ಮೇ.18ರಂದು ಮಾರುಕಟ್ಟೆಗೆ ಬರಲಿದೆ 64MP ಕ್ಯಾಮೆರಾದ Honor Play5 5G ಸ್ಮಾರ್ಟ್​ಫೋನ್​!

ಹಾನರ್​ ಮಧ್ಯಮ ಶ್ರೇಣಿಯ ಪ್ಲೇ5 5G ಹೆಸರಿನ ಸ್ಮಾರ್ಟ್​ಫೋನನ್ನು ಸಿದ್ಧಪಡಿಸಿದ್ದು, ಇದೇ ಮೇ.18 ರಂದು ಮಾರುಕಟ್ಟೆಗೆ ಪರಿಚಯಿಸಲು ಸಿದ್ಧತೆ ಮಾಡಿಕೊಂಡಿದೆ. ಇತ್ತೀಚೆಗೆಯ ಬೆಳವಣಿಗೆಯಂತೆ ಟೀಸರ್​ನಲ್ಲಿ ಈ ಹಾನರ್​ ಪ್ಲೇ5 5G ಸ್ಮಾರ್ಟ್​ಫೋನ್​ 64 ಮೆಗಾಫಿಕ್ಸೆಲ್​​ ಕ್ವಾಡ್​ ಕ್ಯಾಮೆರಾ ಸಿಸ್ಟಂ ಹೊಂದಿದೆ ಎನ್ನಲಾಗುತ್ತಿದೆ.

ಹಾನರ್​ ಪ್ಲೇ5 5G ಸ್ಮಾರ್ಟ್​ಫೋನ್​ ವಾಟರ್​ಡ್ರಾಪ್​​ ನಾಚ್​ ಡಿಸೈನ್​ ಜೊತೆಗೆ ಸ್ಲಿಮ್​ ಬೆಝೆಲ್​, ಫ್ಲಾಟ್​​ ಮೆಟಲ್ ಎಡ್ಜ್​, ಫಿಂಗರ್​ಪ್ರಿಂಟ್​​ ಸೆನ್ಸಾರ್​ ನೀಡಲಾಗಿದೆ. ಹಿಂಭಾಗದಲ್ಲಿ ಸಮಭುಜ ಆಕೃತಿಯ ಕ್ವಾಡ್​ ಕ್ಯಾಮೆರಾ ನೀಡಲಾಗಿದೆ.

ನೂತನ ಸ್ಮಾರ್ಟ್​ಫೋನ್​ 6.53 ಇಂಚಿನ ಫುಲ್​ ಹೆಚ್​ಡಿ+ ಒಎಲ್​ಇಡಿ ಸ್ಕ್ರೀನ್​ ನೀಡಲಾಗಿದೆ. ಮೀಡಿಯಾಟೆಕ್​ ಡೈಮೆನ್ಸಿಟು 800U ಚಿಪ್​ಸೆಟ್​​ನಲ್ಲಿ ಕಾರ್ಯನಿರ್ವಹಿಸುತ್ತಿದೆ.  ಆ್ಯಂಡ್ರಾಯ್ಡ್​ 11 ಬೆಂಬಲವನ್ನು ಪಡೆದಿದೆ. ಇನ್ನು 8ಜಿಬಿ ರ್ಯಾಮ್​ ಮತ್ತು 256GB ಸ್ಟೊರೇಜ್​ ಆಯ್ಕೆಯಲ್ಲಿ ಪರಿಚಯಿಸಿದೆ.

ಕ್ಯಾಮೆರಾ:

ಹಾನರ್​ ಪ್ಲೇ5 5ಜಿ ಸ್ಮಾರ್ಟ್​ಫೋನ್ ಕ್ವಾಡ್​ ಕ್ಯಾಮೆರಾ ಸೆಟ್​​ಅಪ್​ ಜೊತೆಗೆ 64 ಮೆಗಾಫಿಕ್ಸೆಲ್​​ ಮೈನ್​ ಸೆನ್ಸಾರ್​ ನೀಡಲಾಗಿದೆ. ಜೊತೆಗೆ 8 ಮೆಗಾಫಿಕ್ಸೆಲ್​ ಅಲ್ಟ್ರಾ ವೈಡ್​ ಲೆನ್ಸ್​, 2 ಮೆಗಾಫಿಕ್ಸೆಲ್​ ಮ್ಯಾಕ್ರೊ ಕ್ಯಾಮೆರಾ ಮತ್ತು 2 ಮೆಗಾಫಿಕ್ಸೆಲ್​ ಡೆಪ್ತ್​​ ಸೆನ್ಸಾರ್​ ನೀಡಲಾಗಿದೆ. ಇನ್ನು ಸೆಲ್ಫಿಗಾಗಿ 16 ಮೆಗಾಫಿಕ್ಸೆಲ್​ ಕ್ಯಾಮೆರಾ ಅಳವಡಿಸಲಾಗಿದೆ.

ಈ ಸ್ಮಾರ್ಟ್​ಫೋನ್​ ಧೀರ್ಘ ಕಾಲದ ಬ್ಯಾಟರಿ ಬಾಳಿಕೆಗಾಗಿ  3,800mAh​ ಬ್ಯಾಟರಿ ಅಳವಡಿಸಿದೆ. ಜೊತೆಗೆ 66 ವ್ಯಾಟ್​​ ಫಾಸ್ಟ್​ ಚಾರ್ಜಿಂಗ್​ ಸಪೋರ್ಡ್​ ಹೊಂದಿದೆ. ಅಷ್ಟು ಮಾತ್ರವಲ್ಲದೆ ವೈ-ಫೈ, ಬ್ಲೂಟೂ 5.1, ಜಿಪಿಎಸ್​, ಹೆಡ್​ಫೋನ್​ ಜಾಕ್​, 5ಜಿ ಮತ್ತು ಟೈಪ್​ ಸಿ ಪೋರ್ಟ್​​ ನೀಡಲಾಗಿದೆ.

ಬೆಲೆ:

ಹಾನರ್​ ಪ್ಲೇ5 5G ಸ್ಮಾರ್ಟ್​ಫೋನ್ ಸ್ಮಾರ್ಟ್​ಫೋನ್​ ಬೆಲೆ 20 ಸಾವಿರ ರೂ ಆಗಿದ್ದು, ಮೇ18 ರಂದು ಬಿಡುಗಡೆಯಾಗುತ್ತಿದೆ.