Tech Tips: ಸ್ಮಾರ್ಟ್​ ಫೋನ್​ನ ಸ್ಟೋರೇಜ್​ ಫುಲ್ ಆಗಿದ್ಯಾ? ಈ ಆ್ಯಪ್​ ಮೂಲಕ ಸುಲಭದಲ್ಲಿ ಕ್ಲಿಯರ್ ಮಾಡಿ

ಈಗಿನ ಕಾಲದಲ್ಲಿ ಯಾವುದೇ ಕೆಲಸವನ್ನು ಕ್ಷಣಮಾತ್ರದಲ್ಲಿ ಮುಗಿಸಲು ಸ್ಮಾರ್ಟ್​​ ಫೋನ್ (Smartphone)​ ಬಹಳಷ್ಟು ಸಹಕಾರಿಯಾಗುತ್ತದೆ. ದಿನನಿತ್ಯದ ನಮ್ಮ ಸಂದೇಶಗಳನ್ನು, ಡಾಕ್ಯುಮೆಂಟ್​ಗಳನ್ನು (Documents), ಆಡಿಯೋ ಫೈಲ್​ಗಳನ್ನು (Audio Files) ಇನ್ನೊಬ್ಬರಿಗೆ ಶೇರ್ ಮಾಡಬೇಕಾದರೆ  ಈ ಮೊಬೈಲ್​ ಮೂಲಕ ತುಂಬಾನೇ ಸುಲಭವಾಗುತ್ತದೆ. ಆದರೆ ಈ ಎಲ್ಲಾ ಫೈಲ್​ಗಳನ್ನು ಶೇರ್ ಮಾಡಬೇಕಾದರೆ ಅದಕ್ಕೆ ಮುಖ್ಯವಾಗಿ ಅಪ್ಲಿಕೇಶನ್​ಗಳು ಅಗತ್ಯವಾಗಿರುತ್ತದೆ. ಆದರೆ ಹಿಂದೆಲ್ಲಾ ಬ್ಲೂಟೂತ್​ ಮೂಲಕ ಡಾಕ್ಯುಮೆಂಟ್ಸ್​ಗಳನ್ನು ಶೇರ್​ ಮಾಡುತ್ತಿದ್ದರು. ಆದರೆ ಈಗ ಟೆಕ್ನಾಲಜಿ ಬದಲಾಗಿದೆ. ಎಲ್ಲವೂ ಸ್ಮಾರ್ಟ್​​ಫೋನ್ ಯುಗ ಆಗಿಬಿಟ್ಟಿದೆ. ಆದರೆ ಈ ಫೈಲ್​ಗಳನ್ನು ಶೇರ್​ ಮಾಡುವುದರಿಂದ  ಕೆಲವೊಂದು ಬಾರಿ ನಮ್ಮ ಮೊಬೈಲ್​ಗಳು ಸ್ಟೋರೇಜ್​ ಫುಲ್ (Storage Full)​ ಆಗಿ ಹ್ಯಾಂಗ್ ಆಗಲು ಶುರುವಾಗುತ್ತದೆ. ಅದನ್ನು ಕ್ಲಿಯರ್ ಮಾಡುವುದಕ್ಕೆ ಕೆಲವೊಂದು ಅಪ್ಲಿಕೇಶನ್​ಗಳಿವೆ.

ಸ್ಮಾರ್ಟ್​​ ಫೋನ್​ನ ಸ್ಟೋರೇಜ್​ ಫುಲ್​ ಆದಾಗ ಬಳಕೆದಾರರಿಗೆ ಯಾವುದೇ ರೀತಿಯಲ್ಲಿ ಯೂಸ್​ ಮಾಡಲು ಸಾಧ್ಯವಾಗುವುದಿಲ್ಲ. ಮೊಬೈಲ್​ ತುಂಬಾನೇ ಸ್ಲೋ ಆಗಿ ಕಾರ್ಯನಿರ್ವಹಿಸುತ್ತಿರುತ್ತದೆ. ಹಾಗಿರುವಾಗ ನಮ್ಮ ಮೊಬೈಲ್ ಅನ್ನು ರೀಸೆಟ್​ ಅಥವಾ ಡೇಟಾ ಕ್ಲಿಯರ್​ ಮಾಡಬೇಕಾಗುತ್ತದೆ. ಆದರೆ ಇನ್ಮುಂದೆ ರೀಸೆಟ್​ ಮಾಡದೆಯೇ ಆ್ಯಪ್ ಮೂಲಕ ಸ್ಟೋರೇಜ್ ಕ್ಲಿಯರ್ ಮಾಡಬಹುದು. ಹಾಗಿದ್ರೆ ಹೇಗೆ ಎಂಬುದನ್ನು ಈ ಲೇಖನದ ಮೂಲಕ ಓದಿ.

ಸ್ಟೋರೇಜ್​ ಫುಲ್ ಸಮಸ್ಯೆ

ಹೆಚ್ಚಾಗಿ ಸ್ಮಾರ್ಟ್​​ ಫೋನ್​ನಲ್ಲಿ ಅಪ್ಲಿಕೇಶನ್​ಗಳ ಬಳಕೆಯಿಂದಲೇ ಸ್ಮಾರ್ಟ್​ಫೋನ್​ನ ಸ್ಟೋರೇಜ್ ಫುಲ್​ ಆಗುತ್ತದೆ. ಅದು ಹೇಗೆಂದರೆ ಅಪ್ಲಿಕೇಶನ್​ನ ಬ್ಯಾಗ್​ ರೌಂಡ್​ನಲ್ಲಿ ಕ್ಯಾಶೆ ಡೇಟಾಗಳು ನಮ್ಮ ಸ್ಟೋರೇಜ್​ನಲ್ಲಿ ಆ್ಯಡ್​ ಆಗುತ್ತಿರುತ್ತದೆ. ಇದು ಮುಖ್ಯವಾಗಿ ಮೊಬೈಲ್​ನ ಸ್ಟೋರೇಜ್ ಫುಲ್ ಆಗಲು ಕಾರಣ.

ವಿಡಿಯೋ, ಫೋಟೋಗಳು

ವಾಟ್ಸಾಪ್​, ಟೆಲಿಗ್ರಾಂ ನಂತಹ ಅಪ್ಲಿಕೇಶನ್​ಗಳಲ್ಲಿ ನಾವು ಶೇರ್ ಮಾಡಿದಂತಹ ಅಥವಾ ಡೌನ್​ಲೋಡ್ ಮಾಡಿದಂತಹ ಫೋಟೋ ಅಥವಾ ವಿಡಿಯೋಗಳು ಸ್ಟೋರೇಜ್ ಫುಲ್ ಆಗಲು ಕಾರಣವಾಗಿದೆ. ಆದ್ದರಿಂದ ಮೊಬೈಲ್​ನಲ್ಲಿ ಫೈಲ್ಸ್​ ಎಂಬ ಅಪ್ಲಿಕೇಶನ್​ ಅನ್ನು ಓಪನ್ ಮಾಡಿದಾಗ ಅಲ್ಲಿ ವಾಟ್ಸಾಪ್​ ಎಂಬ ಫೈಲ್ ಕಾಣುತ್ತದೆ. ಅಲ್ಲಿ ನೀವು ಶೇರ್​ ಮಾಡಿದಂತಹ ಫೋಟೋ, ವಿಡಿಯೋ ಯಾವುದನ್ನೂ ಡಿಲೀಟ್ ಮಾಡಬಹುದು. ಇದರಿಂದ ನಿಮ್ಮ ಮೊಬೈಲ್ ಹ್ಯಾಂಗ್​​​ ಆಗುವುದರಿಂದ ತಪ್ಪಿಸಬಹುದಾಗಿದೆ.

ಸಾಂಕೇತಿಕ ಚಿತ್ರ

ಸ್ಮಾರ್ಟ್​​ ಫೋನ್​ಗಳ ಸ್ಟೋರೇಜ್​ ಫುಲ್​ ಆದಾಗ ಮುಖ್ಯವಾಗಿ ಕಾಡುವ ಸಮಸ್ಯೆಯೆಂದರೆ ಹ್ಯಾಂಗ್ ಆಗೋದು. ಇದರಿಂದ ಬಳಕೆದಾರರಿಗೆ ಯಾವುದೇ ರೀತಿಯಲ್ಲೂ ಮೊಬೈಲ್​ನಲ್ಲಿ ಕೆಲಸ ಮಾಡಲು ಸಾಧ್ಯವಾಗುವುದಿಲ್ಲ. ಕೆಲವೊಮ್ಮೆ ವಿಡಿಯೋಗಳನ್ನು ಪ್ಲೇ ಮಾಡುವಾಗಲು ಸ್ಟಕ್ ಆಗಲು ಶುರುವಾಗುತ್ತದೆ. ಆ ಸಂದರ್ಭದಲ್ಲಿ ನಾವು ಸ್ಟೊರೇಜ್​ ಅನ್ನು ಕ್ಲಿಯರ್ ಮಾಡಬೇಕಾಗುತ್ತದೆ.

ಸ್ಟೋರೇಜ್  ಕ್ಲಿಯರ್​ ಮಾಡಲಿರುವ ಅಪ್ಲಿಕೇಶನ್

ಕೆಲವೊಂದು ಬಾರಿ ಸ್ಮಾರ್ಟ್ ​ಫೋನ್​ಗಳಲ್ಲಿ ಕ್ಯಾಶೆ ಡೇಟಾ ಸಂಗ್ರಹವಾಗಿದ್ದಾಗ, ಫೋಟೋ ಮತ್ತು ವಿಡಿಯೋಗಳು ಅತಿಯಾಗಿದ್ದಾಗ ಸ್ಟೋರೇಜ್ ಸಮಸ್ಯೆ ಎದುರಾಗುತ್ತದೆ. ಈ ಸಂದರ್ಭದಲ್ಲಿ ಬಳಕೆದಾದರು ಸಾಮಾನ್ಯವಾಗಿ ತಮ್ಮಲ್ಲಿರುವ ಅಗತ್ಯ ಫೈಲ್​ಗಳನ್ನು ಡಿಲೀಟ್​ ಮಾಡುತ್ತಾರೆ. ಆದರೆ ಇನ್ಮುಂದೆ ಇದನ್ನು ಸುಲಭವಾಗಿ ನಿವಾರಿಸಬಹುದಾಗಿದೆ.

ನಿಮ್ಮ ಸ್ಮಾರ್ಟ್​ ಫೋನ್​ನಲ್ಲಿ ಒಂದು ಅಪ್ಲಿಕೇಶನ್​ ಅನ್ನು ಇನ್​​ಸ್ಟಾಲ್ ಮಾಡುವ ಮೂಲಕ ನಿಮ್ಮ ಮೊಬೈಲ್​ನ ಸ್ಟೋರೇಜ್ ಸಮಸ್ಯೆಯನ್ನು ಕ್ಲಿಯರ್ ಮಾಡಬಹುದು. ಗೂಗಲ್ ಪ್ಲೇ ಸ್ಟೋರ್​ನಿಂದ ‘ಸ್ಟೋರೇಜ್ ಎನಲೈಸರ್​ ಆ್ಯಂದ ಡಿಸ್ಕ್​ ಯೂಸೇಜ್ ಎಂಬ ಅಪ್ಲಿಕೇಶನ್ ಅನ್ನು ಡೌನ್​ಲೋಡ್​ ಮಾಡಬೇಕು.

ಇದನ್ನೂ ಓದಿ: ಕೇವಲ 599 ರೂಪಾಯಿಗೆ ಖರೀದಿಸಿ ಮೊಟೊರೊಲಾ ಮತ್ತು ರೆಡ್​ಮಿ ಸ್ಮಾರ್ಟ್​​ಫೋನ್ಸ್​!

ಇದನ್ನು ಓಪನ್ ಮಾಡಿದಾಗ ನೀವು ಡಿಲೀಟ್ ಮಾಡಲು ಬಯಸುವಂತಹ ಸ್ಟೊರೇಜ್​ನ ಆಯ್ಕೆಗಳನ್ನು ಈ ಅಪ್ಲಿಕೇಶನ್​ನಲ್ಲಿ ಕೇಳಲಾಗುತ್ತದೆ. ಈ ಮೂಲಕ ರೀಸೆಟ್​ ಮಾಡದೆಯೇ ನಿಮ್ಮ ಸ್ಮಾರ್ಟ್ ​​ಫೋನ್​ನ ಸ್ಟೋರೇಜ್ ಅನ್ನು ಖಾಲಿ ಇರುವಂತೆ ಮಾಡಬಹುದು.