Tech Tips: ಇನ್ಮುಂದೆ ಹೈಟ್​ ನೋಡ್ಬೇಕಾದ್ರೆ ಮೆಷರ್​​ ಟೇಪ್ ಬೇಕಿಲ್ಲ, ಮೊಬೈಲ್ ಇದ್ರೆ ಸಾಕು!

ಏನಪ್ಪಾ ಇದು ಸ್ಮಾರ್ಟ್​ಫೋನ್​ನ (Smartphone) ಹೊಸ ಫೀಚರ್​​ ಅನ್ಕೊಂಡ್ರಾ, ಹೌದು ಈಗಿನ ಸ್ಮಾರ್ಟ್​ಫೊನ್​ನಲ್ಲಿ ಇನ್ನೇನೆಲ್ಲಾ ಫೀಚರ್ಸ್ ಬರಬಹುದು ಎಮದು ಊಹೆ ಮಾಡ್ಲಿಕ್ಕೂ ಸಾಧ್ಯವಿಲ್ಲ. ಈ ಸ್ಮಾರ್ಟ್​​ಫೋನ್ ಕಂಪನಿಗಳು (Smartphone Company) ದಿನದಿಂದ ದಿನಕ್ಕೆ ಏನಾದರೂ ಫೀಚರ್ಸ್ (Features)​ ಅನ್ನು ಒಳಗೊಂಡ ಮೊಬೈಲ್​ಗಳನ್ನು ಬಿಡುಗಡೆ ಮಾಡುತ್ತಲೇ ಇದೆ. ಆದರೆ ಇತ್ತೀಚಿಗಂತೂ ಸ್ಮಾರ್ಟ್​​ಫೋನ್​ಗಳ ಬಗ್ಗೆ ಹೇಳಬೇಕೆಂದಿಲ್ಲ. ಇದನ್ನು ಒಮ್ಮೆಗೆ ಮಿನಿ ಲ್ಯಾಪ್​ಟಾಪ್ ಎಂದರೂ ತಪ್ಪಾಗಲಾರದು. ಯಾಕೆಂದರೆ ಈಗಿನ ಸ್ಮಾರ್ಟ್​ಫೋನ್​ಗಳು ಲ್ಯಾಪ್​ಟಾಪ್​ನಂತೆಯೇ (Laptop) ಕೆಲವೊಂದು ಫೀಚರ್ಸ್ ​ಅನ್ನು ಒಳಗೊಂಡಿದೆ. ಜೊತೆಗೆ ಅದರಂತೆಯೇ ಕಾರ್ಯನಿರ್ವಹಿಸುತ್ತದೆ. ಸ್ಮಾರ್ಟ್​ಫೋನ್​ ಕಂಪನಿಗಳಲ್ಲಿ ಆ್ಯಪಲ್​ನ ಐಫೋನ್​ನಲ್ಲಿ (Apple Iphone) ನಾವು ಕ್ಯಾಮೆರಾ (Camera) ಮೂಲಕ ಹೈಟ್ (Height)​ ಅನ್ನು ನೋಡಬಹುದಾಗಿದೆ.

ಹೌದು, ಐಫೋನ್​ಗಳು ಉತ್ತಮ ಸ್ಮಾರ್ಟ್​ಫೋನ್​ಗಳ ಪಟ್ಟಿಯಲ್ಲಿ ಮುಂದಿರುವ ಕಂಪನಿಯಾಗಿದೆ. ಇದು ಏನಾದರು ವಿಭಿನ ಫೀಚರ್ಸ್​ನ ಮೊಬೈಲ್​ ಅನ್ನು ಬಿಡುಗಡೆ ಮಾಡುವ ಮೂಲಕ ಗ್ರಾಹಕರನ್ನು ತನ್ನ ಆಕರ್ಷಿಸಿಕೊಮಡಿದೆ. ಆದರೆ ಐಫೋನ್​​ನಲ್ಲಿ ಸಾಕಷ್ಟು ಯಾರಿಗೂ ಗೊತ್ತಿರದ ಫೀಚರ್ಸ್​ಗಳಿವೆ ಅದ್ರಲ್ಲಿ ಹೈಟ್​ ಕಂಡುಹಿಡಿಯುವ ಫೀಚರ್ಸ್​ ಕೂಡ ಒಂದು. ಹಾಗಿದ್ರೆ ಯಾವ ರೀತಿ ನೋಡುವುದು? ಎಲ್ಲಿದೆ? ಎಂಬುದನ್ನೆಲ್ಲಾ ಈ ಕೆಳಗೆ ನೀಡಲಾಗಿದೆ.

ಮೊಬೈಲ್​ ಕ್ಯಾಮೆರಾ ಮೂಲಕವೇ ಹೈಟ್​ ಎಷ್ಟೆಂಬುದನ್ನು ತಿಳಿಯಬಹುದು

ಕ್ಯಾಮೆರಾ ಮೂಲಕ ಹೇಗೆ ಹೈಟ್​ ನೋಡುತ್ತಾರೆ ಎಂಬ ಪ್ರಶ್ನೆ ಸಾಮಾನ್ಯವಾಗಿ ಎಲ್ಲರಿಗೂ ಮೂಡುತ್ತದೆ. ಆದರೆ ಐಫೋನ್​ನಲ್ಲಿ ಕೇವಲ ಕ್ಯಾಮೆರಾದ ಮೂಲಕ ನಿಮ್ಮ ಹೈಟ್​ ಎಷ್ಟು ಎಂಬುದನ್ನು ನೋಡಬಹುದಾಗಿದೆ. ಇನ್ನುಮುಂದೆ ಸರಳವಾಗಿ ಹೈಟ್​ ನೋಡುವಂತಹ ಸಾಧನ ಇದ್ದರೆ ಅದು ಐಫೋನ್​ ಎಂದು ಹೇಳ್ಬಹುದು.

ಇದನ್ನೂ ಓದಿ: ಭಾರತದ ಮಾರುಕಟ್ಟೆಗೆ ಕೆಲವೇ ದಿನಗಳಲ್ಲಿ ಬರಲಿದೆ ಸೋನಿ ಪಾರ್ಟಿ ಸ್ಪೀಕರ್​!

ಸಾಮಾನ್ಯವಾಗಿ ಯಾವುದಾದರೂ ಅಗತ್ಯಕ್ಕೆಂದು ಹೈಟ್ ನೋಡಬೇಕೆಂದುಕೊಂಡಾಗ ಮೆಷರ್ ಟೇಪ್ ಮೂಲಕ ಅಳತೆ ಮಾಡಿ ನೋಡುತ್ತಿದ್ದೆವು. ಆದರೆ ಇನ್ಮುಂದೆ ಆಶ ರಗಳೆ ಇಲ್ಲ. ಕೇವಲ ಐಫೋನ್​ನ ಕ್ಯಾಮೆರಾ ಇಟ್ಟರೆ ಸಾಕು ಅದುವೇ ನಿಮ್ಮ ಹೈಟ್ ಅನ್ನು ಹೇಳುತ್ತದೆ.

ಸಾಂಕೇತಿಕ ಚಿತ್ರ

ಹೇಗೆ ನೋಡುವುದು?

ನಿಮ್ಮ ಬಳಿ ಕೂಡ ಐಫೋನ್ ಇದೆ ಎಂದಾದರೆ ನೀವೂ ಕೂಡ ಒಮ್ಮೆ ಈ ಫೀಚರ್​​ ಅನ್ನು ಟ್ರೈ ಮಾಡ್ಬಹುದು. ಮುಖ್ಯವಾಗಿ ಐಫೋನ್​ನಲ್ಲಿ ಇನ್​ಬಿಲ್ಟ್​ ಎಂಬ ಅಳತೆ ಮಅಡುವ ಅಪ್ಲಿಕೇಶನ್ ಇದೆ. ಆ ಮೂಲಕ ಅದನ್ನು ಡೌನ್​ಲೋಡ್ ಮಾಡಿಕೊಂಡು ಯಾವುದಾದರು ವಸ್ತು ಅಥವಾ ಯಾರದ್ದಾದರು ಉದ್ದವನ್ನು ಇದರಲ್ಲಿ ಅಲತೆ ಮಅಡಬಹುದಾಗಿದೆ.

LiDAR ಸ್ಕ್ಯಾನರ್​ ಮೂಲಕ ಅಳತೆ ಮಾಡಿ

ಎಲ್ಲಾ ಐಫೋನ್‌ಗಳ ವರ್ಷನ್​ನಲ್ಲಿನ ರಿಯರ್‌ ಕ್ಯಾಮೆರಾ ಪಕ್ಕದಲ್ಲಿ LiDAR ಸ್ಕ್ಯಾನರ್‌ ಎಂಬ ಆಯ್ಕೆ ನೀಡಲಾಗಿದೆ. ಈ ಸ್ಕ್ಯಾನರ್‌ ಮೂಲಕ ನೀವು ನಿಮ್ಮ ಹೈಟ್​ ನೋಡುವುದಲ್ಲದೇ ಯಾವುದೇ ವಸ್ತುವನ್ನು ಬೇಕಾದರೂ ಅದರ ಉದ್ದವನ್ನು ಅಳತೆ ಮಾಡಬಹುದು. ಅದರಲ್ಲೂ ಇದು ಬಹಳ ಸ್ಪಷ್ಟವಾಗಿ ಮಾಹಿತಿಯನ್ನು ನೀಡುತ್ತದೆ. ಹಾಗಿದ್ರೆ, ನಿಮ್ಮ ಐಫೋನ್‌ನಲ್ಲಿ ನಿಮ್ಮ ಎತ್ತರವನ್ನು ಅಥವಾ ನಿಮ್ಮ ಸ್ನೇಹಿತರು ಕುಟುಂಬದವರ ಹೈಟ್​ ಅನ್ನು ಸ್ಮಾರ್ಟ್​ಫೋನ್​ನಲ್ಲಿ ಹೇಗೆ ನೋಡುವುದು ಎಂಬುದನ್ನು ಈ ಕೆಳಗೆ ಓದಿ ತಿಳಿಯೋಣ.

ಹಂತ 1

ಮೊದಲು ನಿಮ್ಮ ನೆಚ್ಚಿನ ಐಫೋನ್‌ನಲ್ಲಿ ಮೆಷರ್ ಆ್ಯಪ್ ಅನ್ನು ಓಪನ್‌ ಮಾಡಿ. ನಂತರ ಯಾರ ಹೈಟ್ ಅನ್ನು ನೀವು ಅಳತೆ ಮಾಡಬೇಕೆಂದಿದ್ದೀರೋ ಅವರನ್ನು ಮೊಬೈಲ್​ನ ಮುಂದೆ ನಿಲ್ಲಿಸಿ.

ಹಂತ 2

ನಿಲ್ಲಿಸಿದ ನಂತರ ನಿಮ್ಮ ಕ್ಯಾಮೆರಾ ಓಪನ್ ಮಾಡಿದಾಗ ಮೊಬೈಲ್​ನ ಡಿಸ್‌ಪ್ಲೇ ನಲ್ಲಿ ತಲೆಯಿಂದ ಕಾಲಿನವರೆಗೂ ಅವರ ಚಿತ್ರ ಕಾಣಿಸಿಕೊಳ್ಳುತ್ತಿದೆಯೇ ಎಂಬುದನ್ನು ಗಮನಿಸಿ. ಇದನ್ನು ನೀವು ಅಳತೆ ಮಾಡುವಾಗ ಮುಖ್ಯವಾಗಿ ನೋಡಿಕೊಳ್ಳಬೇಕು.

ಸಾಂಕೇತಿಕ ಚಿತ್ರ

ಹಂತ 3

ನಂತರ ವ್ಯಕ್ತಿಯ ತಲೆಯ ಮೇಲ್ಭಾಗದಲ್ಲಿ ಆತ ಎಷ್ಟು ಎತ್ತರ ಇದ್ದಾನೆ ಎಂಬುದನ್ನು ಇದರ ಡಿಸ್​ಪ್ಲೇಯಲ್ಲಿ ನೋಡಬಹುದಾಗಿದೆ. ಈ ಆಯ್ಕೆಯಲ್ಲಿ ನೀವು ಅಡಿಗಳ ಲೆಕ್ಕದಲ್ಲಿ, ಇಂಚುಗಳ ಲೆಕ್ಕದಲ್ಲಿ ಅಥವಾ ಸೆಂಟಿಮೀಟರ್‌ ಲೆಕ್ಕದಲ್ಲಿ ಮಾಹಿತಿಯನ್ನು ಪಡೆದುಕೊಳ್ಬಹುದು. ಅದು ಹೇಗೆಂದರೆ ನೀವು ಅಲ್ಲೇ ಕಾಣಿಸಿಕೊಳ್ಳುವ ಸೆಟ್ಟಿಂಗ್‌ ಆಪ್‌ನಲ್ಲಿ ಮೆಷರ್‌, ಆಯ್ಕೆ ಮಾಡಿ ನಂತರ ಆ ವಿಭಾಗದಲ್ಲಿ ಕಾಣಿಸಿಕೊಳ್ಳುವ 'ಮೆಷರ್‌ ಯೂನಿಟ್‌' ಮೇಲೆ ಟ್ಯಾಪ್‌ ಮಾಡ್ಬೇಕು.

ಯಾವೆಲ್ಲಾ ಸ್ಮಾರ್ಟ್​ಫೋನ್​ಗಳಲ್ಲಿ ಈ ಫೀಚರ್​​ ಲಭ್ಯವಿದೆ?

ಆಪಲ್‌ನಿಂದ ಬಿಡುಗಡೆಯಾದ ಸ್ಮಾರ್ಟ್​ಫೋನ್​ಗಳಲ್ಲಿ ಐಫೋನ್‌ 12 ಪ್ರೋ, ಐಫೋನ್‌ 12 ಪ್ರೋ ಮ್ಯಾಕ್ಸ್‌, ಐಫೋನ್‌ 13 ಪ್ರೋ, ಐಫೋನ್‌ 13 ಪ್ರೋ ಮ್ಯಾಕ್ಸ್, ಐಫೋನ್‌ 14 ಪ್ರೋ ಹಾಗೂ ಐಫೋನ್‌ 14 ಪ್ರೋ ಮ್ಯಾಕ್ಸ್ ಫೋನ್‌ಗಳಲ್ಲಿ ಈ ಫೀಚರ್ಸ್‌ ಬಳಕೆಗೆ ಲಭ್ಯ ಇದೆ.