Facebook fake account: 5 ನಿಮಿಷದಲ್ಲಿ ಫೇಸ್​ಬುಕ್ ನಕಲಿ ಖಾತೆಯನ್ನು ಡಿಲೀಟ್ ಮಾಡಿಸಲು ಹೀಗೆ ಮಾಡಿ!

ಫೇಸ್​ಬುಕ್​​​ ನಕಲಿ ಖಾತೆಗಳನ್ನ ಗುರುತಿಸಿ ಡಿಲೀಟ್​ ಮಾಡುತ್ತಿದೆ. ಆದರೂ ಅಲ್ಲೊಂದು ಇಲ್ಲೊಂದರಂತೆ ಅಡಗಿ ಕುಳಿತು ಉಪಟಳ ನೀಡುವ ಖಾತೆಗಳಿರುತ್ತವೆ. ಇನ್ನು ಕೆಲವರು ಬ್ಲಾಕ್​ ಮೇಲ್​ ಮಾಡುವ ಅಥವಾ ಸಹಾಯದ ರೂಪದಲ್ಲಿ ಹಣ ಎಗರಿಸುವ ನಕಲಿ ಖಾತೆಗಳಿರುತ್ತದೆ. ಅಂತಹ ಖಾತೆಗಳನ್ನು ಸರಿಯಾಗಿ ಪರಿಶೀಲಿಸಿ ಫೇಸ್​ಬುಕ್​ ಡಿಲೀಟ್​ ಮಾಡುತ್ತದೆ.

ಕೆಲಮೊಮ್ಮೆ ಒಬ್ಬನ ಹೆಸರಲ್ಲಿ ಎರಡು ಖಾತೆಯನ್ನು ತೆರೆಯಲಾಗಿರುತ್ತದೆ. ಆದರೆ ಬಳಕೆದಾರರ ಗಮನಕ್ಕೆ ಬಂದಾಗ ಆತ ಅಕ್ಷರಶ: ಖಾತೆ ಹ್ಯಾಕ್ ಆಗಿದೆ ಎಂದು ಭಾವಿಸುತ್ತಾನೆ. ಆದರೆ ನಿಜವಾಗಿಯೂ ಖಾತೆ ಹ್ಯಾಕ್ ಆಗಿರುವುದಿಲ್ಲ. ನಕಲಿ ಖಾತೆ ಸೃಷ್ಟಿಸಿ ಈ ರೀತಿಯ ತೊಂದರೆ ನೀಡಿರುತ್ತಾರೆ.ಆದರೆ ಇಂತಹ ನಕಲಿ ಖಾತೆಗಳು ಕಣ್ಣ ಮುಂದೆ ಬಂದಾಗ 5 ನಿಮಿಷದಲ್ಲಿ ತೆಗೆದು ಹಾಕಬಹುದಾಗಿದೆ. ಕೆಲವೊಂದು ಕ್ರಮ ಅನುಸರಿಸಿ ನಿಮ್ಮ ಕಣ್ಣೆದುರಿಗೆ ಕಾಣಿಸಿದ ನಕಲಿ ಖಾತೆಯನ್ನು ರಿಮೂವ್​ ಮಾಡಬಹುದಾಗಿದೆ.

ಮುಖ್ಯವಾಗಿ ನಕಲಿ ಖಾತೆಯ ಮೂಲಕ ಫ್ರೆಂಡ್ಸ್​ ರಿಕ್ವೆಸ್ಟ್​ ಬಂದರೆ ಸ್ವೀಕರಿಸಬಾರದು. ಆ ಖಾತೆಯನ್ನು ರಿಮೂವ್​ ಮಾಡುವುದಾದರೆ ನಕಲಿ ಖಾತೆಯ ರೆಸ್ಪಾಂಡ್​​ ಪಕ್ಕದಲ್ಲಿ ಮೂರು ಚುಕ್ಕಿ ಕಾಣಿಸುತ್ತದೆ. ಅದನ್ನು ಒತ್ತಿದ ನಂತರ ಪ್ರೊಫೈಲ್​ ಸೆಟ್ಟಿಂಗ್​ ಕಾಣಿಸುತ್ತದೆ. ಸರಿಯಾಗಿ ಗಮನಿಸಬೇಕಾದ ಅಂಶವೆಂದರೆ ಖಾತೆ ನಕಲಿ ಅಥವಾ ಅಸಲಿ ಎಂದು ತಿಳಿಯಲು ಖಾತೆದಾರ ಹೆಸರು ಕಾಣಿಸುತ್ತದೆ. ಉದಾಹರಣೆ  ಫೇಸ್​ಬುಕ್​.ಕಾಂ/ ರಮೇಶ್​ ಎಂದು ಇರುತ್ತದೆ. ಇದು ಫೆಸ್​ಬುಕ್​ ಯುನಿಕ್​ ಐಡಿಯಾಗಿದ್ದು, ಅಸಲಿ ಎಂದು ಗೋಚರಿಸುತ್ತದೆ.

ಆದರೆ ಇದೇ ಜಾಗದಲ್ಲಿ ಬೇರೆ ಹೆಸರಿದ್ದರೆ. ನಕಲಿ ಎಂದು ಪತ್ತೆಹಚ್ಚಬಹುದಾಗಿದೆ. ಯಾಕೆಂದರೆ ಖಾತೆದಾರ ಹೆಸರನ್ನು ಬದಲಾಯಿಸಿಕೊಂಡಿದ್ದಾನೆ ಎಂಬುದು ಪ್ರಮುಖವಾಗಿ ಗೋಚರಿಸುತ್ತದೆ.

ನಕಲಿ ಖಾತೆ ಎಂದು ದೃಢಪಟ್ಟರೆ ಅದೇ ಪ್ರೊಪೈಲ್​ನಲ್ಲಿ -ಪೈಂಡ್​ ಸಪೋರ್ಟ್​ ಆರ್​ ರಿಪೋರ್ಟ್​ ಪ್ರೊಫೈಲ್​ ಎಂಬ ಆಯ್ಕೆ ಕಾಣಿಸುತ್ತದೆ. ಅದನ್ನು ಕ್ಲಿಕ್​ ಮಾಡಿದರೆ ಮುಂದಿನ ಪುಟ ತೆರೆದುಕೊಳ್ಳುತ್ತದೆ. ಅದರಲ್ಲಿ -ಪ್ರಿಟೆಂಡಿಂಗ್​ ಟು ಬಿ ಸಮ್​ಒನ್​ ಮೇಲೆ ಕ್ಲಿಕ್ ಮಾಡಿ Me ಎಂದು ಒತ್ತಿದರಾಯ್ತು. ನಿಮ್ಮ ಹೆರಿನಲ್ಲಿ ತೆರೆದ ನಕಲಿ ಖಾತೆಯ ಬಗ್ಗೆ ರಿಪೋರ್ಟ್​ ಫೇಸ್​ಬುಕ್​ಗೆ ಹೋಗುತ್ತದೆ. ನಂತರ ಪರಿಶೀಲಿಸಿ ಖಾತೆ ಡಿಲೀಟ್​ ಮಾಡುತ್ತದೆ.

ಇನ್ನು ಸ್ನೇಹಿತನ ​ ಹೆಸರಿನಲ್ಲಿ ನಕಲಿ ಖಾತೆಯಿದ್ದರೆ –ಎ ಫ್ರೆಂಡ್​ ಆಯ್ಕೆ ಒತ್ತಿ. ನಂತರ ಕೇಳುವ ವಿಚ್​ ಫ್ರೆಂಡ್​ ಆಯ್ಕೆಯನ್ನು ಕ್ಲಿಕ್ ಮಾಡಿ  ರಿಪೋರ್ಟ್ ಮಾಡಿ

ದಿನಕಳೆದಂತೆ ಇಂಟರ್​ನೆಟ್ ಮೂಲಕ ಅನೇಕ ಮೋಸದ ಜಾಲಗಳು ಪತ್ತೆಯಾಗುತ್ತಿರುತ್ತದೆ. ಅದರಂತೆ​ ಫೇಸ್​ಬುಕ್​ನಲ್ಲಿ  ನಕಲಿ ಅಥವಾ ಫೇಕ್​​ ಖಾತೆಯ ಉಪಟಳದಿಂದ ಅನೇಕರು ತೊಂದರೆ ಸಿಲುಕಿದ ಪ್ರಸಂಗ ಕಣ್ಣೆದುರಿಗೆ ಬರುತ್ತಿರುತ್ತದೆ, ಆದರೆ ಇಂತಹ ನಕಲಿ ಖಾತೆ ಕಂಡರೆ ಕೂಡಲೇ ರಿಪೋರ್ಟ್​ ಮಾಡಿರಿ.