Smartphone Tips: ಭಾರತೀಯರು ಈ ಸ್ಮಾರ್ಟ್​​ಫೋನ್​ಗಳನ್ನು ಹೆಚ್ಚು ಖರೀದಿಸ್ತಾರಂತೆ! ಬಹಿರಂಗವಾಯ್ತು ವರದಿ

ಇಂದಿನ ದಿನದಲ್ಲಿ ಸ್ಮಾರ್ಟ್​ಫೋನ್​​​ಗಳು (Smartphones) ಪ್ರತಿಯೊಬ್ಬರ ಅಗತ್ಯ ಸಾಧನವಾಗಿಬಿಟ್ಟಿದೆ. ಯಾರ ಕೈ ನೋಡಿದ್ರೂ ಸ್ಮಾರ್ಟ್​​ಫೋನ್​ಗಳೇ ಕಾಣುತ್ತೆ. ಈ ಮಧ್ಯೆ ಕಂಪೆನಿಗಳು ಸಹ ಮಾರುಕಟ್ಟೆಗೆ ಹೊಸ ಹೊಸ ಮಾದರಿಯ ಸ್ಮಾರ್ಟ್​ಫೋನ್​ಗಳನ್ನು ಪರಿಚಯಿಸುತ್ತಿದೆ. ಇತ್ತೀಚೆಗಂತೂ ವಾರಕ್ಕೆ ಮೂರರಿಂದ ನಾಲ್ಕು ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಗೆ ಎಂಟ್ರಿ ನೀಡುತ್ತಿದೆ. ಮೊಬೈಲ್​ ಬಳಕೆದಾರರ ಸಂಖ್ಯೆ ಹೆಚ್ಚುತ್ತಿದ್ದಂತೆ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುತ್ತಿರುವ ಮೊಬೈಲ್​​ಗಳ ಸಂಖ್ಯೆಯೂ ಏರಿಕೆಯಾಗುತ್ತಿದೆ. ಜನರಂತು ಕಾತುರದಿಂದ ಹೊಸ ಸ್ಮಾರ್ಟ್​​ಫೋನ್​ನ ಬರುವಿಕೆಗಾಗಿ ಕಾಯುತ್ತಿರುತ್ತಾರೆ. ಅದ್ರಲ್ಲೂ ಜನಪ್ರಿಯ ಸ್ಮಾರ್ಟ್​​ಫೋನ್ ಬ್ರಾಂಡ್​ಗಳಾದ ಸ್ಯಾಮ್​ಸಂಗ್, ಒಪ್ಪೋ (Oppo), ರೆಡ್​ಮಿ (Redmi), ಐಫೋನ್​, ಒನ್​ಪ್ಲಸ್​ ಇತ್ತೀಚೆಗೆ ಮೊಬೈಲ್​ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯ (Demand Smartphones) ಕಂಪೆನಿಗಳಾಗಿದೆ. 

ಇದೀಗ ಸ್ಮಾರ್ಟ್​​ಫೋನ್​ ಮಾರುಕಟ್ಟೆಯ ಬಗ್ಗೆ ಅಚ್ಚರಿಯ ವರದಿಯೊಂದು ಹೊರಬಿದ್ದಿದ್ದು ಈ ಮೂಲಕ ಭಾರತೀಯರು ಸ್ಮಾರ್ಟ್​​ಫೋನ್​ಗಳನ್ನು ಎಷ್ಟು ತಿಂಗಳಿಗೊಮ್ಮೆ ಬದಲಾಯಿಸುತ್ತಾರೆ ಎಂಬ ಸಂಶೋಧನೆ ಮಾಡಿದ್ದಾರೆ. ಈ ವರದಿ ಬಳಕೆದಾರರನ್ನೇ ಬೆಚ್ಚಿಬೀಳಿಸುತ್ತೆ.

ವರದಿ ಪ್ರಕಾರ

ಮಾರುಕಟ್ಟೆಯಲ್ಲಿ ಸ್ಮಾರ್ಟ್​ಫೋನ್​ ಬಳಕೆ ಬೆಳವಣಿಗೆಯಾಗುತ್ತಿದ್ದಂತೆ ಇದೀಗ ಝೀ5 ಸಂಸ್ಥೆ ಭಅರತೀಯರು ಸ್ಮಾರ್ಟ್​ಫೋನ್​ಗಳನ್ನು ಹೇಗೆ ಬಳಸುತ್ತಾರೆ ಮತ್ತು ಎಷ್ಟು ಸಮಯಕ್ಕೊಮ್ಮೆ ಹೊಸ ಸ್ಮಾರ್ಟ್​​ಫೋನ್​ ಅನ್ನು ಖರೀದಿಸುತ್ತಾರೆ ಎಂದು ರಿಸರ್ಚ್ ಮಾಡಿತ್ತು. ಈ ವರದಿಯ ಪ್ರಕಾರ, ಭಾರತದ ಮೆಟ್ರೋ ನಗರಗಳಲ್ಲಿ ವಾಸಿಸುವ 50 ಶೇಕಡಾದಷ್ಟು ಜನರು ಆರು ತಿಂಗಳಿಗೊಮ್ಮೆ ಹೊಸ ಸ್ಮಾರ್ಟ್​​ಫೋನ್​ ಖರೀದಿ ಮಾಡುತ್ತಾರೆ ಎಂದು ಹೇಳಿದ್ದಾರೆ. ಹಳೆ ಮೊಬೈಲ್​​ನಲ್ಲಿ ಏನಾದರು ಸಮಸ್ಯೆ ಬಂದ ತಕ್ಷಣ ಹೊಸ ಸ್ಮಾರ್ಟ್​ಫೋನ್ ಖರೀದಿಸಲು ಮುಂದಾಗುತ್ತಾರೆ.

ಇದನ್ನೂ ಓದಿ: ಮಾರುಕಟ್ಟೆಯಲ್ಲಿ ಲಭ್ಯವಿರುವ 20 ಸಾವಿರದೊಳಗಿನ ಬೆಸ್ಟ್​ 5ಜಿ ಸ್ಮಾರ್ಟ್​​ಫೋನ್​ಗಳಿವು!

ಪುರುಷರೇ ಹೆಚ್ಚು ಸ್ಮಾರ್ಟ್​​ಫೋನ್​ ಬದಲಾಯಿಸುತ್ತಾರೆ

ಇತ್ತೀಚೆಗಂತೂ ಟೆಕ್ನಾಲಜಿ ಬದಲಾದಂತೆ ಜನರು ಸಹ ಅದಕ್ಕೆ ತಕ್ಕಂತೆ ಬದಲಾಗುತ್ತಿದ್ದಾರೆ. ಜನರು ಇಂದಿನ ದಿನದಲ್ಲಿ ಮೊಬೈಲ್​ ಅನ್ನು ಖರೀದಿಸುವಾಗ ಸಾಕಷ್ಟು ಜಾಗರೂಕರಾಗಿದ್ದಾರೆ. ಇನ್ನು ಈ ವರದಿಯ ಪ್ರಕಾರ, ಜನರು ಉತ್ತಮ ಬ್ರಾಂಡ್​, ಪ್ರೊಸೆಸರ್​, ಕ್ಯಾಮೆರಾ, ಸ್ಟೋರೇಜ್​ ಎಲ್ಲವನ್ನೂ ಗಮನಿಸಿ ಮೊಬೈಲ್​ ಅನ್ನು ಖರೀದಿಸುತ್ತಾರಂತೆ. ಇನ್ನು ಮಹಿಳೆಯರಿಗಿಂತ ಪುರುಷರೇ ಹೆಚ್ಚು ಉತ್ತಮ ಬ್ರಾಂಡ್​ ನೇಮ್​ ಹೊಂದಿರುವ ಸ್ಮಾರ್ಟ್​​ಫೋನ್​ ಅನ್ನು ಖರೀದಿಸುತ್ತಾರೆ ಎಂದು ಅಧ್ಯಯನ ಹೇಳಿದೆ.

ಸಾಂಕೇತಿಕ ಚಿತ್ರ

30 ಸಾವಿರದ ಸ್ಮಾರ್ಟ್​ಫೋನ್​ಗೆ ಹೆಚ್ಚು ಬೇಡಿಕೆ

ಇನ್ನು ದೇಶದಲ್ಲಿರುವ ಐದರಲ್ಲಿ ಎರಡು ಜನರು 30,000 ರೂಪಾಯಿ ಅಥವಾ ಅದಕ್ಕಿಂತ ಅಧಿಕ ದರ ಇರುವ ಸ್ಮಾರ್ಟ್​​ಫೋನ್ ಅನ್ನು ಖರೀದಿ ಮಾಡುತ್ತಾರಂತೆ. ಅದರಲ್ಲೂ 34 ರಿಂದ 44 ವಯಸ್ಸಿನವರು 30 ಸಾವಿರ ರೂಪಾಯಿ ಫೋನ್​ನ ಮೇಲೆ ಹೆಚ್ಚು ಒಲವು ಹೊಂದಿದ್ದಾರೆ ಎಂದು ಹೇಳಲಾಗಿದೆ. ಅದರಲ್ಲು ಮೆಟ್ರೋ ಹತ್ತಿರದ ಜನರು ಆನ್​ಲೈನ್​ ಮೂಲಕ ಹೆಚ್ಚು ಸ್ಮಾರ್ಟ್​ಫೋನ್​ಗಳನ್ನು ಖರೀದಿ ಮಾಡುತ್ತಾರಂತೆ.

ಮಾರುಕಟ್ಟೆಯಲ್ಲಿ ಲಭ್ಯವಿರುವ 20 ಸಾವಿರದೊಳಗಿನ ಬೆಸ್ಟ್​ 5ಜಿ ಸ್ಮಾರ್ಟ್​​ಫೋನ್​ಗಳಿವು

ರಿಯಲ್​ಮಿ 10 ಪ್ರೋ :

ಈ ಸ್ಮಾರ್ಟ್‌ಫೋನ್ ಫ್ಲಿಪ್‌ಕಾರ್ಟ್‌ನಲ್ಲಿ ರೂ.18,999 ಕ್ಕೆ ಲಭ್ಯವಿದೆ. ರಿಯಲ್​ಮಿ 10 ಪ್ರೋ  ಫೋನ್ 6.72-ಇಂಚಿನ IPS LCD ಡಿಸ್ಪ್ಲೇಯೊಂದಿಗೆ 120Hz ರಿಫ್ರೆಶ್ ದರದೊಂದಿಗೆ ಬರುತ್ತದೆ. ಇನ್ನು ಈ ಸ್ಮಾರ್ಟ್​​ಫೋನ್​ ಸ್ನಾಪ್‌ಡ್ರಾಗನ್ 695 SoC ಚಿಪ್‌ಸೆಟ್, 33W ಫಾಸ್ಟ್ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿ, ಸ್ಟೀರಿಯೋ ಸ್ಪೀಕರ್‌ಗಳು, 108 MP+2 MP ಜೊತೆಗೆ ಡ್ಯುಯಲ್ ರಿಯರ್ ಕ್ಯಾಮೆರಾ ಸೆಟಪ್, 16 MP ಸೆಲ್ಫಿ ಕ್ಯಾಮೆರಾ, ಯುಎಸ್​ಬಿ ಟೈಪ್-C 2.0, ಫಿಂಗರ್ ಪ್ರಿಂಟ್ ಸೆನ್ಸಾರ್ ಮುಂತಾದ ವಿಶೇಷತೆಗಳನ್ನು ಹೊಂದಿದೆ.

ರೆಡ್ಮಿ ನೋಟ್​ 12:

ರೆಡ್ಮಿ ನೋಟ್​ 12 5ಜಿ ಸ್ಮಾರ್ಟ್​​​ಫೋನ್​ ಅಮೆಜಾನ್​​ನಲ್ಲಿ Rs.17,999 ಬೆಲೆಯಲ್ಲಿ ಲಭ್ಯವಿದೆ. ಇದು 120Hz ರಿಫ್ರೆಶ್ ದರದೊಂದಿಗೆ 6.67-ಇಂಚಿನ ಸೂಪರ್ ಅಮೋಲ್ಡ್​ ಡಿಸ್ಪ್ಲೇಯನ್ನು ಹೊಂದಿದೆ. ಹ್ಯಾಂಡ್ಸೆಟ್ Snapdragon 4 Gen 1 ಪ್ರೊಸೆಸರ್​ನಿಂದ ಚಾಲಿತವಾಗಿದೆ.  ಇನ್ನು ಈ ಸ್ಮಾರ್ಟ್​​ಫೋನ್​ 33W ವೇಗದ ಚಾರ್ಜಿಂಗ್ ಬೆಂಬಲದೊಂದಿಗೆ 5,000mAh ಬ್ಯಾಟರಿ, 48 MP + 8 MP + 2 MP ಜೊತೆಗೆ ಟ್ರಿಪಲ್ ರಿಯರ್ ಕ್ಯಾಮೆರಾ ಸೆಟಪ್, ಡ್ಯುಯಲ್ ಕಲರ್ LED ಫ್ಲ್ಯಾಷ್, 13 MP ಮುಂಭಾಗದ ಕ್ಯಾಮೆರಾ, USB ಟೈಪ್-ಸಿ ಪೋರ್ಟ್, ಫಿಂಗರ್‌ಪ್ರಿಂಟ್ ಸೆನ್ಸರ್, ಗೊರಿಲ್ಲಾ ಗ್ಲಾಸ್ 3 ರಕ್ಷಣೆಯ ಫೀಚರ್ಸ್​ಗಳನ್ನು ಹೊಂದಿದೆ.