Honor X5: ಹಾನರ್​ ಕಂಪನಿಯ ಹೊಸ ಸ್ಮಾರ್ಟ್​​ಫೋನ್ ಅನಾವರಣ, ಫೀಚರ್ಸ್​​ ನೋಡಿದ್ರೆ ಗ್ಯಾರಂಟಿ ಖರೀದಿಸ್ತೀರಾ!

ಸ್ಮಾರ್ಟ್​ಫೋನ್ ಕಂಪನಿಗಳಲ್ಲಿ (Smartphone Company) ಹಲವಾರು ಹೆಸರುವಾಸಿ ಕಂಪನಿಗಳಿವೆ. ಅದ್ರಲ್ಲಿ ಹಾನರ್ ಕಂಪನಿ (Honor Company) ಕೂಡ ಒಂದು. ಈ ಕಂಪನಿ ವಿಶೇಷ ವಿನ್ಯಾಸ ಹೊಂದಿದ, ಸ್ಟೈಲಿಶ್ ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಮಾರುಕಟ್ಟೆಯಲ್ಲಿ ತನ್ನದೇ ಒಂದು ಮಾರುಕಟ್ಟೆಯನ್ನು ಕ್ರಿಯೇಟ್​ ಮಾಡಿದೆ. ಇದೀಗ ಮಾರುಕಟ್ಟೆಗೆ ಸದ್ದಿಲ್ಲದೆ ಹಾನರ್​​ ಕಂಪನಿಯ ಹೊಸ ಸ್ಮಾರ್ಟ್​ಫೋನ್ (New Smartphone) ಬಿಡುಗಡೆಯಾಗ್ತಿದೆ. ಇದೀಗ ಈ ಸ್ಮಾರ್ಟ್​ಫೋನ್​ ಮೊಬೈಲ್​ ಮಾರುಕಟ್ಟೆಯಲ್ಲಿ ಹೊಸ ಸಂಚಲನ ಮೂಡಿಸಲಿದ್ದು, ಸದ್ಯ ಕೆಲವೊಂದು ಮಾರುಕಟ್ಟೆಗಳಲ್ಲಿ ಮಾತ್ರ ಬಿಡುಗಡೆಯಾಗಿದೆ. ಹಾನರ್​ ಮೊಬೈಲ್​ ಕಂಪನಿ ಲಾಂಚ್​ ಮಾಡಿರುವಂತಹ ಹೊಸ ಸ್ಮಾರ್ಟ್​ಫೋನ್ ಹಾನರ್​ ಎಕ್ಸ್​5 ಎಂಬುದಾಗಿದೆ. 

ಮೊಬೈಲ್​ ಮಾರುಕಟ್ಟೆಗೆ ಸದ್ದಿಲ್ಲದೆ ಬರುತ್ತಿರುವ ಸ್ಮಾರ್ಟ್​​ಫೋನ್​ ಹಾನರ್​ ಎಕ್ಸ್​5 ಎಂಬುದಾಗಿದೆ. ಇದು 5000mAh ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದ್ದು, ಇನ್ನೂ ಹಲವಾರು ಫೀಚರ್ಸ್​ ಅನ್ನು ಇದು ಒಳಗೊಂಡಿದೆ. ಇದರ ಕಂಪ್ಲೀಟ್​ ಮಾಹಿತಿ ಇಲ್ಲಿದೆ.

ಹಾನರ್​ ಎಕ್ಸ್​5 ಸ್ಮಾರ್ಟ್​ಫೋನ್​ ಫೀಚರ್ಸ್​

ಹಾನರ್‌ ಎಕ್ಸ್​5 ಸ್ಮಾರ್ಟ್‌ಫೋನ್‌ 6.5 ಇಂಚಿನ ಹೆಚ್‌ಡಿ ಪ್ಲಸ್‌ ಡಿಸ್‌ಪ್ಲೇಯನ್ನು ಒಳಗೊಂಡಿದೆ. ಈ ಡಿಸ್‌ಪ್ಲೇ ವಾಟರ್‌ ಡ್ರಾಪ್‌ ನಾಚ್‌ ಫೀಚರ್​ ಅನ್ನು ಹೊಂದಿದೆ. ಇನ್ನು ಈ ಸ್ಮಾರ್ಟ್‌ಫೋನ್‌ ಡಿಸ್‌ಪ್ಲೇ  ವಿಡಿಯೋ ಕಾಲ್​ ಮತ್ತು ವಿಡಿಯೋ ನೋಡಲು ಉತ್ತಮ ಗುಣಮಟ್ಟದ ಡಿಸ್​​ಪ್ಲೇ ರಚನೆಯನ್ನು ಹೊಂದಿದೆ.

ಇದನ್ನೂ ಓದಿ: ಸ್ಯಾಮ್​ಸಂಗ್​​ ಬಿಗ್​​ ಹಾಲಿಡೇ ಸೇಲ್​ ಆರಂಭ; ಕಂಪನಿಯ ಟಾಪ್​ 5 ಸ್ಮಾರ್ಟ್​ಫೋನ್​ಗಳ ಪಟ್ಟಿ ಇಲ್ಲಿದೆ

ಕ್ಯಾಮೆರಾ ಫೀಚರ್ಸ್​

ಹಾನರ್‌ ಎಕ್ಸ್​5 ಸ್ಮಾರ್ಟ್‌ಫೋನ್‌ನ ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಮಾತನಾಡುವುದಾದರೆ, ಇದು 8 ಮೆಗಾಪಿಕ್ಸೆಲ್‌ ಸೆನ್ಸಾರ್‌ ಸಾಮರ್ಥ್ಯದ ಸಿಂಗಲ್‌ ರಿಯರ್‌ ಕ್ಯಾಮೆರಾ ಸೆಟಪ್​ ಅನ್ನು ಒಳಗೊಂಡಿದೆ. ಇದು ಎಲ್​ಇಡಿ ಫ್ಲಾಷ್‌ ಅನ್ನು ಹೊಂದಿದೆ. ಇದು 1080 ಪಿಕ್ಸೆಲ್​ನಷ್ಟು ವಿಡಿಯೋ ಶೂಟಿಂಗ್ ಮಾಡುವಂತಹ ಅವಕಾಶವನ್ನು ನೀಡುತ್ತದೆ. ಇದಲ್ಲದೆ 5 ಮೆಗಾಪಿಕ್ಸೆಲ್‌ ಸೆನ್ಸಾರ್‌ ಸಾಮರ್ಥ್ಯದಲ್ಲಿ ಮುಂಭಾಗದ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ.

ಬ್ಯಾಟರಿ ಫೀಚರ್ಸ್​

ಹಾನರ್‌ ಎಕ್ಸ್​5 ಸ್ಮಾರ್ಟ್‌ಫೋನ್‌ ಮುಖ್ಯವಾಗಿ 5,000mAh ಸಾಮರ್ಥ್ಯದ ಬ್ಯಾಟರಿಯನ್ನು ಒಳಗೊಡಿದೆ. ಇದರ ವೇಗದ ಚಾರ್ಜಿಂಗ್‌ ಸಾಮರ್ಥ್ಯದ ಬಗ್ಗೆ ಯಾವುದೇ ಮಾಹಿತಿ ಬಿಡುಗಡೆಯಾಗಿಲ್ಲ. ಇನ್ನು ಕನೆಕ್ಟಿವಿಟಿ ಆಯ್ಕೆಗಳ ಬಗ್ಗೆ ಮಾತಾನಾಡುವುದಾದರೆ ಇದು ಮೈಕ್ರೋ ಯುಎಸ್​ಬಿ ಪೋರ್ಟ್, 3.5mm ಜ್ಯಾಕ್, VoLTE, ವೈಫೈ, ಬ್ಲೂಟೂತ್ ಮತ್ತು ಡ್ಯುಯಲ್ ಸಿಮ್ ಅನ್ನು ಅಳವಡಿಸಬಹುದಾಗಿದೆ.

ಇತರ ಫೀಚರ್ಸ್​

ಹಾನರ್‌ ಎಕ್ಸ್​5 ಸ್ಮಾರ್ಟ್‌ಫೋನ್‌ ಮೀಡಿಯಾಟೆಕ್‌ ಹಿಲಿಯೋ G25SoC ಪ್ರೊಸೆಸರ್‌ನೊಂದಿಗೆ ಕಾರ್ಯನಿರ್ವಹಿಸಲಿದೆ. ಇನ್ನು ಈ ಸ್ಮಾರ್ಟ್​ಫೋನ್ ಆಂಡ್ರಾಯ್ಡ್‌ 12 ಗೋ ವರ್ಷನ್​ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಹಾಗೆಯೇ ಇದು 2ಜಿಬಿ ರ್‍ಯಾಮ್ ಮತ್ತು 32ಜಿಬಿ ಇಂಟರ್ನಲ್​ ಸ್ಟೋರೇಜ್‌ ಸಾಮರ್ಥ್ಯವನ್ನು ಹೊಂದಿದೆ. ಇದಲ್ಲದೆ ಮೆಮೊರಿ ಕಾರ್ಡ್‌ ಮೂಲಕ ಸ್ಟೋರೇಜ್​ ಸಾಮರ್ಥ್ಯವನ್ನು ಜಾಸ್ತಿ ಮಾಡುವ ಅವಕಾಶವನ್ನು ಸಹ ಪಡೆದಿದೆ.

ಬೆಲೆ ಮತ್ತು ಲಭ್ಯತೆ

ಹಾನರ್​​ ಕಂಪನಿಯಿಂದ ಲಾಂಚ್​ ಮಾಡಲಾದ ಹಾನರ್​ ಎಕ್ಸ್​5 ಸ್ಮಾರ್ಟ್​​ಫೋನ್ ಸದ್ಯ ಕೆಲವು ಮೊಬೈಲ್​ ಮಾರುಕಟ್ಟೆಗಳಲ್ಲಿ ಮಾತ್ರ ಬಿಡುಗಡೆಯಾಗಿದೆ. ಆದರಿಂದ ಈ ಸ್ಮಾರ್ಟ್‌ಫೋನ್‌ ಬೆಲೆ ಅಂದಾಜು 99 ಯುರೋಗಳಿಗೆ ಅಂದರೆ ಭಾರತದಲ್ಲಿ ಸುಮಾರು 8,694 ರೂಪಾಯಿ ಎಂದು ನಿಗದಿಪಡಿಸಲಾಗಿದೆ. ಇನ್ನು ಈ ಸ್ಮಾರ್ಟ್‌ಫೋನ್‌ ಸನ್‌ರೈಸ್‌ ಆರೆಂಜ್​, ಒಶಿಯನ್‌ ಬ್ಲೂ, ಮಿಡ್‌ನೈಟ್‌ ಬ್ಲ್ಯಾಕ್‌ ಬಣ್ಣಗಳಲ್ಲಿ ಮಾರುಕಟ್ಟೆಯಲ್ಲಿ ಖರೀದಿಸಬಹುದಾಗಿದೆ.

ಹಾನರ್​ನಿಂದ ಇತ್ತೀಚೆಗೆ ಹಾನರ್​ ಎಕ್ಸ್​40 ಜಿಟಿ ಸ್ಮಾರ್ಟ್​ಫೋನ್​ ಬಿಡುಗಡೆಯಾಗಿತ್ತು. ಇನ್ನು ಈ ಸ್ಮಾರ್ಟ್​​ಫೋನ್ 6.81 ಇಂಚಿನ ಫುಲ್‌ ಹೆಚ್‌ಡಿ ಪ್ಲಸ್‌ IPS LCD ಡಿಸ್‌ಪ್ಲೇ ಒಳಗೊಂಡಿದೆ. ಈ ಡಿಸ್‌ಪ್ಲೇ 144Hz ರಿಪ್ರೆಶ್‌ ರೇಟ್‌ ಬೆಂಬಲಿಸಲಿದೆ. ಇದು 4,800mAh ಬ್ಯಾಟರಿ ಸಾಮರ್ಥ್ಯ ಒಳಗೊಂಡಿದ್ದು, 66W ವೇಗದ ಚಾರ್ಜಿಂಗ್‌ ಬೆಂಬಲಿಸಲಿದೆ. ಹಾಗೆಯೇ 12GB RAM ಮತ್ತು 256GB ಇಂಟರ್‌ ಸ್ಟೋರೇಜ್‌ ಅನ್ನು ಪಡೆದಿದೆ.