• Home
  • »
  • News
  • »
  • tech
  • »
  • FIFA World Cup 2022: ದಾಖಲೆ ನಿರ್ಮಿಸಿದ ಜಿಯೋ ಸಿನೆಮಾ! ಡೌನ್​ಲೋಡ್​ ಆ್ಯಪ್‌ ಲೀಸ್ಟ್​ನಲ್ಲಿ ನಂ.1

FIFA World Cup 2022: ದಾಖಲೆ ನಿರ್ಮಿಸಿದ ಜಿಯೋ ಸಿನೆಮಾ! ಡೌನ್​ಲೋಡ್​ ಆ್ಯಪ್‌ ಲೀಸ್ಟ್​ನಲ್ಲಿ ನಂ.1

ಸಾಂದರ್ಭಿಕ ಚಿತ್ರ

ಸಾಂದರ್ಭಿಕ ಚಿತ್ರ

ಈ ವರ್ಷದಲ್ಲಿ ಅತೀ ಹೆಚ್ಚು ಗ್ರಾಹಕರನ್ನು ಹೊಂದಿದ ಟೆಲಿಕಾಂ ಕಂಪನಿಯೆಂದು ಗುರುತಿಸಿಕೊಂಡಿದ್ದ ಜಿಯೋ, ಇದೀಗ ತನ್ನ ಜಿಯೋ ಸಿನೆಮಾ ಆ್ಯಪ್ ಮೂಲಕ ಮತ್ತೊಂದು ದಾಖಲೆ ಬರೆದಿದೆ. ಫಿಫಾ ವಿಶ್ವಕಪ್ ಕತಾರ್ 2022ರ ಹಿನ್ನಲೆಯಲ್ಲಿ ಆಂಡ್ರಾಯ್ಡ್​ ಮತ್ತು ಐಓಎಸ್​​ ಆ್ಯಪ್ ಸ್ಟೋರ್‌ಗಳಲ್ಲಿ ಡೌನ್‌ಲೋಡ್ ಮಾಡಲಾದ ನಂ. 1 ಉಚಿತ ಅಪ್ಲಿಕೇಶನ್ ಎಂಬ ಹೆಗ್ಗಳಿಗೆ ಜಿಯೋಸಿನೆಮಾ ಆ್ಯಪ್​ ಪಡೆದಿದೆ.

ಮುಂದೆ ಓದಿ ...
  • Share this:

    ಭಾರತದಲ್ಲಿ ವಿಡಿಯೋ ಸ್ಟ್ರೀಮಿಂಗ್​ ಅಪ್ಲಿಕೇಶನ್​ಗಳು (Video Streaming Application) ಹಲವಾರು ಇದೆ. ಆದರೆ ಇವುಗಳಲ್ಲಿ ಉತ್ತಮ ಅನುಭವವನ್ನು ಗ್ರಾಹಕರಿಗೆ ನೀಡುವಂತಹ ಅಪ್ಲಿಕೇಶನ್​ಗಳು ಕೆಲವೇ ಕೆಲವು. ಇದೀಗ ಈ ಸಾಲಿಗೆ ರಿಲಯನ್ಸ್ ನ  (Reliance) ಜಿಯೋಸಿನೆಮಾ (Jio Cinema) ಅಪ್ಲಿಕೇಶನ್ ಕೂಡ ಸೇರಿದೆ. ಈ ಬಾರಿ ಫಿಫಾ ವಿಶ್ವಕಪ್​ ಅನ್ನು ಜಿಯೋ ಸಿನೆಮಾ ಉಚಿತವಾಗಿ ಲೈವ್​ ಸ್ಟ್ರೀಮಿಂಗ್ ಮಾಡುವ ಮೂಲಕ ಇತಿಹಾಸ ಸೃಷ್ಟಿಸಿದೆ. ದೇಶದಲ್ಲೇ ಗೂಗಲ್ ಪ್ಲೇ ಸ್ಟೋರ್ (Google Play Store)​ ಮತ್ತು ಆ್ಯಪಲ್ ಆ್ಯಪ್ ಸ್ಟೋರ್ (Apple App Store) ​ಮೂಲಕ ಅತೀ ಹೆಚ್ಚು ಡೌನ್​ಲೋಡ್​ ಮಾಡಿಕೊಂಡ ಸ್ಟ್ರೀಮಿಂಗ್ ಅಪ್ಲಿಕೇಶನ್ ಎಂಬ ಖ್ಯಾತಿ ಜಿಯೋ ಸಿನಿಮಾ ಪಡೆದುಕೊಂಡಿದೆ. ಈ ವರ್ಷದ ಫಿಫಾ ಫುಟ್​ಬಾಲ್​ ವಿಶ್ವಕಪ್​ ಕತಾರ್​ನಲ್ಲಿ ಆರಂಭವಾಯಿತು. ಇದನ್ನು ಜಿಯೋಸಿನೆಮಾದಲ್ಲಿ ವೀಕ್ಷಕರಿಗೆ ಹೈಪ್​ ಮೋಡ್​ನಲ್ಲಿ ಸ್ಟ್ರೀಮಿಂಗ್​ ಮಾಡಿ ಇದೀಗ ಅಗ್ರಸ್ಥಾನದಲ್ಲಿದೆ.


    ರಿಲಯನ್ಸ್​  ತನ್ನ ಯೋಜನೆಗಳ ಮೂಲಕ ಜನರನ್ನು ಸೆಳೆಯುತ್ತಲೇ ಇರುತ್ತದೆ. ಈ ವರ್ಷದಲ್ಲಿ ಅತೀ ಹೆಚ್ಚು ಗ್ರಾಹಕರನ್ನು ಹೊಂದಿದ ಟೆಲಿಕಾಂ ಕಂಪನಿಯೆಂದು ಗುರುತಿಸಿಕೊಂಡಿದ್ದ ಜಿಯೋ, ಇದೀಗ ಫಿಫಾ ವಿಶ್ವಕಪ್ ಕತಾರ್ 2022 ರ ಹಿನ್ನಲೆಯಲ್ಲಿ ಆಂಡ್ರಾಯ್ಡ್​ ಮತ್ತು ಐಓಎಸ್​​ ಆ್ಯಪ್ ಸ್ಟೋರ್‌ಗಳಲ್ಲಿ ಡೌನ್‌ಲೋಡ್ ಮಾಡಲಾದ ನಂ. 1 ಉಚಿತ ಅಪ್ಲಿಕೇಶನ್ ಎಂದು ಜಿಯೋಸಿನೆಮಾ ಆ್ಯಪ್​ ಗುರುತಿಸಿಕೊಂಡಿದೆ.


    ಉಚಿತ ಸ್ಟ್ರೀಮಿಂಗ್ ಸೇವೆ


    ಜಿಯೋ, ವೊಡಫೋನ್ ಐಡಿಯಾ, ಏರ್​​ಟೆಲ್​, ಬಿಎಸ್​ಎನ್​ಎಲ್​ ಈ ಎಲ್ಲಾ ಟೆಲಿಕಾಂ ಕಂಪನಿಗಳು 2022ರ ಫಿಫಾ ವಿಶ್ವಕಪ್ ಪ್ರಾರಂಭವಾದ ನಂತರ ಹಲವಾರು ಉಚಿತ ಸ್ಟ್ರೀಮಿಂಗ್ ಆ್ಯಪ್​ಗಳು ಬಂದಿವೆ. ಆದರೆ ಜಿಯೋ ಸಿನೆಮಾ ಮಾತ್ರ ತನ್ನ ಹೈಪ್​ ಮೋಡ್​ ಮೂಲಕ ಫುಟ್​ಬಾಲ್​ ಅನ್ನು ಲೈವ್​ ಆಗಿ ಸ್ಟ್ರೀಮಿಂಗ್​ ಮಾಡಿದ್ದರಿಂದ ಈ ರೀತಿಯ ಬೆಳವಣಿಗೆಯನ್ನು ಕಂಡಿದೆ.


    ಇದನ್ನೂ ಓದಿ: ಫಿಫಾ ಫುಟ್​ಬಾಲ್ ವರ್ಲ್ಡ್​ಕಪ್ ಪ್ರಿಯರಿಗಾಗಿ ಜಿಯೋದಿಂದ ವಿಶೇಷ ಡೇಟಾ ಆಫರ್!


    ಸಮೀಕ್ಷೆಯ ವರದಿಯಲ್ಲಿ ಏನಿದೆ?


    ಆ್ಯಪ್​​ಗಳ ಬಗ್ಗೆ ಎನಾಲಿಟಿಕ್ಸ್ ಮಾಡುವಂತಹ ತಂತ್ರಜ್ಞಾನವಾದ ಆ್ಯಪ್​ ಅನ್ನಿ ಪ್ರಕಾರ, ನವೆಂಬರ್​ 2022ರಲ್ಲಿ ಎಂಟರ್​ಟೈನ್​ಮೆಂಟ್​ ವಿಭಾಗದಲ್ಲಿ ಒಟ್ಟು ಅಪ್ಲಿಕೇಶನ್​ಗಳಲ್ಲಿ ಶೇಕಡಾ 29% ರಷ್ಟು ಜಿಯೋಸಿನೆಮಾವನ್ನೇ ಡೌನ್​ಲೋಡ್​ ಮಾಡಿದ್ದಾರೆ ಎಂದು ಹೇಳಿದೆ.


    ಇನ್ನು ಈ ವರ್ಷದಲ್ಲಿ ಅತೀ ಹೆಚ್ಚು ವೇಗವಾಗಿ ಬೆಳೆಯುತ್ತಿರುವ ಅಪ್ಲಿಕೇಶನ್ ಎಂದರೆ ಅದು ಜಿಯೋ ಸಿನೆಮಾ ಎಂದು ಹೇಳಿದೆ.


    ಹೈಪ್​ಮೋಡ್​ ನೀಡುವ ಮೂಲಕ ದಾಖಲೆ


    • ಜಿಯೋ ಸಿನೆಮಾ ಇಂಗ್ಲಿಷ್, ಹಿಂದಿ, ತಮಿಳು, ಮಲಯಾಳಂ ಮತ್ತು ಬೆಂಗಾಲಿ ಸೇರಿದಂತೆ ಬಹು ಭಾಷೆಗಳಲ್ಲಿ ಪಂದ್ಯಗಳನ್ನು 4ಕೆ ನಲ್ಲಿ ಲೈವ್ ಸ್ಟ್ರೀಮಿಂಗ್ ಮಾಡುತ್ತದೆ.

    • ಇದರಲ್ಲಿ ಬಹುಕ್ಯಾಮ್​ ವೀಕ್ಷಣೆಯೊಂದಿಗೆ ವೀಕ್ಷಕರಿಗೆ ಪಂದ್ಯವನ್ನು ತೋರಿಸುತ್ತದೆ.

    • ಜೊತೆಗೆ ಇದರಲ್ಲಿ ಮಾರ್ಕ್ಸ್​​ಶೀಟ್​ಗಳನ್ನು, ಟೈಮ್​ ವೀಲ್​ಗಳನ್ನು ತೋರಿಸುತ್ತದೆ. ಇದು ನೋಡುಗರಲ್ಲಿ ಇನ್ನಷ್ಟು ಪಂದ್ಯದ ಮೇಲಿರುವಂತಹ ಕುತೂಹಲವನ್ನು, ಆಸಕ್ತಿಯನ್ನು ಹೆಚ್ಚಾಗುವಂತೆ ಮಾಡುತ್ತದೆ.


    ಟಿವಿಯನ್ನು ಹಿಂದಿಕ್ಕಿದ ಡಿಜಿಟಲ್​ ಸೇವೆ


    ಕತಾರ್‌ನಲ್ಲಿ ನಡೆಯುತ್ತಿರುವ ಫಿಫಾ ವಿಶ್ವಕಪ್ ಅನ್ನು ದೂರದರ್ಶನಕ್ಕಿಂತ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ವೀಕ್ಷಕರು ಹೆಚ್ಚು ವೀಕ್ಷಿಸಿದ್ದಾರೆ. ಅಂದರೆ ವೀಕ್ಷಕರು ಫಿಫಾ ವಿಶ್ವಕಪ್ 2022 ರ ಹೆಚ್ಚಿನ ಪಂದ್ಯಗಳನ್ನು ಟಿವಿ ಬದಲಿಗೆ ಮೊಬೈಲ್‌ನಲ್ಲೇ ವೀಕ್ಷಿಸಿದವರು ಹೆಚ್ಚು ಎಮದು ತಿಳಿದುಬಂದಿದೆ. ಇದು ಡಿಜಿಟಲ್​ ಯುಗದಲ್ಲಾದಂತಹ ದೊಡ್ಡ ದಾಖಲೆ ಅಮತಾನೂ ಹೇಳಬಹುದು. ಇದರೊಂದಿಗೆ ಫಿಫಾ ವಿಶ್ವಕಪ್ ಕತಾರ್ 2022 ರ ವ್ಯಾಪ್ತಿಯು ಜಿಯೋಸಿನೆಮಾದಲ್ಲಿ 100 ಮಿಲಿಯನ್ ದಾಟುವ ನಿರೀಕ್ಷೆಯಿದೆ. ಜಿಯೋ ಸಿನಿಮಾ ನವೆಂಬರ್ 20 ರಿಂದ ಐಒಎಸ್ ಮತ್ತು ಆಂಡ್ರಾಯ್ಡ್ ಎರಡರಲ್ಲೂ ಮೂರು ವಾರಗಳವರೆಗೆ ಡೌನ್‌ಲೋಡ್ ಮಾಡಲಾದ ನಂಬರ್ 1 ಉಚಿತ ಅಪ್ಲಿಕೇಶನ್ ಎಂದು ದೇಶದೆಲ್ಲೆಡೆ ಗುರುತಿಸಿಕೊಂಡಿದೆ.

    Published by:Prajwal B
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು