Tech Tips: ಮನೆಯಲ್ಲಿಯೇ ಕುಳಿತು ಮೊಬೈಲ್​ನಲ್ಲಿ ಹಣ ಮಾಡುವುದು ಹೇಗೆ? ಇಲ್ಲಿದೆ ಮಾಹಿತಿ

ಇದು ಟೆಕ್ನಾಲಜಿ ಯುಗ (Technology). ಇಲ್ಲಿ ಸ್ಮಾರ್ಟ್​ಫೋನ್​ ಮೂಲಕ ಏನನ್ನೂ ಮಾಡಬಹುದು. ಇತ್ತೀಚೆಗಂತೂ ಸ್ಮಾರ್ಟ್​ಫೋನ್​​ಗಳ ಬಳಕೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ಆದರೆ ಈ ಸ್ಮಾರ್ಟ್​​ಫೋನ್​ಗಳನ್ನು ಬಳಕೆ ಮಾಡಬೇಕಾದ್ರೆ ಅದಕ್ಕೆ ಅದರದೇ ಆದ ಅಪ್ಲಿಕೇಶನ್​ಗಳು, ಇಂಟರ್ನೆಟ್ (Internet)​ ಸೌಲಭ್ಯ ಅಗತ್ಯವಾಗಿರುತ್ತದೆ. ಕೆಲವೊಬ್ಬರು ಮನೆಯಲ್ಲಿಯೇ ಕುಳಿತು ಏನೂ ಸಂಪಾದನೆ ಮಾಡದೆ ಮೊಬೈಲ್​ ಬಳಕೆ ಮಾಡುತ್ತಾರೆ. ಆದರೆ ಕೆಲವೊಂದು ಬಾರಿ ನಮ್ಮ ಕೈಯಲ್ಲಿ ಹಣವೇ ಇರಲ್ಲ. ಆದರೆ ಇನ್ಮುಂದೆ ಟೆನ್ಷನ್​ ಬೇಡ. ನಿಮ್ಮ ಕೈಯಲ್ಲಿ ಮೊಬೈಲ್ ಮತ್ತು ಇಂಟರ್ನೆಟ್​ ಇದ್ದರೆ ಸಾಕು ಸುಲಭದಲ್ಲಿ ಹಣ ಸಂಪಾದನೆ (Online Money Make) ಮಾಡ್ಬಹುದು. 

ಎಷ್ಟೋ ಜನರಿಗೆ ಮನೆಯಲ್ಲಿ ಕುಳಿತು ಹಣ ಮಾಡ್ಬೇಕು ಅನ್ನೋ ಆಸೆ ಇರುತ್ತದೆ. ಆದರೆ ಹೇಗೆ ಆರಂಭಿಸೋದು ಅನ್ನೋದು ಐಡಿಯಾವೇ ಗೊತ್ತಾಗಲ್ಲ. ಆದರೆ ಈ ಲೇಖನದಲ್ಲಿ ನೀಡಿರುವ ಮೂಲಕ ನೀವು ನಿಮ್ಮ ಮೊಬೈಲ್​ನಲ್ಲಿ ಲಕ್ಷಗಟ್ಟಲೆ ಹಣ ಸಂಪಾದನೆ ಮಾಡ್ಬಹುದು.

ಆನ್​​ಲೈನ್​ ಕ್ಲಾಸ್ ಆರಂಭಿಸಿ

ಮೊಬೈಲ್​ನಲ್ಲಿ, ಆನ್​ಲೈನ್​ನಲ್ಲಿ ಸುಲಭದಲ್ಲಿ ಹಣ ಮಾಡಲು ಉತ್ತಮ ವಿಧಾನವೆಂದರೆ ಆನ್​ಲೈನ್ ಕ್ಲಾಸ್ ಆರಂಭಿಸುವುದು. ಇದರಲ್ಲಿ ನೀವು ವಿದ್ಯಾರ್ಥಿಗಳಿ ತರಗತಿಗೆ ಸಂಬಂಧಿಸಿದ ತರಬೇತಿಯನ್ನು ನೀಡಬಹುದು. ಇದಲ್ಲದೆ ಯೋಗ ತರಬೇತಿ, ಫಿಟ್ನೆಸ್​​ಗೆ ಸಂಬಂಧಿಸಿದ ತರಬೇತಿ ಸೇರಿದಂತೆ ಇನ್ನೂ ಹಲವು ವಿಷಯಗಳಿಗೆ ಸಂಬಂಧಿಸಿದ ತರಬೇತಿ ತರಗತಿಗಳನ್ನು ಆರಂಭಿಸಿ ಹಣ ಮಾಡಬಹುದು. ಈ ಮೂಲಕ ನೀವು ಯಾವ ವಿಷಯದಲ್ಲಿ ಪರಿಣಿತಿ ಹೊಂದಿದ್ದೀರೋ ಆ ವಿಷಯದಲ್ಲಿ ತರಗತಿ ಆರಂಭಿಸಿ ಸಾವಿರಗಟ್ಟಲೆ ಹಣ ಮಾಡಬಹುದು.

ಆನ್​ಲೈನ್ ಸೇಲ್​​ ಆರಂಭಿಸಿ

ಇತ್ತೀಚೆಗೆ ಇಕಾಮರ್ಸ್​ ತಾಣಗಳು ಭಾರೀ ದೊಡ್ಡ ಮಾರುಕಟ್ಟೆಯಾಗಿ ವಿಸ್ತರಣೆಯಾಗಿದೆ. ಆದ್ದರಿಂದ ಮೊಬೈಲ್​ ಬಳಕೆದಾರರು ರೀಟೇಲ್ ವ್ಯಾಪರವನ್ನು ಮಾಡುತ್ತಿದ್ದರೆ, ಅಥವಾ ಯಾವುದಾದರು ಪ್ರೊಡಕ್ಟ್ ಅನ್ನು ಉತ್ಪಾದನೆ ಮಾಡಿ ಮಾರಾಟ ಮಾಡುವ ಪ್ಲ್ಯಾನ್​ನಲ್ಲಿದ್ದರೆ ಆನ್​ಲೈ ಪ್ಲಾಟ್​ಫಾರ್ಮ್​ಗಳು ಬಹಳ ಉತ್ತಮ ಆಯ್ಕೆಯಾಗಿದೆ. ಕೆಲವೊಬ್ಬರು ಸೋಶಿಯಲ್ ಮೀಡಿಯಾಗಳನ್ನು ಇತ್ತೀಚೆಗೆ ಪ್ರಚಾರಕ್ಕಾಗಿಯೇ ಹೆಚ್ಚು ಬಳಸಿಕೊಳ್ಳುತ್ತಿದ್ದಾರೆ, ಈ ಮೂಲಕ ನಿಮ್ಮ ಪ್ರೊಡಕ್ಟ್ ಅನ್ನು ಪ್ರಚಾರನೂ ಮಾಡ್ಬಹುದು, ಸೇಲ್ ಕೂಡ ಮಾಡಬಹುದಾಗಿದೆ.

ಯೂಟ್ಯೂಬ್ ಚಾನೆಲ್ ಓಪನ್ ಮಾಡಿ

ಇತ್ತೀಚೆಗೆ ಆನ್​ಲೈನ್​ ಮೂಲಕ ಸುಲಭವಾಗಿ ಹಣ ಮಾಡುವಂತಹ ಒಂದು ಪ್ಲಾಟ್​ಫಾರ್ಮ್ ಇದೆ ಎಂದರೆ ಅದು ಯೂಟ್ಯೂಬ್​. ಯೂಟ್ಯೂಬ್ ಅನ್ನು ಎಷ್ಟೋ ಜನರು ಉದ್ಯೋಗವನ್ನಾಗಿ ರೂಪಿಸಿಕೊಂಡಿದ್ದಾರೆ. ಇದಕ್ಕೆ ಕಾರಣ ಯೂಟ್ಯೂಬ್ ನೀಡಿರುವಂತಹ ಅವಕಾಶಗಳು ಅಂತಾನೇ ಹೇಳಬಹುದು. ಯೂಟ್ಯೂಬ್​ನಲ್ಲಿ ಯಾರು ಬೇಕಾದರು ಚಾನೆಲ್ ಅನ್ನು ರಚಿಸಿಕೊಳ್ಳಬಹುದಾಗಿದೆ.

ಸಾಂದರ್ಭಿಕ ಚಿತ್ರ

ಆದರೆ ಆ ಚಾನೆಲ್ ಏನದರೂ ಉದ್ದೇಕ್ಕಾಗಿ ರಚಿಸಿರಬೇಕು. ಉದಾಹರಣೆಗೆ ಎಷ್ಟೋ ಜನ ಆಹಾರಕ್ಕೆ ಸಂಬಂಧಪಟ್ಟ, ಡ್ಯಾನ್ಸ್​, ದೇವಾಸ್ಥಾನಗಳ ಮಾಹಿತಿ ಈ ರೀತಿಯ ವಿಡಿಯೋಗಳನ್ನು ಮಾಡುವ ಮೂಲಕ ಹಣ ಮಾಡುತ್ತಿರುತ್ತಾರೆ. ಅದೇ ರೀತಿ ನೀವೂ ಸಹ ಚಾನೆಲ್​ ಮಾಡಿಕೊಂಡು ಈ ರೀತಿಯ ವಿಡಿಯೋಗಳನ್ನು ಮಾಡಬಹುದು. ಆದರೆ ಮುಖ್ಯವಾಗಿ ಯೂಟ್ಯೂಬ್​​ನ ನಿಯಮಗಳನ್ನು ಪಾಲಿಸಬೇಕು.

ಬ್ಲಾಗ್​ ಅನ್ನು ರಚಿಸಿ

ಹೆಚ್ಚಿನ ಜನರಿಗೆ ಬರವಣಿಗೆ ಮೇಲೆ ಹೆಚ್ಚಿನ ಆಸಕ್ತಿ ಇರುತ್ತದೆ. ಬರವಣಿಗೆ ಮೇಲೆ ಆಸಕ್ತಿ ಇದ್ದವರು ಬ್ಲಾಗ್​ ಅಥವಾ ವೆಬ್​ಸೈಟ್​ ಅನ್ನು ಪ್ರಾರಂಭಿಸಬಹುದು. ಇದರಲ್ಲಿ ನಿಮ್ಮ ಆಸಕ್ತಿಗೆ ಸಂಬಂಧಪಟ್ಟ ಲೇಖನಗಳನ್ನು ನಿರಂತರವಾಗಿ ಬರೆದು ಪಬ್ಲಿಶ್​ ಮಾಡುವ ಮೂಲಕ ಜನಪ್ರಿಯತೆಯನ್ನು ಪಡೆಯಬಹುದು.

ಇದನ್ನೂ ಓದಿ: ಸಂಗೀತ ಪ್ರಿಯರಿಗೆ ಗುಡ್​ ನ್ಯೂಸ್​! ಬಂದಿದೆ ನೋಡಿ ನಾಯ್ಸ್​ ಕಂಪೆನಿಯ ಹೊಸ ಇಯರ್​ಬಡ್ಸ್​

ಜೊತೆಗೆ ಇದರಲ್ಲಿ ಜಾಹೀರಾತುಗಳನ್ನುಪಡೆಯುವ ಮೂಲಕ ಹಣವನ್ನು ಸಂಪಾದಿಸಬಹುದಾಗಿದೆ. ಆದರೆ ಈ ಬ್ಲಾಗ್ ವೆಬ್​ಸೈಟ್​ ಅನ್ನು ಓಪನ್ ಮಾಡಲು ಮೊದಲಿಗೆ ಫ್ರೀ ಸಾಫ್ಟ್​​ವೇರ್ ಅನ್ನು ಬಳಸುವುದು ಉತ್ತಮ.