Jio Prepaid Plan: ಜಿಯೋ ಸಿಮ್​ಗೆ ಇಷ್ಟು ರೀಚಾರ್ಜ್​ ಮಾಡಿದ್ರೆ ಸಾಕು, ಒಂದು ವರ್ಷ ಇಂಟರ್ನೆಟ್​ ಸಮಸ್ಯೆಯೇ ಬರಲ್ಲ.

ಟೆಲಿಕಾಂ (Telecom) ಮಾರುಕಟ್ಟೆಯಲ್ಲಿ ಬಹಳಷ್ಟು ಪ್ರಸಿದ್ಧಿಯಲ್ಲಿರುವ ಟೆಲಿಕಾಂ ಕಂಪನಿಗಳಲ್ಲಿ ರಿಲಯನ್ಸ್​​ ಜಿಯೋ (Reliance Jio) ಕೂಡ ಒಂದು. ಏರ್​ಟೆಲ್ (Airtel), ವೊಡಫೋನ್ ಐಡಿಯಾದಂತಹ (Vodafone Idea) ಸಾಕಷ್ಟು ಟೆಲಿಕಾಂ ಕಂಪನಿಗಳು ಮಾರಕಟ್ಟೆಯಲ್ಲಿ ಅಗ್ರಸ್ಥಾನವನ್ನು ಗಳಿಸಲು ಹರಸಾಹಸ ಪಡುತ್ತಿದೆ. ಈ ಟೆಲಿಕಾಂ ಕಂಪನಿಗಳು ತನ್ನ ಗ್ರಾಹಕರಿಗೆ ವಿಶೇಷ ಆಫರ್ಸ್ (Offers)​​ ಅನ್ನು ನೀಡುವ ಮೂಲಕ ಗ್ರಾಹಕರನ್ನು ತನ್ನತ್ತ ಸೆಳೆಯಲು ಪ್ರಯತ್ನಿಸುತ್ತಿದೆ. ಅದ್ರಲ್ಲೂ ಜಿಯೋ ದಿನದಿಂದ ದಿನಕ್ಕೆ ಹೊಸ ಹೊಸ ಪ್ರಿಪೇಯ್ಡ್​ ಪ್ಲಾನ್ಸ್ (Prepaid Plans)​ ಅನ್ನು ಪರಿಚಯಿಸುತ್ತಲೇ ಇದೆ. ಇದರಿಂದಾಗಿಯೇ ಜಿಯೋ ಈ ವರ್ಷದ ಸಮೀಕ್ಷೆಯ ಪ್ರಕಾರ ಅತೀ ಹೆಚ್ಚು ಗ್ರಾಹಕರನ್ನು ಹೊಂದಿದ ಟೆಲಿಕಾಂ ಕಂಪನಿಯೆಂದು ಹೆಸರು ಪಡೆದಿದೆ.

ರಿಲಯನ್ಸ್​ ಜಿಯೋ ಪ್ರತೀ ವರ್ಷವೂ ತನ್ನ ಗ್ರಾಹಕರಿಗಾಗಿ ಹೊಸ ರೀಚಾರ್ಜ್​ ಪ್ಲಾನ್ಸ್​ ಅನ್ನು ಅನ್ನು ಬಿಡುಗಡೆ ಮಾಡಿದೆ. ಇದೀಗ ಜಿಯೋ ಮತ್ತೊಂದು ಆಫರ್ಸ್​ ಅನ್ನು ಈ ವರ್ಷದ ಕೊನೆಗೆ ಪರಿಚಯಿಸಿದೆ. ಈ ರೀಚಾರ್ಜ್​ ಅನ್ನು ಹಾಕಿಕೊಂಡ್ರೆ ಒಂದು ವರ್ಷದವರೆಗೆ ರೀಚಾರ್ಜ್​ ಮಾಡಬೇಕೆಂದಿಲ್ಲ. ಹಾಗಿದ್ರೆ ಆ ಪ್ಲಾನ್ಸ್​ ಯಾವುದೆಂಬುದನ್ನು ಈ ಕೆಳಗೆ ತಿಳಿಯೋಣ.

ಜಿಯೋ ತನ್ನ ಗ್ರಾಹಕರಿಗಾಗಿ ಒಂದು ವರ್ಷದ ರೀಚಾರ್ಜ್ ಮಾಡಲು 4 ಯೋಜನೆಗಳನ್ನು ಬಿಡುಗಡೆ ಮಾಡಿದೆ

ಜಿಯೋ 2545 ರೂಪಾಯಿ ಪ್ಲಾನ್: 

ಜಿಯೋದ ಈ ಯೋಜನೆ 336 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ. ಈ ಯೋಜನೆ ಮೂಲಕ ದಿನಕ್ಕೆ 1.5GB ಡೇಟಾವನ್ನು ಪಡೆಯಬಹುದಾಗಿದೆ. ಒಟ್ಟಾರೆಯಾಗಿ ಒಂದು ವರ್ಷದಲ್ಲಿ 504GB ಡೇಟಾವನ್ನು ಪಡೆಯಬಹುದು. 

ಇದನ್ನೂ ಓದಿ: ಇ ಕಾಮರ್ಸ್​ ವೆಬ್​ಸೈಟ್​ನಲ್ಲಿ ಪೋಕೋ ಎಮ್4 5ಜಿ ಸ್ಮಾರ್ಟ್​​ಫೋನ್​ ಮೇಲೆ ಭರ್ಜರಿ ಆಫರ್ಸ್​​.

ಜೊತೆಗೆ ಅನ್ಲಿಮಿಟೆಡ್ ವಾಯ್ಸ್​ ಕಾಲ್, ದಿನಕ್ಕೆ 100 ಎಸ್​ಎಮ್​ಎಸ್​ ಉಚಿತವಾಗಿ ಈ ಯೋಜನೆಯಲ್ಲಿ ನೀಡಿದೆ. ಜಿಯೋ ಟಿವಿ, ಜಿಯೋ ಸೆಕ್ಯುರಿಟಿ ಮತ್ತು ಜಿಯೋ ಕ್ಲೌಡ್ ಅಪ್ಲಿಕೇಶನ್​ನಲ್ಲಿ ಉಚಿತ ಆಕ್ಸಸ್ ಮಾಡಬಹುದಾಗಿದೆ.

ಸಾಂಕೇತಿಕ ಚಿತ್ರ

ಜಿಯೋ 2879 ರೂಪಾಯಿ ಪ್ಲಾನ್: 

ಜಿಯೋದ ಈ 2879 ರೂಪಾಯಿಯ ಯೋಜನೆ 365 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ. ಈ ರೀಚಾರ್ಜ್​ ಮಾಡಿಕೊಂಡರೆ ದಿನಕ್ಕೆ 2GB ಡೇಟಾ ಪ್ರಯೋಜನ ಪಡೆಯಬಹುದು. ಒಟ್ಟಾರೆಯಾಗಿ ಒಂದು ವರ್ಷಕ್ಕೆ 730GB ಡೇಟಾ ಪಡೆಯಬಹುದು. ಜೊತೆಗೆ ಅನ್ಲಿಮಿಟೆಡ್ ವಾಯ್ಸ್​ ಕಾಲ್, ದಿನಕ್ಕೆ 100 ಎಸ್​ಎಮ್​ಎಸ್​ ಉಚಿತವಾಗಿ ಮಾಡಬಹುದಾಗಿದೆ. ಜಿಯೋ ಟಿವಿ, ಜಿಯೋ ಸೆಕ್ಯುರಿಟಿ ಮತ್ತು ಜಿಯೋ ಕ್ಲೌಡ್ ಆಕ್ಸಸ್ ಕೂಡ ನೀಡಲಾಗಿದೆ.

ಜಿಯೋ 2999 ರೂಪಾಯಿ ಪ್ಲಾನ್: 

ಜಿಯೋದ ಈ ಹೊಸ ಯೋಜನೆಯು 365 ದಿನಗಳ ವ್ಯಾಲಿಡಿಟಿಯನ್ನು ಹೊಂದಿದೆ. ದಿನಕ್ಕೆ 2.5GB ಡೇಟಾವನ್ನು ಈ ಯೋಜನೆಯಲ್ಲಿ ಪಡೆಯಬಹುದು. ಒಟ್ಟಾರೆಯಾಗಿ 912.5GB ಡೇಟಾವನ್ನು ವರ್ಷಕ್ಕೆ ಇದು ನೀಡುತ್ತದೆ. ಜೊತೆಗೆ ಅನ್ಲಿಮಿಟೆಡ್ ವಾಯ್ಸ್​ ಕಾಲ್, ದಿನಕ್ಕೆ 100 ಎಸ್​ಎಮ್​ಎಸ್​ ಉಚಿತ ಕೂಡ ಇದೆ. ಜಿಯೋ ಟಿವಿ, ಜಿಯೋ ಸೆಕ್ಯುರಿಟಿ ಮತ್ತು ಜಿಯೋ ಕ್ಲೌಡ್ ಆಕ್ಸಸ್ ನೀಡಲಾಗುತ್ತದೆ. ಇದಿಷ್ಟೇ ಅಲ್ಲದೇ ಈ ಯೋಜನೆಯಲ್ಲಿ ವಿಶೇಷವಾಗಿ ಒಂದು ವರ್ಷದ ಡಿಸ್ನಿ+ ಹಾಟ್​​ಸ್ಟಾರ್ ಚಂದಾದಾರಿಕೆಯನ್ನು ಕೂಡ ಮಾಡಿಕೊಳ್ಬಹುದು.

ಸಾಂಕೇತಿಕ ಚಿತ್ರ

ಜಿಯೋ 4199 ರೂಪಾಯಿ ಪ್ಲಾನ್: 

ಜಿಯೋ ಸಿಮ್​ನಲ್ಲಿರುವ ಈ ಯೋಜನೆ 365 ದಿನಗಳ ವ್ಯಾಲಿಡಿಟಿಯನ್ನು ನೀಡುತ್ತದೆ. ದಿನಕ್ಕೆ ಬರೋಬ್ಬರಿ 3GB ಡೇಟಾದ ಪ್ರಯೋಜನವನ್ನು ಇದು ನೀಡಲಿದ್ದು ಒಟ್ಟಾರೆಯಾಗಿ 1095GB ಡೇಟಾ ಪಡೆಯಬಹುದು. ಜೊತೆಗೆ ಅನಿಯಮಿತ ವಾಯ್ಸ್​ ಕಾಲ್, ದಿನಕ್ಕೆ 100 ಎಸ್​ಎಮ್​ಎಸ್​ ಉಚಿತ ಕೂಡ ಇದೆ. ಜಿಯೋ ಟಿವಿ, ಜಿಯೋ ಸೆಕ್ಯುರಿಟಿ ಮತ್ತು ಜಿಯೋ ಕ್ಲೌಡ್ ಆಕ್ಸಸ್ ನೀಡಲಾಗುತ್ತದೆ. ಅಲ್ಲದೆ ಈ ಯೋಜನೆಯಲ್ಲಿ ಒಂದು ವರ್ಷದ ಡಿಸ್ನಿ+ ಹಾಟ್​​ಸ್ಟಾರ್ ಚಂದಾದಾರಿಕೆಯನ್ನು ಗ್ರಾಹಕರು ಪಡೆಯಬಹುದು.