Infinix Hot 20S: ಕೇವಲ 12 ಸಾವಿರ ರೂಪಾಯಿಗೆ ಇನ್ಫಿನಿಕ್ಸ್​ನ 5ಜಿ ಸ್ಮಾರ್ಟ್​ಫೋನ್​, ಡಿಸೆಂಬರ್​​ನಿಂದ ಮಾರುಕಟ್ಟೆಯಲ್ಲಿ ಲಭ್ಯ

ಸ್ಮಾರ್ಟ್​ಫೋನ್​ಗಳ (Smartphone) ಬಳಕೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಇತ್ತೀಚಿನ ದಿನಗಳಲ್ಲಿ ಸ್ಮಾರ್ಟ್​ಫೋನ್ ಇಲ್ಲದೆ ಯಾವುದೇ ಕೆಲಸಗಳು ಆಗುವುದೇ ಇಲ್ಲ. ಇಂಟರ್ನೆಟ್ (Internet) ಎಂಬುದು ಈಗಿನ ಕಾಲಮಾನದಲ್ಲಿ ಮುಖ್ಯವಾಗಿದೆಯೋ ಅದೇ ರೀತಿ ಸ್ಮಾರ್ಟ್​ಫೋನ್​ಗಳು ಕೂಡ ಅಷ್ಟೇ ಮುಖ್ಯವಾಗಿದೆ. ಆದರೆ ಈ ಸ್ಮಾರ್ಟ್​ಫೊನ್​ಗಳು ಈಗ ಬಹಳಷ್ಟು ಫೀಚರ್ಸ್​ ಅನ್ನು ಒಳಗೊಂಡಿದ್ದು ಬಳಕೆದಾರರಿಗೆ ಕೈಗೆಟಕುವ ದರದಲ್ಲಿ ಲಭ್ಯವಿದೆ. ಚೀನಾದ ಪ್ರಸಿದ್ಧ ಮೊಬೈಲ್ (Mobile) ತಯಾರಿಕಾ ಕಂಪನಿ ಇನ್ಫಿನಿಕ್ಸ್​ (Infinix) ಇದೀಗ ಮತ್ತೊಂದು ಹೊಸ ಫೋನ್ ಬಿಡುಗಡೆ ಮಾಡಿದೆ. ಉತ್ತಮವಾಗಿ ಗ್ರಾಹಕರ ಕೈಗೆಟಕುವ ದರದಲ್ಲಿ  ಬಿಡುಗಡೆಯಾದ ಇತ್ತೀಚಿನ ಸ್ಮಾರ್ಟ್​​ಫೋನ್​ಗಳ ಸಾಲಿಗೆ ಈ ಸ್ಮಾರ್ಟ್​ಫೋನ್​ಗಳು ಖೂಡ ಸೇರಿವೆ.

ಇನ್ಫಿನಿಕ್ಸ್​ ತನ್ನ ಕಂಪನಿಯ ಅಡಿಯಲ್ಲಿ ಇನ್ಫಿನಿಕ್ಸ್​​ ಹಾಟ್​ 20 ಎಸ್​ (Infinix Hot 20S) ಎಂಬ ಸ್ಮಾರ್ಟ್​ಫೋನ್​ ಅನ್ನು ಬಿಡುಗಡೆ ಮಾಡಿದೆ. ಇದರ ಸ್ಪೆಷಲ್ ಫೀಚರ್ಸ್​ ಮತ್ತು ಬೆಲೆಯ ಬಗ್ಗೆ ಕಂಪ್ಲೀಟ್​ ಮಾಹಿತಿ ಇಲ್ಲಿದೆ.

ಇನ್ಫಿನಿಕ್ಸ್​ 20 ಎಸ್​​ ನ ಸ್ಪೆಷಲ್​ ಫೀಚರ್ಸ್​:

• ಸ್ಮಾರ್ಟ್​​ಫೋನ್ 6.78-ಇಂಚಿನ IPS FHD+ ಡಿಸ್ಪ್ಲೇ ಜೊತೆಗೆ 120Hz ರಿಫ್ರೆಶ್ ದರದೊಂದಿಗೆ ಬರುತ್ತದೆ.


• ಗೇಮಿಂಗ್​ನ ಫೀಚರ್ಸ್​​ಗಾಗಿ ಹೈಪರ್ ವಿಷನ್ ಗೇಮಿಂಗ್-ಪ್ರೊ  ಎಂಬ ಫೀಚರ್​​ ಅನ್ನು ಆ್ಯಡ್ ಮಾಡಲಾಗಿದೆ.


• ಈ ಸ್ಮಾರ್ಟ್‌ಫೋನ್ ಆಕ್ಟಾ ಕೋರ್ ಮೀಡಿಯಾ ಟೆಕ್ ಹೆಲಿಯೊ ಜಿ 96 ಪ್ರೊಸೆಸರ್‌ನಿಂದ ಕಾರ್ಯನಿರ್ವಹಿಸುತ್ತದೆ.

ಇನ್ಫಿನಿಕ್ಸ್​​ ಸ್ಮಾರ್ಟ್​ಫೋನ್

• ಇನ್ಫಿನಿಕ್ಸ್​​ 20 ಎಸ್​​ನ ಸ್ಮಾರ್ಟ್​​ಫೋನ್ 8GB+128GB ಸ್ಟೋರೇಜ್ ಅನ್ನು ಹೊಂದಿದ್ದು, ಜೊತೆಗೆ ಮೈಕ್ರೊ ಎಸ್​​​ಡಿ ಕಾರ್ಡ್‌ನ ಸಹಾಯದಿಂದ 512GB ವರೆಗೆ ಸ್ಟೋರೇಜ್​ ಅನ್ನು ವಿಸ್ತರಿಸಬಹುದು.

• ಸ್ಮಾರ್ಟ್‌ಫೋನ್ ಮುಖ್ಯವಾಗಿ 50-ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ ಹೊಂದಿದ್ದು ಜೊತೆಗೆ ಎರಡು 2-ಮೆಗಾಪಿಕ್ಸೆಲ್ ಸೆನ್ಸಾರ್​ ಅನ್ನು ಹೊಂದಿದೆ.


• ಮುಂಭಾಗದಲ್ಲಿ 8 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಇದೆ.


• ಇನ್ಫಿನಿಕ್ಸ್ ಹಾಟ್ 20 ಎಸ್ ಆಂಡ್ರಾಯ್ಡ್​ 12 ಒಎಸ್​​ ನಲ್ಲಿ ಕಾರ್ಯನಿರ್ವಹಿಸಲಿದೆ.


• ಇದು 5000 mAh ಬ್ಯಾಟರಿಯನ್ನು ಹೊಂದಿದ್ದು ಅದು 18W ಟೈಪ್-ಸಿ ಫಾಸ್ಟ್ ಚಾರ್ಜ್ ಅನ್ನು ಬೆಂಬಲಿಸುತ್ತದೆ.


• ಫಿಲಿಪೈನ್ಸ್‌ನಲ್ಲಿ ಬಿಡುಗಡೆಯಾದ Infinix Hot 20S ಸ್ಮಾರ್ಟ್‌ಫೋನ್ ಭಾರತದಲ್ಲಿ ಮತ್ತು ಜಾಗತಿಕವಾಗಿ ಯಾವಾಗ ಲಭ್ಯವಾಗುತ್ತದೆ ಎಂಬುದನ್ನು ಕಂಪನಿಯು ಇನ್ನೂ ಪ್ರಕಟಿಸಿಲ್ಲ.

ಈ ಸ್ಮಾರ್ಟ್​​ಫೊನ್​ ಅನ್ನು ಸಿಂಗಲ್ ವೆರಿಯಂಟ್ ನಲ್ಲಿ ಲಾಂಚ್ ಮಾಡಲಾಗಿದೆ. ಕಂಪನಿಯು ಫಿಲಿಪೈನ್ ಕರೆನ್ಸಿಯಲ್ಲಿ 8GB+128GB ರೂಪಾಂತರದ ಬೆಲೆಯನ್ನು PHP 8,499 ಅಂದರೆ ಭಾರತದಲ್ಲಿ ಸುಮಾರು 12,300 ರೂಪಾಯಿಗೆ ಲಭ್ಯವಾಗುತ್ತದೆ ಎಂದು ನಿಗದಿಪಡಿಸಿದೆ. ಇನ್ಫಿನಿಕ್ಸ್​ 20 ಎಸ್​ ಸ್ಮಾರ್ಟ್‌ಫೋನ್ ನಾಲ್ಕು ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿದೆ. ಬಿಳಿ, ನೇರಳೆ, ನೀಲಿ, ಕಪ್ಪು ಬಣ್ಣಗಳಲ್ಲಿ ಇದು ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ. ಗ್ರಾಹಕರು ಪ್ರಸ್ತುತವಾಗಿ ಈ ಸ್ಮಾರ್ಟ್​ಫೋನ್​ ಅನ್ನು Shopee ಅಪ್ಲಿಕೇಶನ್​ನಲ್ಲಿ ಖರೀದಿಸಬಹುದು.

ಇನ್ಫಿನಿಕ್ಸ್​​ ಸ್ಮಾರ್ಟ್​ಫೋನ್

ಭಾರತೀಯ ಮಾರುಕಟ್ಟೆಯಲ್ಲಿ ಹೊಸ 5G ಫೋನ್ ಸದ್ಯದಲ್ಲೆ ಬರಲಿವೆ:

ಇನ್ಫಿನಿಕ್ಸ್​ ಕಂಪನಿಯು ಹೊಸ 5ಜಿ ಸ್ಮಾರ್ಟ್‌ಫೋನ್ ಅನ್ನು ಭಾರತೀಯ ಮಾರುಕಟ್ಟೆಗೆ ತರಲಿದೆ. ಇನ್ಫಿನಿಕ್ಸ್ ಹಾಟ್​ 20 5ಜಿ ಎಂಬ ಸ್ಮಾರ್ಟ್​​ಫೋನ್​ ಅನ್ನು ಡಿಸೆಂಬರ್ 1 ರಂದು ಬಿಡುಗಡೆ ಮಾಡಲಿದೆ. ಈ ಬಗ್ಗೆ ಕಂಪನಿ ಟ್ವೀಟ್ ಮಾಡಿದೆ. ಇದನ್ನು ಈಗಾಗಲೇ ಜಾಗತಿಕವಾಗಿ ಬಿಡುಗಡೆ ಮಾಡಿರುವುದರಿಂದ ಇನ್ಫಿನಿಕ್ಸ್ ಹಾಟ್​ 20 5ಜಿಯ ವಿಶೇಷಣಗಳು ಎಲ್ಲರಿಗೂ ತಿಳಿದಿವೆ.

ಇದನ್ನೂ ಓದಿ: ಈ ಸ್ಮಾರ್ಟ್​ವಾಚ್​ಗಳ ಮೇಲೆ ದೇಶದಲ್ಲಿ ಭಾರೀ ಬೇಡಿಕೆ, ಭಾರತ ಈ ಮಾರುಕಟ್ಟೆಯಲ್ಲಿ ಅಗ್ರಸ್ಥಾನ

ಇದು 6.6-ಇಂಚಿನ ಪೂರ್ಣ HD+ ಡಿಸ್ಪ್ಲೇಯೊಂದಿಗೆ 120Hz ರಿಫ್ರೆಶ್ ದರದೊಂದಿಗೆ ಭಾರತದಲ್ಲಿ ಬಿಡುಗಡೆಯಾಗಲಿದೆ. ಇದು MediaTek Dimension 810 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಇದು XOS 10.6 ಆಧಾರಿತ Android 12 ಅನ್ನು ರನ್ ಮಾಡುತ್ತದೆ. 50MP+ 2MP ಹಿಂಭಾಗದ ಡ್ಯುಯಲ್ ಕ್ಯಾಮೆರಾ ಸೆಟಪ್ ಇದೆ. ಸೆಲ್ಫಿಗಾಗಿ ಮುಂಭಾಗದಲ್ಲಿ 8MP ಕ್ಯಾಮೆರಾ ಇದೆ. ಮೊಬೈಲ್ 5,000 mAh ಬ್ಯಾಟರಿಯನ್ನು ಹೊಂದಿದ್ದು ಅದು 18W ಚಾರ್ಜಿಂಗ್ ಅನ್ನು ಬೆಂಬಲಿಸುತ್ತದೆ. ಈ ಸ್ಮಾರ್ಟ್ ಫೋನ್ ಬೆಲೆ ಸುಮಾರು ರೂ.15 ಸಾವಿರ ಇರಬಹುದು ಎಂದು ಮಾರುಕಟ್ಟೆ ಮೂಲಗಳು ಅಂದಾಜಿಸುತ್ತವೆ.