Tech Tips: ಈ ಶಾಪಿಂಗ್ ಆ್ಯಪ್ ನಿಮ್ಮ ಮೊಬೈಲ್​ನಲ್ಲಿದ್ರೆ ಇಂದೇ ಡಿಲೀಟ್​ ಮಾಡಿ! ಇಲ್ಲಂದ್ರೆ ಹ್ಯಾಕ್ ಆಗೋದು ಗ್ಯಾರಂಟಿ

ಇತ್ತೀಚೆಗೆ ಮೊಬೈಲ್ ಮಾರುಕಟ್ಟೆಗೆ (Mobile Market) ಹೊಸ ಹೊಸ ಸ್ಮಾರ್ಟ್​​​ಫೋನ್​ಗಳು ಎಮಟ್ರಿ ನೀಡುತ್ತಲೇ ಇದೆ. ಈ ಮಧ್ಯೆ ಸ್ಮಾರ್ಟ್​ಫೋನ್​ಗಳ ಬಳಕೆಯೂ ಹೆಚ್ಚಾಗ್ತಾ ಇದೆ. ಆದರೆ ಇದನ್ನೇ ಗುರಿಯಾಗಿಸಿಕೊಂಡು ಕೆಲ ಸೈಬರ್ ವಂಚಕರು (Cyber Crime) ಸ್ಮಾರ್ಟ್​​ಫೋನ್​ ಬಳಕೆದಾರರ ಹಣವನ್ನೆಲ್ಲಾ ದೋಚುತ್ತಿದ್ದಾರೆ. ದಿನ ಕಳೆದಂತೆ ಹ್ಯಾಕರ್ಸ್​​ಗಳ (Hackers) ಸಂಖ್ಯೆ ಹೆಚ್ಚುತ್ತಲೇ ಇದೆ. ಅದರಲ್ಲು ಈ ವಂಚಕರು ಮೊಬೈಲ್​ ಬಳಕೆದಾರರ ಡೇಟಾವನ್ನು ಕದಿಯುವ ಉದ್ದೇಶದಿಂದ ಹೊಸ ​ಹೊಸ ಮಾರ್ಗಗಳನ್ನು ಕಂಡುಕೊಳ್ಳುತ್ತಿದ್ದಾರೆ. ಆದರೆ ಇತ್ತೀಚೆಗೆ ಓಟಿಪಿ, ಯೂಟ್ಯೂಬ್ (Youtube), ಕರೆ ಮಾಡುವ ಮೂಲಕ ಮೂಲಕ ವಂಚನೆ ಮಾಡುವುದನ್ನು ಕೇಳಿದ್ದೇವೆ. ಆದರೆ ಈಗ ಮತ್ತೊಂದು ಮಾರ್ಗವನ್ನು ಕಂಡುಕೊಂಡಿದ್ದಾರೆ.

ಹೌದು, ಈಗ ಎಲ್ಲಿ ಕೇಳಿದರೂ ವಂಚನೆಯ ಸುದ್ದಿಗಳೇ ಕೇಳುಬರುತ್ತಿದೆ. ಇದೀಗ ಗೂಗಲ್ ಪ್ಲೇ ಸ್ಟೋರ್​ನಲ್ಲಿರುವ ಆ್ಯಪ್​ಗಳ ಮೇಲೆ ಸೈಬರ್ ವಂಚಕರ ದಾಳಿಯಾಗಿದೆ. ಆದ್ದರಿಂದ ಗೂಗಲ್ ಯಾವುದೇ ಆ್ಯಪ್​ಗಳನ್ನು ಡೌನ್​​ಲೋಡ್ ಮಾಡುವ ಮುನ್ನ ಎಚ್ಚರದಿಂದಿರಿ ಎಂದ ಹೇಳಿದೆ.

12 ಆ್ಯಪ್​ಗಳನ್ನು ಕಿತ್ತೆಸೆದ ಗೂಗಲ್​

ಬಳಕೆದಾರರಿಗೆ ಅನುಕೂಲವಾಗುವ ದೃಷ್ಟಿಯಿಂದು ಗೂಗಲ್​ ತನ್ನ ಪ್ಲೇಸ್ಟೋರ್​​ನಲ್ಲಿ ಹಲವಾರು ಅಪ್ಲಿಕೇಶನ್​ಗಳನ್ನು ನೀಡುತ್ತಿವೆ. ಆದರೆ ಇತ್ತೀಚೆಗೆ ಅದಕ್ಕೂ ಮಾಲ್ವೇರ್​ಗಳ ದಾಳಿಯಾಗಿದೆ. ಇದನ್ನು ಗಮನಿಸಿದ ಗೂಗಲ್ ಕಳೆದ ಬಾರಿ ತನ್ನ ಗೂಗಲ್ ಪ್ಲೇ ಸ್ಟೋರ್​ನಿಂದ ಬರೋಬ್ಬರಿ 12 ಆ್ಯಪ್​ಗಳನ್ನು ಡಿಲೀಟ್ ಮಾಡಿತ್ತು. ಆದರೂ ಬಳಕೆದಾರರಿಗೆ ಗೂಗಲ್ ಎಚ್ಚರಿಕೆ ನೀಡಿತ್ತು. ಆದರೆ ಈಗ ಮತ್ತೊಂದು ಆ್ಯಪ್​ಗೆ ಹ್ಯಾಕರ್ಸ್​​ಗಳು ದಾಳಿ ಮಾಡಿದ್ದಾರೆ. ಈ ವಿಷಯವನ್ನ ಕಂಡುಕೊಂಡ ಗೂಗಲ್​ ತಕ್ಷಣ ತನ್ನ ಪ್ಲೇ ಸ್ಟೋರ್​ ನಿಂದ ಆ ಆ್ಯಪ್ ಅನ್ನು ತೆಗೆದು ಹಾಕಿದೆ.

ಇದನ್ನೂ ಓದಿ: ಇನ್ಮುಂದೆ ಐಫೋನ್​ನಲ್ಲಿಯೂ ಬರಲಿದೆ ಟೈಪ್​-ಸಿ ಚಾರ್ಜರ್! ಆ ಫೋನ್ ಯಾವುದು ಗೊತ್ತಾ?

ಪಿಂಡುವೊಡು ಎಂಬ ಅಪ್ಲಿಕೇಷನ್

ಚೀನಾ ಮೂಲದ ಶಾಪಿಂಗ್ ಅಪ್ಲಿಕೇಶನ್ ಆಗಿರುವ ಪಿಂಡುವೊಡು ಎಂಬ ಆ್ಯಪ್​ ಅನ್ನು ಇದೀಗ ಗೂಗಲ್​ ಪ್ಲೇ ಸ್ಟೋರ್​ನಿಂದ ಡಿಲೀಟ್ ಮಾಡಿದೆ. ಗೂಗಲ್ ಈ ಅಪ್ಲಿಕೇಶನ್​ನಲ್ಲಿ ಮಾಲ್ವೇರ್​ ದಾಳಿಯಾಗಿರುವುದನ್ನು ಪತ್ತೆಹೆಚ್ಚಿದ್ದು, ಈ ಮೂಲಕ ಬಳಕೆದಾರರಿಗೆಬ ಎಚ್ಚರಿಕೆಯನ್ನು ಸಹ ನೀಡಿದೆ. ಈ ಆ್ಯಪ್​ ಅನ್ನು ಯಾರಾದರು ಡೌನ್​ಲೋಡ್​ ಮಾಡಿದ್ದರೆ ತಕ್ಷಣ ಡಿಲೀಟ್ ಮಾಡಿ, ಇಲ್ಲದಿದ್ದರೆ ನಿಮ್ಮ ಕಂಪ್ಲೀಟ್ ಡೇಟಾ ಹ್ಯಾಕರ್ಸ್​ಗಳ ಕೈ ಸೇರುವುದು ಗ್ಯಾರಂಟಿ ಎಂದು ಹೇಳಿದೆ.

ಸಾಂಕೇತಿಕ ಚಿತ್ರ

800 ಮಿಲಿಯನ್​ಗೂ ಹೆಚ್ಚ ಬಳಕೆದಾರರು

ಇನ್ನು ಈ ಪಿಂಡುವೊಡು(Pinduoduo) ಆ್ಯಪ್​ ಸುಮಾರ 800 ಮಿಲಿಯನ್​ಗೂ ಹೆಚ್ಚು ಬಳಕೆಷದಾರರನ್ನು ಒಳಗೊಂಡಿತ್ತು. ಆದರೆ ಈಗ ಈ ಅಪ್ಲಿಕೇಶನ್​ಗೆ ಮಾಲ್ವೇರ್​ ದಾಳಿಯಾಗಿದ್ದು, ಯಾರೂ ಸಹ ಈ ಆ್ಯಪ್​ ಅನ್ನು ನಿಮ್ಮ ಮೊಬೈಲ್​ನಲ್ಲಿ ಡೌನ್​ಲೋಡ್​ ಮಾಡಿಟ್ಟುಕೊಳ್ಳಬೇಡಿ ಎಂದು ಎಚ್ಚರಿಕೆ ನೀಡಿದೆ. ಜೊತೆಗೆ ”ಮಾಲ್ವೇರ್​ ಅನ್ನು ಒಳಗೊಂಡಿರುವ ಈ ಅಪ್ಲಿಕೇಶನ್‌ನ ಆಫ್-ಪ್ಲೇ ಆವೃತ್ತಿಗಳನ್ನು ಗೂಗಲ್ ಪ್ಲೇ ಪ್ರೊಟೆಕ್ಟ್ ಮೂಲಕ ಜಾರಿಗೊಳಿಸಲಾಗಿದೆ,” ಎಂದು ಗೂಗಲ್ ವಕ್ತಾರ ಎಡ್ ಫೆರ್ನಾಂಡಿಸ್ ಹೇಳಿದ್ದಾರೆ. “ನಾವು ಈ ಕುರಿತು ತನಿಖೆಯನ್ನು ನಡೆಸುತ್ತಿದ್ದೇವೆ. ಭದ್ರತಾ ಕಾಳಜಿಗಳಿಗಾಗಿ ಗೂಗಲ್ ಪ್ಲೇ ಸ್ಟೋರ್​ನಿಂದ ಪಿಂಡುವೊಡು ಅಪ್ಲಿಕೇಶನ್​ ಅನ್ನು ಡಿಲೀಟ್​ ಮಾಡಿದ್ದೇವೆ ಎಮದು ಹೇಳಿದ್ದಾರೆ.

ಸ್ಮಾರ್ಟ್​ಫೋನ್​ನಲ್ಲಿ ಸಾಮಾನ್ಯವಾಗಿ ಅಗತ್ಯಕ್ಕಾಗಿ ಯಾವುದಾದರೊಂದು ಆ್ಯಪ್​ಗಳನ್ನು ಡೌನ್​​ಲೋಡ್​ ಮಾಡುತ್ತಿರುತ್ತೇವೆ. ಆದರೆ ಈಗ ಸೈಬರ್​ ವಂಚಕರು ಇದಕ್ಕೇ ಕಾಲಿಟ್ಟಿದ್ದಾರೆ. ಈ ಮೂಲಕ ಕೆಲವೊಂದು ಅಪ್ಲಿಕೇಶನ್​ಗಳನ್ನು ಡೌನ್​ಲೋಡ್​ ಮಾಡಿದ್ರೆ ನಿಮ್ಮ ಡೇಟಾ ವಂಚಕರ ಕೈಸೇರುವುದು ಗ್ಯಾರಂಟಿ. ಹಾಗಿದ್ರೆ ಆ ಅಪ್ಲಿಕೇಶನ್​ಗಳು ಯಾವುದೆಂಬುದನ್ನು ಈ ಲೇಖನದಲ್ಲಿ ಓದಿ.

ಹುಕ್​ ಹೆಸರಿನ ಮಾಲ್ವೇರ್​