• Home
  • »
  • News
  • »
  • tech
  • »
  • New Smartphones: ಮೊಟೊರೊಲಾ ಕಂಪೆನಿಯಿಂದ ಏಕಕಾಲದಲ್ಲಿ ಎರಡು ಸ್ಮಾರ್ಟ್​​​ಫೋನ್​ಗಳ ಲಾಂಚ್​! ಫೀಚರ್ಸ್​ ಹೇಗಿದೆ ಗೊತ್ತಾ?

New Smartphones: ಮೊಟೊರೊಲಾ ಕಂಪೆನಿಯಿಂದ ಏಕಕಾಲದಲ್ಲಿ ಎರಡು ಸ್ಮಾರ್ಟ್​​​ಫೋನ್​ಗಳ ಲಾಂಚ್​! ಫೀಚರ್ಸ್​ ಹೇಗಿದೆ ಗೊತ್ತಾ?

ಮೋಟೋ ಜಿ13 ಮತ್ತು ಮೋಟೋ ಜಿ23 ಸ್ಮಾರ್ಟ್​​ಫೋನ್

ಮೋಟೋ ಜಿ13 ಮತ್ತು ಮೋಟೋ ಜಿ23 ಸ್ಮಾರ್ಟ್​​ಫೋನ್

ಮೊಟೊರೊಲಾ ಕಂಪೆನಿಯಿಂದ ಸದ್ಯ ಮಾರುಕಟ್ಟೆಗೆ ಬರುತ್ತಿರುವ ಸ್ಮಾರ್ಟ್​​​ಫೋನ್​ ಮೋಟೋ ಜಿ23 ಮತ್ತು ಮೋಟೋ ಜಿ13 ಎಂಬುದಾಗಿದೆ. ಈ ಸ್ಮಾರ್ಟ್​​ಫೋನ್​ಗಳು ಕೆಲವೇ ದಿನಗಳಲ್ಲಿ ಮಾರುಕಟ್ಟೆಗೆ ಕಾಲಿಡಲಿದ್ದು, ಇದರ ಫೀಚರ್ಸ್​ ಮತ್ತು ಬೆಲೆಯ ಬಗ್ಗೆ ಮಾಹಿತಿಗಳು ಸೋರಿಕೆಯಾಗಿದೆ.

  • Share this:

    ಮೊಬೈಲ್​ ಮಾರುಕಟ್ಟೆ ಇತ್ತೀಚೆಗೆ ಬಹಳಷ್ಟು ಅಭಿವೃದ್ಧಿಯಾಗುತ್ತಿದೆ. ಸ್ಮಾರ್ಟ್​​ಫೋನ್​ಗಳು (Smartphones) ಇತ್ತೀಚಿನ ಕಾಲಮಾನದಲ್ಲಿ ಜನರ ಅಗತ್ಯ ಸಾಧನವಾಗಿಬಿಟ್ಟಿದೆ. ಕೊರೊನಾ ಎಂಬ ಸಾಂಕ್ರಾಮಿಕ ರೋಗ ಬಂದ ನಂತರವಂತೂ ಸ್ಮಾರ್ಟ್​​ಫೋನ್​ನಲ್ಲೇ ಎಲ್ಲಾ ಕೆಲಸವನ್ನೂ ಮಾಡಲಾರಂಭಿಸಿದ್ದಾರೆ. ಆದ್ದರಿಂದ ಕೆಲವೊಂದು ಸ್ಮಾರ್ಟ್​​ಫೋನ್​ ಕಂಪೆನಿಗಳು (Smartphone Companies) ಮಾರುಕಟ್ಟೆಗೆ ಗುಣಮಟ್ಟದ ಫೀಚರ್​ಗಳುಲ್ಲ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡಲು ಸಿದ್ಧತೆ ನಡೆಸುತ್ತಿದೆ. ಜನಪ್ರಿಯ ಮೊಬೈಲ್​ ತಯಾರಿಕ ಕಂಪೆನಿಗಳಲ್ಲಿ ಒಂದಾದ ಮೊಟೊರೊಲಾ (Motorola) ಇದೀಗ ಮಾರುಕಟ್ಟೆಗೆ ಒಂದೇ ಸರಣಿಯ ಎರಡು ಸ್ಮಾರ್ಟ್​ಫೋನ್​ಗಳನ್ನು ಅನಾವರಣ ಮಾಡಿದೆ. ಈ ಮೊಬೈಲ್​ಗಳು ಬಜೆಟ್​ ಬೆಲೆಯಲ್ಲಿ ಮಾರುಕಟ್ಟೆಗೆ ಲಗ್ಗಯಿಡಲಿದ್ದು, ಗ್ರಾಹಕರನ್ನು ಬೇಗನೆ ಆಕರ್ಷಿಸುತ್ತದೆ ಎಂದು ಕಂಪೆನಿ ಹೇಳಿದೆ.


    ಮೊಟೊರೊಲಾ ಕಂಪೆನಿಯಿಂದ ಸದ್ಯ ಮಾರುಕಟ್ಟೆಗೆ ಬರುತ್ತಿರುವ ಸ್ಮಾರ್ಟ್​​​ಫೋನ್​ ಮೋಟೋ ಜಿ23 ಮತ್ತು ಮೋಟೋ ಜಿ13 ಎಂಬುದಾಗಿದೆ. ಈ ಸ್ಮಾರ್ಟ್​​ಫೋನ್​ಗಳು ಕೆಲವೇ ದಿನಗಳಲ್ಲಿ ಮಾರುಕಟ್ಟೆಗೆ ಕಾಲಿಡಲಿದ್ದು, ಇದರ ಫೀಚರ್ಸ್​ ಮತ್ತು ಬೆಲೆಯ ಬಗ್ಗೆ ಮಾಹಿತಿಗಳು ಸೋರಿಕೆಯಾಗಿದೆ.


    ಸ್ಮಾರ್ಟ್​​​ಫೋನ್​ಗಳ ಫೀಚರ್ಸ್​ ಹೇಗಿದೆ?


    ಮೊಟೊರೊಲಾ ಕಂಪೆನಿ ಪರಿಚಯಿಸಿರುವ ಈ ಎರಡು ಸ್ಮಾರ್ಟ್‌ಫೋನ್‌ಗಳು 6.5 ಇಂಚಿನ ಐಪಿಎಸ್‌ ಎಲ್‌ಸಿಡಿ ಡಿಸ್‌ಪ್ಲೇಯನ್ನು ಹೊಂದಿವೆ. ಈ ಡಿಸ್‌ಪ್ಲೇ 720 x 1600 ಪಿಕ್ಸೆಲ್‌ ಸ್ಕ್ರೀನ್‌ ರೆಸಲ್ಯೂಶನ್‌ ಸಾಮರ್ಥ್ಯವನ್ನು ಪಡೆದಿವೆ. ಇದು 90Hz ರಿಫ್ರೆಶ್‌ ರೇಟ್‌, 400 ನಿಟ್ಸ್‌ ಗರಿಷ್ಠ ಬ್ರೈಟ್‌ನೆಸ್‌ ಹೊಂದಿದ್ದು, 83.9% ಸ್ಕ್ರೀನ್-ಟು-ಬಾಡಿ ಅನುಪಾತವನ್ನು ಒಳಗೊಂಡಿದೆ.




    ಕ್ಯಾಮೆರಾ ಫೀಚರ್ಸ್​


    ವಿಶೇಷವಾಗಿ ಮೊಟೊರೊಲಾ ಕಂಪೆನಿಯಿಂದ ಬಿಡುಗಡೆಯಾದಂತಹ ಎರಡು ಸ್ಮಾರ್ಟ್‌ಫೋನ್‌ಗಳು ಕೂಡ ಟ್ರಿಪಲ್‌ ರಿಯರ್‌ ಕ್ಯಾಮೆರಾ ಸೆಟಪ್​ ಅನ್ನು ಪಡೆದಿವೆ. ಇದರಲ್ಲಿ ಮುಖ್ಯ ಕ್ಯಾಮೆರಾ 50 ಮೆಗಾಪಿಕ್ಸೆಲ್‌ ಸೆನ್ಸಾರ್‌, ಎರಡನೇ ಕ್ಯಾಮೆರಾ 5 ಮೆಗಾಪಿಕ್ಸೆಲ್‌ ಅಲ್ಟ್ರಾ-ವೈಡ್ ಲೆನ್ಸ್‌ ಮತ್ತು ಮೂರನೇ ಕ್ಯಾಮೆರಾ 2 ಮೆಗಾಪಿಕ್ಸೆಲ್‌ ಡೆಪ್ತ್ ಸೆನ್ಸಾರ್ ಅನ್ನು ಒಳಗೊಂಡಿದೆ. ಆದರೆ ಮೋಟೋ ಜಿ23 ಸ್ಮಾರ್ಟ್‌ಫೋನ್‌ 16 ಮೆಗಾ ಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾವನ್ನು ಹೊಂದಿದೆ. ಹಾಗೆಯೇ ಮೋಟೋ ಜಿ13 ಸ್ಮಾರ್ಟ್‌ಫೋನ್‌ 8 ಮೆಗಾಪಿಕ್ಸೆಲ್​ ಸೆಲ್ಫಿ ಕ್ಯಾಮೆರಾವನ್ನು ಪಡೆದುಕೊಂಡಿದೆ.


    ಪ್ರೊಸೆಸರ್​​ ಸಾಮರ್ಥ್ಯ ಹೇಗಿದೆ?


    ಮೋಟೋ ಜಿ23 ಮತ್ತು ಮೋಟೋ ಜಿ13 ಸ್ಮಾರ್ಟ್‌ಫೋನ್‌ಗಳು ಮೀಡಿಯಾಟೆಕ್‌ ಹಿಲಿಯೋ ಜಿ85 ಎಸ್​ಓಸಿ ಪ್ರೊಸೆಸರ್‌ ವೇಗವನ್ನು ಒಳಗೊಂಡಿದೆ. ಈ ಸ್ಮಾರ್ಟ್​ಫೋನ್​ ಆಂಡ್ರಾಯ್ಡ್‌ 13 ಬೆಂಬಲದೊಂದಿಗೆ ಕಾರ್ಯನಿರ್ವಹಿಸಲಿವೆ. ಹಾಗೆಯೇ 4ಜಿಬಿ ರ್‍ಯಾಮ್ ಮತ್ತು 128ಜಿಬಿ ಇಂಟರ್ನಲ್​ ಸ್ಟೋರೇಜ್‌ ಸಾಮರ್ಥ್ಯದ ಆಯ್ಕೆಯನ್ನು ಹೊಂದಿವೆ, ಇದಲ್ಲದೆ ಮೆಮೊರಿ ಕಾರ್ಡ್‌ ಮೂಲಕ ಇದರ ಇಂಟರ್ನಲ್ ಸ್ಟೋರೇಜ್​ ಅನ್ನು ಇನ್ನಷ್ಟು ವಿಸ್ತರಿಸಬಹುದಾಗಿದೆ.


    ಮೋಟೋ ಜಿ13 ಮತ್ತು ಮೋಟೋ ಜಿ23 ಸ್ಮಾರ್ಟ್​​ಫೋನ್


    ಬ್ಯಾಟರಿ ಫೀಚರ್ಸ್


    ಈ ಎರಡೂ ಸ್ಮಾರ್ಟ್‌ಫೋನ್‌ಗಳು ಸರಿಯಾಗಿ 5000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕಪ್​ ಅನ್ನು ಒಳಗೊಂಡಿವೆ. ಆದರೆ ವೇಗದ ಚಾರ್ಜಿಂಗ್‌ ಸಾಮರ್ಥ್ಯವನ್ನು ವಿಭಿನ್ನ ರೀತಿಯಲ್ಲಿ ಒಳಗೊಂಡಿದೆ. ಇದರಲ್ಲಿ ಮೋಟೋ ಜಿ13 ಸ್ಮಾರ್ಟ್‌ಫೋನ್‌ 20W ವೇಗದ ಚಾರ್ಜಿಂಗ್‌ ಅನ್ನು ಬೆಂಬಲಿಸಲಿದೆ. ಹಾಗೆಯೇ ಮೋಟೋ ಜಿ23 ಸ್ಮಾರ್ಟ್‌ಫೋನ್‌ 30W ವೇಗದ ಚಾರ್ಜಿಂಗ್‌ ಅನ್ನು ಬೆಂಬಲಿಸಲಿದೆ.


    ಇತರೆ ಫೀಚರ್ಸ್​


    ಇನ್ನು ಮೋಟೋ ಜಿ13 ಮತ್ತು ಮೋಟೋ ಜಿ23 ಸ್ಮಾರ್ಟ್​​​​ಫೋನ್​ನ ಕನೆಕ್ಟಿವಿಟಿ ಆಯ್ಕೆಗಳಲ್ಲಿ ಹಾಟ್‌ಸ್ಪಾಟ್‌, ಬ್ಲೂಟೂತ್‌, ವೈಫೈ, ಯುಎಸ್‌ಬಿ ಸಿ ಪೋರ್ಟ್‌ ಅನ್ನು ಬೆಂಬಲಿಸಲಿದೆ.


    ಬೆಲೆ ಮತ್ತು ಲಭ್ಯತೆ


    ಸದ್ಯ ಮೊಟೊರೊಲಾ ಕಂಪೆನಿಯ ಎರಡೂ ಸ್ಮಾರ್ಟ್​​ಫೋನ್​ಗಳು ಜಾಗತಿಕ ಮಾರುಕಟ್ಟೆಯಲ್ಲಿ ಅನಾವರಣವಾಗಿದೆ. ಇನ್ನು ಮೋಟೋ ಜಿ13 ಸ್ಮಾರ್ಟ್​ಫೋನ್​ನ 4ಜಿಬಿ ರ್‍ಯಾಮ್ ಮತ್ತು 128ಜಿಬಿ ಸ್ಟೋರೇಜ್‌ ಆಯ್ಕೆಗೆ EUR 179 ಭಾರತದಲ್ಲಿ ಅಂದಾಜು 15,900 ರೂಪಾಯಿ ಬೆಲೆಯನ್ನು ಹೊಂದಿದೆ. ಈ ಸ್ಮಾರ್ಟ್‌ಫೋನ್‌ ಮ್ಯಾಟ್ ಚಾರ್ಕೋಲ್, ಬ್ಲೂ ಲ್ಯಾವೆಂಡರ್ ಮತ್ತು ರೋಸ್ ಗೋಲ್ಡ್ ಬಣ್ಣಗಳ ಆಯ್ಕೆಯಲ್ಲಿ ಬಿಡುಗಡೆಯಾಗುತ್ತದೆ.


    ಇದನ್ನೂ ಓದಿ: ಸ್ಮಾರ್ಟ್​​​ಫೋನ್​ ಖರೀದಿಸುವ ಪ್ಲ್ಯಾನ್​ನಲ್ಲಿದ್ದೀರಾ? ಇಲ್ಲಿದೆ ನೋಡಿ ಒಂದೇ ಕಂಪೆನಿಯ ಟಾಪ್ 4 ಮೊಬೈಲ್​ಗಳು


    ಮೋಟೋ ಜಿ23 ಸ್ಮಾರ್ಟ್​ಫೋನ್​ ಬೆಲೆ


    ಇನ್ನು ಮೋಟೋ ಜಿ23 ಸ್ಮಾರ್ಟ್‌ಫೋನ್‌ 4ಜಿಬಿ ರ್‍ಯಾಮ್ ಮತ್ತು 128ಜಿಬಿ ಸ್ಟೋರೇಜ್ ಹೊಂದಿದ ಸ್ಮಾರ್ಟ್​ಫೋನ್​ EUR 199 ಅಂದರೆ ಭಾರತದಲ್ಲಿ ಸುಮಾರು 17,600 ರೂಪಾಯಿ ಬೆಲೆಯಲ್ಲಿ ಲಭ್ಯವಾಗಲಿದೆ. ಈ ಸ್ಮಾರ್ಟ್‌ಫೋನ್‌ ಸಹ ಮ್ಯಾಟ್ ಚಾರ್ಕೋಲ್, ಪರ್ಲ್ ವೈಟ್ ಮತ್ತು ಸ್ಟೀಲ್ ಬ್ಲೂ ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಾಗಲಿದೆ. ಈ ಸ್ಮಾರ್ಟ್‌ಫೋನ್‌ ಭಾರತದ ಮಾರುಕಟ್ಟೆಯಲ್ಲಿ ಲಭ್ಯವಾಗುವುದರ ಬಗ್ಗೆ ಇನ್ನು ಯಾವುದೇ ಮಾಹಿತಿ ಬಹಿರಂಗವಾಗಿಲ್ಲ.

    Published by:Prajwal B
    First published: