• Home
  • »
  • News
  • »
  • tech
  • »
  • Tech Tips: ಸಿಕ್ಕ ಸಿಕ್ಕ ಚಾರ್ಜರ್​ನಲ್ಲಿ ಎಂದಿಗೂ ಮೊಬೈಲ್ ಚಾರ್ಜ್​ ಮಾಡ್ಬಾರ್ದು! ಏಕೆ ಗೊತ್ತಾ?

Tech Tips: ಸಿಕ್ಕ ಸಿಕ್ಕ ಚಾರ್ಜರ್​ನಲ್ಲಿ ಎಂದಿಗೂ ಮೊಬೈಲ್ ಚಾರ್ಜ್​ ಮಾಡ್ಬಾರ್ದು! ಏಕೆ ಗೊತ್ತಾ?

ಸಾಂಕೇತಿಕ ಚಿತ್ರ

ಸಾಂಕೇತಿಕ ಚಿತ್ರ

ಕೆಲವೊಂದು ಸ್ಮಾರ್ಟ್​​ಫೋನ್​ಗಳು ಸರಿಯಾದ ಬ್ಯಾಟರಿ ಬ್ಯಾಕಪ್ ಅನ್ನು ಹೊಂದಿರುವುದಿಲ್ಲ. ಇನ್ನು ಕೆಲವರ ಅತಿಯಾದ ಬಳಕೆಯಿಂದ ಸ್ಮಾರ್ಟ್​​ಫೋನ್​ನ ಬ್ಯಾಟರಿ ಬೇಗನೆ ಹಾಳಾಗಲು ಕಾರಣವಾಗುತ್ತದೆ. ಆದರೆ ಕೆಲವರು ಹೋದಲ್ಲೆಲ್ಲಾ ಸಿಕ್ಕ ಸಿಕ್ಕ ಚಾರ್ಜರ್​ನಲ್ಲಿ ತಮ್ಮ ಮೊಬೈಲ್​ ಅನ್ನು ಚಾರ್ಜ್ ಮಾಡುತ್ತಾರೆ. ಇದರಿಂದ ಮೊಬೈಲ್​ನಲ್ಲಾಗುವ ಸಮಸ್ಯೆಗಳೇನು ಎಂಬುದನ್ನು ಈ ಲೇಖನದ ಮೂಲಕ ತಿಳಿಯಿರಿ.

ಮುಂದೆ ಓದಿ ...
  • Share this:

    ಸದ್ಯ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯಲ್ಲಿರುವ ಸಾಧನಗಳಲ್ಲಿ ಮೊಬೈಲ್ (Mobile) ಕೂಡ ಒಂದು. ಈ ಸಾಧನ ಪ್ರತಿಯೊಬ್ಬರ ಅಗತ್ಯ ಅಂಶ ಎಂದರೂ ತಪ್ಪಾಗಲಾರದು. ಯಾವುದೇ ಕೆಲಸಗಳನ್ನು ಆನ್​ಲೈನ್ (Online)​ ಮೂಲಕ ಕ್ಷಣಮಾತ್ರದಲ್ಲಿ ಈ ಸ್ಮಾರ್ಟ್​​​ಫೋನ್​ ಮೂಲಕ ಮಾಡಿಮುಗಿಸಬಹುದಾಗಿದೆ. ಅದೇ ರೀತಿ ಯಾವುದೇ ಗೇಮ್​ಗಳನ್ನು ಆಡಲು, ಫೋಟೋ, ವಿಡಿಯೋಗಳನ್ನು ರೆಕಾರ್ಡ್​ ಮಾಡಲು ತುಂಬಾನೇ ಸಹಕಾರಿಯಾಗುತ್ತದೆ. ಇತ್ತೀಚಿನ ಸ್ಮಾರ್ಟ್​​ಫೋನ್​ಗಳ ಫೀಚರ್ಸ್​ ಬಗ್ಗೆ ಮಾತನಾಡುವುದಾರೆ, ಒಂದು ರೀತಿಯಲ್ಲಿ ಇದನ್ನು ಮಿನಿ ಲ್ಯಾಪ್​​ಟಾಪ್ ಅಂತಾನೇ ಕರೆಯಬಹುದು. ಆದರೆ ಕೆಲವೊಂದು ಬಾರಿ ಸ್ಮಾರ್ಟ್​​ಫೋನ್​ಗಳ (Smartphone) ಬ್ಯಾಟರಿ ಬ್ಯಾಕಪ್​ ಬೇಗನೆ ಖಾಲಿಯಾಗುತ್ತದೆ ಎಂಬ ಸುದ್ದಿ ಕೇಳಿಬರುತ್ತಿದೆ. ಸ್ಮಾರ್ಟ್​​ಫೋನ್​ನ ಬಳಕೆ ಎಷ್ಟೇ ಕಡಿಮೆ ಮಾಡಿದ್ರೂ ಬ್ಯಾಟರಿ (Battery) ತನ್ನಷ್ಟಕ್ಕೆ ಖಾಲಿಯಾಗುತ್ತದೆ ಎಂದು ಹೇಳುತ್ತಾರೆ.


    ಹೌದು, ಕೆಲವೊಂದು ಸ್ಮಾರ್ಟ್​​ಫೋನ್​ಗಳು ಸರಿಯಾದ ಬ್ಯಾಟರಿ ಬ್ಯಾಕಪ್ ಅನ್ನು ಹೊಂದಿರುವುದಿಲ್ಲ. ಇನ್ನು ಕೆಲವರ ಅತಿಯಾದ ಬಳಕೆಯಿಂದ ಸ್ಮಾರ್ಟ್​​ಫೋನ್​ನ ಬ್ಯಾಟರಿ ಬೇಗನೆ ಹಾಳಾಗಲು ಕಾರಣವಾಗುತ್ತದೆ. ಆದರೆ ಕೆಲವರು ಹೋದಲ್ಲೆಲ್ಲಾ ಸಿಕ್ಕ ಸಿಕ್ಕ ಚಾರ್ಜರ್​ನಲ್ಲಿ ತಮ್ಮ ಮೊಬೈಲ್​ ಅನ್ನು ಚಾರ್ಜ್ ಮಾಡುತ್ತಾರೆ. ಇದರಿಂದ ಮೊಬೈಲ್​ನಲ್ಲಾಗುವ ಸಮಸ್ಯೆಗಳೇನು ಎಂಬುದನ್ನು ಈ ಲೇಖನದ ಮೂಲಕ ತಿಳಿಯಿರಿ.


    ಬೇರೆ ಚಾರ್ಜ್​ ಅನ್ನು ಬಳಕೆ ಮಾಡ್ಬಾರ್ದು


    ನಿಮ್ಮ ಸ್ಮಾರ್ಟ್​​​ಫೋನ್​ ಅನ್ನು ಚಾರ್ಜ್ ಮಾಡುವಾಗ ಫೋನ್​ನೊಂದಿಗೆ ನೀಡಿರುವ ಚಾರ್ಜರ್​ ಅನ್ನೇ ಬಳಕೆ ಮಾಡಬೇಕು. ನಿಮ್ಮ ಚಾರ್ಜರ್ ಇಲ್ಲ ಅಂತ ಹೇಳಿ ಬೇರೆ ಕಂಪೆನಿಯ ಅಥವಾ ವಿಭಿನ್ನ ರೀತಿಯ ಚಾರ್ಜರ್​ ಮೂಲಕ ನಿಮ್ಮ ಮೊಬೈಲ್​ ಅನ್ನು ಚಾರ್ಜ್​ನಲ್ಲಿ ಇಡಬೇಡಿ.




    ಒಂದು ವೇಳೆ ನೀವು ಸಿಕ್ಕ ಸಿಕ್ಕ ಚಾರ್ಜರ್​ ಮೂಲಕ ನಿಮ್ಮ ಫೋನ್ ಅನ್ನು ಚಾರ್ಜ್​​ನಲ್ಲಿ ಇಟ್ಟರೆ ಬ್ಯಾಟರಿ ಬಾಳಿಕೆ ಕಡಿಮೆಯಾಗುತ್ತದೆ. ಜೊತೆಗೆ ನಿಮ್ಮ ಮೊಬೈಲ್​ ಇನ್ನಷ್ಟು ಹೀಟ್​ ಆಗಲು ಪ್ರಾರಂಭವಾಗಬಹುದು.


    ದಿನದಲ್ಲಿ 2 ರಿಂದ 3 ಬಾರಿ ಮಾತ್ರ ಚಾರ್ಜ್​ ಮಾಡ್ಬೇಕು


    ಯಾರೇ ಆಗಲಿ ತಮ್ಮ ಸ್ಮಾರ್ಟ್​​ಫೋನ್​ ಅನ್ನು ದಿನದಲ್ಲಿ ಪದೇ ಪದೇ ಚಾರ್ಜ್​ನಲ್ಲಿ ಇಡಬಾರದು. ಹಾಗೆ ದಿನಕ್ಕೆ ಒಂದೇ ಬಾರಿ ಇಡಬೇಕೆನ್ನುವ ರೂಲ್ಸ್​ ಸಹ ಇಲ್ಲ. ಆದರೆ ಒಂದು ದಿನದಲ್ಲಿ 2 ರಿಂದ ಮೂರು ಬಾರಿ ಇಡುವುದರಿಂದ ನಿಮ್ಮ ಮೊಬೈಲ್​ನ ಬ್ಯಾಟರಿಗೆ ಅಷ್ಟೊಂದು ಧಕ್ಕೆ ಉಂಟಾಗುವುದಿಲ್ಲ.


    ಸಾಂಕೇತಿಕ ಚಿತ್ರ


    ಹಾಗೆಯೇ ಸಾಧ್ಯವಾದಷ್ಟು ಮೊಬೈಲ್​ನ ಬ್ಯಾಟರಿ 60% ರಿಂದ 75% ಶೇಕಡಾದ ನಡುವೆ ಇಟ್ಟುಕೊಳ್ಳುವಂತೆ ಬಳಕೆ ಮಾಡಿ. ಅದೇ ರೀತಿ ಅನಿವಾರ್ಯ ಎಂದಾಗ ಮಾತ್ರ ಚಾರ್ಜ್​ ಮಾಡಿ.


    ಮೊಬೈಲ್​​ ಚಾರ್ಜ್​ನಲ್ಲಿರುವಾಗ ಯಾವತ್ತೂ ಬಳಸಬಾರದು


    ಹೆಚ್ಚಿನ ಜನರು ಮಾಡುವಂತಹ ತಪ್ಪೆಂದರೆ ಮೊಬೈಲ್​ ಚಾರ್ಜ್​ನಲ್ಲಿರುವಾಗ ಬಳಸುವುದು. ಯಾವತ್ತೂ ಯಾವುದೇ ತುರ್ತು ಸಂದರ್ಭಗಳಿರಲಿ ಸ್ಮಾರ್ಟ್​​ಫೋನ್​ಗಳು ಚಾರ್ಜ್​ನಲ್ಲಿರುವಾಗ ಕಾಲ್​ನಲ್ಲಿ ಮಾತನಾಡುವುದು, ಚಾಟಿಂಗ್ ಮಾಡುವುದು ಈ ರೀತಿಯ ಕಾರ್ಯಗಳನ್ನೆಲ್ಲಾ ಮಾಡಲೇ ಬಾರದು.


    ಇದರಿಂದ ಮೊಬೈಲ್​ಗಳು ಹೀಟ್​ ಆಗುವ ಸಂದರ್ಭಗಳು ಜಾಸ್ತಿ ಇರುತ್ತದೆ. ಆಗ ಮೊಬೈಲ್​ನಿಂದ ಬಳಕೆದಾರರಿಗೆ ಏನಾದರು ಅಪಾಯ ಸಂಭವಿಸಬಹುದು. ಹಾಗಾಗಿ ಯಾವುದೇ ಕಾರಣಕ್ಕೂ ಸ್ಮಾರ್ಟ್​​ಫೋನ್​ಗಳು ಚಾರ್ಜ್​ನಲ್ಲಿರುವಾಗ ಬಳಕೆ ಮಾಡಬಾರದು.


    ಇದನ್ನೂ ಓದಿ: ಜಿಯೋದಿಂದ ಮತ್ತೆ 16 ನಗರಗಳಲ್ಲಿ 5ಜಿ ಸೇವೆ ಆರಂಭ! ಎಲ್ಲೆಲ್ಲಿ?


    ಬೆಳಗ್ಗೆವರೆಗೂ ಮೊಬೈಲ್​ ಅನ್ನು ಚಾರ್ಜ್​ನಲ್ಲಿಡಬಾರದು


    ಎಷ್ಟೋ ಜನರಿಗೆ ರಾತ್ರಿ ಮೊಬೈಲ್​ ಅನ್ನು ಚಾರ್ಜ್​​ನಲ್ಲಿಟ್ಟು ಮಲಗುವ ಅಭ್ಯಾಸವಿರುತ್ತದೆ. ಇದರಿಂದ ನಿಮ್ಮ ಮೊಬೈಲ್​ ಓವರ್ ಚಾರ್ಜ್ ಆಗಿ ಹೀಟ್​ ಆಗುವಂತಹ ಸಂದರ್ಭಗಳು ಬರುತ್ತದೆ. ಈ ರೀತಿ ಓವರ್ ಚಾರ್ಜ್​ ಮಾಡಿದ್ರೆ ನಿಮ್ಮ ಸ್ಮಾರ್ಟ್​ಫೋನ್​ ಬ್ಯಾಟರಿ ಬ್ಯಾಕಪ್​ ಹಾಳಾಗಲು ಕಾರಣವಾಗುತ್ತದೆ.

    Published by:Prajwal B
    First published: