IPhone 11: ಕೇವಲ 21 ಸಾವಿರ ರೂಪಾಯಿಗೆ ಐಫೋನ್ 11 ಸ್ಮಾರ್ಟ್​ಫೋನ್​! ಫ್ಲಿಪ್​ಕಾರ್ಟ್​ ಗ್ರಾಹಕರಿಗಾಗಿ ಬಿಡುಗಡೆ ಮಾಡಿದೆ ವಿಶೇಷ ಆಫರ್

ಐಫೋನ್ (IPhone) ಎಂದರೆ ಯಾರಿಗೆ ಇಷ್ಟ ಇಲ್ಲ ಹೇಳಿ, ಆ್ಯಪಲ್ ಕಂಪನಿಯಿಂದ (Apple Company) ಬಿಡುಗಡೆಯಾಗುವ ಸ್ಮಾರ್ಟ್​ಫೋನ್​ಗಳು (Smartphones) ಪ್ರಪಂಚದಾದ್ಯಂತ ವಿಶೇಷ ಗ್ರಾಹಕರನ್ನು ಇದು ಹೊಂದಿದೆ. ಆ್ಯಪಲ್​ ಕಂಪನಿ ಗ್ರಾಹಕರಿಗಾಗಿ ಕಡಿಮೆ ಬೆಲೆಯಿಂದ ಹಿಡಿದು ಲಕ್ಷಾಂತರ ಮೌಲ್ಯದ ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡಿ ಮೊಬೈಲ್ ಮಾರುಕಟ್ಟೆಯಲ್ಲಿ (Mobile) ತನ್ನದೇ ಆದಂತಹ ಒಂದು ಅಸ್ಥಿತ್ವವನ್ನು ಕಾಪಾಡಿಕೊಂಡಿದೆ. ಬಿಡುಗಡೆಯಾದ ಕೆಲವೇ ಗಂಟೆಗಳಲ್ಲಿ ಐಫೋನ್‌ಗಳು ಬಿಸಿ ಕೇಕ್‌ನಂತೆ ಮಾರಾಟವಾಗುತ್ತವೆ. ಆದರೆ ಹೆಚ್ಚಿನ ಬೆಲೆಯಿಂದಾಗಿ, ಅನೇಕ ಜನರು ಅದನ್ನು ಖರೀದಿಸಲು ಹಿಂಜರಿಯುತ್ತಾರೆ. ಇದೀಗ ಪ್ರಸಿದ್ಧ ಇ-ಕಾಮರ್ಸ್ ಅಪ್ಲಿಕೇಶನ್ ಆಗಿರುವ ಫ್ಲಿಪ್​​ಕಾರ್ಟ್​ (Flipcart) ಅಂತಹವರಿಗಾಗಿ ಬಂಪರ್ ಆಫರ್​ ಅನ್ನು ಘೋಷಿಸಿದೆ. ಆ್ಯಪಲ್​ನ ಅತ್ಯಂತ ಜನಪ್ರಿಯ ಫೋನ್ ಐಫೋನ್ 11 ನ ಮೇಲೆ ಭಾರೀ ರಿಯಾಯಿತಿಗಳನ್ನು ನೀಡುತ್ತಿದೆ.

ಹೌದು ಐಫೋನ್​ಗಳ ಬೆಲೆ ಹೆಚ್ಚಾಗಿರುವುದರಿಂದ ಈ ಸ್ಮಾರ್ಟ್​ಫೋನ್​ಗಳನ್ನು ಕೆಲವರು ಖರೀದಿಸಲು ಹಿಂಜರಿಯುತ್ತಾರೆ. ಆದರೆ ಇನ್ಮುಂದೆ ಇದಕ್ಕೆ ಟೆನ್ಷನ್ ಬೇಡ. ಫ್ಲಿಪ್​ಕಾರ್ಟ್​ ಐಫೊನ್​ 11 ಸ್ಮಾರ್ಟ್​ಫೋನ್​​ ಅನ್ನು ಭರ್ಜರಿ ಆಫರ್​ನೊಂದಿಗೆ ಮಾರಾಟ ಮಾಡುತ್ತಿದೆ. ಇದರ ಬೆಲೆ ಮತ್ತು ಫೀಚರ್ಸ್​ ಬಗ್ಗೆ ಮಾಹಿತಿ ಇಲ್ಲಿದೆ.

ಐಫೋನ್​ನ ಕ್ರೇಜ್ ಇನ್ನೂ ಹೋಗಿಲ್ಲ

2020 ರಲ್ಲಿ ವಿಶ್ವಾದ್ಯಂತ ಅತಿ ಹೆಚ್ಚು ಮಾರಾಟವಾದ ಈ ಸ್ಮಾರ್ಟ್‌ಫೋನ್ ಇನ್ನೂ ದೊಡ್ಡ ಕ್ರೇಜ್ ಅನ್ನು ಹೊಂದಿದೆ. ಇನ್ನು ಐಫೋನ್ 11 ಉತ್ತಮ ಕ್ಯಾಮೆರಾ ಮತ್ತು ಉತ್ತಮ ಫೀಚರ್ಸ್​ ಹೊಂದಿದ ಸ್ಮಾರ್ಟ್‌ಫೋನ್ ಆಗಿದೆ. ಅದಕ್ಕಾಗಿಯೇ ಇದು ಆಪಲ್ ಕಂಪನಿಯ ಅತ್ಯಂತ ಜನಪ್ರಿಯ ಮತ್ತು ಬಹಳ ಬೇಡಿಕೆಯ ಐಫೋನ್ ಮಾದರಿಯಾಗಿದೆ.

ಇದನ್ನೂ ಓದಿ: ಈ ಮೊಬೈಲ್​ ಬೆಲೆ ಕೇಳಿದ್ರೆ ತಲೆ ತಿರುಗಿ ಬೀಳ್ತೀರಾ! ಅಂಥದ್ದೇನಿದೆ ಈ ಫೋನ್​ನಲ್ಲಿ ನೋಡಿ

ಆದರೆ ಇತ್ತೀಚೆಗೆ ಆ್ಯಪಲ್ ಐಫೋನ್ 14 ಸೀರಿಸ್​ ಅನ್ನು ಬಿಡುಗಡೆ ಮಾಡಿದ ನಂತರ, ಕಂಪನಿಯು ಇವುಗಳ ಉತ್ಪಾದನೆಯನ್ನು ನಿಲ್ಲಿಸಿದೆ. ಆದರೂ ಆ್ಯಪಲ್ ಐಫೋನ್ 11 ಹಲವಾರು ಇ-ಕಾಮರ್ಸ್ ಪ್ಲಾಟ್‌ಫಾರ್ಮ್‌ಗಳಲ್ಲಿ ಖರೀದಿಗೆ ಲಭ್ಯವಿದೆ. ಆ್ಯಪಲ್ ನಿಂದ ಹೊಸ ಸೀರಿಸ್ ಬಂದರೂ ಕೂಡ ಐಫೋನ್ 11 ಸ್ಮಾರ್ಟ್​ಫೋನ್​​ನ ಕ್ರೇಜ್ ಸ್ವಲ್ಪವೂ ಕಡಿಮೆಯಾಗಿಲ್ಲ.

ಸಾಂಕೇತಿಕ ಚಿತ್ರ

2020 ರ ಅತ್ಯುತ್ತಮವಾಗಿ ಮಾರಾಟವಾದ ಸ್ಮಾರ್ಟ್‌ಫೋನ್

ಆ್ಯಪಲ್ ಐಫೋನ್ 11 ಸೀರಿಸ್​ ಅನ್ನು ಭಾರತದಲ್ಲಿ 2019 ರಲ್ಲಿ ರೂ.64,900 ಆರಂಭಿಕ ಬೆಲೆಯಲ್ಲಿ ಬಿಡುಗಡೆ ಮಾಡಲಾಯಿತು. ಐಫೋನ್ 11 ಸೀರಿಸ್​​ನಲ್ಲಿ ಆ್ಯಪಲ್ ಐಫೋನ್ 11, ಐಫೋನ್ 11 ಪ್ರೋ ಮತ್ತು ಐಫೋನ್ 11 ಪ್ರೋ ಮ್ಯಾಕ್ಸ್​ ಎಂಬ ಮೂರು ಮಾದರಿಗಳಿವೆ. ಆದರೆ ಫ್ಲಿಪ್‌ಕಾರ್ಟ್‌ನಲ್ಲಿನ ಇತ್ತೀಚಿನ ಕೊಡುಗೆಯ ಅಡಿಯಲ್ಲಿ ಇದನ್ನು ಕೇವಲ ರೂ.21,450 ನಲ್ಲಿ ಖರೀದಿಸಬಹುದು.

ಫ್ಲಿಪ್‌ಕಾರ್ಟ್‌ನಲ್ಲಿ ಐಫೋನ್ 11 ಬೆಲೆ 40,999 ರೂ. ಆಕ್ಸಿಸ್ ಬ್ಯಾಂಕ್ ಕಾರ್ಡ್‌ನಲ್ಲಿ ನೀಡುವ ರಿಯಾಯಿತಿಯ ಮೂಲಕ ನೀವು 5 ಪ್ರತಿಶತದಷ್ಟು ಕ್ಯಾಶ್‌ಬ್ಯಾಕ್ ಪಡೆಯಬಹುದು. ಅಂದರೆ ಸುಮಾರು ರೂ.2,049 ರಿಯಾಯಿತಿ ಪಡೆಯಬಹುದು. ಇದಲ್ಲದೇ, ಎಕ್ಸ್‌ಚೇಂಜ್ ಆಫರ್‌ನ ಅಡಿಯಲ್ಲಿ ರೂ.17,500 ರ ಮತ್ತೊಂದು ರಿಯಾಯಿತಿಯನ್ನು ಸಹ ಪಡೆಯಬಹುದು.

ಸಾಂಕೇತಿಕ ಚಿತ್ರ

ಐಫೋನ್ 11 ಸ್ಪೆಷಲ್​ ಫೀಚರ್ಸ್​:

ಇತ್ತೀಚೆಗೆ ದಸರಾ ಮತ್ತು ದೀಪಾವಳಿ ಹಬ್ಬದ ಸಂದರ್ಭದಲ್ಲಿ ಫ್ಲಿಪ್​ಕಾರ್ಟ್​  ಬಿಗ್ ಬಿಲಿಯನ್ ಡೇಸ್ ಸೇಲ್, ಅಮೆಜಾನ್ ಗ್ರೇಟ್ ಇಂಡಿಯನ್ ಫೆಸ್ಟಿವಲ್ ಸೇಲ್‌ ನಡೆಯಿತು. ಇದರಲ್ಲಿ ಆ್ಯಪಲ್​ನ ಐಫೋನ್ 11 ಉತ್ತಮ ಪ್ರತಿಕ್ರಿಯೆಯನ್ನು ಪಡೆದುಕೊಂಡಿದೆ. ಆ ಸಂದರ್ಭದಲ್ಲಿ ಈ ಫೋನ್‌ಗಳಿಗೆ ಭಾರೀ ಬೇಡಿಕೆ ಇತ್ತು. ಐಫೋನ್ 11 ರ ಫೀಚರ್ಸ್​ಗಳನ್ನು ನೋಡುವುದಾದರೆ, ಇದು 6.1-ಇಂಚಿನ ಲಿಕ್ವಿಡ್ ರೆಟಿನಾ HD ಡಿಸ್ಪ್ಲೇಯನ್ನು ಹೊಂದಿದೆ. ಇದು A13 ಬಯೋನಿಕ್ ಚಿಪ್‌ಸೆಟ್‌ನಿಂದ ಕಾರ್ಯನಿರ್ವಹಿಸುತ್ತದೆ. ಈ ಸ್ಮಾರ್ಟ್​ಫೋನ್​ನ ಹಿಂಭಾಗದಲ್ಲಿ ಡ್ಯುಯಲ್ 12MP ಸೆನ್ಸಾರ್ ಕ್ಯಾಮೆರಾ ಮತ್ತು ಮುಂಭಾಗದಲ್ಲಿ 12MP ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.