನ್​ ಅನ್ನು ತಯಾರಿಸಲು ​ಸರ್ಕಾರ ಸೂಚಿಸಿದೆ ಎಂದು ಹೇಳಲಾಗುತ್ತಿದೆ. ಭಾರತೀಯರು ಬೇಕೆನಿಸಿದ ಎಲ್ಲಾ ಆ್ಯಪ್​ಗಳನ್ನು ಮೊಬೈಲ್​ ಸೇವಾ ಸ್ಟೋರ್​ ಮೂಲಕ ಉಚಿತವಾಗಿ ಡೌನ್​ಲೋಡ್​ ಮಾಡಿಕೊಂಡು ಬಳಸಬಹುದಾಗಿದೆ

    ಇತ್ತೀಚೆಗೆ ಜನರಿಗೆ ಪಡಿತರ ಸುಲಭವಾಗಿ ಪಡೆಯಲು ಒನ್​ ನೇಷನ್​ ಒನ್​ ರೇಷನ್​ ಕಾರ್ಡ್​ಗೆ ಸಂಬಂಧಿಸಿ ‘ಮೇರಾ ರೇಷನ್’​ ಹೆಸರಿನ ಸ್ಮಾರ್ಟ್​ಫೋನ್​ ಆ್ಯಪ್​​ ಅನ್ನು ಕೇಂದ್ರ ಸರ್ಕಾರ ಪರಿಚಯಿಸಿದೆ. ವಲಸೆ ಹೋಗುವವರಿಗೆ ಅಥವಾ ಒಂದು ರಾಜ್ಯದಿಂದ ಬೇರೆ ರಾಜ್ಯಕ್ಕೆ ಕೆಲಸಕ್ಕೆಂದು ತೆರಳಯವವರಿಗೆ  ‘ಮೇರಾ ರೇಷನ್’ ಆ್ಯಪ್ ಬಹಳ ಸಹಾಯಕವಾಗಲಿದೆ. ಮಾತ್ರವಲ್ಲದೆ,  ಹತ್ತಿರದ ನ್ಯಾಯ ಬೆಲೆ ಅಂಗಡಿಯಿಂದ ಪಡಿತರ ಧಾನ್ಯಗಳನ್ನು ಪಡೆಯಬಹುದಾಗಿದೆ.

    ‘ಮೇರಾ ರೇಷನ್’ ಆ್ಯಪ್ 14 ಪ್ರಾದೇಶಿಕ ಭಾಷೆಗಳಲ್ಲಿ ದೊರೆಯುವಂತೆ ಸಿದ್ಧತೆ ಮಾಡಲಾಗುತ್ತಿದೆ. ಇದರ ಮೂಲಕ ಜನರಿಗೆ ಹೆಚ್ಚು ಉಪಯೋಗವಾಗಿದೆ. ಹಿಂದಿ ಮತ್ತು ಇಂಗ್ಲೀಷ್ ಭಾಷೆಯಲ್ಲಿದ್ದರು ಆ್ಯಪ್ ಬಳಸಲು ಕಷ್ಟವಾಗಬಹುದೆಂದು ಈ ರೀತಿ ಮಾಡಲಾಗುತ್ತಿದೆ
    Published by:Harshith AS
    First published: