Budget Gadgets: ಈ ಗ್ಯಾಜೆಟ್ಸ್​ಗಳ ಮೇಲೆ ಭಾರೀ ರಿಯಾಯಿತಿ, ಕ್ರಿಸ್​ಮಸ್​ ಗಿಫ್ಟ್​ ಕೊಡೋಕೆ ಸೂಪರ್ ಅವಕಾಶ ಇಲ್ಲಿದೆ

ಯಾವುದೇ ಹಬ್ಬ ಬರಲಿ, ಸಂಭ್ರಮದ ಆಚರಣೆಗಳು ಬರಲಿ ಅದಕ್ಕಾಗಿ ಜನರು ತಮ್ಮ ಪ್ರೀತಿಪಾತ್ರರಿಗೆ ಗಿಫ್ಟ್ (Gift) ಕೊಡುವುದು ಸಾಮಾನ್ಯ. ಆದರೆ ಕೆಲವೊಂದು ಬಾರಿ ಏನು ಕೊಡುಗಡ ಕೊಡಬಹುದು ಎಂಬುದನ್ನೇ ಯೋಚನೆ ಮಾಡುತ್ತಾ ಇರುತ್ತಾರೆ. ಇದೀಗ ಕ್ರಿಸ್​ಮಸ್​ ಹಬ್ಬ ಬರುತ್ತಿದೆ. ಬಂದಿದೆ ನೋಡಿ ಬಜೆಟ್​ ಬೆಲೆಯ ಗ್ಯಾಜೆಟ್​​ಗಳು. ಈ ಗ್ಯಾಜೆಟ್​ಗಳನ್ನು (Gadgets) ಇಕಾಮರ್ಸ್​ ವೆಬ್​ಸೈಟ್​ಗಳಲ್ಲಿ (E-Commerse) ಭರ್ಜರಿ ಆಫರ್ಸ್​ನೋಂದಿಗೆ ಖರೀದಿಸಬಹುದಾಗಿದೆ. ಎಲೆಕ್ಟ್ರಾನಿಕ್ಸ್​ ಮಾರುಕಟ್ಟೆಯಲ್ಲಿ (Electronics Market) ದಿನಕ್ಕೆ ಒಂದಾದರು ಗ್ಯಾಜೆಟ್​ಗಳು ಬಿಡುಗಡೆಯಾಗುತ್ತಿರುತ್ತದೆ. ಇವೆಲ್ಲವೂ ಬೇರೆ ಬೇರೆ ಫೀಚರ್ಸ್​ಗಳನ್ನು, ಬೆಲೆಗಳನ್ನು ಹೊಂದಿರುತ್ತದೆ. ಆದರೆ ಕೆಲವೊಂದು ಕಂಪನಿಗಳು ತಮ್ಮ ಬ್ರಾಂಡ್​ನ ಉತ್ಪನ್ನಗಳನ್ನು ಕಡಿಮೆ ಬೆಲೆಗಯ ಆಫರ್ಸ್​​ನೊಂದಿಗೆ ಮಾರಾಟ ಮಾಡುತ್ತದೆ. ಅವುಗಳ ಪಟ್ಟಿ ಇಲ್ಲಿದೆ.

ಕ್ರಿಸ್‌ಮಸ್ ಹಬ್ಬ ಬಂದಿದೆ, ಮತ್ತು ಈ ದಿನ ಜನರು ಪರಸ್ಪರ ಭೇಟಿಯಾಗಿ ಉಡುಗೊರೆಗಳನ್ನು ನೀಡುವ ಮೂಲಕ ಹಬ್ಬವನ್ನು ಆಚರಿಸುತ್ತಾರೆ. ಅಂತಹ ಸಂದರ್ಭದಲ್ಲಿ, ನೀವು ಇನ್ನೂ ಗೊಂದಲಕ್ಕೊಳಗಾಗಿದ್ದರೆ, ನಿಮ್ಮ ಪ್ರೀತಿಪಾತ್ರರಿಗೆ ನೀಡಲು ಯಾವುದೇ ಉಡುಗೊರೆಯನ್ನು ಖರೀದಿಸಿಲ್ಲ ಎಂದಾದರೆ ಇಲ್ಲಿದೆ ಉತ್ತಮ ಬಜೆಟ್​ ಬೆಲೆಯ ಗ್ಯಾಜೆಟ್​ಗಳು.

ಸ್ಮಾರ್ಟ್​​ ಸ್ಪೀಕರ್​

ಈ ಕ್ರಿಸ್‌ಮಸ್‌ನಲ್ಲಿ ನೀವು ನಿಮ್ಮ ಪ್ರೀತಿಪಾತ್ರರಿಗೆ ಸ್ಮಾರ್ಟ್ ಸ್ಪೀಕರ್‌ಗಳನ್ನು ಉಡುಗೊರೆಯಾಗಿ ನೀಡಬಹುದು. ಇದಕ್ಕಾಗಿ ಅಮೆಜಾನ್ ಎಕೋ ಡಾಟ್ ಉತ್ತಮ ಆಯ್ಕೆಯಾಗಿದೆ. ಇದರಲ್ಲಿ ಧ್ವನಿ ನಿಯಂತ್ರಣದ ವ್ಯವಸ್ಥೆ ಇದ್ದು, ಇದರ ಮೂಲಕ ಟಿವಿ, ಗೀಸರ್, ವಾಟರ್ ಮೋಟಾರ್, ಲೈಟ್, ಎಸಿಗಳನ್ನು ನಿಯಂತ್ರಿಸಬಹುದಾಗಿದೆ. ಈ ಎಕೋ ಡಾಟ್ ಸ್ಪೀಕರ್ ಅನ್ನು ಮಾರುಕಟ್ಟೆಯಲ್ಲಿ 5499 ರೂಪಾಯಿಗೆ ಖರೀದಿ ಮಾಡಬಹುದಾಗಿದೆ.

ಪ್ರಯಾಣಕ್ಕೆ ಅನುಕೂಲಕರವಾಗಿರುವ ಈ ಸ್ಪೀಕರ್ ಮನರಂಜನೆಗೆ ಯಾವುದೇ ಮೋಸವನ್ನುಂಟು ಮಾಡುವುದಿಲ್ಲ. ಅಲೆಕ್ಸಾ ಇಂಗ್ಲಿಷ್ ಹಾಗೂ ಹಿಂದಿ ಎರಡೂ ಭಾಷೆಯಲ್ಲಿ ಮಾತನಾಡಬಹುದಾಗಿದೆ. ಅಲ್ಲದೆ ಹೊಸ ಫೀಚರ್‌ಗಳನ್ನು ಸ್ವಯಂಚಾಲಿತವಾಗಿ ಸೇರಿಸಲಾಗುತ್ತದೆ. ನಿಮ್ಮ ಆದ್ಯತೆಗೆ ತಕ್ಕಂತೆ ಯಾವುದೇ ಕೊಠಡಿಯಲ್ಲಿ ಇದನ್ನು ಇರಿಸಬಹುದು ಒಟ್ಟಿನಲ್ಲಿ ಈ ಸ್ಪೀಕರ್ ನಿಮ್ಮ ಮನೆಗೆ ಸ್ಮಾರ್ಟ್ ಪರಿಹಾರ ಒದಗಿಸುತ್ತದೆ.

ಇದನ್ನೂ ಓದಿ: ಕೇವಲ 12 ನಿಮಿಷದಲ್ಲಿ ಫುಲ್ ಚಾರ್ಜ್​ ಆಗುತ್ತೆ ಈ ಸ್ಮಾರ್ಟ್​ಫೋನ್​! ಫೀಚರ್ಸ್​ ಹೇಗಿದೆ ಗೊತ್ತಾ?

ಹೆಡ್​​ಫೋನ್​​ಗಳು

ಬಜೆಟ್ ಸ್ನೇಹಿ ಹೆಡ್‌ಫೋನ್‌ಗಳ ಪಟ್ಟಿಯಲ್ಲಿ ಇರುವಂತಹ ಬೋಟ್ ಹೆಡ್‌ಫೋನ್‌ಗಳು ಗ್ರಾಹಕರನ್ನು ಬೇಗನೆ ಸೆಳೆಯುತ್ತವೆ. ಮತ್ತು ಉಡುಗೊರೆ ನೀಡಲು ಈ ಸಾಧನ ಉತ್ತಮ ಆಯ್ಕೆಯಾಗಿದೆ. ಬೋಟ್​ ರಾಕರ್ಸ್​ 450 ಹೆಡ್​ಫೋನ್ ಗುಣಮಟ್ಟ ಮತ್ತು ವೈಶಿಷ್ಟ್ಯಗಳೆರಡರಲ್ಲೂ ಉತ್ತಮವೆಂದು ಗುರುತಿಸಲಾಗಿದೆ. ಇದು ವೈರ್‌ಲೆಸ್ ಬ್ಲೂಟೂತ್ ಕನೆಕ್ಟ್​ನೊಂದಿಗೆ ರೂ 1,175 ಗೆ ಮಾರುಕಟ್ಟೆಯಲ್ಲಿ ಲಭ್ಯವಿದೆ. ಇದನ್ನು ಆನ್‌ಲೈನ್ ಮತ್ತು ಆಫ್‌ಲೈನ್ ಮೋಡ್ ಎರಡರಿಂದಲೂ ಖರೀದಿಸಬಹುದು.

ಈ ಬೋಟ್​ ರಾಕರ್ಸ್​ 450 ಹೆಡ್​ಫೋನ್​ ಅನ್ನು ಆನ್‌ಲೈನ್ ಮತ್ತು ಆಫ್‌ಲೈನ್ ಮಾರುಕಟ್ಟೆಯಲ್ಲಿ ಎರಡರಿಂದಲೂ ಖರೀದಿಸಬಹುದು. ಒಮ್ಮೆ ಚಾರ್ಜ್ ಮಾಡಿದರೆ, ನೀವು ಅದನ್ನು 15 ಗಂಟೆಗಳ ಕಾಲ ನಿರಂತರವಾಗಿ ಬಳಸಲು ಸಾಧ್ಯವಾಗುತ್ತದೆ.

ಸ್ಮಾರ್ಟ್​​ವಾಚ್​

ರಿಯಾಲಿಟಿ ವಾಚ್ 3 ಪ್ರೋ ಉಡುಗೊರೆ ನೀಡಲು ಉತ್ತಮ ಆಯ್ಕೆಯಾಗಿದೆ. ಇದು ಅಮೋಲ್ಡ್​ ಡಿಸ್​ಪ್ಲೇ ಸ್ಕ್ರೀನ್ ಮತ್ತು ಅಂತರ್ನಿರ್ಮಿತ ಜಿಪಿಎಸ್​ ನೊಂದಿಗೆ ಬರುತ್ತದೆ. ಈ ಹಿಂದೆ ಕಂಪನಿಯು ವಾಚ್ 3 ಅನ್ನು ಬಿಡುಗಡೆ ಮಾಡಿತ್ತು. ಇದೀಗ ಬಿಡುಗಡೆಯಾಗಿರುವ ಸ್ಮಾರ್ಟ್​ವಾಚ್​ ಅಪ್​​ಗ್ರೇಡೆಡ್​ ವರ್ಷನ್ ಆಗಿದೆ. ಇದು ಉತ್ತಮ ವಿನ್ಯಾಸವನ್ನು ಕೂಡ ಹೊಂದಿದೆ.

ಈ ಸ್ಮಾರ್ಟ್​ವಾಚ್ ಮ್ಯೂಸಿಕ್​ ಕಂಟ್ರೋಲ್​, ರಿಮೋಟ್ ಕ್ಯಾಮೆರಾ, ಕರೆ ಮತ್ತು SMS ನಾಟಿಫಿಕೇಶನ್, ಅಪ್ಲಿಕೇಶನ್ ನಾಟಿಫಿಕೇಶನ್​ನಂತಹ ಅನೇಕ ಸ್ಮಾರ್ಟ್ ವೈಶಿಷ್ಟ್ಯಗಳನ್ನು ಹೊಂದಿದೆ. ಸ್ಮಾರ್ಟ್ ವಾಚ್ ಬ್ಲೂಟೂತ್ v5.2 ಬೆಂಬಲವನ್ನು ಹೊಂದಿದೆ ಮತ್ತು ನೀರು ಮತ್ತು ಧೂಳಿನ ಪ್ರತಿರೋಧಕ್ಕಾಗಿ IP68 ರೇಟಿಂಗ್ ಅನ್ನು ಹೊಂದಿದೆ.