Lenovo Laptops: ಬರ್ತಿದೆ ನೋಡಿ ಲೆನೋವೋ ಕಂಪನಿಯ ಹೊಸ ಲ್ಯಾಪ್​ಟಾಪ್​! ಇದರ ಫೀಚರ್ಸ್​​ಗೆ ಫಿದಾ ಆಗ್ತೀರಾ

ಎಲೆಕ್ಟ್ರಾನಿಕ್ಸ್​​ ಮಾರುಕಟ್ಟೆಯಲ್ಲಿ (Electronics Market) ಹಲವಾರು ಕಂಪನಿಗಳು ಈ ಲ್ಯಾಪ್​ಟಾಪ್ (Laptop)​, ಕಂಪ್ಯೂಟರ್ (Computer), ಗ್ಯಾಜೆಟ್ಸ್​​ಗಳನ್ನು (Gadgets) ಬಿಡುಗಡೆ ಮಾಡಿದೆ. ಈ ಕಂಪನಿಗಳಲ್ಲಿ ಲೆನೋವೋ ಕೂಡ ಒಂದು. ಟೆಕ್ನಾಲಜಿ ಮಾರುಕಟ್ಟೆಯಲ್ಲಿ ಲೆನೋವೋ ಕಂಪನಿಯ (Lenovo Company) ಡಿವೈಸ್​ಗಳಿಗೆ ಭಾರೀ ಬೇಡಿಕೆಯಿದೆ. ಆದೇ ರೀತಿ ಕಂಪನಿ ಕೂಡ ಗ್ರಾಹಕರಿಗೆ ಇಷ್ಟವಾಗುವಂತಹ ಡಿವೈಸ್​ಗಳನ್ನೇ ಬಿಡುಗಡೆ ಮಾಡುತ್ತದೆ. ಲೆನೋವೋ ಕಂಪನಿ ಲ್ಯಾಪ್​ಟಾಪ್​ ಮತ್ತು ಕಂಪ್ಯೂಟರ್​ಗಳನ್ನು ಮಾರುಕಟ್ಟೆಯಲ್ಲಿ ಪರಿಚಯಿಸುವ ಮೂಲಕ ಎಲ್ಲರ ಗಮನಸೆಳೆದಿದೆ.ಇದೀ ಲೆನೋವೋ ಮತ್ತೊಂದು ಲ್ಯಾಪ್​ಟಾಪ್​ ಅನ್ನು ಬಿಡುಗಡೆ ಮಾಡುತ್ತಿದ್ದು ಇದರ ಫೀಚರ್ಸ್​ ಮೂಲಕವೇ ಗ್ರಾಹಕರನ್ನು ತನ್ನತ್ತ ಆಕರ್ಷಸಲಿದೆ ಎಂಬ ವರದಿಯಾಗಿದೆ.

ಈವರೆಗೆ ಸಾಕಷ್ಟು ಲ್ಯಾಪ್​ಟಾಪ್​ ಕಂಪನಿಗಳು ಬಂದಿವೆ. ಆದರೆ ಲೆನೊವೊ ಮಾತ್ರ ಮಾರುಕಟ್ಟೆಯಲ್ಲಿ ಅದರದೇ ಆದಂತಹ ಸ್ಥಾನವನ್ನು ಹೊಂದಿದೆ. ಇದೀಗ ಲೆನೋವೋ ಹೊಸ ಲ್ಯಾಪ್​ಟಾಪ್​ ಬಿಡುಗಡೆ ಮಾಡಲು ಸಿದ್ಧತೆ ನಡೆಸುತ್ತಿದೆ. ಇದೀಗ ಲೆನೋವೋ ಐಡಿಯಾಪ್ಯಾಡ್‌ ಫ್ಲೆಕ್ಸ್‌ 3i ಟು ಇನ್‌ ಒನ್‌ ಕ್ರೋಮ್‌ಬುಕ್‌ ಲ್ಯಾಪ್‌ಟಾಪ್‌ ಅನ್ನು ಅನಾವರಣಗೊಳಿಸಿದೆ.

ಲೆನೋವೋ ಕ್ರೋಮ್​ಬುಕ್​ ಲ್ಯಾಪ್​ಟಾಪ್​ನ ಫೀಚರ್ಸ್

ಲೆನೋವೋ ಐಡಿಯಾಪ್ಯಾಡ್‌ ಫ್ಲೆಕ್ಸ್‌ 3i ಟು ಇನ್‌ ಒನ್‌ ಕ್ರೋಮ್‌ಬುಕ್‌ ಲ್ಯಾಪ್‌ಟಾಪ್‌ನ ಫೀಚರ್ಸ್​ ಬಗ್ಗೆ ಮಾತನಾಡುವುದಾದರೆ ಇದು 12.2 ಇಂಚಿನ ಐಪಿಎಸ್​ ಟಚ್‌ಸ್ಕ್ರೀನ್ ಡಿಸ್‌ಪ್ಲೇ ಹೊಂದಿದೆ. ಇನ್ನು ಈ ಡಿಸ್‌ಪ್ಲೇ 1920 x 1200 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್ ಸಾಮರ್ಥ್ಯವನ್ನು ಒಳಗೊಂಡಿದೆ. 300 ನಿಟ್ಸ್​ ಬ್ರೈಟ್‌ನೆಸ್‌ ಮತ್ತು ಟಿಯುವಿ ರೈನ್‌ಲ್ಯಾಂಡ್ ಲೋ ಬ್ಲೂ ಲೈಟ್‌ನೊಂದಿಗೆ ಇದು ಬರುತ್ತದೆ. ಇನ್ನು ವಿಶೇಷವಾಗಿ ಈ ಲ್ಯಾಪ್​ಟಾಪ್​ ಅನ್ನು ನಿಮಗೆ ಬೇಕಾದ ಹಾಗೆ ಮಡಚಿ ಇಟ್ಟಕೊಳ್ಳಬಹುದಾಗಿದೆ. ಅದಕ್ಕಾಗಿ 360 ಡಿಗ್ರಿ ಹಿಂಜ್​ ಅನ್ನು ಅಳವಡಿಸಲಾಗಿದೆ.

ಇದನ್ನೂ ಓದಿ: ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಸೀರಿಸ್​ನ ಸ್ಮಾರ್ಟ್​​ಫೋನ್​ಗಳ ಮಾರಾಟ ಆರಂಭ! ಭಾರೀ ಅಗ್ಗದಲ್ಲಿ ಲಭ್ಯ

ಈ ಲ್ಯಾಪ್​ಟಾಪ್​ನ ಪ್ರೊಸೆಸರ್​ ಹೇಗಿದೆ?

ಇನ್ನು ಈ ಲೆನೋವೋ ಐಡಿಯಾಪ್ಯಾಡ್‌ ಫ್ಲೆಕ್ಸ್‌ 3i ಕ್ರೋಮ್‌ಬುಕ್‌ ಇಂಟೆಲ್ ಪ್ರೊಸೆಸರ್ N100 ಅಥವಾ ಇಂಟೆಲ್‌ ಪ್ರೊಸೆಸರ್ N200 ವೇಗವನ್ನು ಪಡೆದಿದೆ. ಇದು ಗೂಗಲ್‌ನ ಕ್ರೋಮ್‌ ಓಎಸ್​ ಸಿಸ್ಟಮ್​ನಲ್ಲಿ ಕಾರ್ಯನಿರ್ವಹಿಸಲಿದೆ. ಹಾಗೆಯೇ 4ಜಿಬಿ ರ್‍ಯಾಮ್ ಮತ್ತು- 64 ಜಿಬಿ ಇಂಟರ್ನಲ್​ ಸ್ಟೋರೇಜ್​ ಆಯ್ಕೆಯನ್ನು ಹೊಂದಿದೆ. ಹಾಗೆ ಇನ್ನೊಂದು 8ಜಿಬಿ ರ್‍ಯಾಮ್ ಮತ್ತು  128ಜಿಬಿ ಸ್ಟೋರೇಜ್‌ ಬಲವನ್ನು ಹೊಮದಿರಲಿದೆ ಎಮದು ಹೇಳಿದ್ದಾರೆ. ಈ ಲ್ಯಾಪ್‌ಟಾಪ್‌ 720 ಪಿಕ್ಸೆಲ್ ಮತ್ತು 1080 ಪಿಕ್ಸೆಲ್​ ಕ್ಯಾಮೆರಾವನ್ನು ಒಳಗೊಂಡಿದೆ.

ಈ ಲೆನೋವೋ ಕಂಪನಿಯ ಹೊಸ ಲ್ಯಾಪ್​ಟಾಪ್​ ಅನ್ನು ಒಮ್ಮೆ ಫುಲ್​ ಚಾರ್ಜ್​ ಮಾಡಿದರೆ 12 ಗಂಟೆಗಳ ಕಾಲ ನಿರಂತರವಾಗಿ ಬಳಸಬಹುದಾಗಿದೆ.

ಇತರ ಫೀಚರ್ಸ್​

ಲೆನೋವೋ ಐಡಿಯಾಪ್ಯಾಡ್‌ ಫ್ಲೆಕ್ಸ್‌ 3i ಕ್ರೋಮ್‌ಬುಕ್‌ ಲ್ಯಾಪ್​ಟಾಪ್​ ಮ್ಯಾಕ್ಸ್‌ ಆಡಿಯೋ ಜೊತೆಗೆ ಎರಡು 2W ಸ್ಟೀರಿಯೋ ಸ್ಪೀಕರ್‌ಗಳನ್ನು ಅಳವಡಿಸಲಾಗಿದೆ. ಇನ್ನು ಈ ಲ್ಯಾಪ್​ಟಾಪ್​ನ ಕನೆಕ್ಟಿವಿಟಿ ಆಯ್ಕೆಗಳ ಬಗ್ಗೆ ಮಾತನಾಡುವುದಾದರೆ ಇಂಟೆಲ್ Wi-Fi 6 6E, Wi-Fi ಕಾರ್ಡ್‌ನೊಂದಿಗೆ ಬ್ಲೂಟೂತ್ 5.2 ಕಾಂಬೊ, ಮೈಕ್ರೋ ಎಸ್​ಡಿ ಕಾರ್ಡ್ ಸ್ಲಾಟ್, ಯುಎಸ್​ಬಿ 3.2 Gen 2 ಟೈಪ್-C ಪೋರ್ಟ್, ಕಾಂಬೊ ಆಡಿಯೊ ಜ್ಯಾಕ್ ಮತ್ತು HDMI 1.4 ಅನ್ನು ಬೆಂಬಲಿಸಲಿದೆ.

ಬೆಲೆ ಮತ್ತು ಲಭ್ಯತೆ

ಲೆನೊವೊ ಐಡಿಯಾಪ್ಯಾಡ್‌ ಫ್ಲೆಕ್ಸ್‌ 3i ಕ್ರೋಮ್‌ಬುಕ್‌ ಜಾಗತಿಕ ಮಾರುಕಟ್ಟೆಯಲ್ಲಿ $349.99 ಅಂದರೆ ಭಾರತದಲ್ಲಿ ಸುಮಾರು 28,939ರೂಪಾಯಿವ ಬೆಲೆಯೊಂದಿಗೆ ಖರೀದಿ ಮಾಡುವ ಅವಕಾಶವಿದೆ. ಇದು ಮೇ 2023 ರಿಂದ ಮಾರುಕಟ್ಟೆಯಲ್ಲಿ ಖರೀದಿಗೆ ಲಭ್ಯವಾಗುವ ನಿರೀಕ್ಷೆಯಿದೆ ಎಂದು ಲೆನೋವೋ ಕಂಪನಿ ಹೇಳಿದೆ. ಇನ್ನು ಈ ಕ್ರೋಮ್‌ಬುಕ್‌ ಲ್ಯಾಪ್‌ಟಾಪ್‌ ಕ್ಲೌಡ್ ಗ್ರೇ ಮತ್ತು ಬ್ಲೂ ಬಣ್ಣದ ಆಯ್ಕೆಗಳಲ್ಲಿ ಮಾರುಕಟ್ಟೆಗೆ ಕಾಲಿಡಬಹುದು.