• Home
  • »
  • News
  • »
  • tech
  • »
  • Lenovo Laptops: ಲೆನೋವೋ ಕಂಪೆನಿ ಹೊಸ ಲ್ಯಾಪ್​ಟಾಪ್​ ಅನಾವರಣ! ಫೀಚರ್ಸ್​ ಬಗ್ಗೆ ಮಾಹಿತಿ ಇಲ್ಲಿದೆ

Lenovo Laptops: ಲೆನೋವೋ ಕಂಪೆನಿ ಹೊಸ ಲ್ಯಾಪ್​ಟಾಪ್​ ಅನಾವರಣ! ಫೀಚರ್ಸ್​ ಬಗ್ಗೆ ಮಾಹಿತಿ ಇಲ್ಲಿದೆ

ಲೆನೋವೋ ಥಿಂಕ್​ಬುಕ್​ ಪ್ಲಸ್​ ಲ್ಯಾಪ್​ಟಾಪ್​

ಲೆನೋವೋ ಥಿಂಕ್​ಬುಕ್​ ಪ್ಲಸ್​ ಲ್ಯಾಪ್​ಟಾಪ್​

ಇದೀಗ ಲೆನೋವೋ ಥಿಂಕ್​​ಬುಕ್​ ಪ್ಲಸ್​ ಎಂಬ ಲ್ಯಾಪ್​ಟಾಪ್​ ಅನ್ನು ಅನಾವರಣ ಮಾಡಿದೆ. ಈ ಲ್ಯಾಪ್​ಟಾಪ್​ ಇ-ಇಂಕ್ ಡಿಸ್​ಪ್ಲೇ ಫೀಚರ್ಸ್​ನೊಂದಿಗೆ ಅನಾವರಣಗೊಳಿಸಲಾಗಿದೆ. ಇನ್ನೂ ಹಲವಾರು ಫೀಚರ್ಸ್​ಗಳನ್ನು ಇದು ಹೊಂದಿದ್ದು, ಇದರ ಕಂಪ್ಲೀಟ್​ ಡೀಟೇಲ್ಸ್​ ಈ ಲೇಖನದ ಮೂಲಕ ತಿಳಿಯಿರಿ.

  • Share this:

    ಲ್ಯಾಪ್​ಟಾಪ್ (Laptop)​​ ವಲಯದಲ್ಲಿ ಇತ್ತೀಚೆಗೆ ಫೋಲ್ಡಬಲ್ (Foldable) ಮತ್ತು ಇನ್ನಿತರ ಸ್ಪೆಷಲ್ ಫೀಚರ್ಸ್ ಹೊಂದಿದ ಸಾಧನಗಳು ಭಾರೀ ಬೇಡಿಕೆಯಲ್ಲಿದೆ. ಅದರಲ್ಲೂ ಕೆಲವೊಂದು ಜನಪ್ರಿಯ ಕಂಪೆನಿಗಳು ಕಳೆದ ವರ್ಷದಲ್ಲಿ ಗುಣಮಟ್ಟದ ಫೀಚರ್ಸ್ ಅನ್ನು ಹೊಂದಿದ ಲ್ಯಾಪ್​ಟಾಪ್​ಗಳನ್ನು ಮಾರುಕಟ್ಟೆಗೆ ನಿರಂತರವಾಗಿ ಪರಿಚಯಿಸುತ್ತಲೇ ಇದೆ. ಇದೀಗ ಜನಪ್ರಿಯ ಲ್ಯಾಪ್​​ಟಾಪ್​ ಕಂಪನಿಯಾಗಿರುವ ಲೆನೋವೋ (Lenovo) ಹೊಸ ಲ್ಯಾಪ್​ಟಾಪ್ ಒಂದನ್ನು ಅನಾವರಣ ಮಾಡಲು ಸಜ್ಜಾಗಿದೆ. ಈ ಲ್ಯಾಪ್​ಟಾಪ್​ ವಿಶೇಷ ವಿನ್ಯಾಸದೊಂದಿಗೆ ಹೊಸ ಫೀಚರ್ಸ್​ಗಳನ್ನು ಹೊಂದಿರುವ ಹೊಸ ಮಾದರಿಯ ಲ್ಯಾಪ್​ಟಾಪ್ ಆಗಿದೆ. ಲೆನೋವೋ ಕಂಪೆನಿ (Lenovo Company) ಈ ಹಿಂದೆಯೂ ವಿಭಿನ್ನ ರೀತಿಯ ಸ್ಮಾರ್ಟ್​​ ಡಿವೈಸ್​ಗಳನ್ನು ಮಾರುಕಟ್ಟೆಗೆ ಪರಿಚಯಿಸುವ ಮೂಲಕ ಎಲ್ಲರ ಗಮನಸೆಳೆದಿತ್ತು. 


    ಇದೀಗ ಲೆನೋವೋ ಥಿಂಕ್​​ಬುಕ್​ ಪ್ಲಸ್​ ಎಂಬ ಲ್ಯಾಪ್​ಟಾಪ್​ ಅನ್ನು ಅನಾವರಣ ಮಾಡಿದೆ. ಈ ಲ್ಯಾಪ್​ಟಾಪ್​ ಇ-ಇಂಕ್ ಡಿಸ್​ಪ್ಲೇ ಫೀಚರ್ಸ್​ನೊಂದಿಗೆ ಅನಾವರಣಗೊಳಿಸಲಾಗಿದೆ. ಇನ್ನೂ ಹಲವಾರು ಫೀಚರ್ಸ್​ಗಳನ್ನು ಇದು ಹೊಂದಿದ್ದು, ಇದರ ಕಂಪ್ಲೀಟ್​ ಡೀಟೇಲ್ಸ್​ ಈ ಲೇಖನದ ಮೂಲಕ ತಿಳಿಯಿರಿ.


    ಡಿಸ್​​ಪ್ಲೇ ಫೀಚರ್ಸ್​ ಹೇಗಿದೆ?


    ಲೆನೋವೋ ಥಿಂಕ್​ಬುಕ್​ ಪ್ಲಸ್​​ ಲ್ಯಾಪ್‌ಟಾಪ್‌ ಕನ್ವರ್ಟಿಬಲ್ ಲ್ಯಾಪ್‌ಟಾಪ್ ಆಗಿದ್ದು, 13.3 ಇಂಚಿನ ಓಎಲ್​​ಇಡಿ ಡಿಸ್‌ಪ್ಲೇ ಹಾಗೂ 12 ಇಂಚಿನ ಇ ಇಂಕ್ ಡಿಸ್‌ಪ್ಲೇಯನ್ನು ಸಹ ಇದು ಹೊಂದಿದೆ. ಈ ಲ್ಯಾಪ್​ಟಾಪ್​ ಆಫೀಸ್​​ ಕೆಲಸ ಮಾಡುವವರಿಗೆ ಬಹಳಷ್ಟು ಉತ್ತಮವಾಗಿದೆ. ಇನ್ನು ಈ ಲ್ಯಾಪ್​ಟಾಪ್​ನ ಡಿಸ್​ಪ್ಲೇ 60Hz ರಿಫ್ರೆಶ್ ರೇಟ್​​ನೊಂದಿಗೆ 13.3 ಇಂಚಿನ 2.8ಕೆ OLED ರೆಸಲ್ಯೂಶನ್​ನೊಂದಿಗೆ ಬರುತ್ತದೆ. ಹಾಗೆಯೇ ಇ-ಪುಸ್ತಕಗಳನ್ನು ಓದಲು ಅಥವಾ ಬರೆಯಲು ಸಹ ಬಯಸಿದರೆ, ಡಿಸ್‌ಪ್ಲೇಯನ್ನು ತಿರುಗಿಸಿ 12Hz ರಿಫ್ರೆಶ್ ರೇಟ್‌ನೊಂದಿಗೆ 12 ಇಂಚಿನ ಇ ಇಂಕ್ ಡಿಸ್‌ಪ್ಲೇ ಲಭ್ಯವಾಗಲಿದೆ.


    ಇದನ್ನೂ ಓದಿ: ಕೆಲವೇ ದಿನಗಳಲ್ಲಿ ಮಾರುಕಟ್ಟೆಗೆ ಕಾಲಿಡಲಿದೆ ಒಪ್ಪೋ ಎ78 5ಜಿ ಮೊಬೈಲ್!


    ಇ ಇಂಕ್​ ಡಿಸ್​ಪ್ಲೇ ಸೌಲಭ್ಯ


    ಈ ಮೂಲಕ ಇ ಇಂಕ್ ಡಿಸ್‌ಪ್ಲೇ ಬಳಕೆದಾರರಿಗೆ ಎರಡು ವಿಧಾನಗಳಲ್ಲಿ ಡಿಸ್​​ಪ್ಲೇಯನ್ನು ಬಳಸಬಹುದಾಗಿದೆ. ಇದು ಟೈಪ್ ರೈಟರ್ ಲ್ಯಾಪ್‌ಟಾಪ್ ಮೋಡ್ ಮತ್ತು ಇ ಪೇಪರ್ ಮೋಡ್ ಎಂಬ ಎರಡು ಡಿಸ್​​ಪ್ಲೇ ವಿಧಾನಗಳನ್ನು ಹೊಂದಿದೆ. ಜೊತೆಗೆ ಇದು ಸ್ಟೈಲಸ್ ಪೆನ್‌ಗೆ ಬೆಂಬಲ ನೀಡಲಿದೆ. ನೀವು ಎರಡೂ ಬದಿಗಳಲ್ಲಿ ವಿಂಡೋಸ್ 11 ಅನ್ನು ಬಳಸಬಹುದಾಗಿದ್ದು, ಜೊತೆಗೆ ವೆಬ್‌ಕ್ಯಾಮ್‌ಗಳ ಆಯ್ಕೆ ಸಹ ನೀಡಲಾಗಿದೆ. ಈ ಮೂಲಕ ಸುಲಭವಾಗಿ ಮೀಟಿಂಗ್‌ಗಳಲ್ಲಿ ಹಾಗೂ ಇತರೆ ವಿಡಿಯೋ ಕಾಲ್​ಗಳಲ್ಲಿ ಮಾತನಾಡಬಹುದಾಗಿದೆ.


    ಲೆನೋವೋ ಥಿಂಕ್​ಬುಕ್​ ಪ್ಲಸ್​ ಲ್ಯಾಪ್​ಟಾಪ್​


    ಹಿಂಜ್​ ಆಯ್ಕೆ


    ಲ್ಯಾಪ್​​ಟಾಪ್​ನ ವಿಶೇಷ ಫೀಚರ್​​ ಎಂದರೆ ಅದು ತಿರುಗುವ ಹಿಂಜ್​ ಫೀಚರ್​. ಆದರೆ, ಇದು ಸಾಮಾನ್ಯ ಹಿಂಜ್‌ಗಿಂತ ಭಿನ್ನವಾಗಿ ಥಿಂಕ್‌ಬುಕ್ ಪ್ಲಸ್ ಟ್ವಿಸ್ಟ್ ಹಿಂಜ್ ಅನ್ನು ಹೊಂದಿದೆ. ಈ ಹಿಂಜ್​​ ಮೂಲಕ ಎರಡು ರೀತಿಯ ಡಿಸ್‌ಪ್ಲೇ ಬಳಕೆ ಮಾಡಲು ಇನ್ನಷ್ಟು ಸುಲಭವಾಗುತ್ತದೆ. ಡಿಸ್‌ಪ್ಲೇಯನ್ನು ಸರಳವಾಗಿ ತಿರುಗಿಸುವ ಮೂಲಕ ಮತ್ತು ಲಿಟ್ ಅನ್ನು ಮುಚ್ಚುವ ಮೂಲಕ ನೀವು ಟ್ಯಾಬ್ಲೆಟ್ ರೂಪದಲ್ಲಿ ಇದನ್ನು ಬಳಕೆ ಮಾಡಬಹುದು.


    ಪ್ರೊಸೆಸರ್​ ಸಾಮರ್ಥ್ಯ


    ಲೆನೋವೋ ಥಿಂಕ್‌ಬುಕ್ ಪ್ಲಸ್ ಟ್ವಿಸ್ಟ್ ಇಂಟೆಲ್ 13 ಜನ್ ಕೋರ್ ಐ7 ರಾಪ್ಟರ್ ಲೇಕ್-ಯು ಪ್ರೊಸೆಸರ್ ನಲ್ಲಿ ಕಾರ್ಯನಿರ್ವಹಿಸಲಿದೆ. ಇದು 16ಜಿಬಿ ರ್‍ಯಾಮ್ ಹಾಗೂ 1ಟಿಬಿ ವರೆಗೆ ಇಂಟರ್ನಲ್‌ ಸ್ಟೋರೇಜ್‌ ಸಾಮರ್ಥ್ಯವನ್ನು ಒಳಗೊಂಡಿದೆ. ಹಾಗೆಯೇ ಕನೆಕ್ಟಿವಿಟಿ ಆಯ್ಕೆಯಲ್ಲಿ ಪೋರ್ಟ್‌ಗಳ ಆಯ್ಕೆ ತುಂಬಾ ಕಡಿಮೆ ಇದೆ. ಇದರಲ್ಲಿ ಕೇವಲ ಎರಡು ಥಂಡರ್‌ಬೋಲ್ಟ್ 4 ಯುಎಸ್‌ಬಿ ಟೈಪ್‌ ಸಿ ಪೋರ್ಟ್‌ ಹಾಗೂ 3.5mm ಆಡಿಯೋ ಜ್ಯಾಕ್ ಆಯ್ಕೆ ಹೊಂದಿದೆ. ಇದಲ್ಲದೆ, ಲ್ಯಾಪ್‌ಟಾಪ್ ವೈ-ಫೈ 6ಇ ನೊಂದಿಗೆ ಕನೆಕ್ಟ್​ ಆಗುತ್ತದೆ.


    ಬೆಲೆ ಮತ್ತು ಲಭ್ಯತೆ


    ಲೆನೋವೋ ಥಿಂಕ್‌ಬುಕ್ ಪ್ಲಸ್ ಟ್ವಿಸ್ಟ್ ಲ್ಯಾಪ್​ಟಾಪ್​ ಯುಎಸ್ ಮತ್ತು ಯುರೋಪ್‌ನಲ್ಲಿ ಆರಂಭಿಕವಾಗಿದ್ದು, ಅಲ್ಲಿ $1,649 ಅಂದರೆ ಭಾರತದಲ್ಲಿ 1,35,669 ರೂಪಾಯಿಗಳ ಬೆಲೆಯನ್ನು ಹೊಂದಿದೆ. ಇನ್ನುಳಿದಂತೆ ಬ್ಯಾಟರಿ ಸಾಮರ್ಥ್ಯದ ಬಗ್ಗೆ ಕಂಪೆನಿ ಯಾವುದೇ ಮಾಹಿತಿಯನ್ನು ಬಹಿರಂಗ ಪಡಿಸಿಲ್ಲ.

    Published by:Prajwal B
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು