Samsung Smartphone: ಸ್ಯಾಮ್​ಸಂಗ್​ನ ಈ ಸ್ಮಾರ್ಟ್​​​ಫೋನ್​ ಮೇಲೆ ಭಾರೀ ಡಿಸ್ಕೌಂಟ್! ಕೇವಲ 44 ರೂಪಾಯಿಗೆ ಖರೀದಿಸಿ

ಭಾರತದಲ್ಲಿ ಸದ್ಯ 5ಜಿ ನೆಟ್​ವರ್ಕ್ (5G Network)​ ಸೇವೆ ಭಾರೀ ಸದ್ದು ಮಾಡುತ್ತಿದೆ. ಹೀಗಿರುವಾಗ ಸ್ಮಾರ್ಟ್​​ಫೋನ್​ ಕಂಪೆನಿಗಳು ಸಹ 5ಜಿ ಬೆಂಬಲವನ್ನು ಹೊಂದಿರುವ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುತ್ತಿದೆ. ಸ್ಮಾರ್ಟ್​​ಫೋನ್​ ಬಳಕೆದಾರರಿಗೆ ಕೇವಲ 5ಜಿ ನೆಟ್​ವರ್ಕ್​ ಹೊಂದಿರುವ ಸಿಮ್ ಇದ್ದರೆ ಸಾಲದು, 5ಜಿಯನ್ನು ಬೆಂಬಲಿಸುವಂತಹ ಮೊಬೈಲ್​ ಸಹ ಅಗತ್ಯವಾಗಿರುತ್ತದೆ. ಆದರೆ ಇತ್ತೀಚೆಗಂತೂ 5ಜಿ ಸ್ಮಾರ್ಟ್​ಫೋನ್​ಗಳ ಬೆಲೆ ಸಹ  ದುಬಾರಿಯಾಗಿದೆ. ಬಜೆಟ್​ ಬೆಲೆಯಲ್ಲಿ 5ಜಿ ಸ್ಮಾರ್ಟ್​​ಫೋನ್​ ಅನ್ನು ಖರೀದಿ ಮಾಡುವವರಿಗೆ ಸ್ಯಾಮ್​ಸಂಗ್ (Samsung) ಇದೀಗ ಭಾರೀ ರಿಯಾಯಿತಿಯನ್ನು ಘೋಷಿಸಿದೆ. ಇದಲ್ಲದೆ ಕಡಿಮೆ ಇಎಮ್​ಐ ಹಣವನ್ನು ಪಾವತಿಸುವ ಮೂಲಕ ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎ ಸೀರಿಸ್​ನ (Samsung Galaxy A Series) ಸ್ಮಾರ್ಟ್​​​ಫೋನ್ ಅನ್ನು ಖರೀದಿ ಮಾಡಬಹುದು.

ಸ್ಯಾಮ್​ಸಂಗ್​ ಕಂಪೆನಿ ಇತ್ತೀಚೆಗೆ ತನ್ನ ಗ್ಯಾಲಕ್ಸಿ ಎ ಸರಣಿಯಲ್ಲಿ ಸಾಕಷ್ಟು 5ಜಿ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡಿದೆ. ಅದರಲ್ಲಿ ಸದ್ಯ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎ14 5ಜಿ ಮೊಬೈಲ್​ ಮೇಲೆ ಇಎಮ್​ಐ ಕೊಡುಗೆಯನ್ನೂ ನೀಡಿದೆ. ಹಾಗಿದ್ರೆ ಸ್ಯಾಮ್​ಸಂಗ್​ ಕಂಪೆನಿ ನೀಡಿರುವ ಆಫರ್ಸ್​ಗಳು ಹೇಗಿವೆ ಎಂಬುದನ್ನು ಈ ಲೇಖನದಲ್ಲಿ ತಿಳಿಯಿರಿ.

ಕೇವಲ 44 ರೂಪಾಯಿ

ಸ್ಯಾಮ್‌ಸಂಗ್ ಇಂಡಿಯಾ ಭಾರತದಲ್ಲಿ ತನ್ನ ಗ್ಯಾಲಕ್ಸಿ ಎ ಸೀರಿಸ್​ ಸ್ಮಾರ್ಟ್‌ಫೋನ್​ಗೆ 62 ಮಿಲಿಯನ್​ ಗ್ರಾಹಕರನ್ನು ಹೊಂದಿದ್ದು, ಇದು ಸ್ಯಾಮ್‌ಸಂಗ್‌ಗೆ ದೊಡ್ಡ ವಿಷಯ ಎಂದರೆ ತಪ್ಪಾಗದು. ಅದೇ ರೀತಿ ಈಗ ದಿನಕ್ಕೆ 44 ರೂಪಾಯಿ ಅಥವಾ ತಿಂಗಳಿಗೆ 1,320 ರೂಪಾಯಿಗಳನ್ನು ಪಾವತಿಸಿ ನೀವು ಇಷ್ಟ ಪಡುವ ಸ್ಯಾಮ್‌ಸಂಗ್‌ನ 5ಜಿ ಸ್ಮಾರ್ಟ್‌ಫೋನ್‌ ಅನ್ನು ಖರೀದಿ ಮಾಡಬಹುದು. ಈ ಮೂಲಕ ನೀವು ಸುಲಭವಾಗಿ 5ಜಿ ಅನುಭವವನ್ನು ಪಡೆಯಬಹುದಾಗಿದೆ.

ಗ್ಯಾಲಕ್ಸಿ ಎ ಸೀರಿಸ್​ ಸ್ಮಾರ್ಟ್​​ಫೋನ್​ಗಳಿಗೆ ಹೆಚ್ಚು ಬೇಡಿಕೆ

ಸ್ಯಾಮ್​ಸಂಗ್​ ಸ್ಮಾರ್ಟ್​ಫೋನ್​ಗಳಿಗೆ ಈ ಹಿಂದೆಯೂ ಬಹಳಷ್ಟು ಬೇಡಿಕೆಯಿತ್ತು. ಅದೇ ಮುನ್ನಡೆಯನ್ನು ಈಗಲೂ ಕಾಯ್ದುಕೊಂಡು ಬಂದಿದೆ. ಕಳೆದ ವರ್ಷದಲ್ಲಿ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎ ಸೀರಿಸ್​ ಭಾರತದಲ್ಲಿ ಅತೀ ಹೆಚ್ಚು ಮಾರಾಟವಾದ ಸ್ಮಾರ್ಟ್​​​ಫೋನ್​ ಸೀರಿಸ್​ ಆಗಿದೆ. ಅಂದರೆ ಈ ಲೆಕ್ಕದ ಪ್ರಕಾರ ಸ್ಯಾಮ್​ಸಂಗ್​ನಿಂದ 10 ಮಿಲಿಯನ್​ ಯೂನಿಟ್​ಗಳಿಗಿಂತಲೂ ಹೆಚ್ಚು ಫೋನ್​ಗಳು ತಯಾರಾಗಿವೆ ಎಂದು ಸಾಬೀತಾಗಿದೆ. ಇವೆಲ್ಲದರ ನಡುವೆ ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎ14 5ಜಿ ಸ್ಮಾರ್ಟ್​​ಫೋನ್​ ಅನ್ನು ಉದೀಗ ಕಂಪೆನಿ ಭಾರೀ ಅಗ್ಗದಲ್ಲಿ ಮಾರಾಟ ಮಾಡುತ್ತಿದೆ.

ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎ14 5ಜಿ

ಸ್ಯಾಮ್​ಸಂಗ್​ ಗ್ಯಾಲಕ್ಸಿ ಎ ಸೀರಿಸ್​ ಸ್ಮಾರ್ಟ್​​ಫೋನ್​ಗಳ ಫೀಚರ್ಸ್

ಸ್ಯಾಮ್‌ಸಂಗ್‌ನ ಹೊಸ ಗ್ಯಾಲಕ್ಸಿ ಎ ಸೀರಿಸ್​ನ ಸ್ಮಾರ್ಟ್‌ಫೋನ್‌ಗಳನ್ನು ಈಗ 5ಜಿ ಬೆಂಬಲ ನೀಡುವಂತೆ ತಯಾರಿಸಲಾಗುತ್ತಿದ್ದು, ಈ ಫೋನ್‌ಗಳು 6.6 ಇಂಚಿನ ದೊಡ್ಡ ಡಿಸ್‌ಪ್ಲೇ ಹೊಂದಿರಲಿವೆ. ಅದರಲ್ಲೂ ಈ ಫೋನ್‌ಗಳು 5000mAh ಸಾಮರ್ಥ್ಯದ ದೊಡ್ಡ ಬ್ಯಾಟರಿ ಆಯ್ಕೆ ಹೊಂದಿಕೊಂಡು ಉತ್ತಮ ಬ್ಯಾಟರಿ ಬ್ಯಾಕಪ್ ಅನ್ನು ನೀಡುತ್ತದೆ.

ಇದನ್ನೂ ಓದಿ: ವೊಡಫೋನ್ ಐಡಿಯಾ ಗ್ರಾಹಕರಿಗೆ ಕಂಪೆನಿಯಿಂದ ಭರ್ಜರಿ ಗಿಫ್ಟ್! ಈ ಪ್ಲ್ಯಾನ್​ನಲ್ಲಿ ಡೇಟಾ ಫ್ರೀ

ಸ್ಯಾಮ್​ಸಂಗ್ ಗ್ಯಾಲಕ್ಸಿ ಎ14 5ಜಿ ಸ್ಮಾರ್ಟ್​​ಫೋನ್ ಬೆಲೆ

ಸ್ಯಾಮ್‌ಸಂಗ್‌ ಗ್ಯಾಲಕ್ಸಿ ಎ14 5ಜಿ ಗ್ಯಾಲಕ್ಸಿ ಸಿಗ್ನೇಚರ್ ವಿನ್ಯಾಸದೊಂದಿಗೆ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಿದೆ. ಇನ್ನು ಈ ಫೋನ್‌ ಕಂಪೆನಿಯ ಅತ್ಯಂತ ಕಡಿಮೆ ಬೆಲೆಯಲ್ಲಿ ಕೈಗೆಟುಕುವ 5ಜಿ ಸ್ಮಾರ್ಟ್‌ಫೋನ್ ಆಗಿ ಗುರುತಿಸಿಕೊಳ್ಳಲಿದೆ. ಹಾಗೆಯೇ ಕಂಪೆನಿಯು ಈ ಫೋನ್‌ಗೆ 14,999 ರೂಪಾಯಿಗಳಷ್ಟು ಬೆಲೆಯನ್ನು ನಿಗದಿ ಮಾಡಲಾಗಿದೆ. ಇದರೊಂದಿಗೆ ಮತ್ತೊಂದು ಫೋನ್‌ ಆದ ಗ್ಯಾಲಕ್ಸಿ ಎ23 5ಜಿ ಫೋನ್‌ಗೂ ಹೆಚ್ಚು ಪ್ರಚಾರ ನೀಡಲಾಗುತ್ತಿದ್ದು, ಈ ಫೋನ್‌ 20,999 ರೂಪಾಯಿಗಳ ಬೆಲೆಯನ್ನು ಹೊಂದಿದೆ.