ಶಾಪಿಂಗ್​ ಮಾಲ್​ಗೂ ಲಗ್ಗೆಯಿಡುತ್ತಾ ಅಮೆಜಾನ್​ ಅಲೆಕ್ಸಾ?


Updated:June 18, 2018, 4:52 PM IST
ಶಾಪಿಂಗ್​ ಮಾಲ್​ಗೂ ಲಗ್ಗೆಯಿಡುತ್ತಾ ಅಮೆಜಾನ್​ ಅಲೆಕ್ಸಾ?

Updated: June 18, 2018, 4:52 PM IST
ನ್ಯೂಯಾರ್ಕ್​: ಕೇವಲ ಧ್ವನಿಯ ಆಗ್ರಹದಲ್ಲೇ ಕೆಲಸ ನಿರ್ವಹಿಸುವ ಅಪ್ಲಿಕೇಶನ್​ ಮತ್ತು ಸ್ಪೀಕರ್​ಗಳು ಮುಂದಿನ ದಿನಗಳಲ್ಲಿ ಶಾಪಿಂಗ್​ ಮಾಲ್​ಗಳಲ್ಲಿ ಹೆಚ್ಚು ಸಾರ್ವಭೌಮತ್ವವನ್ನು ಹೊಂದಬಹುದು ಎಂದು ವರದಿಯೊಂದು ತಿಳಿಸಿದೆ.

ಕೃತಕ ಬುದ್ಧಿಮತ್ತೆಯ ಸಾಧನಗಳಾದ ಅಮೆಜಾನ್​ನ ಅಲೆಕ್ಸಾ, ಗೂಗಲ್​ನ ಗೂಗಲ್​ ಹೋಮ್​ನ್ನು ಈಗಾಗಲೇ ಹೆಚ್ಚು ಜನರು ಇಷ್ಟ ಪಡುತ್ತಿದ್ದಾರೆ. ಇದರ ಬಳಕೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಈ ಕುರಿತು ಸಮೀಕ್ಷೆಯೊಂದನ್ನು ಸಿದ್ಧ ಪಡಿಸಿರುವ OC&C ಸ್ಟ್ರಾಟಜಿ ಕನ್ಸಲ್ಟೆಂಟ್​ ಸಂಸ್ಥೆ, ಧ್ವನಿ ಶಾಪಿಂಗ್​ನಿಂದಾಗಿ 2022ರ ವೇಳೆ ಅಮೆರಿಕದಲ್ಲಿ ಸುಮಾರು 40 ಬಿಲಿಯನ್​ ಡಾಲರ್​ನಷ್ಟು ವ್ಯವಹಾರ ನಡೆಯಬಹುದು ಎಂದು ಅಭಿಪ್ರಾಯ ಪಟ್ಟಿದ್ದಾರೆ.

ಸಮೀಕ್ಷೆ ಪ್ರಕಾರ ಶೇ.36ರಷ್ಟು ಅಮೆರಿಕದ ಮಂದಿ ಧ್ವನಿ ಮೂಲಕ ಶಾಪಿಂಗ್​ ಮಾಡುವ ಪ್ರಕ್ರಿಯೆಗೆ ಜೈ ಎಂದಿದ್ದಾರೆ. ಈ ವಾಯ್ಸ್​ ಕಮಾಂಡ್​ ಶಾಪಿಂಗ್​ನ್ನು ಮೆಚ್ಚಿದ್ದಾರೆ ಕೂಡಾ. ಹೀಗಾಗಿ ಈ ವಾಯ್ಸ್​ ಕಮಾಂಡ್​ ಶಾಪಿಂಗ್​ ಮಾಲ್​ಗಳಲ್ಲಿ ಮಾರಾಟ ಪ್ರಕ್ರಿಯೆಯನ್ನು ಹೆಚ್ಚಿಸಿದೆ ಎನ್ನಲಾಗಿದೆ.

ಅಮೆಜಾನ್​ನ ಎಐ ವ್ಯವಸ್ಥೆ ಹೊಂದಿದ ಅಲೆಕ್ಸಾ ಮಾರುಕಟ್ಟೆ ಪ್ರವೇಶಿಸಿದ ದಿನವೇ ಟೆಕ್​ ಇಂಡಸ್ಟ್ರಿಯಲ್ಲಿ ಧೂಳೆಬ್ಬಿಸಿತ್ತು, ಇದಾದ ಬೆನ್ನಲ್ಲೇ ಕಳೆದ ವರ್ಷ ಗೂಗಲ್​ ಕೂಡಾ ಅಲೆಕ್ಸಾ ಮಾದರಿಯಲ್ಲೇ ಗೂಗಲ್​ ಹೋಮ್​ನ್ನು ಲಾಂಚ್​ ಮಾಡಿತ್ತು. ಪ್ರಸಕ್ತ ಈ ಎರಡು ಸ್ಪೀಕರ್​ಗಳು ಹೆಚ್ಚು ಟ್ರೆಂಡ್​ ಎಬ್ಬಿಸಿವೆ.
First published:June 18, 2018
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ