Instagram Lite: ಕಡಿಮೆ ಡೇಟಾ, ನಿಧಾನಗತಿಯ ನೆಟ್​​ವರ್ಕ್​ನಲ್ಲೂ ಕಾರ್ಯನಿರ್ವಹಿಸುತ್ತದೆ ಇನ್​​ಸ್ಟಾಗ್ರಾಂ ಲೈಟ್!

ಇನ್​ಸ್ಟಾಗ್ರಾಂ ತನ್ನ ಬಳಕೆದಾರರಿಗೆ ಇನ್​​ಸ್ಟಾಗ್ರಾ ಲೈಟ್​ ಆ್ಯಪ್​ ಅನ್ನು ಪರಿಚಯಿಸಿದೆ. ಸದ್ಯ ಈ ನೂತನ ಆ್ಯಪ್​​​ ಪ್ಲೇ ಸ್ಟೋರ್​ನಲ್ಲಿ ಬಿಡುಗಡೆಗೊಂಡಿದ್ದು, ಬಳಕೆದಾರರ ಬಳಕೆಗೆ ಸಿಗಲಿದೆ.

ಇನ್​ಸ್ಟಾಗ್ರಾಂ ಲೈಟ್​ 2MB ಗಾತ್ರದಲ್ಲಿದೆ. ಮಾತ್ರವಲ್ಲದೆ, ಕಡಿಮೆ ಡೇಟಾ ತೆಗೆದುಕೊಳ್ಳುತ್ತದೆ. ಅಷ್ಟು ಮಾತ್ರವಲ್ಲದೆ, ನಿಧಾನಗತಿಯ ನೆಟ್​ವರ್ಕ್​ ಮತ್ತು ಬೇಸಿಕ್​ ಸ್ಮಾರ್ಟ್​ಫೋನ್​ ಮೂಲಕ ಇನ್​ಸ್ಟಾಗ್ರಾಂ ಲೈಟ್​​ ಅನ್ನು ಬಳಸಬಹುದಾಗಿದೆ.

ಇನ್​ಸ್ಟಾಗ್ರಾಂ ಲೈಟ್ ಅನ್ನು​ ಕೊಂಚ ಭಿನ್ನವಾಗಿ ವಿನ್ಯಾಸ ಮಾಡಲಾಗಿದೆ. ಆದರೆ ಇದರಲ್ಲಿ ಡಾರ್ಕ್​ ಥೀಮ್​ ಆಯ್ಕೆಯನ್ನು ನೀಡಿಲ್ಲ. ಜೊತೆಗೆ ಐಜಿಟಿವಿ ಮತ್ತು ರೀಲ್ಸ್​ ಟ್ಯಾಬ್​ಗಳ ವೀಕ್ಷಿಸಲು ಸಾಧ್ಯವಿಲ್ಲ. ಆದರೆ ಅಪ್ಲೋಡ್​​ ಮಾಡಿರುವ ವಿಡಿಯೋವನ್ನು ಸ್ಟ್ಯಾಂಡರ್ಡ್​​ ವಿಡಿಯೋವಾಗಿ ಪ್ಲೇ ಮಾಡಬಹುದಾಗಿದೆ.

ಭಾರತದಲ್ಲಿನ ಬಳಕೆದಾರರ ಸಂಖ್ಯೆಯನ್ನು ಇನ್ನಷ್ಟು ಹೆಚ್ಚಿಸಿಕೊಳ್ಳುವ ಸಲುವಾಗಿ ಇನ್​ಸ್ಟಾಗ್ರಾಂ ಲೈಟ್​ ಅನ್ನು ಪರಿಚಯಿಸಿದೆ. ಮೊದಲ ಬಾರಿ ಇಂಟರ್​ನೆಟ್​ ಬಳಸುತ್ತಿರುವವರು, ಬೇಸಿಕ್​ ಸ್ಮಾರ್ಟ್​ಫೋನ್​ ಬಳಕೆದಾರರಿಂದ ಕಂಟೆಂಟ್​​ ತೆಗೆದುಕೊಳ್ಳವುದು ಇನ್​ಸ್ಟಾಗ್ರಾಂ ಲೈಟ್​ ಮುಖ್ಯ ಗುರಿಯಾಗಿದೆ.

ಇನ್ನು ಫೇಸ್​ಬುಕ್​​ ಪ್ಯುಯೆಲ್​​ ಫಾರ್​ ಇಂಡಿಯಾ 2020 ಸಮ್ಮೇಳನದಲ್ಲಿ ಸಾಕಷ್ಟು ವಿಚಾರಗಳನ್ನು ಯೋಜನೆಗೆ ತರಲು ಚಿಂತಿಸಿದೆ. ವ್ಯಾಪಾರ ಮತ್ತು ಸಣ್ಣ ಉದ್ಯಮಗಳನ್ನು ಬೆಂಬಲಿಸಲು ಮುಂದಾಗಿದೆ. ಅದರ ಜೊತೆಗೆ ಬಳಕೆದಾರರ ಸಂಖ್ಯೆಯನ್ನು ಹೆಚ್ಚಿಸಲಿದೆ.

ಇನ್​ಸ್ಟಾಗ್ರಾಂ ಲೈಟ್​ ಪರಿಚಯಿಸಿರುವುದು ಒಂದೆಡೆಯಾದರೆ. ಮತ್ತೊಂದೆಡೆ ಫೇಸ್​ಬುಕ್​ ವ್ಯಾಟ್ಸ್​​ಆ್ಯಪ್​ ಪಾವತಿ ಸೇವೆಯನ್ನು ಪರಿಚಯಿಸಿದೆ, ಅದಕ್ಕಾಗಿ ದೇಶದ ಹಲವು ಬ್ಯಾಂಕ್​ಗಳ ಜೊತೆಗೆ ಕೈ ಜೋಡಿಸಿದೆ.