Recharge Plans: 1 ತಿಂಗಳ ವ್ಯಾಲಿಡಿಟಿ ಹೊಂದಿರುವ ರೀಚಾರ್ಜ್ ಪ್ಲ್ಯಾನ್ಸ್​ ಇಲ್ಲಿದೆ! ಅಗ್ಗದ ಬೆಲೆಯಲ್ಲಿ ಲಭ್ಯ

ಭಾರತೀಯ ಟೆಲಿಕಾಂ ಕಂಪೆನಿಗಳಲ್ಲಿ (Indian Telecom Company) ಬಹಳಷ್ಟು ಗ್ರಾಹಕರನ್ನು ಹೊಂದಿಕೊಂಡು ಜಿಯೋ ಅಗ್ರಸ್ಥಾನವನ್ನು ಪಡೆದುಕೊಂಡಿದೆ. ಇದಕ್ಕೆ ಪ್ರಬಲ ಪೈಪೋಟಿ ನೀಡುತ್ತಿರುವ ಒಂದು ಕಂಪೆನಿ ಇದ್ದರೆ ಅದು ಏರ್​ಟೆಲ್ (Airtel)​. ಈ ಕಂಪೆನಿ ತನ್ನ ಗ್ರಾಹಕರನ್ನು ತನ್ನತ್ತ ಆಕರ್ಷಿಸುವ ಉದ್ದೇಶದಿಂದ ಅಗ್ಗದ ಬೆಲೆಯ ರೀಚಾರ್ಜ್​ ಯೋಜನೆಗಳನ್ನು ಬಿಡುಗಡೆ ಮಾಡುತ್ತಲೇ ಇದೆ. ಈ ಮಧ್ಯೆ ಇದೀಗ ಏರ್​ಟೆಲ್​ ಈ ಬಾರಿ ತನ್ನ ರೀಚಾರ್ಜ್​ ದರವನ್ನು (Recharge Plan) ಏರಿಕೆ ಮಾಡಿದ್ದು, ಗ್ರಾಹಕರಿಗೆ ಶಾಕಿಂಗ್ ನ್ಯೂಸ್​ ಅನ್ನು ನೀಡಿತ್ತು. ಆದರೆ ಈಗ ಮತ್ತೆ ಗುಡ್​ನ್ಯೂಸ್​​ ಅನ್ನು ನೀಡಿದೆ. ಈ ಯೋಜನೆ ಅಗ್ಗದ ಬೆಲೆಯನ್ನು ಹೊಂದಿದ್ದು, ಇದು ಒಂದು ತಿಂಗಳ ವ್ಯಾಲಿಡಿಟಿಯನ್ನು ಹೊಂದಿರುತ್ತದೆ.

ಏರ್​ಟೆಲ್​ ಇದೀಗ ತನ್ನ ಗ್ರಾಹಕರಿಗಾಗಿ 359 ರೂಪಾಯಿಯ ಹೊಸ ಯೋಜನೆಯನ್ನು ಪರಿಚಯಿಸಿದ್ದು, ಈ ಯೋಜನೆಯನ್ನು ರೀಚಾರ್ಜ್​ ಮಾಡಿಕೊಂಡವರಿಗೆ 1 ತಿಂಗಳ ವ್ಯಾಲಿಡಿಟಿ ಅವಧಿಯನ್ನು ಪಡೆಯಬಹುದಾಗಿದೆ. ಈ ಪ್ಲ್ಯಾನ್​ ಹೆಚ್ಚು ಡೇಟಾ ಬಯಸುವವರಿಗೆ, ಅಧಿಕ ಎಸ್​ಎಮ್​ಎಸ್​ ಮಾಡುವವರಿಗೆ ಉತ್ತಮ ಆಯ್ಕೆಯಾಗಿದೆ.

28 ದಿನಗಳಿಂದ 1 ತಿಂಗಳಿಗೆ ವ್ಯಾಲಿಡಿಟಿ ವಿಸ್ತರಣೆ

ಏರ್​ಟೆಲ್ ಕೆಲದಿನಗಳ ಹಿಂದೆ ಪರಿಚಯಿಸಿದ 359 ರೂಪಾಯಿಗಳ ರೀಚಾರ್ಜ್​ ಪ್ಲ್ಯಾನ್​ ಕೇವಲ 28 ದಿನಗಳಿಗೆ ಮಾತ್ರ ಮಾನ್ಯತೆಯನ್ನು ಹೊಂದಿತ್ತು. ಆದರೆ ಈ ಯೋಜನೆಯಲ್ಲಿ ಮಹತ್ವದ ಬದಲಾವಣೆಯಾಗಿದ್ದು, ಇದೀಗ ಈ ಯೋಜನೆಯನ್ನು ರೀಚಾರ್ಜ್ ಮಾಡಿಕೊಂಡವರಿಗೆ ಬರೋಬ್ಬರಿ 1 ತಿಂಗಳ ವ್ಯಾಲಿಡಿಟಿಯನ್ನು ಪಡೆಯಬಹುದು. ಹಾಗೆಯೇ ಇನ್ನೂ ಹಲವಾರು ಪ್ರಯೋಜನಗಳು ಇದರಲ್ಲಿ ಲಭ್ಯವಿದೆ.

ಏನೆಲ್ಲಾ ಪ್ರಯೋಜನಗಳಿವೆ?

ಏರ್​ಟೆಲ್ ಪರಿಚಯಿಸಿದ 359 ರೂಪಾಯಿಗಳ ರೀಚಾರ್ಜ್‌ ಪ್ಲ್ಯಾನ್‌ನಲ್ಲಿ ಗ್ರಾಹಕರು ದಿನವೂ 2ಜಿಬಿ ಡೇಟಾ ಸೌಲಭ್ಯವನ್ನು ಪಡೆಯಬಹುದಾಗಿದ್ದು, ಇದರೊಂದಿಗೆ 100 ಎಸ್‌ಎಮ್‌ಎಸ್‌ ಸೌಲಭ್ಯ ಸಹ ಲಭ್ಯವಿದೆ. ಹಾಗೆಯೇ ಈ ಯೋಜನೆಯಲ್ಲಿ ಗ್ರಾಹಕರು ಯಾವುದೇ ನೆಟ್​ವರ್ಕ್​ಗೆ ಅನ್ಲಿಮಿಟೆಡ್​ ಕಾಲ್ ಮಾಡುವ ಸೌಲಭ್ಯ ಸಹ ದೊರೆಯುತ್ತದೆ. ಇನ್ಮುಂದೆ ಬಳಕೆದಾರರು ಈ ಯೋಜನೆಯಲ್ಲಿ ಒಟ್ಟಾರೆಯಾಗಿ 60ಜಿಬಿ ಡೇಟಾ ಬಳಕೆ ಮಾಡಿಕೊಳ್ಳಬಹುದು. ಹಾಗೆಯೇ 31 ದಿನಗಳಿರುವ ತಿಂಗಳಲ್ಲಿ 62ಜಿಬಿ ಡೇಟಾ ಸೌಲಭ್ಯ ಲಭ್ಯವಾಗಲಿದೆ.

ಇದರೊಂದಿಗೆ ಎಕ್ಸ್‌ಸ್ಟ್ರೀಮ್ ಆ್ಯಪ್​, ಅಪೋಲೋ 24/7 ಸರ್ಕಲ್, ಫಾಸ್ಟ್ಯಾಗ್​ನಲ್ಲೊ 100 ರೂಪಾಯಿ ಕ್ಯಾಶ್‌ಬ್ಯಾಕ್, ಉಚಿತ ಹೆಲೋಟ್ಯೂನ್ಸ್‌ ಮತ್ತು ಉಚಿತ ವಿಂಕ್ ಮ್ಯೂಸಿಕ್ ಚಂದಾದಾರಿಕೆಯೊಂದಿಗೆ ಇನ್ನೂ ಹಲವಾರು ಪ್ರಯೋಜನಗಳು ಇದರಲ್ಲಿ ಪಡೆಯಬಹುದಾಗಿದೆ.

ಟೆಲಿಕಾಂ ಕಂಪೆನಿಗಳು

ಟ್ರಾಯ್​ ಸಂಸ್ಥೆಯಿಂದ ಆದೇಶ

ಏರ್​ಟೆಲ್​ನ 359 ರೂಪಾಯಿ ರೀಚಾರ್ಜ್ ಪ್ಲ್ಯಾನ್​ನಲ್ಲಿ ಗ್ರಾಹಕರು ಹೆಚ್ಚಿನ ಡೇಟಾ ಪಡೆಯಬಹುದು. ಆದರೆ ಇದು ಒಂದು ತಿಂಗಳಿಗೆ ಉತ್ತಮವಾದ ಆಯ್ಕೆಯಾಗಿದೆ. ಈ ರೀತಿಯ ಒಂದು ತಿಂಗಳ ವ್ಯಾಲಿಡಿಟಿ ಹೊಂದಿರುವ ಯೋಜನೆಗಳನ್ನೇ ಗ್ರಾಹಕರು ಬಯಸುತ್ತಿದ್ದು, ಇದನ್ನು ಏರ್​ಟೆಲ್​ ವರದಿ ಮಾಡಿದೆ. ಇದಕ್ಕಾಗಿ ಟೆಲಿಕಾಂ ರೆಗ್ಯುಲೇಟರಿ ಅಥಾರಿಟಿ ಆಫ್​ ಇಂಡಿಯಾ ಹೊಸ ಆದೇಶವನ್ನು ಹೊರಡಿಸಿದ್ದು, ಇದರಲ್ಲಿ 28 ದಿನಗಳ ಬದಲಾಗಿ 30 ದಿನಗಳು ಅಥವಾ 1 ತಿಂಗಳ ವ್ಯಾಲಿಡಿಟಿಯೊಂದಿಗೆ ಯೋಜನೆಗಳನ್ನು ಪರಿಚಯಿಸಬೇಕೆಂದು ತಿಳಿಸಿದೆ. ಈ ಹೇಳಿಕೆಗಾಗಿಯೇ ಏರ್​ಟೆಲ್​ ಈ ಬದಲಾವಣೆಯನ್ನು ಮಾಡಿರಬಹುದು ಎಂದು ಹೇಳಲಾಗಿದೆ.

ಏರ್​ಟೆಲ್​ನ 549 ರೂಪಾಯಿ ರೀಚಾರ್ಜ್ ಪ್ಲ್ಯಾನ್​

ಇನ್ನು ಏರ್​ಟೆಲ್​ನ ಈ 359 ರೂಪಾಯಿಗಳ ರೀಚಾರ್ಜ್​ ಪ್ಲ್ಯಾನ್​ ಬೇಡ ಎಂದವರು ಇದರ ಬದಲಾಗಿ 549 ರೂಪಾಯಿಗಳ ರೀಚಾರ್ಜ್​ ಅನ್ನು ಮಾಡಿಕೊಳ್ಳಬಹುದಾಗಿದೆ. ಇದರಲ್ಲಿ ಗ್ರಾಹಕರು 359 ರೂಪಾಯಿಯಂತೇಯೇ ದೈನಂದಿನ 2ಜಿಬಿ ಡೇಟಾವನ್ನು ಪಡೆಯಬಹುದು. ಆದರೆ ವಿಶೇಷ ಏನೆಂದರೆ ಇದರಲ್ಲಿ ವ್ಯಾಲಿಡಿಟಿ ಅವಧಿಯು ಒಟ್ಟು 2 ತಿಂಗಳುವರೆಗೆ ಇರುತ್ತದೆ.

ಇದನ್ನೂ ಓದಿ: ಬಿಡುಗಡೆಗೂ ಮೊದಲೇ ಲೀಕ್ ಆಯ್ತು ಕೋಕಾ ಕೋಲಾ ಮೊಬೈಲ್ ಫೀಚರ್ಸ್​! ಹೀಗಿದೆ ನೋಡಿ

ಇನ್ನು 359 ರಂತೆ 2 ತಿಂಗಳು ರೀಚಾರ್ಜ್ ಮಾಡಿದರೆ ಒಟ್ಟು 718 ರೂಪಾಯಿ ಹಣವನ್ನು ಪಾವತಿಸಬೇಕು. ಆದರೆ 549 ರೂಪಾಯಿ ರೀಚಾರ್ಜ್ ಮೂಲಕ 169 ರೂಪಾಯಿಯನ್ನು ಉಳಿಸಬಹುದು.