ಗೂಗಲ್​ ಮ್ಯಾಪ್​ಗೆ ಪೈಪೋಟಿ ನೀಡಲಿದೆ ದೇಶಿಯ ಭುವನ್​ ಆ್ಯಪ್​!

ಹೊಸ ಜಾಗಕ್ಕೆ ಹೋಗುವ ವೇಳೆ ಆ ಜಾಗದ ಬಗ್ಗೆ ಗೊತ್ತಿಲದೇ ಇದ್ದರೆ ಅಥವಾ ರಸ್ತೆ ಬಗ್ಗೆ ತಿಳಿಯದೇ ಇದ್ದರೆ ಮೊದಲು ಮಾಡುವ ಕೆಲಸ ಸ್ಮಾರ್ಟ್​ಫೋನಿನಲ್ಲಿರುವ ನ್ಯಾವಿಗೇಷನ್​ ಆ್ಯಪ್​ ತೆರೆಯುವುದು. ಸದ್ಯ ಗೂಗಲ್​ ಮ್ಯಾಪ್​ ಅನ್ನು ಬಹುತೇಕ ಜನರು ಬಳಲುತ್ತಿದ್ದಾರೆ. ಹೊಸ ಜಾಗಕ್ಕೆ ಭೇಟಿ ನೀಡುವವರು ಗೂಗಲ್​ ಮ್ಯಾಪ್​ ಬಳಸಿ ಸಂಚರಿಸುತ್ತಾರೆ.

ಆದರೀಗ ಗೂಗಲ್ ಮ್ಯಾಪ್​ಗೆ ಸೆಡ್ಡು ಹೊಡೆಯಲು ದೇಶಿಯ ಭುವನ್​ ಆ್ಯಪ್​ ಬರುತ್ತಿದೆ. ಹೌದು.  ಜಾಗತಿಕ ಮಟ್ಟದಲ್ಲಿ ತನ್ನದೇ ಆದ ವಿಶೇಷ ಗುರುತನ್ನು ಹೊಂದಿರುವ ಭಾರತೀಯ ಬಾಹ್ಯಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ)ಈ ಆ್ಯಪ್​ನ ಅಭಿವೃದ್ಧಿ ಕೆಲಸವನ್ನು ಆರಂಭಿಸಿದೆ.

ಅದಕ್ಕಾಗಿ ಸಂಸ್ಥೆ ಮಾಪ್​ಮೈಇಂಡಿಯಾ(MapMyIndia) ಜೊತೆಗೆ ಒಪ್ಪಂದ ಮಾಡಿಕೊಂಡಿದೆ. ಹಾಗಾಗಿ ಮುಂದನ ದಿನಗಳಲ್ಲಿ ಭಾರತೀಯರು ಭಾರತದ ಉದ್ದಗಲಕ್ಕೂ ಸಂಚರಿಸಲು ಭುವನ್​ ಆ್ಯಪ್ ಬಳಸಬಹುದಾಗಿದೆ.

ಕೇವಲ 499 ರೂ. ಗೆ ಸಿಗುತ್ತೆ Google Home Mini: ಹೇಗೆ ಗೊತ್ತಾ..? ಇಲ್ಲಿದೆ ಮಾಹಿತಿ

ಇದರ ಜೊತೆಗೆ ಇಂಡಿಯಾ ಮೇಡ್​​ ಪೋರ್ಟಲ್​​ ಹಾಗೂ ಜೀಯೋಸ್ಟಪೆಷಲ್​ ಸರ್ವೀಸ್​​ ಆರಂಭಿಸಲಿವೆ. ಆತ್ಮ ನಿರ್ಭರ ಭಾರತ ಅಭಿಯಾನದಡಿ ಈ ಹೆಜ್ಜೆಯನ್ನಿಡಲಾಗುತ್ತಿದೆ. ಮುಂದಿನ ದಿನಗಳಲ್ಲಿ ಗೂಗಲ್​ ಮ್ಯಾಪ್​ ನಂತೆ. ಭುವನ್​ ಮ್ಯಾಪ್​ ಬಳಕೆಗೆ ಸಿಗಲಿದೆ ಎಂದು ಮ್ಯಾಪ್​ ಮೈ ಇಂಡಿಯಾ ಸಂಸ್ಥೆಯ ಸಿ ಇ ಒ ರೋಹನ್​ ವರ್ಮಾ ಹೇಳಿಕೆ ನೀಡಿದ್ದಾರೆ.



ಚೀನಾ ಆ್ಯಪ್​ ಬ್ಯಾನ್​ ಆದ ನಂತರ ದೇಶಿಯ ಆ್ಯಪ್​ಗಳು ಜನಪ್ರಿಯೆ ಸಾಧಿಸುತ್ತಿವೆ, ಇತ್ತೀಚೆಗೆ ಕೂ ಆ್ಯಪ್​ ಕೂಡ ಜನರ ಮನಗೆದ್ದಿದೆ. ಅದರಲ್ಲಿ ಟ್ವಿಟ್ಟರ್​ಗೆ ಪೈಪೋಟಿ ನೀಡಲು ಮುಂದಾಗಿದೆ. ಅನೇಕ ಸೆಲೆಬ್ರಿಟಿಗಳು, ರಾಜಕಾರಣಿಗಳು ಮತ್ತು ಶ್ರೀಸಾಮನ್ಯರು ಈ ಆ್ಯಪ್​ ಅನ್ನು ಬಳಸುತ್ತಿದ್ದಾರೆ.