MIUI 12 ಅಪ್ಡೇಟ್​​ ಪರಿಚಯಿಸಿದ ಶಿಯೋಮಿ; ಬ್ಯಾಟರಿ ಉಳಿಕೆಯ ಜೊತೆಗೆ ಹಲವು ಫೀಚರ್​!

ಜನಪ್ರಿಯ ಶಿಯೋಮಿ ಕಳೆದ ಕೆಲವು ತಿಂಗಳ ಹಿಂದೆ MIUI 12 (ಮೊಬೈಲ್​ ಇಂಟರ್​ನೆಟ್​ ಯೂಸರ್​ ಇಂಟರ್​ಫೇಸ್​)ಅನ್ನು ಚೀನಾದಲ್ಲಿ ಬಿಡುಗಡೆ ಮಾಡಿದೆ. ಅದರಂತೆ ಇಂದು ಶಿಯೋಮಿ ಸಂಸ್ಥೆ ಭಾರತದಲ್ಲಿ  MIUI 12 ಬಿಡುಗಡೆ ಬಗ್ಗೆ ಮಾಹಿತಿ ಹೊರಹಾಕಿದ್ದು, ಸದ್ಯದಲ್ಲಿ ಎಲ್ಲಾ ಸ್ಮಾರ್ಟ್​ಫೋನ್​ಗಳಿಗೆ ಸಿಗಲಿದೆ ಎಂದಿದೆ.

MIUI 12 ಮೂಲಕ ಶಿಯೋಮಿ ಸ್ಮಾರ್ಟ್​ಫೋನ್​ ಬಳಕೆದಾರರು​​ ಸೂಪರ್​ ವಾಲ್​ ಪೇಪರ್​​, ಫ್ಲೋಟಿಂಗ್​​ ವಿಂಡೋಸ್​​ ಫೀಚರ್​​, ಯುನಿವರ್ಸಲ್​​​​​ ಕಾಸ್ಟಿಂಗ್​​ ಟೂಲ್​​ ​ಮುಂತಾದ ವೈಶಿಷ್ಟ್ಯವನ್ನು ಪಡೆಯಬಹುದಾಗಿದೆ.

ಮಿ 10, ರೆಡ್​ಮಿ ನೋಟ್​​, ರೆಡ್​ಮಿ ನೋಟ್​​ 9 ಪ್ರೊ, ರೆಡ್​​ಮಿ ನೋಟ್​​ 8, ರೆಡ್​ಮಿ ನೋಟ್​​ 8 ಪ್ರೊ, ರೆಡ್​​ಮಿ ನೋಟ್​​ 7, ರೆಡ್​​ಮಿ ನೋಟ್​​​ 7 ಪ್ರೊ ಸ್ಮಾರ್ಟ್​ಫೋನ್​ ಬಳಕೆದಾರರು ಅಪ್ಡೇಟ್​ ಮಾಡಿಕೊಳ್ಳುವ ಮೂಲಕ MIUI 12 ವರ್ಷನ್​ ಅನ್ನು ಬಳಸಬಹುದಾಗಿದೆ. ಇದರ ಜೊತೆಗೆ ಕಂಪನಿ ಬಹುತೇಕ ಎಲ್ಲಾ ಸ್ಮಾರ್ಟ್​ಫೋನ್​ಗಳು MIUI 12 ಅಪ್ಡೇಟ್​​ ಪಡೆಯಲಿವೆ ಎಂದು ಶಿಯೋಮಿ ಹೇಳಿದೆ.

Mi fans, #MIUI12 is here to make your life a lot easier.

- All-new design
- Intuitive visuals
- Super wallpapers
- Built-in app drawer
- New Camera UI
- Improved productivity features

Rolling out soon.
Which feature of #MIUI12 are you most excited about? pic.twitter.com/Ks6EPUnO12

— Mi India (@XiaomiIndia) August 12, 2020

ಶಿಯೋಮಿ MIUI 12 ವೈಶಿಷ್ಟ್ಯಗಳು:

MIUI 12 ಸಿಸ್ಟಂ- ವೈಡ್​ ಡಾರ್ಕ್​ ಮೋಡ್​ನೊಂದಿಗೆ ಮತ್ತು ಥರ್ಡ್​​ ಪಾರ್ಟಿ ಆ್ಯಪ್​​ಗಳನ್ನು ಬೆಂಬಲಿಸುವಂತೆ ಸಿದ್ಧಪಡಿಸಲಾಗಿದೆ. ಬಳಕೆದಾರರಿಗೆ ಬ್ಯಾಗ್ರೌಂಡ್​​​, ಸ್ಕ್ರಾಲ್​​ ಬಾರ್​​ ಮತ್ತು ಕಸ್ಟಮೈಸ್​ ಮಾಡಲು ಅನುವು ಮಾಡಿಕೊಡುತ್ತದೆ.  ಜೊತೆಗೆ ಅ್ಯನಿಮೇಷನ್​​ 3ಡಿ ಐಕಾನ್​ಗಳನ್ನು ತೋರಿಸುತ್ತದೆ.

ಭೂಮಿ ಮತ್ತು ಮಂಗಳ ಗ್ರಹದ ಚಿತ್ರವನ್ನು MIUI 12 ಹೊಂದಿದೆ. ಅದರ ಜೊತೆಗೆ ಬಾಹ್ಯಕಾಶದ ನಾನಾ ಚಿತ್ರಗಳನ್ನು ಇದರಲ್ಲಿ ತೋರಿಸಲಿದೆ. ಹೀಗೆ ಹಲವು ಫೀಚರ್​​ಗಳು MIUI 12 ಹೊಂದಿದೆ.

MIUI 12 ಮೂಲಕ ಸ್ಮಾರ್ಟ್​ಫೋನ್​ ಬ್ಯಾಟರಿಯನ್ನು ಸೇವ್​ ಮಾಡಬಹುದಾಗಿದೆ. ಶಿಯೋಮಿ ಸಂಸ್ಥೆ ಹೇಳಿಕೊಂಡತೆ ಶೇ.5 ರಷ್ಟು ಬ್ಯಾಟರಿಯು 5 ಗಂಟೆಗಳಷ್ಟು ಹೊತ್ತು ಬಳಸಬದುದಾಗಿದೆ.