• Home
  • »
  • News
  • »
  • tech
  • »
  • Honor MagicBook X14: ಹಾನರ್​ ಕಂಪೆನಿಯಿಂದ ಹೊಸ ಲ್ಯಾಪ್​ಟಾಪ್​ ಅನಾವರಣ! ಹೇಗಿದೆ ಫೀಚರ್ಸ್?

Honor MagicBook X14: ಹಾನರ್​ ಕಂಪೆನಿಯಿಂದ ಹೊಸ ಲ್ಯಾಪ್​ಟಾಪ್​ ಅನಾವರಣ! ಹೇಗಿದೆ ಫೀಚರ್ಸ್?

ಹಾನರ್​ ಲ್ಯಾಪ್​ಟಾಪ್ಸ್​

ಹಾನರ್​ ಲ್ಯಾಪ್​ಟಾಪ್ಸ್​

ಹಾನರ್​ ಕಂಪೆನಿ ಇದೀಗ ಹಾನರ್​ ಮ್ಯಾಜಿಕ್​ಬುಕ್​ ಎಕ್ಸ್​​14 ಎಂಬ ಲ್ಯಾಪ್​ಟಾಪ್ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಈ ಲ್ಯಾಪ್​ಟಾಪ್​ ವಿಶೇಷ ಫೀಚರ್ಸ್​ಗಳನ್ನು ಒಳಗೊಂಡು ಮಾರುಕಟ್ಟೆಯಲ್ಲಿ ಬರಲಿದೆ ಎಂದು ಕಂಪೆನಿ ತಿಳಿಸಿದೆ.

  • Share this:

    ಲ್ಯಾಪ್​ಟಾಪ್​ಗಳು (Laptops) ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆಯಲ್ಲಿರುವ ಸಾಧನಗಳಾಗಿವೆ. ಈ ಮಧ್ಯೆ ಹೊಸ ಹೊಸ ಟೆಕ್ ಕಂಪೆನಿಗಳು ಕೂಡ ಆರಂಭವಾಗುತ್ತಿದೆ. ಇದೀಗ ಹಿಂದಿನಿಂದ ಲ್ಯಾಪ್​ಟಾಪ್​​ ವಲಯದಲ್ಲಿ ಭಾರೀ ಸಂಚಲನ ಮೂಡಿಸಿದ ಕಂಪೆನಿಯ ಸಾಲಿನಲ್ಲಿ ಹಾನರ್ (Honor Company) ಕೂಡ ಒಂದು. ಇದೀಗ ಈ ಕಂಪೆನಿ ಮಾರುಕಟ್ಟೆಗೆ ತನ್ನ ಬ್ರಾಂಡ್​ನ ಅಡಿಯಲ್ಲಿ ಮತ್ತೊಂದು ಲ್ಯಾಪ್​ಟಾಪ್​ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಹಾನರ್​ ಕಂಪೆನಿಯ ಮ್ಯಾಜಿಕ್​ಬುಕ್​ ಲ್ಯಾಪ್​ಟಾಪ್​​​ಗಳಿಗೆ (Honor MagicBook Laptops) ಭಾರತದ ಮಾರುಕಟ್ಟೆಯಲ್ಲಿ ಎಲ್ಲಿಲ್ಲದ ಬೇಡಿಕೆ. ಈ ಕಂಪೆನಿಯ ಲ್ಯಾಪ್​ಟಾಪ್​ಗಳು ವಿಶೇಷ ವಿನ್ಯಾಸ ಮತ್ತು ಫೀಚರ್​​ ಮೂಲಕ ಗ್ರಾಹಕರನ್ನು ತನ್ನತ್ತ ಸೆಳೆಯುವ ಪ್ರಯತ್ನ ಮಾಡುತ್ತಲೇ ಇದೆ.


    ಹಾನರ್​ ಕಂಪೆನಿ ಇದೀಗ ಹಾನರ್​ ಮ್ಯಾಜಿಕ್​ಬುಕ್​ ಎಕ್ಸ್​​14 ಎಂಬ ಲ್ಯಾಪ್​ಟಾಪ್ ಅನ್ನು ಬಿಡುಗಡೆ ಮಾಡಲು ಸಜ್ಜಾಗಿದೆ. ಈ ಲ್ಯಾಪ್​ಟಾಪ್​ ವಿಶೇಷ ಫೀಚರ್ಸ್​ಗಳನ್ನು ಒಳಗೊಂಡು ಮಾರುಕಟ್ಟೆಯಲ್ಲಿ ಬರಲಿದೆ ಎಂದು ಕಂಪೆನಿ ತಿಳಿಸಿದೆ.


    ಹಾನರ್​ ಮ್ಯಾಜಿಕ್​ಬುಕ್​ ಎಕ್ಸ್​14 ಫೀಚರ್ಸ್​


    ಹಾನರ್‌ ಮ್ಯಾಜಿಕ್‌ಬುಕ್‌ ಎಕ್ಸ್​14 ಲ್ಯಾಪ್‌ಟಾಪ್‌ 14 ಇಂಚಿನ ಡಿಸ್‌ಪ್ಲೇ ಹೊಂದಿದೆ. ಈ ಡಿಸ್‌ಪ್ಲೇ ಮೂರು ಬದಿಗಳಲ್ಲಿ 4.8mm ಅಲ್ಟ್ರಾ-ಸ್ಲಿಮ್ ಬೆಜೆಲ್‌ಗಳನ್ನು ಹೊಂದಿದ್ದು, 84% ಸ್ಕ್ರೀನ್-ಟು-ಬಾಡಿ ಸೈಜ್​ ಅನ್ನು ಹೊಂದಿದೆ. ಇನ್ನು ಈ ಲ್ಯಾಪ್‌ಟಾಪ್‌ 11 ನೇ ತಲೆಮಾರಿನ ಇಂಟೆಲ್‌ ಕೋರ್‌ i5-1135G7 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸಲಿದೆ. ಇದು ಗರಿಷ್ಠ 4.2GHz ಟರ್ಬೊ ಫ್ರಿಕ್ವೆನ್ಸಿಯೊಂದಿಗೆ ಅಪ್ಡೇಟೆಡ್‌ ಪ್ರೊಸೆಸರ್​ ಅನ್ನು ನೀಡುತ್ತದೆ.


    ಇದನ್ನೂ ಓದಿ: ಮಾರುಕಟ್ಟೆಯಲ್ಲಿ ದುಬಾರಿ ಬೆಲೆಯನ್ನು ಹೊಂದಿರುವ ಸ್ಮಾರ್ಟ್​ಫೋನ್​ಗಳಿವು!


    ಪ್ರೊಸೆಸರ್​ ಸಾಮರ್ಥ್ಯ


    ಹಾನರ್​ ಮ್ಯಾಜಿಕ್​ಬುಕ್​ ಎಕ್ಸ್​14 ಲ್ಯಾಪ್‌ಟಾಪ್‌ 8ಜಿಬಿ ಡ್ಯುಯಲ್-ಚಾನೆಲ್ ರ್‍ಯಾಮ್ ಮತ್ತು PCIe NVMe SSD ಇಂಟರ್ನಲ್​ ಸ್ಟೋರೇಜ್‌ ಅನ್ನು ಒಳಗೊಂಡಿದೆ. ಇದು ಇಂಟೆಲ್‌ ಐರಿಸ್‌ಎಕ್ಸ್​​ಇ ಗ್ರಾಫಿಕ್ಸ್ ಅನ್ನುಹೊಂದಿದೆ. ಇದಲ್ಲದೆ ಬಳಕೆದಾರರು ಮಲ್ಟಿಮೀಡಿಯಾ ಫೈಲ್‌ಗಳನ್ನು ಪ್ರಕ್ರಿಯೆಗೊಳಿಸುವಾಗ ಹೆಚ್ಚಿನ ವೇಗವನ್ನು ಕೂಡ ಪಡೆದುಕೊಳ್ಳಬಹುದಾಗಿದೆ. ಇದು ಸೂಪರ್‌ಸೈಸ್ಡ್ ಕೂಲಿಂಗ್ ಫ್ಯಾನ್‌ ಅನ್ನು ಹೊಂದಿದ್ದು, ಲ್ಯಾಪ್‌ಟಾಪ್‌ ಬಿಸಿಯಾಗದಂತೆ ಇದು ನೋಡಿಕೊಳ್ಳುತ್ತದೆ.


    ಬ್ಯಾಟರಿ ಫೀಚರ್ಸ್


    ಈ ಲ್ಯಾಪ್‌ಟಾಪ್‌ 56Wh ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ. ಈ ಬ್ಯಾಟರಿಯು 65W ಫಾಸ್ಟ್ ಚಾರ್ಜರ್ ಸಾಮರ್ಥ್ಯವನ್ನು ಒಳಗೊಂಡಿದೆ. ಇದರಿಂದ ಈ ಲ್ಯಾಪ್‌ಟಾಪ್‌ ಅನ್ನು ಕೇವಲ 60 ನಿಮಿಷಗಳಲ್ಲಿ 68% ವರೆಗೆ ಚಾರ್ಜ್‌ ಮಾಡುವ ಅವಕಾಶವನ್ನು ಕಂಪೆನಿ ನೀಡಿದೆ. ಜೊತೆಗೆ, ಈ ಲ್ಯಾಪ್‌ಟಾಪ್ 9.9 ಗಂಟೆಗಳ ಲೋಕಲ್‌ 1080p ವೀಡಿಯೊ ಪ್ಲೇಬ್ಯಾಕ್ ಅನ್ನು ಸಹ ನೀಡಲಿದೆ.


    ಹಾನರ್​ ಲ್ಯಾಪ್​ಟಾಪ್ಸ್​


    ಬೆಲೆ ಮತ್ತು ಲಭ್ಯತೆ


    ಇದೀಗ ಹಾನರ್​ ಕಂಪೆನಿ ಬಿಡುಗಡೆ ಮಾಡುತ್ತಿರುವ ಹಾನರ್​ ಮ್ಯಾಜಿಕ್​ಬುಕ್​ ಎಕ್ಸ್​14 ಲ್ಯಾಪ್​​ಟಾಪ್​ 46,990 ರೂಪಾಯಿ ಬೆಲೆಯಲ್ಲಿ ಮಾರುಕಟ್ಟೆಗೆ ಬಿಡುಗಡೆಯಾಗಲಿ. ಈ ಲ್ಯಾಪ್​ಟಾಪ್​ನ ಲಾಂಚ್‌ ಆಫರ್‌ನಲ್ಲಿ ವಿಶೇಷ ರಿಯಾಯಿತಿ ಕೂಡ ದೊರೆಯಲಿದ್ದು, ಇದು ಅಮೆಜಾನ್‌ನಲ್ಲಿ ಜನವರಿ 20, 2023 ರವರೆಗೆ ಮಾತ್ರ ಸೀಮಿತವಾಗಿರಲಿದೆ.


    ಹಾನರ್​ ಪ್ಲೇ 30ಎಮ್​ ಸ್ಮಾರ್ಟ್​ಫೋನ್​ ಬಿಡುಗಡೆ


    ಹಾನರ್‌ ಕಂಪೆನಿ ಇತ್ತೀಚಿಗೆ ಹಾನರ್‌ ಪ್ಲೇ 30ಎಮ್​ ಸ್ಮಾರ್ಟ್‌ಫೋನ್‌ ಅನ್ನು ಅನಾವರಣ ಮಾಡಿದೆ. ಈ ಸ್ಮಾರ್ಟ್‌ಫೋನ್ 6.5 ಇಂಚಿನ ಎಲ್‌ಸಿಡಿ ಹೆಚ್‌ಡಿ+ ಡಿಸ್‌ಪ್ಲೇ ಹೊಂದಿದೆ. ಇದು ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 480G ಪ್ಲಸ್ ಚಿಪ್‌ಸೆಟ್‌ನಲ್ಲಿ ಕಾರ್ಯನಿರ್ವಹಿಸಲಿದೆ. ಇನ್ನು ಹಾನರ್‌ ಪ್ಲೇ 30ಎಮ್​ ಸ್ಮಾರ್ಟ್‌ಫೋನ್ ಡ್ಯುಯಲ್‌ ರಿಯರ್‌ ಕ್ಯಾಮೆರಾ ಸೆಟಪ್​ ಅನ್ನು ಹೊಂದಿದೆ.




    ಕ್ಯಾಮೆರಾ ಫೀಚರ್ಸ್​


    ಇದರಲ್ಲಿ ಮುಖ್ಯ ಕ್ಯಾಮೆರಾ 13 ಮೆಗಾಪಿಕ್ಸೆಲ್ ಸೆನ್ಸಾರ್‌, ಎರಡನೇ ಕ್ಯಾಮೆರಾ 2 ಮೆಗಾಪಿಕ್ಸೆಲ್ ಡೆಪ್ತ ಸೆನ್ಸರ್ ಹೊಂದಿದೆ. ಇದಲ್ಲದೆ 5 ಮೆಗಾಪಿಕ್ಸೆಲ್ ಸೆನ್ಸಾರ್‌ ಸಾಮರ್ಥ್ಯದ ಸೆಲ್ಫಿ ಕ್ಯಾಮೆರಾವನ್ನು ಪಡೆದಿದೆ. ಹಾಗೆಯೇ ಎಲ್ಇಡಿ ಫ್ಲ್ಯಾಶ್, ಹೆಚ್‌ಡಿಆರ್, ಪನೋರಮಾ ಫೀಚರ್ಸ್‌ ನೀಡಲಾಗಿದೆ. ಜೊತೆಗೆ 10W ವೇಗದ ಚಾರ್ಜಿಂಗ್‌ ಬೆಂಬಲಿಸುವ 5,000mAh ಸಾಮರ್ಥ್ಯದ ಬ್ಯಾಟರಿ ಬ್ಯಾಕ್‌ಅಪ್‌ ಅನ್ನು ಒಳಗೊಂಡಿದೆ.

    Published by:Prajwal B
    First published: