Flipkart Big Savind Days: ಇಂದಿನಿಂದಲೇ ಶುರು ಫ್ಲಿಪ್​ಕಾರ್ಟ್​​ ಬಿಗ್​ ಸೇವಿಂಗ್​ ಡೇಸ್, ಐಫೋನ್ಸ್​ ಮೇಲೆ ಭರ್ಜರಿ ಡಿಸ್ಕೌಂಟ್!

ಈ ಹಿಂದೆ ಸ್ಮಾರ್ಟ್​ಫೋನ್​ಗಳು (Smartphones) ಆಫ್​ಲೈನ್​ ಮಾರುಕಟ್ಟೆಯಲ್ಲಿ ಬಹಳಷ್ಟು ಆಫರ್ಸ್​ನೊಂದಿಗೆ ದೊರೆಯುತ್ತಿತ್ತು. ಆದರೆ ಕೆಲವು ವರ್ಷಗಳ ನಂತರ ಆನ್​ಲೈನ್​ (Online Marketing)​ ಮಾರಾಟ ಆರಂಭವಾದ ಮೇಲೆ ಹೆಚ್ಚಿನ ಜನರು ಆನ್​​ಲೈನ್​ ಮೂಲಕ ಖರೀದಿ ಮಾಡುವುದನ್ನೇ ಅಭ್ಯಾಸ ಮಾಡಿಕೊಂಡಿದ್ದಾರೆ. ಇದೀಗ ಫ್ಲಿಪ್​ಕಾರ್ಟ್​ನಲ್ಲಿ ಬಿಗ್​ ಸೇವಿಂಗ್​ ಡೇಸ್​ ಸೇಲ್ ( Flipkart Big Saving Days Sale)​ ಆರಂಭವಾಗಿದೆ. ಈ ಸೇಲ್ ಡಿಸೆಂಬರ್​ 16 ಕ್ಕೆ ಆರಂಭವಾಗಿದ್ದು ಡಿಸೆಂಬರ್​ 22ಗೆ ಮುಕ್ತಾಯಗೊಳ್ಳುತ್ತದೆ. ಈ ಸಮಯದಲ್ಲಿ ಫ್ಲಿಪ್​ಕಾರ್ಟ್​ ಸ್ಮಾರ್ಟ್​​ಫೋನ್​ಗಳ ಮೇಲೆ, ಗ್ಯಾಜೆಟ್​ಗಳ ಮೇಲೆ ಬಹಳಷ್ಟು ರಿಯಾಯಿತಿಯನ್ನು ಘೋಷಿಸಿದೆ. ಇದರೊಂದಿಗೆ ಇತ್ತೀಚೆಗೆ ಆ್ಯಪಲ್​ ಕಂಪನಿಯಿಂದ ಬಿಡುಗಡೆಯಾಗಿರುವಂತಹ ಐಫೋನ್​ 13 (IPhone 13) ಅನ್ನು ಭಾರೀ ಆಫರ್ಸ್​ನೊಂದಿಗೆ ಮಾರಾಟ ಮಾಡುತ್ತಿದೆ. ಈ ಐಫೋನ್​ 13 ಸೆಪ್ಟೆಂಬರ್ 2021ರಲ್ಲಿ ಬಿಡುಗಡೆಯಾಗಿದ್ದು ಈ ಸಾಧನಕ್ಕೆ ಈಗಲೂ ಬಹಳಷ್ಟು ಬೇಡಿಕೆಯಿದೆ.

ಫ್ಲಿಪ್​ಕಾರ್ಟ್​ ಬಿಗ್​ ಸೇವಿಂಗ್​ ಡೇಸ್​ ಸೇಲ್​ನಲ್ಲಿ ಐಫೋನ್​ 13ರ ಮೇಲೆ ಬಂಪರ್ ಆಫರ್​ ಅನ್ನು ಫ್ಲಿಪ್​ಕಾರ್ಟ್​ ಘೋಷಿಸಿದೆ. ಐಫೋನ್ ಮಾತ್ರವಲ್ಲದೇ ಈ ಸೇಲ್​ನಲ್ಲಿ ಇತರ ಸಾಧನಗಳು ಕೂಡ ಬಹಳ ಕಡಿಮೆ ಬೆಲೆಯಲ್ಲಿ ಖರೀದಿಸಬಹುದಾಗಿದೆ. ಹಾಗಿದ್ರೆ ಯಾವೆಲ್ಲಾ ಆಫರ್ಸ್​ಗಳು ಲಭ್ಯವಿದೆ ಮತ್ತು ಐಫೋನ್​ 13 ಮೇಲೆ ಇರುವಂತಹ ರಿಯಾಯಿತಿ ಎಷ್ಟು ಎಂಬುದಕ್ಕೆ ಉತ್ತರ ಈ ಕೆಳಗೆ ಇದೆ.

ಐಫೋನ್​ 13 ಸ್ಮಾರ್ಟ್​ಫೋನ್​ ಆಫರ್ಸ್​

 ಫ್ಲಿಪ್‌ಕಾರ್ಟ್ ಐಫೋನ್​ 13 ಅನ್ನು 63,999 ರೂಗಳಿಗೆ ಖರೀದಿ ಮಾಡಬಹುದು ಎಂದು ತಿಳಿಸಿದೆ. ಆದರೆ ಈ ಐಫೋನ್​ 13 ಫೋನ್​ನ ಮೇಲೆ ಬ್ಯಾಂಕ್ ಆಫರ್‌ಗಳೂ ಲಭ್ಯವಿದ್ದು, ಇದರ ಸಹಾಯದಿಂದ ಇನ್ನೂ ಕಡಿಮೆ ಬೆಲೆಗೆ ಈ ಫೋನ್​ ಅನ್ನು ಖರೀದಿಸಬಹುದು. ಇದಲ್ಲದೆ, ಗ್ರಾಹಕರು ಹಳೆಯ ಸ್ಮಾರ್ಟ್‌ಫೋನ್ ಅನ್ನು ಎಕ್ಸ್​​ಚೇಂಜ್​ ಮಾಡಿಕೊಳ್ಳುವ ಮೂಲಕ ಈ ಸಾಧನದ ಬೆಲೆಯನ್ನು ಇನ್ನಷ್ಟು ಕಡಿಮೆ ಮಾಡಬಹುದು.

ಇದನ್ನೂ ಓದಿ: ಬೆಡ್‌ ರೂಂನಲ್ಲಿ ಸ್ಮಾರ್ಟ್‌ ಫೋನ್ ಇಡೋ ಅಭ್ಯಾಸ, ವಿವಾಹಿತರಿಗೆ ಕಂಟಕ!

ಈ ಎಲ್ಲಾ ಆಫರ್ಸ್​ಗಳನ್ನು ಒಟ್ಟುಗೂಡಿಸಿದಾಗ, ನೀವು ಈ ಸ್ಮಾರ್ಟ್​​ಫೋನ್​ ಅನ್ನು 50,000 ರೂಪಾಯಿಗಿಂತ ಕಡಿಮೆ ಬೆಲೆಗೆ ಖರೀದಿಸಬಹುದು. ಗಮನಾರ್ಹವಾಗಿ, ಫ್ಲಿಪ್‌ಕಾರ್ಟ್ 128GB ಸ್ಟೋರೇಜ್ ಹೊಂದಿರುವ ಐಫೋನ್​ 13 ಫೋನ್‌ ಮೇಲೆ ಈ ರಿಯಾಯಿತಿಯನ್ನು ನೀಡುತ್ತಿದೆ. ಇದುವರೆಗೆ ಮಾರುಕಟ್ಟೆಯಲ್ಲಿ ಈ ಸ್ಮಾರ್ಟ್​ಫೋನ್​ನ ಮೂಲ ಬೆಲೆ 69,900 ರೂಪಾಯಿ ಆಗಿದೆ. ಆದರೆ ಈ ಫ್ಲಿಪ್​ಕಾರ್ಟ್​​ ಬಿಗ್​ ಸೇವಿಂಗ್​ ಡೇಸ್​​ ಸೇಲ್​ನಲ್ಲಿ 50 ಸಾವಿರಕ್ಕಿಂತಲೂ ಕಡಿಮೆ ಬೆಲೆಯಲ್ಲಿ ಖರೀದಿಸಬಹುದು.

ಸಾಂಕೇತಿಕ ಚಿತ್ರ

ಐಫೋನ್​ 13 ಸ್ಮಾರ್ಟ್​​ಫೋನ್​ನ ಫೀಚರ್ಸ್​

ಐಫೋನ್​ 13 ಸ್ಮಾರ್ಟ್‌ಫೋನ್ 6.1-ಇಂಚಿನ ಸೂಪರ್ ರೆಟಿನಾ XDR OLED ಡಿಸ್ಪ್ಲೇಯನ್ನು ಒಳಗೊಂಡಿದೆ. ಈ ಡಿಸ್​ಪ್ಲೇ 2532×1170 ಪಿಕ್ಸೆಲ್ ರೆಸಲ್ಯೂಶನ್ ಅನ್ನು ಹೊಂದಿದೆ. ಅಲ್ಲದೆ, ಈ ಫೋನ್ ಎ15 ಬಯೋನಿಕ್ 5nm ಹೆಕ್ಸಾ-ಕೋರ್ ಪ್ರೊಸೆಸರ್‌ನೊಂದಿಗೆ ಕಾರ್ಯನಿರ್ವಹಿಸುತ್ತದೆ. ಇನ್ನು ಈ ಸ್ಮಾರ್ಟ್​ಫೋನ್ iOS 15 ನಲ್ಲಿ ಕಾರ್ಯನಿರ್ವಹಿಸುತ್ತದೆ.

ಐಫೋನ್​​ 13 ಸ್ಮಾರ್ಟ್​​ಫೋನ್​ 3 ರೀತಿಯ ಸ್ಟೋರೇಜ್​ ಸಾಮರ್ಥ್ಯ ಹೊಂದಿರುವ ಫೋನ್​ಗಳನ್ನು ಹೊಂದಿದೆ.

ಸಾಂಕೇತಿಕ ಚಿತ್ರ

ಕ್ಯಾಮೆರಾ ಫೀಚರ್ಸ್​

ಇನ್ನು ಐಫೋನ್ 13 ನ ಕ್ಯಾಮೆರಾದ ಬಗ್ಗೆ ಮಾತನಾಡುವುದಾದರೆ ಇದು ಹಿಂಭಾಗದಲ್ಲಿ 12 ಮೆಗಾಪಿಕ್ಸೆಲ್​ ಪ್ರಾಥಮಿಕ ಕ್ಯಾಮೆರಾ ಮತ್ತು 12 ಮೆಗಾಪಿಕ್ಸೆಲ್​ ಅಲ್ಟ್ರಾ-ವೈಡ್ ಆ್ಯಂಗಲ್​ ಕ್ಯಾಮೆರಾ ಲಭ್ಯವಿದೆ. ಈ ಸ್ಮಾರ್ಟ್‌ಫೋನ್ ಸೆಲ್ಫಿ ಮತ್ತು ವಿಡಿಯೋ ಕರೆಗಾಗಿ ಮುಂಭಾಗದಲ್ಲಿ 12 ಮೆಗಾಪಿಕ್ಸೆಲ್​ ಕ್ಯಾಮೆರಾವನ್ನು ಸಹ ಹೊಂದಿದೆ. ಈ ಫೋನ್ 3240mAh ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದ್ದು, 20W ವೇಗದ ಚಾರ್ಜಿಂಗ್ ಬೆಂಬಲವೂ ಸಹ ಇದರಲ್ಲಿ ನೀಡಲಾಗಿದೆ.

ಈ ಸೇಲ್​ನಲ್ಲಿ ಇತರ ಸಾಧನಗಳ ಮೇಲೂ ಆಫರ್ಸ್​ ಇದೆ

ಈ ಫ್ಲಿಪ್​ಕಾರ್ಟ್​​ ಬಿಗ್​ ಸೇವಿಂಗ್​ ಡೇಸ್​ ಸೇಲ್​ ನಲ್ಲಿ ಐಫೋನ್​ ಮಾತ್ರವಲ್ಲದೇ ಇತರ ಸಾಧನಗಳ ಮೇಲೆ ಕೂಡ ರಿಯಾಯಿತಿಯನ್ನು ನೀಡಲಾಗಿದೆ. ಈ ಸೇಲ್ ಮೂಲಕ ಯಾವುದೇ ಸಾಧನವನ್ನು ಖರೀದಿ ಮಾಡಿದರೂ ಪ್ರತೀ ಸಾಧನದ ಮೇಲೂ ಶೇಕಡಾ 5 ರಿಂದ 10 ಪ್ರತಿಶತದಷ್ಟು ರಿಯಾಯಿತಿಯನ್ನು ಪಡೆಯಬಹುದಾಗಿದೆ.