• Home
  • »
  • News
  • »
  • tech
  • »
  • Truecaller: ಟ್ರೂಕಾಲರ್‌ನಲ್ಲಿ ವಾಯ್ಸ್ ಕಾಲ್ ರೆಕಾರ್ಡ್ ಮಾಡುವುದು ಹೇಗೆ? ಇಲ್ಲಿವೆ ಹಂತಗಳು

Truecaller: ಟ್ರೂಕಾಲರ್‌ನಲ್ಲಿ ವಾಯ್ಸ್ ಕಾಲ್ ರೆಕಾರ್ಡ್ ಮಾಡುವುದು ಹೇಗೆ? ಇಲ್ಲಿವೆ ಹಂತಗಳು

ಟ್ರೂಕಾಲರ್ / truecaller

ಟ್ರೂಕಾಲರ್ / truecaller

Truecaller: ಕರೆ ರೆಕಾರ್ಡಿಂಗ್‌ ವೈಶಿಷ್ಟ್ಯವು ಮೊದಲು ಪ್ರೀಮಿಯಂ ಬಳಕೆದಾರರಿಗೆ ಮಾತ್ರ ಲಭ್ಯವಿತ್ತು. ಆದರೆ ಈಗ ಆಂಡ್ರಾಯ್ಡ್ 5 (Android 5) ಅಥವಾ ಹೆಚ್ಚಿನ ಆವೃತ್ತಿಯಲ್ಲಿ ಚಾಲನೆಯಲ್ಲಿರುವ ಸ್ಮಾರ್ಟ್‍ಫೋನ್‍ಗಳನ್ನು ಹೊಂದಿರುವ ಎಲ್ಲಾ ಬಳಕೆದಾರರಿಗೆ ಲಭ್ಯವಿದೆ.

  • Share this:

    ಇದು ಸ್ಮಾರ್ಟ್‍ಫೋನ್ (Smartphone) ಯುಗ. ಜಗತ್ತು ಬದಲಾದಂತೆ ಸ್ಮಾರ್ಟ್‍ಫೋನ್‍ಗಳು ಬದಲಾಗುತ್ತವೆ. ಅದರಲ್ಲಿ ಬಳಸಲು ಅಪ್ಲಿಕೇಶನ್‍ಗಳು (Application) ಸಹ ಬದಲಾಗುತ್ತದೆ. ಸಾಮಾನ್ಯವಾಗಿ ಎಲ್ಲರ ಮೊಬೈಲ್‍ಗಳಲ್ಲಿ ಕಾಣಸಿಗುವ ಆ್ಯಪ್ ಎಂದರೆ ಅದುವೇ ಟ್ರೂಕಾಲರ್ (TrueCaller). ಇದು ಕರೆ ಮಾಡಿದವರ ಹೆಸರು, ಮೊಬೈಲ್ ಸಂಖ್ಯೆಯ ಮಾಹಿತಿಯನ್ನು ನಮಗೆ ನೀಡುತ್ತದೆ. ಇದೀಗ ಈ ಆ್ಯಪ್‍ನಲ್ಲಿ ಮತ್ತಷ್ಟು ವೈಶಿಷ್ಟ್ಯಗಳನ್ನು ತರಲಾಗಿದೆ. ಈ ವಾರದ ಆರಂಭದಲ್ಲಿ ಅಪ್ಲಿಕೇಶನ್‍ನ 12ನೇ ಆವೃತ್ತಿಯಲ್ಲಿ ಐದು ಹೊಸ ಅಪ್‍ಡೇಟ್‍ಗಳಾಗಿದ್ದು, ಇದರಲ್ಲಿ ಇಂಟರ್‌ಫೇಸ್‌ ಸೌಲಭ್ಯ, ವಿಡಿಯೋ ಕಾಲರ್ ಐಡಿ (Video Caller ID), ಕಾಲ್ ರೆಕಾರ್ಡಿಂಗ್ (Call Recording), ಉಚಿತ ಕರೆ ರೆಕಾರ್ಡಿಂಗ್ (Free Recording) ಇರಲಿದೆ. ಉಚಿತ ಕರೆ ರೆಕಾರ್ಡಿಂಗ್ ಒಳಬರುವ ಹಾಗೂ ಹೊರಹೋಗುವ ಕರೆಗಳನ್ನು ರೆಕಾರ್ಡ್ ಮಾಡುತ್ತದೆ.


    ಕರೆ ರೆಕಾರ್ಡಿಂಗ್‌ ವೈಶಿಷ್ಟ್ಯವು ಮೊದಲು ಪ್ರೀಮಿಯಂ ಬಳಕೆದಾರರಿಗೆ ಮಾತ್ರ ಲಭ್ಯವಿತ್ತು. ಆದರೆ ಈಗ ಆಂಡ್ರಾಯ್ಡ್ 5 (Android 5) ಅಥವಾ ಹೆಚ್ಚಿನ ಆವೃತ್ತಿಯಲ್ಲಿ ಚಾಲನೆಯಲ್ಲಿರುವ ಸ್ಮಾರ್ಟ್‍ಫೋನ್‍ಗಳನ್ನು ಹೊಂದಿರುವ ಎಲ್ಲಾ ಬಳಕೆದಾರರಿಗೆ ಲಭ್ಯವಿದೆ. ಟ್ರೂಕಾಲರ್ ಕರೆ ರೆಕಾರ್ಡರ್‌ನಿಂದ ಎಲ್ಲಾ ರೆಕಾರ್ಡಿಂಗ್‍ಗಳನ್ನು ನಿಮ್ಮ ಫೋನ್‍ನಲ್ಲಿ ಸ್ಥಳೀಯವಾಗಿ ಸಂಗ್ರಹಿಸಲಾಗುತ್ತದೆ.


    ಆ್ಯಂಡ್ರಾಯ್ಡ್ ಸಾಧನಗಳಿಗೆ ಶೀಘ್ರದಲ್ಲೇ ಅಪ್‍ಡೇಟ್ ಆಗಲಿರುವ ವೈಶಿಷ್ಟ್ಯದೊಂದಿಗೆ, ಟ್ರೂಕಾಲರ್ ಅಪ್ಲಿಕೇಶನ್ ಬಳಸಿ ಕರೆಗಳನ್ನು ರೆಕಾರ್ಡ್ ಮಾಡುವುದು ಹೇಗೆ ಎಂದು ನೋಡೋಣ:


    ಹಂತ 1: ನಿಮ್ಮ ಆ್ಯಂಡ್ರಾಯ್ಡ್ ಫೋನಿನಲ್ಲಿ ಸೆಟ್ಟಿಂಗ್ಸ್‌ಗೆ ಹೋಗಿ. ಅಲ್ಲಿಂದ ಅಕ್ಸೆಸೆಬಿಲಿಟಿಗೆ ತೆರಳಿ


    ಹಂತ 2: ಡೌನ್‍ಲೋಡ್ ಮಾಡಿದ ಅಪ್ಲಿಕೇಶನ್‍ಗಳ ವಿಭಾಗದ ಅಡಿಯಲ್ಲಿ, ಟ್ರೂಕಾಲರ್ ಕರೆ ರೆಕಾರ್ಡಿಂಗ್‌ ಅನ್ನು ಟ್ಯಾಪ್ ಮಾಡಿ.


    ಹಂತ 3: ಟ್ರೂಕಾಲರ್ ಕರೆ ರೆಕಾರ್ಡಿಂಗ್ ಟಾಗಲ್ ಅನ್ನು ಆನ್ ಮಾಡಿ. ಒಪ್ಪಿಗೆ ಸೂಚಿಸಿ


    ಹಂತ 4: ನಿಯಂತ್ರಣವನ್ನು ಹೊಂದಲು ಟ್ರೂಕಾಲರ್ ಕರೆ ರೆಕಾರ್ಡಿಂಗ್ ಅನ್ನು ಅನುಮತಿಸುವುದೇ? ಟ್ರೂಕಾಲರ್ ಕರೆ ರೆಕಾರ್ಡಿಂಗ್‍ಗೆ ಇದು ಅಗತ್ಯವಿದೆ: ನಿಮ್ಮ ಕಾರ್ಯಾಚರಣೆಗಳನ್ನು ಮೇಲ್ವಿಚಾರಣೆ ಮಾಡಿ. ಸರಿ ಎಂದು ಟ್ಯಾಪ್ ಮಾಡಿ.


    ಹಂತ 5: ನಿಮ್ಮ ಮೊಬೈಲ್‍ನಲ್ಲಿ ಟ್ರೂಕಾಲರ್ ಅಪ್ಲಿಕೇಶನ್ ತೆರೆಯಿರಿ


    ಹಂತ 6: ಮೇಲಿನ ಎಡ ಮೂಲೆಯಲ್ಲಿರುವ ಹ್ಯಾಂಬರ್ಗರ್ ಮೆನು ಮೇಲೆ ಟ್ಯಾಪ್ ಮಾಡಿ


    ಹಂತ 7: ಕರೆ ರೆಕಾರ್ಡಿಂಗ್‍ಗಳನ್ನು ಹುಡುಕಿ ಮತ್ತು ಕರೆ ರೆಕಾರ್ಡಿಂಗ್ ಟಾಗಲ್ ಅನ್ನು ಆನ್ ಮಾಡಿ


    ಹಂತ 8: ಈಗ ನೀವು ಕರೆ ಮಾಡಿದಾಗ ಅಥವಾ ಕರೆ ಸ್ವೀಕರಿಸಿದಾಗ ಪ್ರತಿ ಬಾರಿ ಟ್ರೂಕಾಲರ್ ಸಾಧನ ಕಾಣಿಸಿಕೊಳ್ಳುತ್ತದೆ. ರೆಕಾರ್ಡಿಂಗ್ ಪ್ರಾರಂಭಿಸಲು ಅಥವಾ ನಿಲ್ಲಿಸಲು ಅದರ ಮೇಲೆ ಟ್ಯಾಪ್ ಮಾಡಿ.


    ಇದನ್ನು ಓದಿ: Oppo ಮೊದಲ ಫೋಲ್ಡೆಬಲ್ ಸ್ಮಾರ್ಟ್​​ಫೋನ್ ಮುಂದಿನ ತಿಂಗಳು ಮಾರುಕಟ್ಟೆಗೆ! ಫೀಚರ್ಸ್ ಹೇಗಿದೆ?

    ಬಳಕೆದಾರರು ತಮ್ಮ ಅಪ್ಲಿಕೇಶನ್‍ನ ಕರೆ ರೆಕಾರ್ಡಿಂಗ್ ವಿಭಾಗದಿಂದ ತಮ್ಮ ಕರೆ ರೆಕಾರ್ಡಿಂಗ್‍ಗಳನ್ನು ಪ್ರವೇಶಿಸಬಹುದು, ಹಂಚಿಕೊಳ್ಳಬಹುದು ಮತ್ತು ಅಳಿಸಬಹುದು. ಟ್ರೂಕಾಲರ್ ಈ ವಾರದ ಆರಂಭದಲ್ಲಿ ತನ್ನ ಅಪ್ಲಿಕೇಶನ್‍ನ ಆವೃತ್ತಿ 12 ಅನ್ನು ಪ್ರಾರಂಭಿಸಿತು. ಹೊಸ ಅಪ್ಲಿಕೇಶನ್ ಕರೆ ಎಚ್ಚರಿಕೆಗಳು, ಕರೆ ಕಾರಣ, ಫುಲ್ ಸ್ಕ್ರೀನ್ ಕಾಲರ್ ಐಡಿ, ಇನ್‍ಬಾಕ್ಸ್ ಕ್ಲೀನರ್, ಸ್ಮಾರ್ಟ್ ಎಸ್‍ಎಂಎಸ್ ಮತ್ತು ಹೆಚ್ಚಿನ ವೈಶಿಷ್ಟ್ಯಗಳೊಂದಿಗೆ ಬರುತ್ತದೆ.


    ಇದನ್ನು ಓದಿ: Smartphone ಬಳಕೆದಾರರು ಈ ಮಿಸ್ಟೇಕ್ ಮಾಡ್ಬೇಡಿ.. ಯಾಕಂದ್ರೆ ಹ್ಯಾಕರ್​​ಗಳು ನಿಮ್ಮ ಮೇಲೂ ಕಣ್ಣಿಡಬಹುದು!

    ಮುಂಬರುವ ವಾರಗಳಲ್ಲಿ ಆ್ಯಂಡ್ರಾಯ್ಡ್ ಬಳಕೆದಾರರಿಗೆ ಟ್ರೂಕಾಲರ್ ಆವೃತ್ತಿ 12 ಅನ್ನು ಪ್ರಾರಂಭಿಸಲಾಗುವುದು. ಐಒಎಸ್ ಬಳಕೆದಾರರಿಗೆ ಮುಂದಿನ ದಿನಗಳಲ್ಲಿ ಈ ವೈಶಿಷ್ಟ್ಯವನ್ನು ಜಾರಿಗೆ ತರಲಾಗುತ್ತದೆ.


    First published: