Tech Tips: ಮೊಬೈಲ್​ನಲ್ಲಿರುವ ಕಾಂಟ್ಯಾಕ್ಟ್​ ಡಿಲೀಟ್​​ ಆಗಿದ್ಯಾ? ಈ ಟ್ರಿಕ್ಸ್​ ಮೂಲಕ ಸುಲಭದಲ್ಲಿ ಬ್ಯಾಕಪ್​ ಮಾಡಿ

ಇತ್ತೀಚಿನ ದಿನಗಳಲ್ಲಿ ಟೆಕ್ನಾಲಜಿ ಕಂಪನಿಗಳಲ್ಲಿ (Technology Comapany) ಬಹಳಷ್ಟು ಬದಲಾವಣೆಗಳಾಗಿದೆ. ಅದ್ರಲ್ಲೂ ಇಂಟರ್ನೆಟ್ (Internet)​ ಬಳಕೆ ಕೂಡ ಹೆಚ್ಚಾಗಿದೆ. ಟೆಕ್ನಾಲಜಿಯಲ್ಲಿ ದೊಡ್ಡ ಕಂಪನಿಯೆಂದರೆ ಅದು ಗೂಗಲ್​. ಈ ಕಂಪನಿ​ ತಮ್ಮ ಬಳಕೆದಾರರಿಗಾಗಿ ಈ ಹಿಂದೆ ಅನೇಕ ಫೀಚರ್ಸ್​ಗಳನ್ನು ಬಿಡುಗಡೆ ಮಾಡಿದೆ. ಇದರ ಜೊತೆಗೆ ಗೂಗಲ್‌ ಫೋಟೋಗಳು, ವಿಡಿಯೋಗಳು, ಅಪ್ಲಿಕೇಶನ್‌ಗಳು ಮತ್ತು ಇತರ ಪ್ರಮುಖ ಡೇಟಾವನ್ನು ಸಂಗ್ರಹಿಸಲು ಕ್ಲೌಡ್ ಸ್ಟೋರೇಜ್​ನಂತಹ (Cloud Storage) ಹಲವು ಸೇವೆಗಳನ್ನು ಲಭ್ಯ ಮಾಡಿದೆ. ಈ ಮೂಲಕ ಬಳಕೆದಾರರು ತಮ್ಮ ಗೂಗಲ್‌ ಅಕೌಂಟ್​​ ಸೈನ್‌ ಇನ್‌ ಆಗುವ ಮೂಲಕ ತಮ್ಮಲ್ಲಿರುವ ಡಾಕ್ಯುಮೆಂಟ್​ಗಳನ್ನು ಆ್ಯಡ್ ಮಾಡಬಹುದು. ಹಾಗೆಯೇ ಗೂಗಲ್‌ಗೆ ಫೋನ್‌ನಲ್ಲಿರುವ ಕಾಂಟ್ಯಾಕ್ಟ್‌ಗಳನ್ನು ಸಹ ಬ್ಯಾಕ್‌ಅಪ್‌ ಮಾಡಬಹುದು.

ಹೌದು, ಬಳಕೆದಾರರು ಕೇವಲ ಫೋನ್​ ಮೂಲಕ ತಮ್ಮ ಕಾಂಟ್ಯಾಕ್ಟ್​ಗಳನ್ನು ಸೇವ್ ಮಾಡಿಕೊಳ್ಳುತ್ತಿದ್ದರು. ಆದರೆ ಇದೀಗ ಗೂಗಲ್​ ಕ್ಲೌಡ್​ ಸ್ಟೋರೇಜ್ ಮೂಲಕ ಸೇವ್​ ಮಾಡಬಹುದು. ಇದರಲ್ಲಿ ಕಾಂಟ್ಯಾಕ್ಟ್​ ಅನ್ನು ಬ್ಯಾಕಪ್ ಅನ್ನು ಮಾಡಲು ಯಾವುದೇ ಮಿತಿಗಳಿರುವುದಿಲ್ಲ. ಹಾಗಿದ್ರೆ ಯಾವ ರೀತಿ ಗೂಗಲ್​ ಅಕೌಂಟ್​​ಗೆ ಕಾಂಟ್ಯಾಂಕ್​ ಬ್ಯಾಕಪ್ ಮಾಡುವುದು ಎಂಬುದು ಇಲ್ಲಿದೆ ಮಾಹಿತಿ.

ಗೂಗಲ್ ಬ್ಯಾಕಪ್ ಎಂದರೇನು?

ಗೂಗಲ್‌ ಕಾಂಟ್ಯಾಕ್ಟ್‌ ಬ್ಯಾಕಪ್​ ಎಂದರೆ ನಿಮ್ಮ ಮೊಬೈಲ್​ನಲ್ಲಿ ಆ್ಯಡ್​ ಮಾಡಲಾದ ಕಾಂಟ್ಯಾಕ್ಟ್‌ಗಳನ್ನು, ಬಳಕೆದಾರರ ಗೂಗಲ್‌ ಖಾತೆಗೆ ಅಥವಾ ನಿರ್ದಿಷ್ಟವಾಗಿ ಗೂಗಲ್‌ ಡ್ರೈವ್‌ನಲ್ಲಿ ಸೇವ್ ಮಾಡುವ ಮತ್ತು ಸೇರಿಸುವ ಒಂದು ವಿಧಾನವಾಗಿದೆ. ಬಳಕೆದಾರರ ಗೂಗಲ್​ ಅಕೌಂಟ್​ಗೆ ಅಪ್‌ಲೋಡ್ ಮಾಡಿ ಮತ್ತು ಸಂಗ್ರಹಿಸಿದ ನಂತರ, ಫೋನ್, ಪಿಸಿ, ಟ್ಯಾಬ್ಲೆಟ್ ಮತ್ತು ಮೂಲಭೂತವಾಗಿ ಇಂಟರ್ನೆಟ್ ಬ್ರೌಸಿಂಗ್ ಕಾರ್ಯವನ್ನು ಬೆಂಬಲಿಸುವ ಯಾವುದೇ ಸಾಧನದಲ್ಲಿ ನಿಮ್ಮ ಖಾತೆಗೆ ಸೈನ್ ಇನ್ ಮಾಡುವ ಮೂಲಕ ಈ ಕಾಂಟ್ಯಾಕ್ಟ್​ಗಳನ್ನು ಹೇಗೆ ಬೇಕಾದರು ಓಪನ್ ಮಾಡ್ಬಹುದು.

ಇದನ್ನೂ ಓದಿ: ಮಾರುಕಟ್ಟೆಗೆ ಬರ್ತಿದೆ ವಿವೋ ಕಂಪನಿಯ ಹೊಸ ಸ್ಮಾರ್ಟ್​ಫೋನ್! ಹೇಗಿದೆ ಗೊತ್ತಾ ಫೀಚರ್ಸ್?

ಗೂಗಲ್​ ಕಾಂಟ್ಯಾಕ್ಟ್​ ಬ್ಯಾಕಪ್​​ನಿಂದ ಏನು ಪ್ರಯೋಜನ?

ಗೂಗಲ್ ಬ್ಯಾಕಪ್​ ಎಂಬುದು ಒಂದು ಇಂಟರ್ನೆಟ್​ ಮೂಲಕ ಕಾರ್ಯನಿರ್ವಹಿಸುವಂತಹ ಅಪ್ಲಿಕೇಶನ್​ ಆಗಿದೆ. ಇದು ಗ್ರಾಹಕರಿಗೆ ಕಾಂಟ್ಯಾಕ್ಟ್​ಗಳನ್ನು ಸೇವ್​ ಮಾಡಲು ಸಹಕಾರ ಮಾಡುತ್ತದೆ. ಇದಲ್ಲದೆ ಇದರಲ್ಲಿ ವಿಶೇಷವಾಗಿ ಕಾಂಟ್ಯಾಕ್ಟ್​ಗಳನ್ನು ಆ್ಯಡ್ ಮಾಡಲು ಯಾವುದೇ ಮಿತಿಗಳಿರುವುದಿಲ್ಲ.

ಈ ಗೂಗಲ್​ ಅಕೌಂಟ್​ ಮೂಲಕ ನಿಮ್ಮ ಕಾಂಟ್ಯಾಕ್ಟ್​ಗಳನ್ನು ಬ್ಯಾಕಪ್ ಮಾಡಿದ್ರೆ ನಿಮಗೆ ನಿಮ್ಮ ಮೊಬೈಲ್ ಕಳುವಾದಾಗ, ಕಳೆದುಹೋದಾಗ ಅಥವಾ ಮೊಬೈಲ್ ಹಾಳಾದಾಗ ನಿಮಗೆ ಕಾಂಟ್ಯಾಕ್ಟ್​ಗಳನ್ನು ಮರುಪಡೆಯಲು ಇದು ಬಹಳಷ್ಟು ಸಹಕಾರಿಯಾಗುತ್ತದೆ. ನಿಮ್ಮ ಹಳೇ ಮೊಬೈಲ್​ ಇಲ್ಲದೆ ಆದಾಗ ಬೇರೊಂದು ಮೊಬೈಲ್​ನಲ್ಲಿ ನಿಮ್ಮ ಗೂಗಲ್​ ಅಕೌಂಟ್ ಅನ್ನು ಲಾಗಿನ್ ಆಗುವ ಮೂಲಕ ನಿಮ್ಮ ಗೂಗಲ್ ಅಕೌಂಟ್​ನಲ್ಲಿ ಸೇವ್ ಆದ ಕಾಂಟ್ಯಾಕ್ಟ್​, ಡೇಟಾವನ್ನು ಸುಲಭದಲ್ಲಿ ಮರುಪಡೆಯಬಹುದಾಗಿದೆ.

ಸಾಂಕೇತಿಕ ಚಿತ್ರ

ಗೂಗಲ್​ ಅಕೌಂಟ್​ಗೆ ಕಾಂಟ್ಯಾಕ್ಟ್​ ಬ್ಯಾಕಪ್​​ ಮಾಡುವುದು ಹೇಗೆ?

• ನಿಮ್ಮ ಆಂಡ್ರಾಯ್ಡ್ ಮೊಬೈಲ್‌ನಲ್ಲಿ 'ಸೆಟ್ಟಿಂಗ್‌ಗಳು' ಅಪ್ಲಿಕೇಶನ್ ತೆರೆಯಿರಿ


• ಕೆಳಗೆ ಸ್ಕ್ರಾಲ್ ಮಾಡಿ ಮತ್ತು 'ಗೂಗಲ್‌' ಸೆಟ್ಟಿಂಗ್‌ಗಳ ಮೆನುವನ್ನು ಹುಡುಕಿ


• ಈಗ 'ಬ್ಯಾಕಪ್' ಆಯ್ಕೆಯನ್ನು ಆರಿಸಿ


• 'ಬ್ಯಾಕಪ್ ವಿವರಗಳು' ಅಡಿಯಲ್ಲಿ ನೀವು 'ಗೂಗಲ್‌ ಖಾತೆ ಡೇಟಾ' ಎಂಬ ಆಯ್ಕೆಯನ್ನು ಕಾಣಬಹುದು. ಅದನ್ನು ಸೆಲೆಕ್ಟ್​​ ಮಾಡಿ.


• ಇಲ್ಲಿಂದ ಸರಳವಾಗಿ ಟಾಗಲ್ ಅನ್ನು ಆಫ್ ಮಾಡಿ ನಂತರ ಅದನ್ನು ಮತ್ತೆ ಆನ್ ಮಾಡಿ


• ಸಂಪರ್ಕಗಳ ಅಪ್ಲಿಕೇಶನ್‌ಗಳಲ್ಲಿ ಸೇವ್ ಮಾಡಲಾದ ನಿಮ್ಮ ಕಾಂಟ್ಯಾಕ್ಟ್​ಗಳು ಬ್ಯಾಕಪ್ ಆಗಲು ಆರಂಭವಾಗುತ್ತದೆ ಮತ್ತು ನೀವು ಸೈನ್ ಇನ್ ಮಾಡಿದ ಎಲ್ಲಾ ಸಾಧನಗಳಲ್ಲಿ ಸಿಂಕ್ ಮಾಡಲಾಗುತ್ತದೆ