Tech Tips: ಸ್ಮಾರ್ಟ್​​​ಫೋನ್​ನಲ್ಲಿ ಸ್ಕ್ರೀನ್​ ರೆಕಾರ್ಡ್​ ಮಾಡೋದು ಹೇಗೆ? ಇಲ್ಲಿದೆ ಸಿಂಪಲ್​ ಟ್ರಿಕ್ಸ್​

ಸ್ಮಾರ್ಟ್​​ಫೋನ್​ಗಳು (Smartphones) ಇತ್ತೀಚೆಗೆ ಹೆಚ್ಚಿನ ಜನರ ಅಗತ್ಯ ಸಾಧನವಾಗಿಬಿಟ್ಟಿದೆ. ಯಾವುದೇ ಕೆಲಸವನ್ನು ಕ್ಷಣಮಾತ್ರದಲ್ಲಿ ಮಾಡಲು ಸಹಾಯಕವಾಗುವ ಒಂದು ಟೆಕ್ನಾಲಜಿ ಇದ್ದರೆ ಅದು ಮೊಬೈಲ್​ನಲ್ಲಿ ಮಾತ್ರ ಸಾಧ್ಯ. ಕೆಲವೊಮ್ಮೆ ನಮಗೆ ಸ್ಮಾರ್ಟ್​​ಫೋನ್​ಗಳಲ್ಲಿ ಏನಾದರು ಗೇಮ್​ ಆಡುವಾಗ, ವಿಡಿಯೋ ನೋಡುವಾಗ ಅದನ್ನು ಮತ್ತೆ ನೋಡಲು ಸ್ಕ್ರೀನ್​​ಶಾಟ್ (Screen Short)​ ಅಥವಾ ಸ್ಕ್ರೀನ್ ರೆಕಾರ್ಡ್​ (Screen Record)​ ಮಾಡಿಕೊಳುತ್ತೇವೆ. ಆದರೆ ಇದನ್ನು ಮಾಡಲು ನಾವು ಥರ್ಡ್​ ಪಾರ್ಟಿ ಅಪ್ಲಿಕೇಶನ್​ಗಳನ್ನು ಡೌನ್​​ಲೋಡ್​ ಮಾಡಿಕೊಳ್ಳಬೇಕು. ಇನ್ನು ಕೆಲವರಿಗೆ ಈಗಿನ ಹೊಸ ಸ್ಮಾರ್ಟ್​​ಫೋನ್​ಗಳಲ್ಲಿ ಮೊದಲೇ ಡೌನ್​ಲೋಡ್ ಆಗಿರುತ್ತದೆ. ಆದರೆ ಥರ್ಡ್​ ಪಾರ್ಟಿ ಆ್ಯಪ್​ಗಳಲ್ಲಿ (Third Party Apps) ಬೆಸ್ಟ್​ ಅಪ್ಲಿಕೇಶನ್​ಗಳು ಯಾವುದೆಂದು ಈ ಕೆಳಗೆ ಲೇಖನದಲ್ಲಿ ನೀಡಿದ್ದೇವೆ. 

ಆಂಡ್ರಾಯ್ಡ್​ನಲ್ಲಿ ಸುಲಭದಲ್ಲಿ ಡೌನ್​ಲೋಡ್​ ಮಾಡಿ, ಸ್ಕ್ರೀನ್​​ ರೆಕಾರ್ಡ್​ ಮಾಡಬಹುದಾದ ಬೆಸ್ಟ್​ ಆ್ಯಪ್​ಗಳು ಯಾವುದೆಂದು ಈ ಲೇಖನದ ಮೂಲಕ ತಿಳಿಯಿರಿ.

ಎಝಡ್ ಸ್ಕ್ರೀನ್ ರೆಕಾರ್ಡರ್:

ಎಝಡ್​ ಸ್ಕ್ರೀನ್​ ರೆಕಾರ್ಡರ್​​ ಆ್ಯಪ್​ ಆಂಡ್ರಾಯ್ಡ್​​ ಫೋನ್​ಗಳಲ್ಲಿ ಸ್ಕ್ರೀನ್​ ರೆಕಾರ್ಡ್​ ಮಾಡಬಹುದಾದ ಬೆಸ್ಟ್​ ಆ್ಯಪ್​ಗಳಾಗಿದೆ. ಈ ಆ್ಯಪ್​ ಅನ್ನು ಬಳಕೆದಾರು ಗೂಗಲ್ ಪ್ಲೇ ಸ್ಟೋರ್​ ಮೂಲಕ ಫ್ರೀಯಾಗಿ ಡೌನ್​ಲೋಡ್​ ಮಾಡಿಕೊಳ್ಳಬಹುದು.

ಇದನ್ನೂ ಓದಿ: ಐಫೋನ್​ ಪ್ರಿಯರೇ ಇಲ್ಲೊಮ್ಮೆ ಗಮನಿಸಿ, ಇಲ್ಲೊಬ್ಬರು ಕಳಕೊಂಡದ್ದು ಬರೋಬ್ಬರಿ 8 ಲಕ್ಷ ರೂಪಾಯಿ

ಆದರೆ ಇದರ ಪಾಪ್​ಅಪ್​ ವಿಂಡೋ ಸ್ಕ್ರೀನ್​ನಲ್ಲಿ ಬರಬೇಕಾದ್ರೆ ನೀವು ಪರ್ಮಿಷನ್​ ನೀಡುವುದು ಮುಖ್ಯವಾಗಿರುತ್ತದೆ. ನಂತರ ನಿಮ್ಮ ಆ್ಯಪ್​  ನಿಮ್ಮ ಸ್ಕ್ರೀನ್​​ನಲ್ಲಿ ಕಂಟ್ರೋಲ್ ಮಾಡಲು ಅವಕಾಶವನ್ನು ನೀಡುತ್ತದೆ. ನೀವು ಅವುಗಳನ್ನು ಆಕ್ಸೆಸ್ ಮಾಡಿ ರೆಕಾರ್ಡಿಂಗ್, ರೆಕಾರ್ಡ್ ಆದ ವಿಡಿಯೋ ಸೆಂಡ್ ಮಾಡುವ ಕೆಲಸ ಅಥವಾ ಎಡಿಟ್ ಮಾಡುವ ಕೆಲಸವನ್ನು ಒಮ್ಮೆಲೆ ಮಾಡಬಹುದಾಗಿದೆ.

ಡಿಯು ರೆಕಾರ್ಡರ್:

ಇನ್ನು ಸ್ಮಾರ್ಟ್​​ಫೋನ್​ಗಳಲ್ಲಿ ಸ್ಕ್ರೀನ್​​ ರೆಕಾರ್ಡ್​ ಮಾಡಲಿರುವಂತಹ ಬೆಸ್ಟ್​ ಆ್ಯಪ್​ಗಳಲ್ಲಿ ಡಿಯು ರೆಕಾರ್ಡರ್​ ಆ್ಯಪ್​ ಸಹ ಒಂದು. ಇದನ್ನು ಬಳಸಲು ತುಂಬಾ ಸುಲಭ. ಈ ಅಪ್ಲಿಕೇಶನ್​ ಬಳಕೆದಾರರಿಗೆ ಹಲವು ಫೀಚರ್ಸ್​​ಗಳನ್ನು ಸಹ ನೀಡುತ್ತದೆ. ಇನ್ನು ಈ ಡಿಯು ರೆಕಾರ್ಡರ್ ಆ್ಯಪ್​​ ಅನ್ನು ಎರಡು ರೀತಿಯಲ್ಲಿ ನೀವು ಇದರ ರೆಕಾರ್ಡಿಂಗ್ ಅನ್ನು ಕಂಟ್ರೋಲ್ ಮಾಡಬಹುದು. ಒಂದು ಪಾಪ್ ಅಪ್ ವಿಂಡೋ ಮೂಲಕ ಮತ್ತು ನಾಟಿಫಿಕೇಷನ್ ಬಾರ್ ಮೂಲಕ. ಜೊತೆಗೆ ಇದರಲ್ಲಿ ಸೆಟ್ಟಿಂಗ್ಸ್​ ಮೂಲಕ ಸ್ಕ್ರೀನ್​ ರೆಸಲ್ಯೂಶನ್​ ಸಾಮರ್ಥ್ಯವನ್ನು ಸಹ ಸೆಟ್​ ಮಾಡಿಟ್ಟುಕೊಳ್ಳಬಹುದು.

ಸಾಂಕೇತಿಕ ಚಿತ್ರ

ಸ್ಕ್ರೀನ್ ರೆಕಾರ್ಡರ್:

ಸ್ಕ್ರೀನ್​ ರೆಕಾರ್ಡರ್ ಆ್ಯಪ್​ ಅನ್ನು ಡೌನ್​ಲೋಡ್​ ಮಾಡಿದ್ರೆ  ಬಳಕೆದಾರರಿಗೆ ಉತ್ತಮ. ಏಕೆಂದರೆ ಈ ಆ್ಯಪ್​ ಬಳಸುವವರಿಗೆ ಯಾವುದೇ ರೀತಿಯಲ್ಲಿ ಜಾಹೀರಾತುಗಳು ಬರುವುದಿಲ್ಲ ಮತ್ತು ಸಂಪೂರ್ಣವಾಗಿ ಉಚಿತವಾಗಿಯೇ ಸೌಲಭ್ಯವನ್ನು ನೀಡುತ್ತದೆ. ಬೇರೆ ಆ್ಯಪ್ ಗಳಂತೆ ಈ ಅಪ್ಲಿಕೇಶನ್​ನಲ್ಲೂ ಪಾಪ್ ಅಪ್ ವಿಂಡೋ ಪರ್ಮಿಷನ್ ಬೇಕಾಗುತ್ತದೆ. ಇದನ್ನು ಇನ್​ಸ್ಟಾಲ್ ಮಾಡಿದರೆ ಚಿಕ್ಕದೊಂದು ಟೂಲ್ ನಿಮ್ಮ ಸ್ಕ್ರೀನ್ ಕೆಳಭಾಗದಲ್ಲಿ ಕಾಣಿಸುತ್ತೆ. ಈ ಟೂಲ್​ ಮೂಲಕ ನೀವು ರೆಕಾರ್ಡ್​ ಮಾಡಕು ಎಷ್ಟು ಹೊತ್ತು ಬೇಕಾದರು ಸಮಯ ತೆಗೆದುಕೊಳ್ಳಬಹುದು ಮತ್ತು ಸೆಟ್​​ ಸಹ ಮಾಡಬಹುದಾಗಿದೆ.

ಈ ಆ್ಯಪ್​ ಮೂಲಕ ಇನ್ಮುಂದೆ ಮನೆಯಿಂದಲೇ ವೈದ್ಯರ ಸಲಹೆ ಪಡೆಯಿರಿ

ಇಸಂಜೀವಿನಿ ಅಪ್ಲಿಕೇಶನ್

ಇ-ಸಂಜೀವಿನಿ ಆ್ಯಪ್‌ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಸಚಿವಾಲಯ (MoHFW) ಪರಿಚಯಿಸಿದೆ. ಇದು ಟೆಲಿಮೆಡಿಸಿನ್ ಆ್ಯಪ್‌ ಅಂತನೂ ಕರೆಯಬಹುದು. ಈ ಆ್ಯಪ್​ ಮೂಲಕ ಯಾರೂ ಬೇಕಾದರು ತಮಗೆ ಬೇಕಾದ ವೈದ್ಯರಿಂದ ಸಲಹೆಯನ್ನು ಪಡೆಯಬಹುದು. ಇದು ವ್ಯವಸ್ಥಿತವಾಗಿ ಕಾರ್ಯನಿರ್ವಹಿಸುತ್ತದೆ.

ಈ ಆ್ಯಪ್‌ ಅನ್ನು ನಿಮ್ಮ ಸ್ಮಾರ್ಟ್‌ಫೋನ್ ನಲ್ಲಿ ಇನ್‌ಸ್ಟಾಲ್‌ ಮಾಡಿಕೊಂಡರೆ ರೋಗಿಗಳ ನೋಂದಣಿ, ಟೋಕನ್ ಕ್ರಿಯೇಟ್‌, ವೈದ್ಯರೊಂದಿಗೆ ಆಡಿಯೋ-ವಿಡಿಯೋ ಕಾಲ್​ ಮೂಲಕ ಸಮಾಲೋಚನೆ, ಇ-ಪ್ರಿಸ್ಕ್ರಿಪ್ಷನ್ ಮತ್ತು ಎಸ್‌ಎಮ್‌ಎಸ್‌ ಹಾಗೂ ಇಮೇಲ್ ನೋಟಿಫಿಕೇಶನ್‌ ಗಳನ್ನು ಪಡೆದುಕೊಳ್ಳಬಹುದಾಗಿದೆ. ಈ ಆ್ಯಪ್‌ನಲ್ಲಿ ರಾಜ್ಯದ ವೈದ್ಯರು ತಮ್ಮದೇ ಆದ ರೀತಿಯಲ್ಲಿ ಸೇವೆಯಲ್ಲಿ ಬಳಕೆದಾರರಿಗೆ ನೀಡುತ್ತಾರೆ.