Android Phone: ಹಳೆಯ ಸ್ಮಾರ್ಟ್​ಫೋನೆಂದು ಎಸೆಯಬೇಡಿ...ಕಂಪ್ಯೂಟರ್ ಮೌಸ್ ಆಗಿ ಬಳಸಬಹುದು! ಹೇಗೆ?

ಸ್ಮಾಟ್​ಫೋನ್​​​ನಲ್ಲಿ ಸಣ್ಣದೊಂದು ಸಮಸ್ಯೆ ಕಾಣಿಸಿಕೊಂಡರೆ ಸಾಕು ಹೊಸ ಸ್ಮಾರ್ಟ್​ಫೋನ್​ ಖರೀದಿಸಲು ಮುಂದಾಗುತ್ತಾರೆ. ಯಾಕೆಂದರೆ ಮಾರುಕಟ್ಟೆಯಲ್ಲಿ ಹಲವು ವಿಶೇಷತೆ ಹೊಂದಿರುವ ಸ್ಮಾರ್ಟ್​ಫೋನ್​ಗಳು ಬರುತ್ತಿರುತ್ತವೆ. ಅವುಗಳ ಬಣ್ಣ, ಫೀಚರ್​ಗೆ ಮಾರುಹೋಗಿ ನೂತನ ಸ್ಮಾಟ್​ಫೋನ್​ ಕೊಂಡುಕೊಳ್ಳಲು ಕಾದುಕುಳಿತಿರುತ್ತಾರೆ. ಈ ವೇಳೆಗೆ ಕೈಯಲ್ಲಿದ್ದ ಸ್ಮಾರ್ಟ್​ಫೋನ್​ನಲ್ಲಿ ಏನಾದರು ಸಮಸ್ಯೆ ಕಂಡಾಗ ಅದೇ ಕಾರಣವನ್ನಿಟ್ಟುಕೊಂಡು ಹೊಸ ಸ್ಮಾರ್ಟ್​ಫೋನ್​ ಖರೀದಿಸುತ್ತಾರೆ.

ಅನೇಕರು ಹೊಸ ಸ್ಮಾರ್ಟ್​ಫೋನ್ ಖರೀದಿಸುವಾಗ ಹಳೆಯ ಸ್ಮಾರ್ಟ್​ಫೋನನ್ನು ಮೂಲೆಗೆ ಎಸೆಯುತ್ತಾರೆ. ಆದರೆ ಬಹುತೇಕರಿಗೆ ಗೊತ್ತಿಲ್ಲ ಹಳೆಯ ಸ್ಮಾರ್ಟ್​ಫೋನ್​ ಅನ್ನು ಕಂಪ್ಯೂಟರ್​ ಮೌಸ್​ ಆಗಿ ಬದಲಾಯಿಸಬಹುದು. ವೆಬ್​ ಕ್ಯಾಮ್​ ಆಗಿ ಮಾರ್ಪಡಿಸಬಹುದು. ಅಷ್ಟೇ ಏಕೆ ಡ್ಯಾಷಿಂಗ್​ ಕ್ಯಾಮೆರಾ ಅಥವಾ ಸೆಕೆಂಡರಿ ಡಿಸ್​ಪ್ಲೇ  ಆಗಿ ಬಳಸಿಕೊಳ್ಳಬಹುದೆಂದು.

ನಿಮ್ಮೊಂದಿಗೆ ಹಳೆಯ ಸ್ಮಾರ್ಟ್​ಫೋನ್​ ಇದ್ದರೆ ಅದನ್ನು ಲ್ಯಾಪ್​ಟಾಪ್​​ಗೆ ಮೌಸ್​ ಆಗಿ ಬದಲಾಯಿಸಬಹುದಾದ ಸುಲಭ ಮಾರ್ಗವಿದೆ. ಅದು ಹೇಗೆ? ತಿಳಿಯೋಣ

 ಮೌಸ್​/ ಟಚ್​ಪ್ಯಾಡ್​ ಮತ್ತು ಕಿಬೋರ್ಡ್​​ ಆಗಿ ಪರಿವರ್ತಿಸಿ

ಹಂತ 1: ರಿಮೋಟ್​ ಮೌಸ್​ ಡೌನ್​ಲೋಡ್​. ಪ್ಲೇ ಸ್ಟೋರ್​ನಲ್ಲಿರುವ https://play.google.com/store/apps/details?id=com.hungrybolo.remotemouseandroid ಲಿಂಕ್​​ ಅನ್ನು ಸ್ಮಾಟ್​ಫೋನ್​ ಇನ್​ಸ್ಟಾಲ್​ ಮಾಡಿ, ಪಿಸಿಗೆ ಸಂಪರ್ಕಿಸಲೆಂದು ರಿಮೋಟ್​ ಸರ್ವರ್​ https://www.remotemouse.net/ ಡೌನ್​ಲೋಡ್​ ಮಾಡಬೇಕು.

ಹಂತ 2: ಅಪ್ಲಿಕೇಶನ್ ಇನ್​ಸ್ಟಾಲ್​ ಮಾಡಬೇಕು. ಈಗ ರಿಮೋಟ್​ ಮೌಸ್​ನ ಐಕಾನ್​ ನಿಮ್ಮ ಸಿಸ್ಟಂ ಟ್ರೇ ಐಕಾನ್​ನಲ್ಲಿ ಕಾಣಿಸುತ್ತದೆ.

ಹಂತ 3: ಸ್ಮಾರ್ಟ್​ಫೋನ್​ನಲ್ಲಿರುವ ಅಪ್ಲಿಕೇಶನ್​​ ಅನ್ನು ತೆರೆಯಿರಿ ನಂತರ ಸ್ಕ್ಯಾನ್ ಮಾಡುವ ಆಯ್ಕೆ ಕಾಣಿಸುತ್ತದೆ. ಅಥವಾ  ಕಂಪ್ಯೂಟರ್​ ಮತ್ತು ಆ ಹೆಸರಿನ ಸಾಧನಗಳ ಪಟ್ಟಿ ನಿಮ್ಮ ಸ್ಮಾರ್ಟ್​ಫೊನ್​​ನಲ್ಲಿ ಕಾಣಿಸುತ್ತದೆ. ಅದರ ಮೇಲೆ ಟ್ಯಾಪ್​ ಮಾಡಿ.

ಹಂತ 4: ನೀವು ಈಗ ಸಂಪರ್ಕ ಹೊಂದಿದ್ದೀರಿ. ನಿಮ್ಮ ಫೋನ್ ಅನ್ನು ಟಚ್‌ಪ್ಯಾಡ್, ಕೀಬೋರ್ಡ್ ಮತ್ತು ನಿಮ್ಮ ಪಿಸಿಯನ್ನು ರಿಮೋಟ್ ಆಗಿ ಬಳಸಬಹುದಾಗಿದೆ, ಸ್ಮಾರ್ಟ್​ಫೋನ್​ನಿಂದಲೇ Ctrl ಮತ್ತು ಫಂಕ್ಷನ್ ಕೀಗಳನ್ನು ಬಳಸುವ ಮುಂತಾದ ಹಲವಾರು ವೈಶಿಷ್ಟ್ಯಗಳನ್ನು ನೀವು ಕಾಣಬಹುದು.

ಎಕ್ಸ್​​​ಟರ್​ನಲ್​ ಮಾನಿಟರ್​ ಆಗಿ ಪರಿವರ್ತಿಸಿ!

ನಿಮ್ಮ ಹಳೆಯ ಸ್ಮಾಟ್​ಫೋನನ್ನು ಎರಡನೇ ಮಾನಿಟರ್​ ಆಗಿ ಬಳಸಬಹುದಾಗಿದೆ. ಹೆಚ್ಚಿನ ಸ್ಕ್ರೀನ್​ ಸ್ಟೇಸ್​ ಅಗತ್ಯವಿದ್ದರೆ ಈ ವಿಧಾನ ಅನುಸರಿಸಿ ನೋಡಿ.

ಹಂತ 1: ನಿಮ್ಮ PC ಮತ್ತು Android ಸಾಧನದಲ್ಲಿ DuetDisplay ಅನ್ನು ಡೌನ್‌ಲೋಡ್ ಮಾಡಿ.

ಹಂತ 2: ನಂತರ ಇನ್​ಸ್ಟಾಕ್​ ಮಾಡಿ. ಬಳಿಕ ಕಂಪ್ಯೂಟರ್​ ಅನ್ನು ರಿಸ್ಟಾರ್ಟ್​​ ಮಾಡಿರಿ.

ಹಂತ 3: ಈಗ ನಿಮ್ಮ ವಿಂಡೋಸ್ ಮತ್ತು ಆಂಡ್ರಾಯ್ಡ್ ಸಾಧನಗಳಲ್ಲಿ ಡ್ಯುಯೆಟ್ ಆಪ್ ಅನ್ನು ತೆರೆಯಿರಿ. ವಿಂಡೋಸ್ ನಲ್ಲಿ ಆಂಡ್ರಾಯ್ಡ್ ಸ್ಮಾರ್ಟ್​ಫೋನ್​ ಯಾವುದೆಂದು ಆಯ್ಕೆ ಮಾಡಿ. ಅಲ್ಲಿ ಕಾಣಿಸುವ 'ಏರ್' ಟ್ಯಾಬ್ ಅನ್ನು ಆಯ್ಕೆ ಮಾಡಿ  ವೈರ್​ಲೆಸ್​ ಆಗಿ ಬಳಸಬಹುದಾಗಿದೆ.

ವೆಬ್‌ಕಾಮ್‌ನಂತೆ ಬಳಸಿ

ಹಂತ 1: ಪ್ಲೇ ಸ್ಟೋರ್‌ನಿಂದ ಇರಿಯುನ್ ವೆಬ್‌ಕ್ಯಾಮ್ ಡೌನ್‌ಲೋಡ್ ಮಾಡಿ. ಅದರ ಕಂಪ್ಯೂಟರ್​ಗೆ ಬೇಕಾದ ಅಪ್ಲಿಕೇಶನ್​ ಅನ್ನು ಅಧಿಕೃತ ವೆಬ್‌ಸೈಟ್‌ನಿಂದ ಡೌನ್‌ಲೋಡ್ ಮಾಡಿ.

ಹಂತ 2: ಆಪ್‌ಗಳನ್ನು ಇನ್‌ಸ್ಟಾಲ್ ಮಾಡಿ ಮತ್ತು ಅವುಗಳನ್ನು ನಿಮ್ಮ ಆಂಡ್ರಾಯ್ಡ್ ಮತ್ತು ಪಿಸಿಯಲ್ಲಿ ಲಾಂಚ್ ಮಾಡಿ.

ಹಂತ 4: ಪಿಸಿಯಿಂದ, ನಿಮ್ಮ ಸಿಸ್ಟಂ ಟ್ರೇನಲ್ಲಿ ಇರಿಯುನ್ ಆಪ್ ಐಕಾನ್ ಮೇಲೆ ಡಬಲ್ ಕ್ಲಿಕ್ ಮಾಡಿ ಆಪ್ ಚಾಲನೆಯಲ್ಲಿದೆ ಎಂದು ಖಚಿತಪಡಿಸಿಕೊಳ್ಳಿ. ಅಪ್ಲಿಕೇಶನ್ ನಿಮ್ಮ ಸಾಧನಕ್ಕೆ ಎರಡನೇ ಕ್ಯಾಮೆರಾದಂತೆ ಕೆಲಸ ಮಾಡುತ್ತದೆ.