Tech Tips: ಈ ದೇಶದಲ್ಲಿ ಭಾರೀ ಕಡಿಮೆ ಬೆಲೆಯಲ್ಲಿ ಸಿಗುತ್ತೆ ಇಂಟರ್ನೆಟ್​​! ಬೆಲೆ ಎಷ್ಟು ಗೊತ್ತಾ?

ಸ್ಮಾರ್ಟ್​ಫೋನ್​ಗಳು (Smartphones) ಇಂದಿನ ದಿನಗಳಲ್ಲಿ ಪ್ರತಿಯೊಬ್ಬರ ಅಗತ್ಯ ಸಾಧನವಾಗಿಬಿಟ್ಟಿದೆ. ಸ್ಮಾರ್ಟ್​​ಫೋನ್​ಗಳ ಬಳಕೆ ಹೆಚ್ಚಾದಂತೆ ಇಂಟರ್ನೆಟ್ (Internet)​ ಸಹ ಪ್ರತಿಯೊಬ್ಬರಿಗೂ ಬೇಕಾಗುತ್ತದೆ. ಆದರೆ ಇತ್ತೀಚೆಗಂತೂ ಇಂಟರ್ನೆಟ್​ ಇಲ್ಲದೇ ಯಾವುದೇ ಕೆಲಸವನ್ನೂ ಮಾಡಲುಸಾಧ್ಯವಿಲ್ಲವೆಂಬಂತಾಗಿದೆ. ಇನ್ನು ಈ ಇಂಟರ್ನೆಟ್​ ಮೂಲಕ ಯಾವುದೇ ಕೆಲಸವನ್ನು ಕ್ಷಣಮಾತ್ರದಲ್ಲಿ ಮಾಡಿಮುಗಿಸಬಹುದಾಗಿದೆ. ಇನ್ನು ಟೆಕ್ನಾಲಜಿ (Technology) ಅಪ್ಡೇಟ್​ ಆದಂತೆ ಬೆಲೆಗಳು ಸಹ ಜಾಸ್ತಿಯಾಗೋದು ಸಾಮಾನ್ಯ. ಆದರೆ ಕೆಲದಿನಗಳ ಹಿಂದೆ ಕೆಲವೊಂದು ಟೆಲಿಕಾಂ ಕಂಪೆನಿಗಳು ತನ್ನ ಇಂಟರ್ನೆಟ್​ ಬೆಲೆಯನ್ನು ಹೆಚ್ಚಿಸಿತ್ತು. ಈ ಮೂಲಕ ಗ್ರಾಹಕರಲ್ಲಿಯೂ ಗಾಬರಿ ಮೂಡಿಸಿತ್ತು. ಆದರೆ ಇಷ್ಟೆಲ್ಲಾ ಬೆಲೆ ಏರಿಕೆ ಮಾಡಿದ್ರು ಇನ್ನೂ ಕಡಿಮೆ ಬೆಲೆಯಲ್ಲಿ ಇಂಟರ್ನೆಟ್ ಸೇವೆ ನೀಡುವ ದೇಶಗಳಿವೆ. ಈ ಸಾಲಿನಲ್ಲಿ ಭಾರತ (India) ಮೂರನೇ ಸ್ಥಾನದಲ್ಲಿದೆ.

ಇತ್ತೀಚೆಗಷ್ಟೇ ರಿಸರ್ಚ್ ಕಂಪೆನಿಯೊಂದು ಕಡಿಮೆ ಬೆಲೆಗೆ ಇಂಟರ್ನೆಟ್​ ಸೇವೆಯನ್ನು ನೀಡುವ ದೇಶಗಳ ಪಟ್ಟಿಯನ್ನು ವರದಿ ಮಾಡಿತ್ತು. ಈ ಪಟ್ಟಿಯಲ್ಲಿ ಇತರೆ ದೇಶಗಳನ್ನು ಹಿಂದಿಕ್ಕಿ ಭಾರತ ಮೂರನೇ ಸ್ಥಾನದಲ್ಲಿದೆ. ಹಾಗಿದ್ರೆ ಅಗ್ರಸ್ಥಾನದಲ್ಲಿರುವ ದೇಶ ಯಾವುದು? ಬೆಲೆ ಎಷ್ಟು ಎಂದು ತಿಳಿಬೇಕಾದ್ರೆ ಈ ಲೇಖನವನ್ನು ಓದಿ.

ಭಾರತ ಮೂರನೇ ಸ್ಥಾನ

ವಿಶ್ವದಾದ್ಯಂತ ಕಡಿಮೆ ಬೆಲೆಗೆ ಇಂಟರ್ನೆಟ್ ಸೇವೆ ನೀಡುವ ಹಲವಾರು ದೇಶಗಳಿವೆ. ಇವುಗಳನ್ನೆಲ್ಲಾ ಹಿಂದಿಕ್ಕಿ ಈ ಸಾಲಿನಲ್ಲಿ ಭಾರತ ಮೂರನೇ ಸ್ಥಾನದಲ್ಲಿದೆ ಎನ್ನುವುದೇ ಹೆಮ್ಮೆಯ ವಿಷಯ. ಇತ್ತೀಚೆಗಷ್ಟೆ Cable.co.uk ಸಂಸ್ಥೆ ಇದರ ಬಗ್ಗೆ ಸಮೀಕ್ಷೆ ನಡೆಸಿದ್ದು 233 ದೇಶಗಳಲ್ಲಿ 5,292 ಮೊಬೈಲ್ ಡೇಟಾ ಯೋಜನೆಗಳಿಂದ ಡೇಟಾವನ್ನು ವಿಶ್ಲೇಷಿಸಿದೆ. ಇದಲ್ಲದೆ ಇದರಲ್ಲಿ 1ಜಿಬಿ ಮೊಬೈಲ್​ ಡೇಟಾದ ಬೆಲೆಯನ್ನು ಆಧರಿಸಿ ಈ ಮಾಹಿತಿಯನ್ನು ಸಂಗ್ರಹಿಸಿದೆ.

ಇದನ್ನೂ ಓದಿ: ಮಾರುಕಟ್ಟೆಗೆ ಎಂಟ್ರಿ ನೀಡಿದೆ ಹೊಸ ಎಲೆಕ್ಟ್ರಿಕ್ ಬೈಕ್​! 50 ಸಾವಿರಕ್ಕಿಂತಲೂ ಕಡಿಮೆ ಬೆಲೆಗೆ ಲಭ್ಯ

ಇನ್ನು ಈ ಸಮೀಕ್ಷೆಯ ಪ್ರಕಾರ, ಇತರೆ ದೇಶಗಳಿಗೆ ಹೋಲಿಸಿದರೆ ಭಾರತದವರು ಇಂಟರ್ನೆಟ್​ ಪಡೆಯಲು ಭಾರೀ ಕಡಿಮೆ ವೆಚ್ಚವನ್ನು ಮಾಡುತ್ತಾರೆ ಎಂದು ಹೇಳಿದೆ. ಅಂದರೆ ಇಲ್ಲಿ 1ಜಿಬಿ ಡೇಟಾದ ಬೆಲೆ $0.17 (ಅಂದಾಜು 13.88 ರೂಪಾಯಿ). ಇನ್ನು ಟೆಲಿಕಾಂ ಕಂಪೆನಿಗಳಲ್ಲಿ ಕಡಿಮೆ ಬೆಲೆಗೆ ಇಂಟರ್ನೆಟ್​ ಸೇವೆಯನ್ನು ನೀಡುವ ಮೂಲಕ ನಂಬರ್ ಒನ್​ ಎಂದು ಗುರುತಿಸಿಕೊಂಡಿದೆ.

ಸಾಂಕೇತಿಕ ಚಿತ್ರ

ನಂಬರ್​ ಒನ್ ಸ್ಥಾನದಲ್ಲಿ ಯಾವ ದೇಶವಿದೆ?

ವಿಶ್ವದಲ್ಲಿ ಅತ್ಯಂತ ಅಗ್ಗದ ಬೆಲೆಯಲ್ಲಿ ಇಂಟರ್ನೆಟ್​ ಸೇವೆ ನೀಡುತ್ತಿರುವ ದೇಶವೆಂದು ಇಸ್ರೇಲ್ ಗುರುತಿಸಿಕೊಂಡಿದೆ. ಇದೊಂದು ಚಿಕ್ಕ ದೇಶವಾಗಿದ್ದು ಟೆಕ್ನಾಲಜಿಯನ್ನು ಅಭವೃದ್ಧಿ ಪಡಿಸುವಲ್ಲಿ ಭಾರೀ ಮುಂಚೂಣಿಯಲ್ಲಿದೆ. ಇನ್ನು ವರದಿಗಳ ಪ್ರಕಾರ ಇಸ್ರೇಲ್​ನಲ್ಲಿ 1ಜಿಬಿ ಡೇಟಾದ ಬೆಲೆ ಕೇವಲ $0.04 ಅಂದರೆ ಭಾರತದಲ್ಲಿ ಇದರ ಮೊತ್ತ 3.27 ರೂಪಾಯಿ. ಇನ್ನು ಕಡಿಮೆ ಬೆಲೆಗೆ ಇಂಟರ್ನೆಟ್​ ಸೇವೆ ನೀಡುವಲ್ಲಿ ಎರಡನೇ ಸ್ಥಾನದಲ್ಲಿರುವುದು ಇಟಲಿ ದೇಶ. ಇಟಲಿಯಲ್ಲಿ, ಬಳಕೆದಾರರು 1ಜಿಬಿ ಡೇಟಾಕ್ಕೆ $0.12 ಪಾವತಿ ಮಾಡುತ್ತಾರೆ. ಅಂದರೆ ಭಾರತದಲ್ಲಿ ಇದರ ಬೆಲೆ ಸುಮಾರು 9.80 ರೂಪಾಯಿಗಳನ್ನು ಪಾವತಿಸಬೇಕು.

ಪಾಕಿಸ್ತಾನ ಐದನೇ ಸ್ಥಾನದಲ್ಲಿದೆ

able.co.uk ವರದಿಯ ಪ್ರಕಾರ ಕಡಿಮೆ ಬೆಲೆಗೆ ಇಂಟರ್ನೆಟ್ ಸೇವೆ ಒದಗಿಸುತ್ತಿರುವ ದೇಶಗಳ ಪಟ್ಟಿಯಲ್ಲಿ ಪಾಕಿಸ್ತಾನ ಐದನೇ ಸ್ಥಾನದಲ್ಲಿದೆ. ಇನ್ನು ಈ ದೇಶದಲ್ಲಿ 1ಜಿಬಿ ಮೊಬೈಲ್ ಡೇಟಾದ ಬೆಲೆ $0.36 ಅಂದರೆ ಇದರ ಬೆಲೆ ಭಾರತದಲ್ಲಿ ಸುಮಾರು 29.40 ರೂಪಾಯಿ. ಇತರೆ ಎಲ್ಲ ದೇಶಗಳಿಗೆ ಹೋಲಿಸಿದರೆ ಸೇಂಟ್ ಹೆಲೆನಾ ಅತ್ಯಂತ ದುಬಾರಿ ಇಂಟರ್ನೆಟ್ ಬೆಲೆ ಹೊಂದಿರುವ ದೇಶವಾಗಿದೆ. ಇಲ್ಲಿ 1GB ಮೊಬೈಲ್ ಡೇಟಾ ಬೆಲೆ $ 41.06, ಅಂದರೆ ಭಾರತದಲ್ಲಿ ಸುಮಾರು 3,350 ರೂಪಾಯಿ.