Lenovo Tap M9: ಭಾರತಕ್ಕೆ ಲಗ್ಗೆಯಿಡಲಿದೆ ಲೆನೋವೋ ಟ್ಯಾಬ್​, ಇಷ್ಟೆಲ್ಲಾ ಫೀಚರ್ಸ್ ನೋಡಿದ್ರೆ ಮೊದ್ಲು ಬುಕ್​ ಮಾಡ್ತೀರಾ!

ದೇಶದಾದ್ಯಂತ ಗ್ಯಾಜೆಟ್ಸ್​ಗಳನ್ನು (Gadgets) ತಯಾರಿಸುವ ಕಂಪನಿಗಳಲ್ಲಿ ಲೆನೋವೋ ಕಂಪನಿ (Lenovo Company) ಕೂಡ ಒಂದು. ಇದು ಸ್ಮಾರ್ಟ್ ​ಕ್ಲಾಕ್ (Smart Clock)​, ಸ್ಮಾರ್ಟ್​​ ಸ್ಪೀಕರ್ (Smart Speaker)​, ಲ್ಯಾಪ್​ಟಾಪ್​, ಪಿಸಿ ಸೇರಿದಂತೆ ಹಲವಾರು ಉತ್ಪನ್ನಗಳನ್ನು ಉತ್ಪಾದಿಸುವ ಮೂಲಕ ಟೆಕ್ನಾಲಜಿ ಮಾರುಕಟ್ಟೆಯಲ್ಲಿ ತನ್ನದೇ ಆದಂತಹ ಸ್ಥಾನವನ್ನು ಗಳಿಸಿದೆ. ಇತ್ತೀಚೆಗೆ ಕೆಲವರು ಸ್ಮಾರ್ಟ್​ಫೋನ್​ಗಳ ಜೊತೆ ಟ್ಯಾಬ್​ಗಳ (Tablet) ಬಳಕೆಯನ್ನು ಕೂಡ ಮಾಡುತ್ತಿದ್ದಾರೆ. ಏಕೆಂದರೆ ಈ ಟ್ಯಾಬ್​ಗಳು ಏನಾದರು ಕಾರ್ಯನಿರ್ವಹಿಸಲು, ಪೋಸ್ಟರ್​ಗಳನ್ನು (Posters) ಮಾಡಲು ಬಹಳಷ್ಟು ಫೀಚರ್ಸ್​ಗಳನ್ನು ಒದಗಿಸುತ್ತದೆ. ಈ ಮೂಲಕ ಬಳಕೆದಾರರಿಗೆ ವೇಗವಾಗಿ ಕಾರ್ಯನಿರ್ವಹಿಸಬಹುದಾಗಿದೆ. ಕೆಲವು ವಾರಗಳ ಹಿಂದೆ ಲೆನೋವೋ ಕಂಪನಿಯಿಂದ ಲೆನೋವೋ ಟ್ಯಾಬ್ ಎಮ್​8 (Lenovo Tab M8) ಎಂಬ ಟ್ಯಾಬ್ಲೆಟ್​ ಬಿಡುಗಡೆಯಾಗಿತ್ತು. ಇದೀಗ ಈ ಸಾಲಿಗೆ ಕಂಪನಿ ಮತ್ತೊಂದು ಸ್ಪೆಷಲ್​ ಟ್ಯಾಬ್​ ಅನ್ನು ಬಿಡುಗಡೆ ಮಾಡುತ್ತಿದೆ.

ಭಾರತದಲ್ಲಿ ಲೆನೋವೋ ಎಮ್9 ಟ್ಯಾಬ್​ ಅನ್ನು ಕಂಪನಿ ಇತ್ತೀಚೆಗೆ ಲಾಂಚ್​ ಮಾಡಿ ಎಲ್ಲರ ಗಮನ ಸೆಳೆದಿದೆ. ಈ ಗ್ಯಾಜೆಟ್​ ಇದರ ಸ್ಪೆಷಲ್​ ಫೀಚರ್ಸ್​ ಮೂಲಕವೇ ಗ್ರಾಹಕರನ್ನು ಆಕರ್ಷಿಸಲಿದ್ದು, ಕೆಲವೇ ದಿನಗಳಲ್ಲಿ ಮಾರುಕಟ್ಟೆಯಲ್ಲಿ ಖರೀದಿ ಮಾಡುವಂತಹ ಅವಕಾಶವೂ ಬರಲಿದೆ ಎಂದು ಕಂಪನಿ ಹೇಳಿದೆ.

ಲೆನೋವೋ ಎಮ್​9 ಟ್ಯಾಬ್​ ಫೀಚರ್ಸ್

ಈ ಹೊಸ ಲೆನೋವೋ ಟ್ಯಾಬ್‌ ಎಮ್​9, 9 ಇಂಚಿನ ಎಲ್‌ಸಿಡಿ ಡಿಸ್‌ಪ್ಲೇ ಹೊಂದಿದ್ದು, 1340 × 800 ಪಿಕ್ಸೆಲ್ ರೆಸಲ್ಯೂಶನ್ ಡಿಸ್​ಪ್ಲೇ ಫೀಚರ್ಸ್​ ಅನ್ನು ಒಳಗೊಂಡಿದೆ. ಹಾಗೆಯೇ 400 ನಿಟ್ಸ್​ ಬ್ರೈಟ್‌ನೆಸ್‌ ಮತ್ತು 176ppi ಪಿಕ್ಸೆಲ್ ರೇಟ್​ ಅನ್ನು ಈ ಡಿಸ್‌ಪ್ಲೇ ಒಳಗೊಂಡಿದೆ. ಅದರಲ್ಲೂ ಈ ಡಿವೈಸ್‌ ಅನ್ನು ಓದುವುದಕ್ಕೆ ಹೆಚ್ಚು ಬಳಕೆ ಮಾಡುವುದರಿಂದ ವೈಡೆವಿನ್ ಎಲ್​1 ಮತ್ತು ಟಿಯುವಿ ರೈನ್‌ಲ್ಯಾಂಡ್ ಫೀಚರ್ಸ್‌ನಿಂದ ಕಣ್ಣಿಗೆ ರಕ್ಷಣೆ ನೀಡಲಿದೆ.

ಇದನ್ನೂ ಓದಿ: ಇಲ್ಲಿಯವರೆಗೂ ಕೇಳಿರದ ಬಂಪರ್​ ಅವಕಾಶ​, 1 ಕಮೆಂಟ್ ಮಾಡಿ ಫ್ರೀಯಾಗಿ ನಥಿಂಗ್​ ಪೋನ್​ ನಿಮ್ಮದಾಗಿಸಿಕೊಳ್ಳಿ!

ಕ್ಯಾಮೆರಾ ವಿನ್ಯಾಸ

ಈ ಟ್ಯಾಬ್ಲೆಟ್ 8 ಮೆಗಾಪಿಕ್ಸೆಲ್‌ ರಿಯರ್‌ ಕ್ಯಾಮೆರಾ ಸೆಟಪ್​ ಅನ್ನು ಹೊಂದಿದೆ ಹಾಗೂ 2 ಮೆಗಾಪಿಕ್ಸೆಲ್‌ ಮುಂಬಾಗದ ಕ್ಯಾಮೆರಾವನ್ನುಅಳವಡಿಸಲಾಗಿದೆ, ವಿಡಿಯೋ ಕರೆಗಳಿಗೆ ಹಾಗೂ ಮೀಟಿಂಗ್‌ಗಳಿಗೆ ಈ ಕ್ಯಾಮೆರಾ ಉತ್ತಮ ಗುಣಮಟ್ಟದಲ್ಲಿ ಕಾರ್ಯನಿರ್ವಹಿಸುತ್ತದೆ.

ಬ್ಯಾಟರಿ ಫೀಚರ್ಸ್​

ಲೆನೋವೋ ಟ್ಯಾಬ್ ಎಮ್​9 ಟ್ಯಾಬ್ಲೆಟ್‌ 5100mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ. ಇನ್ನು ಈ ಬ್ಯಾಟರಿ 15W ವೇಗದ ಚಾರ್ಜಿಂಗ್ ಬೆಂಬಲವನ್ನು ಹೊಂದಿದೆ. ಬ್ಯಾಟರಿ ಸಾಮರ್ಥ್ಯದಿಂದ 13 ಗಂಟೆಗಳ ವಿಡಿಯೋ ಪ್ಲೇಬ್ಯಾಕ್‌ ಮಾಡುವಂತಹ ಅವಕಾಶ ಸಿಗಲಿದೆ. ಹಾಗೆಯೇ ಚಾರ್ಜಿಂಗ್ ಹಾಗೂ ಡೇಟಾ ವರ್ಗಾವಣೆಗಾಗಿ ಯುಎಸ್‌ಬಿ 2.0 ಟೈಪ್​ ಸಿ ಪೋರ್ಟ್ ಅನ್ನು ಹೊಂದಿದೆ.

ಪ್ರೊಸೆಸರ್​ನ ಕಾರ್ಯವೈಖರಿ

ಲೆನೋವೋದ ಈ ಹೊಸ ಟ್ಯಾಬ್ಲೆಟ್ ಆಕ್ಟಾಕೋರ್ ಮೀಡಿಯಾ ಟೆಕ್ ಹಿಲಿಯೊ ಜಿ80 ಪ್ರೊಸೆಸರ್ ನಲ್ಲಿ ಕಾರ್ಯನಿರ್ವಹಿಸುತ್ತದೆ ಎಂದು ಕಂಪನಿ ಹೇಳಿದೆ. ಹಿಲಿಯೋ ಜಿ80 ಪ್ರೊಸೆಸರ್ 2 × ಕಾರ್ಟೆಕ್ಸ್ A75  ಕೋರ್‌ಗಳನ್ನು ಹಾಗೂ 6 × ಕಾರ್ಟೆಕ್ಸ್ A55 ಕೋರ್‌ಗಳನ್ನು ಬಳಕೆ ಮಾಡಿಕೊಂಡು ಬಳಕೆದಾರರಿಗೆ ಉತ್ತಮ ಅನುಭವವನ್ನು ನೀಡುತ್ತದೆ.

ಇದರೊಂದಿಗೆ ಆಂಡ್ರಾಯ್ಡ್ 12 ಸಿಸ್ಟಮ್​ನಲ್ಲಿ ಈ ಟ್ಯಾಬ್​ ರನ್‌ ಆಗುತ್ತದೆ. ಮುಂದಿನ ದಿನಗಳಲ್ಲಿ ಆಂಡ್ರಾಯ್ಡ್ 13 ಅಪ್‌ಗ್ರೇಡ್‌ಗೂ ಅವಕಾಶ ಕಲ್ಪಿಸಲಾಗಿದೆ. ಇನ್ನು ಈ ಟ್ಯಾಬ್ ಮಾರುಕಟ್ಟೆಯಲ್ಲಿ ಮೂರು ವೇರಿಯಂಟ್‌ನಲ್ಲಿ ಲಭ್ಯವಿದ್ದು, 3ಜಿಬಿ ರ್‍ಯಾಮ್ ಮತ್ತು 32ಜಿಬಿ, 4ಜಿಬಿ ರ್‍ಯಾಮ್ ಮತ್ತು 64ಜಿಬಿ, ಹಾಗೂ 4ಜಿಬಿ ರ್‍ಯಾಮ್ ಮತ್ತು 128ಜಿಬಿ ಈ ರೀತಿ ಸ್ಟೋರೇಜ್​ ಆಯ್ಕೆಗಳಲ್ಲಿ ಖರೀದಿಸಬಹುದಾಗಿದೆ.

ಬೆಲೆ ಮತ್ತು ಲಭ್ಯತೆ

ಲೆನೋವೋ ಟ್ಯಾಬ್ ಎಮ್​9 ಟ್ಯಾಬ್ಲೆಟ್​ ಭಾರತದ ಮಾರುಕಟ್ಟೆಯಲ್ಲಿ 11,600 ರೂಪಾಯಿಯ ಆರಂಭಿಕ ಬೆಲೆಯಲ್ಲಿ ಖರೀದಿಸಬಹುದಾಗಿದೆ. ಈ ಟ್ಯಾಬ್‌ ಮೂರು ಸ್ಟೋರೇಜ್‌ ವೇರಿಯಂಟ್‌ ಜೊತೆಗೆ ಆರ್ಕ್ಟಿಕ್ ಗ್ರೇ ಮತ್ತು ಫ್ರಾಸ್ಟ್ ಬ್ಲೂ ಎಂಬ ಎರಡು ಬಣ್ಣದಲ್ಲಿ ಆಯ್ಕೆಗಳನ್ನು ಹೊಂದಿದೆ. ಇನ್ನು 2023ರಿಂದ ಮಾರುಕಟ್ಟೆಗಳಲ್ಲಿ ಖರೀದಿ ಮಾಡಬಹುದಾಗಿದೆ.