• Home
  • »
  • News
  • »
  • tech
  • »
  • Lenovo ThinkPhone: ಲೆನೋವೋ ಕಂಪನಿಯ ಮೊದಲ ಸ್ಮಾರ್ಟ್​​ಫೋನ್​ ಬಿಡುಗಡೆ! ಫೀಚರ್ಸ್​ ಹೇಗಿದೆ ಗೊತ್ತಾ?

Lenovo ThinkPhone: ಲೆನೋವೋ ಕಂಪನಿಯ ಮೊದಲ ಸ್ಮಾರ್ಟ್​​ಫೋನ್​ ಬಿಡುಗಡೆ! ಫೀಚರ್ಸ್​ ಹೇಗಿದೆ ಗೊತ್ತಾ?

ಲೆನೋವೋ ಥಿಂಕ್​ಫೋನ್​

ಲೆನೋವೋ ಥಿಂಕ್​ಫೋನ್​

ಲೆನೋವೋ ಕಂಪನಿ ಹೊಸ ಸ್ಮಾರ್ಟ್​ಫೋನ್ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಸಜ್ಜಾಗಿದೆ. ಇದೀಗ ಲೆನೋವೋ ಥಿಂಕ್​ ಫೋನ್ ಎಂಬ ಸ್ಮಾರ್ಟ್​​ಫೋನ್​ ಇದಾಗಿದ್ದು, ಲೆನೋವೋ ಕಂಪನಿಯಿಂದ ಬರುತ್ತಿರು ಮೊದಲ ಫೋನ್ ಇದಾಗಿದೆ. ಇದರ ಫೀಚರ್ಸ್​, ಬೆಲೆ ಬಗ್ಗೆ ಕಂಪ್ಲೀಟ್​ ಮಾಹಿತಿ ಇಲ್ಲಿದೆ.

  • Share this:

    ಮಾರುಕಟ್ಟೆಯಲ್ಲಿ ಲ್ಯಾಪ್​ಟಾಪ್ (Laptop)​​ ವಲಯದಲ್ಲಿ ಹೆಚ್ಚು ಜನಪ್ರಿಯವಾದ ಕಂಪನಿಯೆಂದರೆ ಅದು ಲೆನೋವೋ ಕಂಪನಿ. ಇದು ಟೆಕ್ನಾಲಜಿ ಮಾರುಕಟ್ಟೆಗೆ ಹೊಸ ಹೊಸ ಲ್ಯಾಪ್​ಟಾಪ್​​ ಅನ್ನು ಪರಿಚಯಿಸುವ ಮೂಲಕ ಮಾರುಕಟ್ಟೆಯಲ್ಲಿ ಹೊಸ ಸಂಚಲನವನ್ನು ಮೂಡಿಸಿದೆ. ಟೆಕ್ನಾಲಜಿ ಕಂಪನಿಗಳು ದಿನದಿಂದ ದಿನಕ್ಕೆ ಅಭವೃದ್ಧಿಯಾಗುತ್ತಲೇ ಇದೆ. ಇದೀಗ ಲೆನೋವೋ ಗ್ರಾಹಕರಿಗೆ ಕಂಪನಿ (Lenovo Company) ಗುಡ್​ನ್ಯೂಸ್​ ಅನ್ನು ನೀಡಿದೆ. ಇದೀಗ ಲೆನೋವೋ ಕಂಪನಿಯಿಂದ ಹೊಸ ಸ್ಮಾರ್ಟ್​ಫೋನ್​ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಇದು ಲೆನೋವೋ ಕಂಪನಿಯಿಂದ ಬಿಡುಗಡೆಯಾಗುತ್ತಿರುವ ಮೊದಲ ಸ್ಮಾರ್ಟ್​​ಫೋನ್ (Smartphone) ಇದಾಗಿದ್ದು. ಮೊಬೈಲ್​ ಮಾರುಕಟ್ಟೆಯಲ್ಲಿ ಹೊಸ ಸಂಚಲನವನ್ನು ಇದು ಮೂಡಿಸಲಿದೆ.


    ಲೆನೋವೋ ಕಂಪನಿ ಹೊಸ ಸ್ಮಾರ್ಟ್​ಫೋನ್ ಅನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲು ಸಜ್ಜಾಗಿದೆ. ಇದೀಗ ಲೆನೋವೋ ಥಿಂಕ್​ ಫೋನ್ ಎಂಬ ಸ್ಮಾರ್ಟ್​​ಫೋನ್​ ಇದಾಗಿದ್ದು, ಲೆನೋವೋ ಕಂಪನಿಯಿಂದ ಬರುತ್ತಿರು ಮೊದಲ ಫೋನ್ ಇದಾಗಿದೆ. ಇದರ ಫೀಚರ್ಸ್​, ಬೆಲೆ ಬಗ್ಗೆ ಕಂಪ್ಲೀಟ್​ ಮಾಹಿತಿ ಇಲ್ಲಿದೆ.


    ಲೆನೋವೋ ಥಿಂಕ್​​ ಫೋನ್​ ನ ಫೀಚರ್ಸ್​ ಹೇಗಿದೆ?


    ಲೆನೋವೋ ಥಿಂಕ್‌ ಫೋನ್‌ 6.6 ಇಂಚಿನ ಹೆಚ್​​ಡಿ+ ಡಿಸ್‌ಪ್ಲೇ ಹೊಂದಿದೆ. ಇದು 2400 × 1080 ಪಿಕ್ಸೆಲ್ ಸ್ಕ್ರೀನ್‌ ರೆಸಲ್ಯೂಶನ್ ಸಾಮರ್ಥ್ಯವನ್ನು ಪಡೆದಿದೆ. ಈ ಡಿಸ್‌ಪ್ಲೇ 144Hz ರಿಫ್ರೆಶ್ ರೇಟ್‌ ಮತ್ತು HDR10+ ಬೆಂಬಲವನ್ನು ಹೊಂದಿದೆ. ಇನ್ನು ಡಿಸ್‌ಪ್ಲೇ ಪಂಚ್ ಹೋಲ್ ನಾಚ್‌ ಹೊಂದಿದ್ದು, ಡಿಸ್‌ಪ್ಲೇನ ಸೇಫ್ಟಿಗಾಗಿ ಕಾರ್ನಿಂಗ್ ಗೊರಿಲ್ಲಾ ಗ್ಲಾಸ್ ವಿಕ್ಟಸ್ ಲೇಯರ್ ಅನ್ನು ಅಳವಡಿಸಲಾಗಿದೆ.


    ಇದನ್ನೂ ಓದಿ: ಈ ಐಫೋನ್ ಅನ್ನು ಕೇವಲ 5990 ರೂಪಾಯಿಗೆ ಖರೀದಿಸಿ! ಫ್ಲಿಫ್​​ಕಾರ್ಟ್​​​ನಿಂದ ಬಂಪರ್​​ ಗಿಫ್ಟ್​


    ಕ್ಯಾಮೆರಾ ಫೀಚರ್ಸ್​


    ಲೆನೋವೋ ಥಿಂಕ್‌ಫೋನ್ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್​​ ಅನ್ನು ಹೊಂದಿದೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್ ಸೆನ್ಸಾರ್‌, ಎರಡನೇ ಕ್ಯಾಮೆರಾ 13 ಮೆಗಾಪಿಕ್ಸೆಲ್ ಅಲ್ಟ್ರಾ-ವೈಡ್-ಆಂಗಲ್ ಲೆನ್ಸ್‌ ಮತ್ತು ಮೂರನೇ ಕ್ಯಾಮೆರಾ 2 ಮೆಗಾಪಿಕ್ಸೆಲ್ ಸೆನ್ಸಾರ್‌ ಮ್ಯಾಕ್ರೋ ಲೆನ್ಸ್‌ ಅನ್ನು ಒಳಗೊಂಡಿದೆ. ಇದಲ್ಲದೆ ಸ್ಮಾರ್ಟ್‌ಫೋನ್ 32 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ಹೊಂದಿಕೊಂಡಿದೆ.


    ಲೆನೋವೋ ಥಿಂಕ್​ಫೋನ್​


    ಬ್ಯಾಟರಿ ಫೀಚರ್ಸ್​


    ಲೆನೋವೋ ಥಿಂಕ್‌ಫೋನ್‌ 5000mAh ಸಾಮರ್ಥ್ಯದ ಬ್ಯಾಟರಿಯನ್ನು ಹೊಂದಿದೆ. ಇದು 68W ವೇಗದ ಚಾರ್ಜಿಂಗ್ ಸಾಮರ್ಥ್ಯವನ್ನು ಹೊಂದಿದೆ. ಅಲ್ಲದೆ ಚಾರ್ಜ್ ಪೋರ್ಟ್ ಮತ್ತು ಡೇಟಾ ವರ್ಗಾವಣೆಗಾಗಿ ಯುಎಸ್​​ಬಿ 3.1 ಟೈಪ್ ಸಿ ಪೋರ್ಟ್ ಅನ್ನು ಹೊಂದಿದೆ. ಈ ಸ್ಮಾರ್ಟ್‌ಫೋನ್‌ 15W ವರೆಗೆ ವಾಯರ್‌ಲೆಸ್ ಚಾರ್ಜಿಂಗ್ ಸಾಮರ್ಥ್ಯವನ್ನು ಸಹ ಹೊಂದಿಕೊಂಡಿದೆ.


    ಕನೆಕ್ಟಿವಿಟಿ ಫೀಚರ್ಸ್​


    ಇದರೊಂದಿಗೆ ಈ ಡಿವೈಸ್‌ ಸ್ಟೀರಿಯೋ ಸ್ಪೀಕರ್ ಸೆಟಪ್ ಮತ್ತು ಡಾಲ್ಬಿ ಅಟ್ಮಾಸ್ ಆಡಿಯೋ ಬೆಂಬಲವನ್ನು ಸಹ ಹೊಂದಿದೆ. ಇನ್ನು ವಿಶೇಷವಾಗಿ ಹಾಟ್‌ಸ್ಪಾಟ್‌, ವೈಫೈ, ಬ್ಲೂಟೂತ್‌ ಅನ್ನು ಬೆಂಬಲಿಸಲಿದೆ.


    ಪ್ರೊಸೆಸರ್ ಸಾಮರ್ಥ್ಯ


    ಲೆನೋವೋ ಥಿಂಕ್‌ಫೋನ್ ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 8+ ಜೆನ್​ 1 ಎಸ್​​ಓಸಿ ಪ್ರೊಸೆಸರ್‌ ವೇಗವನ್ನು ಹೊಂದಿದೆ. ಇದು ಆಂಡ್ರಾಯ್ಡ್‌ 13 ಸಾಮರ್ಥ್ಯದೊಂದಿಗೆ ಕಾರ್ಯನಿರ್ವಹಿಸಲಿದೆ. ಹಾಗೆಯೇ 12ಜಿಬಿ ರ್‍ಯಾಮ್ ಮತ್ತು 512ಜಿಬಿ ಇಂಟರ್ನಲ್​​ ಸ್ಟೋರೇಜ್‌ ಸಾಮರ್ಥ್ಯವನ್ನು ಒಳಗೊಂಡಿದೆ. ಈ ಸ್ಮಾರ್ಟ್‌ಫೋನ್‌ ಮೆಮೊರಿ ಕಾರ್ಡ್‌ ಬೆಂಬಲಿಸುವುದರ ಬಗ್ಗೆ ಇನ್ನು ಯಾವುದೇ ಮಾಹಿತಿಯನ್ನು ಬಹಿರಂಗ ಪಡಿಸಿಲ್ಲ.


    ಲೆನೋವೋ ಥಿಂಕ್​ಫೋನ್​


    ಬೆಲೆ ಮತ್ತು ಲಭ್ಯತೆ


    ಲೆನೋವೋ ಥಿಂಕ್‌ಫೋನ್‌ನ ಬೆಲೆ ಬಗ್ಗೆ ಕಂಪನಿ ಯಾವುದೇ ಮಾಹಿತಿಯನ್ನು ಬಹಿರಂಗ ಮಾಡಿಲ್ಲ. ಆದರೆ ಈ ಸ್ಮಾರ್ಟ್‌ಫೋನ್‌ ಯುಎಸ್, ಯುರೋಪ್, ಲ್ಯಾಟಿನ್ ಅಮೇರಿಕಾ, ಮಧ್ಯಪ್ರಾಚ್ಯ, ಆಸ್ಟ್ರೇಲಿಯಾ ಮತ್ತು ಮುಂಬರುವ ತಿಂಗಳುಗಳಲ್ಲಿ ಏಷ್ಯಾದಾದ್ಯಂತ ಆಯ್ದ ದೇಶಗಳಲ್ಲಿ ಬಿಡುಗಡೆಯಾಗುತ್ತದೆ ಎಂದು ಕಂಪನಿ ಹೇಳಿದೆ.

    Published by:Prajwal B
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು