Online fraud: ಆನ್​​ಲೈನ್​ ಫ್ರಾಡ್​​ನಿಂದ ಮೋಸ ಹೋಗಿದ್ದೀರಾ?, ನಿಮ್ಮ ಹಣವನ್ನು ಮರಳಿ ಪಡೆಯೋದು ಹೇಗೆ? ಇಲ್ಲಿದೆ ವಿವರ

How To Escape From Online Fraud ಇತ್ತೀಚಿನ ದಿನಗಳಲ್ಲಿ ವಂಚಕರು ನೇರವಾಗಿ ಮೋಸಮಾಡುವುದನ್ನು ಕಡಿಮೆ ಮಾಡಿದ್ದಾರೆ. ಆದರೆ ಆನ್​ಲೈನ್(Online fraud)​ ಮೂಲಕ ವಂಚಿಸಲು ಶುರುಮಾಡಿದ್ದಾರೆ. ಎಲ್ಲೋ ಕೂತು, ಕೇವಲ ಆನ್​ಲೈನ್​ ಮೂಲಕವೇ ಲಕ್ಷ ಲಕ್ಷ ಹಣ ಎಗರಿಸುತ್ತಿದ್ದಾರೆ. ನಮಗೆ ತಿಳಿಯದ ಹಾಗೇ ನಮ್ಮ ಖಾತೆ(Account)ಯಲ್ಲಿರುವ ಹಣ(Money)ವನ್ನು ಕದಿಯುತ್ತಿರುತ್ತಾರೆ. ಕೆಲವು ದಿನಗಳಿಂದ ಆನ್​​ಲೈನ್​ ವಂಚನೆ ಪ್ರಕರಣಗಳು ಹೆಚ್ಚುತ್ತಲೇ ಇವೆ. ದಿನಬೆಳಗಾದರೇ ಚಿತ್ರ, ವಿಚಿತ್ರ ರೀತಿಯಲ್ಲಿ ಜನ ಆನ್​ಲೈನ್​ನಲ್ಲಿ ಮೋಸ ಹೋಗುತ್ತಿದ್ದಾರೆ. ಲಾಕ್​ಡೌನ್(Lockdown)​ ಸಮಯವನ್ನೇ ಬಂಡವಾಳ ಮಾಡಿಕೊಂಡ ವಂಚಕರು, ಸಿಕ್ಕ ಸಿಕ್ಕವರನ್ನ ದೋಚಿದ್ದಾರೆ. ಲಾಕ್​ಡೌನ್​ ಸಮಯದಲ್ಲೇ ಆನ್​ಲೈನ್​ ವಂಚನೆಯಂತಹ ಸೈಬರ್​ ಅಪರಾಧ(Cyber Crime) ಪ್ರಕರಣಗಳಲ್ಲಿ ಹೆಚ್ಚಳ ಕಂಡುಬಂದಿದೆ. ಎದುರಿಗೆ ಮೋಸ ಮಾಡಿದರೆ, ಪೊಲೀಸರಿಗೆ ದೂರು ನೀಡಿ ಮೋಸ ಹೋದ ಹಣವನ್ನು ಮರಳಿ ಪಡೆಯುವ ಸಾಧ್ಯತೆ ಹೆಚ್ಚಿದೆ. ಆದರೆ ಆನ್​​ಲೈನ್​​ನಲ್ಲಿ ಮೋಸ ಹೋದರೆ ಹಣ ಮರಳಿ ಪಡೆಯಲು ಸಾಧ್ಯವಿಲ್ಲವೆಂದು ಎಲ್ಲರಿಗೂ ಗೊತ್ತೇ ಇದೆ. ಈಗ ಆನ್​ಲೈನ್​ ಫ್ರಾಡ್​ನಿಂದ ನೀವು ಹಣ ಕಳೆದುಕೊಂಡಿದ್ದರೆ ಅದನ್ನು ನೀವು ಮರಳಿ ಪಡೆಯಬಹುದು. ಹೇಗೆ ಅಂತೀರಾ? ವಿವರ ಇಲ್ಲಿದೆ..

ಕಳೆದುಕೊಂಡ ಹಣವನ್ನು ಮತ್ತೆ ಪಡೆಯಬಹುದು

ವೈಯಕ್ತಿಕ ಹಾಗೂ ಸೂಕ್ಷ್ಮ ಮಾಹಿತಿಯನ್ನು ಕದಿಯುವ ಮೂಲಕ ಸೈಬರ್​ ಕಳ್ಳರು ಜನರ ಖಾತೆಯಿಂದ ಹಣವನ್ನು ಎಗರಿಸುತ್ತಿದ್ದಾರೆ. ಆನ್​​ಲೈನ್​ ವಂಚನೆಯಲ್ಲಿ ಹಣದ ಕಳ್ಳತನ ತುಂಬಾ ಗಂಭೀರವಾಗಿದೆ. ಯಾಕೆಂದರೆ ಖಾತೆಯಿಂದ ಒಮ್ಮೆ ಹಣ ಕಳ್ಳತನವಾದರೆ, ಅದನ್ನು ಮತ್ತೆ ಮರಳಿ ಪಡೆಯಲು ಯಾವುದೇ ದಾರಿಗಳಿರಲ್ಲ. ಆದರೆ ಆನ್​ಲೈನ್​ ವಂಚನೆಗಳನ್ನು ತಪ್ಪಿಸಲು ಕೆಲ ಸುಲಭ ಹಂತಗಳಿವೆ. ಇದಲ್ಲದೇ, ಒಂದು ವೇಳೆ ನಿಮಗೆ ಮೋಸವಾದರೆ, ಮೋಸ ಹೋದ ಹಣವನ್ನು ಮತ್ತೆ ಪಡೆಯಬಹುದು. ನಿಜಕ್ಕೂ ಮೋಸ ಹೋದ ಹಣ ವಾಪಸ್​ ಬರುತ್ತಾ? ಅದನ್ನು ಮರಳಿ ಪಡೆಯುವುದು ಹೇಗೆ? ಇಲ್ಲಿದೆ ನೋಡಿ.

ಇದನ್ನು ಓದಿ: ಒಟಿಪಿ ಸಾವಿರಾರು ರೂ ಹಣ ಕಳೆದುಕೊಂಡ ಮಾಜಿ ಡಿಜಿಪಿ- ಕಳೆದುಕೊಂಡ ಹಣ ಎಷ್ಟು ಗೊತ್ತಾ?

ನಕಲಿ ವೆಬ್​ಸೈಟ್​ ರಚಿಸಿ ವಂಚನೆ
ಆನ್​ಲೈನ್​ನಲ್ಲಿ ವಂಚಿಸಲು, ಹ್ಯಾಕರ್​ಗಳು ಅಸಲಿಯಂತೆ ಕಾಣುವ ನಕಲಿ ವೆಬ್​ಸೈಟ್​​ಗಳನ್ನು ಸೃಷ್ಟಿ ಮಾಡುತ್ತಾರೆ. ಬ್ಯಾಂಕ್​ ರೂಲ್ಸ್​ ಪ್ರಕಾರ, ಇಂತಹ ಮೋಸಕ್ಕೆ ನೀವು ಸಿಲುಕಿ ಹಣ ಕಳೆದುಕೊಂಡರೆ ಆ ಹಣವನ್ನು ಮರಳಿ ಪಡೆಯಬಹುದು. ವಂಚನೆಗೊಳಗಾದ ಕೂಡಲೇ ಖಾತೆದಾರರು ತಕ್ಷಣವೇ ಆ ವಹಿವಾಟಿಗೆ ಸಂಬಂಧಿಸಿದ ಸಂಪೂರ್ಣ ಮಾಹಿತಿಯನ್ನು ಬ್ಯಾಂಕ್​ನವರಿಗೆ ನೀಡಬೇಕು.

ಹಣ ಮರಳಿ ಪಡೆಯುವುದು ಹೇಗೆ?
ಹೆಚ್ಚಿನ ಬ್ಯಾಂಕ್​ಗಳು ತಮ್ಮ ಗ್ರಾಹಕರಿಗೆ ಹಣಕಾಸು ವಂಚನೆ ವಿಮೆಯನ್ನ ಹೊಂದಿವೆ. ಹಣ ವರ್ಗಾವಣೆ ವೇಳೆ ವಂಚನೆಯಾಗಿದ್ದರೆ, ಗ್ರಾಹಕರು ತಕ್ಷಣವೇ ಈ ಬಗ್ಗೆ ಸಂಪೂರ್ಣ ಮಾಹಿತಿಯನ್ನು ಬ್ಯಾಂಕಿಗೆ ನೀಡಬೇಕು. ಇದಾದ ಬಳಿಕ ವಂಚನೆಯ ಬಗ್ಗೆ ವಿಮಾ ಕಂಪನಿಗೆ ಬ್ಯಾಂಕ್​​ನವರು ವರದಿ ಮಾಡಲಾಗುತ್ತದೆ. ಈ ರೀತಿಯಾಗಿ ವಂಚನೆಗೊಳಗಾಗಿ ಹಣ ಕಳೆದುಕೊಂಡಿದ್ದರೆ, ಆ ಹಣವನ್ನು ಮರಳಿ ಪಡೆಯಬಹುದು.

ಇದನ್ನುಓದಿ: ಫೇಸ್​ಬುಕ್​ನಲ್ಲಿ ನಗ್ನ ಕರೆ ಮಾಡಿದ ಮಾಯಾಂಗನೆ, ವಿಡಿಯೋ ಕಾಲ್​ ರೆಕಾರ್ಡ್ ಮಾಡಿ ಬ್ಲ್ಯಾಕ್​ಮೇಲ್

ಬ್ಯಾಂಕಿಗೆ ಮಾಹಿತಿ ತಿಳಿಸಲು ತಡ ಮಾಡಬೇಡಿ
ಬ್ಯಾಂಕ್​ಗಳು ಸಾಮಾನ್ಯವಾಗಿ 10 ವ್ಯವಹಾರ ದಿನಗಳಲ್ಲಿ ನಷ್ಟವಾದ ಹಣವನ್ನು ಮರಳಿ ನೀಡುತ್ತವೆ. ಅನಧಿಕೃತ ವಹಿವಾಟುಗಳನ್ನು ಸಾಮನ್ಯವಾಗಿ ಬ್ಯಾಂಕ್​ಗಳು ಮತ್ತು ವಿಮಾ ಕಂಪನಿಗಳು ಮರುಪಾವತಿ ಮಾಡುತ್ತವೆ. ಹೀಗಾಗಿ, ಗ್ರಾಹಕರು ವಂಚನೆಗೊಳಗಾದ ದಿನ ಅಥವಾ ಮೂರು ದಿನಗಳಲ್ಲಿ ಬ್ಯಾಂಕಿಗೆ ಮಾಹಿತಿ ನೀಡಬೇಕು. ಮೂರು ದಿನಗಳೊಳಗೆ ಗ್ರಾಹಕರು ಬ್ಯಾಂಕಿಗೆ ಮಾಹಿತಿ ನೀಡದಿದ್ದರೆ ನಿಮ್ಮ ಹಣವನ್ನು ಮರಳಿ ಪಡೆಯಲು ಸಾಧ್ಯವಿಲ್ಲ.