iPhone 13 sale offer: ಬಿಡುಗಡೆಗೊಂಡ 4 ದಿನದಲ್ಲೇ ಐಫೋನ್ 13 ಸಿರೀಸ್ ಮೇಲೆ 6 ಸಾವಿರ ರಿಯಾಯಿತಿ!

iPhone 13 offer: ಸೆಪ್ಟೆಂಬರ್​  24ರಿಂದ ಆಫ್​ಲೈನ್​ ಮಾರುಕಟ್ಟೆಯಲ್ಲೂ ಖರೀದಿಗೆ ಸಿಗುತ್ತಿದೆ. ಹೀಗಿರುವಾಗ ಭಾರತೀಯ ಚಿಲ್ಲರೆ ವ್ಯಾಪಾರಿಗಳು ಹೊಸ ಐಫೋನ್​ 13 ಸಿರೀಸ್​ ಮೇಲೆ ಆಫರ್​ ಘೋಷಿಸಿ ಪ್ರಚಾರ ಮಾಡುತ್ತಿದ್ದಾರೆ.

iPhone 13

iPhone 13

  • Share this:
    Iphone 13 series: ಆ್ಯಪಲ್​ ಕಂಪನಿ ಸೆಪ್ಟೆಂಬರ್​ 14ರಂದು ಐಫೊನ್​ 13 ಸಿರೀಸ್​ ಅನ್ನು ಮಾರುಕಟ್ಟೆಗೆ ಪರಿಚಯಿಸಿದೆ. ಗ್ರಾಹಕರಿಗಾಗಿ ನೂತನ ಫೋನನ್ನು ಸೆಪ್ಟೆಂಬರ್​ 17ರಿಂದ ಉಚಿತವಾಗಿ ಆರ್ಡರ್​ ಮಾಡುವ ಅವಕಾಶ ನೀಡಿದೆ. ಸೆಪ್ಟೆಂಬರ್​  24ರಿಂದ ಆಫ್​ಲೈನ್​ ಮಾರುಕಟ್ಟೆಯಲ್ಲೂ ಖರೀದಿಗೆ ಸಿಗುತ್ತಿದೆ. ಹೀಗಿರುವಾಗ ಭಾರತೀಯ ಚಿಲ್ಲರೆ ವ್ಯಾಪಾರಿಗಳು ಹೊಸ ಐಫೋನ್​ 13 ಸಿರೀಸ್​ ಮೇಲೆ ಆಫರ್​ ಘೋಷಿಸಿ ಪ್ರಚಾರ ಮಾಡುತ್ತಿದ್ದಾರೆ.

    ಇಂಡಿಯಾ ಟುಡೇ ವರದಿಯ ಪ್ರಕಾರ, ಭಾರತದಲ್ಲಿ ಆ್ಯಪಲ್​ ಅಧಿಕೃತ ಮರುಮಾರಾಟಗಾರ ಇನ್​​ಗ್ರಾಂ ಮೈಕ್ರೋ ನೂತನ ಐಫೊನ್​ 13 ಸರಣಿಯ ಮೇಲೆ ಕೊಡುಗೆಯನ್ನು ಅನಾವರಣಗೊಳಿಸಿದೆ. ಸದ್ಯ ಆ್ಯಪಲ್​ ಫೋನ್​ಗಳು ದೇಶದ 3,200 ಚಿಲ್ಲರೆ ವ್ಯಾಪಾರಿಗಳಿಗೆ ಲಭ್ಯವಿದೆ.

    ಐಫೋನ್ 13 ಮತ್ತು 13 ಮಿನಿ 79,990 ರೂ ಮತ್ತು 69,990 ರೂ.ಗಳಲ್ಲಿ ಲಭ್ಯವಿದೆ. ನೂತನ ಫೋನ್​ಗಳು 128 ಜಿಬಿಯಿಂದ ಆರಂಭವಾಗಿ 256ಜಿಬಿ ಮತ್ತು 512ಜಿಬಿ ಗೆ ಐಚ್ಛಿಕ ಅಪ್‌ಗ್ರೇಡ್‌ಗಳೊಂದಿಗೆ ಮಾರಾಟ ಮಾಡುತ್ತಿದೆ. ಪ್ರಾರಂಭದಲ್ಲಿ ಐದು ಬಣ್ಣದ ಆಯ್ಕೆಗಳಲ್ಲಿ ಲಭ್ಯವಿರುತ್ತವೆ - ಪಿಂಕ್, ಬ್ಲೂ, ಮಿಡ್ನೈಟ್, ಸ್ಟಾರ್‌ಲೈಟ್ ಮತ್ತು ಪ್ರಾಡಕ್ಟ್ ರೆಡ್ ಖರೀದಿಗೆ ಸಿಗುತ್ತದೆ.

    ಐಫೋನ್ 13 ಪ್ರೊ ಮತ್ತು ಪ್ರೊ ಮ್ಯಾಕ್ಸ್ 1,19,990 ರೂ ಮತ್ತು 1,29,990 ರೂ ಖರೀದಿಗೆ ಸಿಗುತ್ತಿದೆ. ನಾಲ್ಕು ಬಣ್ಣ ಆಯ್ಕೆಗಳಲ್ಲಿ ಖರೀದಿಸಬಹುದಾಗಿದೆ - ಸಿಯೆರಾ ಬ್ಲೂ, ಸಿಲ್ವರ್, ಗೋಲ್ಡ್ ಮತ್ತು ಗ್ರ್ಯಾಫೈಟ್ ಬಣ್ಣದಲ್ಲಿ ಮಾಋಆಟ ಮಾಡಯತ್ತಿದೆ.

    ಇದನ್ನು ಓದಿ: TVS Raider | ಸಖತ್​ ಫೀಚರ್ಸ್​​​, ಆಕರ್ಷಕ ಲುಕ್​; ಬಜೆಟ್​ ಬೆಲೆಯ ಹೊಸ TVS Raider ಬೈಕ್​ ಮಾರುಕಟ್ಟೆಗೆ

    ಮೊದಲೇ ಹೇಳಿದಂತೆ ಐಫೋನ್​ 13  ಮತ್ತು ಐಫೋನ್​ 13 ಮಿನಿ ಮೇಲೆ ರೂ. 6,000 ವರೆಗಿನ ಕ್ಯಾಶ್‌ಬ್ಯಾಕ್ ಕೊಡುಗೆ ನೀಡುತ್ತಿದೆ. HDFC ಕ್ರೆಡಿಟ್ ಮತ್ತು ಡೆಬಿಟ್ ಕಾರ್ಡ್‌ ಬಳಕೆದಾರರಿಗೆ ಈ ಕೊಡುಗೆ ಅರ್ಹವಾಗಿದೆ. ಆಫರ್ ಸೆಪ್ಟೆಂಬರ್ 24 ರಂದು ಆರಂಭವಾಗಲಿದೆ. ಐಫೋನ್​ 13 ಪ್ರೊ ಮತ್ತು ಪ್ರೊ ಮ್ಯಾಕ್ಸ್ ಸಹ HDFC ಬ್ಯಾಂಕ್​ ಪ್ರಯೋಜನವನ್ನು ನೀಡುತ್ತಿದ್ದು,  5,000 ರೂ. ಕ್ಯಾಶ್ ಬ್ಯಾಕ್ ಆಫರ್ ನೀಡಿದೆ.

    ಇನ್​​ಗ್ರಾಂ ಮೈಕ್ರೋ ಮೂಲಕ EMI ಅಥವಾ EMI ಅಲ್ಲದ ವಹಿವಾಟು ನಡೆಸಬಹುದಾಗಿದೆ. ತಿಂಗಳಿಗೆ 3,329 ರೂ. ನೀಡುವ ಮೂಲಕ ನೋ-ಕಾಸ್ಟ್ ಇಎಂಐ ಕೊಡುಗೆಗಳನ್ನು ಒದಗಿಸುತ್ತದೆ. 3,000 ರೂಪಾಯಿಗಳ ವಿನಿಮಯ ಬೋನಸ್ ನೀಡುವ ಟ್ರೇಡ್-ಇನ್ ಕೊಡುಗೆಗಳೂ ನೀಡುತ್ತಿದೆ.

    ಸೆಪ್ಟೆಂಬರ್ 17 ರಿಂದ ಹೊಸ ಫೋನ್‌ಗಳ ಪ್ರಿ-ಆರ್ಡರ್‌ಗಳು ಆಯ್ಕೆ ಪ್ರಾರಂಭವಾಗಿದೆ. "ನೂತನ ಐಫೋನ್​ 13 ಬುಕ್ ಮಾಡುವ ಗ್ರಾಹಕರಿಗೆ ಅದನ್ನು ಮನೆಗೆ ತಲುಪಿಸಲು ಆಯ್ಕೆಯು ಸಿಗಲಿದೆ " ಎಂದು ಇನ್​​ಗ್ರಾಮ್ ಮೈಕ್ರೋ ಪ್ರಕಟಣೆಯಲ್ಲಿ ತಿಳಿಸಿದೆ.

    ಐಫೋನ್​ 12 ಸಿರೀಸ್​ ಮೇಲೆ ಬೆಲೆ ಕಡಿತ!

    ಐಫೋನ್​ 13 ಸಿರೀಸ್​ ಬಿಡುಗಡೆಗೊಂಡ ನಂತರ ಹಲಚು ಆ್ಯಪಲ್ ಪ್ರಾಡೆಕ್ಟ್​ಗಳನ್ನು ಮಾರಾಟ ಮಾಡುವ ಚಿಲ್ಲರೆ ವ್ಯಾಪಾರಿಗಳು  ಐಫೊನ್​ 12 ಮೇಲೆ ಬೆಲೆ ಕಡಿತಗೊಳಿಸಿದೆ. ಕಡಿಮೆ ಬೆಲೆಗೆ ಐಫೊನ್​ 12 ಸಿಗುತ್ತಿದ್ದು, 128ಜಿಬಿ ಮಾದರಿಯ ಸ್ಮಾರ್ಟ್​​ಫೋನ್ ಪ್ರಸ್ತುತ ಫ್ಲಿಪ್​ಕಾರ್ಟ್​ನಲ್ಲಿ 84,900 ರೂ ಬದಲಿದೆ 71,999 ರೂ.ಗೆ ಸಿಗುತ್ತಿದೆ. ಆಕ್ಸಿಸ್  ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಮೂಲಕ 15 ಸಾವಿರವರೆಗಿನ ವಿನಿಮಯ ಕೊಡುಗೆ ಮತ್ತು ಶೇ.5ರಷ್ಟು ಕ್ಯಾಶ್​ಬ್ಯಾಕ್​ನಂತಹ ಡೀಲ್ ಪಡೆಯುವ ಮೂಲಕ ಮತ್ತಷ್ಟು ಕಡಿಮೆ ಬೆಲೆ ಸಿಗಲಿದೆ.

    ಇದನ್ನು ಓದಿ: Health Tips: 40ರ ವಯಸ್ಸಿನ ಮಹಿಳೆಯರು ಅಗತ್ಯವಾಗಿ ಸೇವಿಸಬೇಕಾದ ಪೌಷ್ಟಿಕಾಂಶಗಳು




    Published by:Harshith AS
    First published: