• Home
  • »
  • News
  • »
  • tech
  • »
  • Xiaomi Smartphones: 2023 ರಲ್ಲಿ ಶಿಯೋಮಿ ಕಂಪನಿಯಿಂದ ಬರಲಿರುವ ಸ್ಮಾರ್ಟ್​ಫೋನ್​ಗಳ ಪಟ್ಟಿ ಇಲ್ಲಿದೆ

Xiaomi Smartphones: 2023 ರಲ್ಲಿ ಶಿಯೋಮಿ ಕಂಪನಿಯಿಂದ ಬರಲಿರುವ ಸ್ಮಾರ್ಟ್​ಫೋನ್​ಗಳ ಪಟ್ಟಿ ಇಲ್ಲಿದೆ

ರೆಡ್​ಮಿ ಸ್ಮಾರ್ಟ್​​ಫೋನ್ಸ್​

ರೆಡ್​ಮಿ ಸ್ಮಾರ್ಟ್​​ಫೋನ್ಸ್​

ರೆಡ್​​​ಮಿ ಕಂಪನಿಯು ಹೊಸ ವರ್ಷದಲ್ಲಿ ಸಾಕಷ್ಟು ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡುವುದಾಗಿ ಯೋಜಿಸಿದೆ. ಈ ಬಾರಿ ರೆಡ್​ಮಿ ಕಂಪನಿಯಿಂದ ಅತ್ಯುತ್ತಮ ಫೀಚರ್ಸ್​ ಹೊಂದಿದ ಸ್ಮಾರ್ಟ್​​ಫೋನ್​ಗಳು ಮಾರುಕಟ್ಟೆಗೆ ಲಗ್ಗೆಯಿಡಲಿದೆ. ಹಾಗಿದ್ರೆ ಈ ಬಾರಿ ರೆಡ್​ಮಿ ಕಂಪನಿಯಿಂದ 2023 ರಲ್ಲಿ ಬರಲಿರುವ ಸ್ಮಾರ್ಟ್​​ಫೋನ್​​ಗಳು ಯಾವುದೆಲ್ಲಾ ಎಂಬುದನ್ನು ಓದಿ.

ಮುಂದೆ ಓದಿ ...
  • Share this:

    ಶಿಯೋಮಿ ಕಂಪನಿ (Xiaomi Company) ತನ್ನ ಬ್ರಾಂಡ್​ನ ಅಡಿಯಲ್ಲಿ ಸಾಕಷ್ಟು ಸ್ಮಾರ್ಟ್​ಫೋನ್​ಗಳನ್ನು (Smartphones) ಬಿಡುಗಡೆ ಮಾಡಿದೆ. ಶಿಯೋಮಿ ಕಂಪನಿ ಮೊಬೈಲ್​ ಮಾರುಕಟ್ಟೆಯಲ್ಲಿ ಬಹಳಷ್ಟು ಮುಂಚೂಣಿಯಲ್ಲಿದೆ. ಇದುವರೆಗೆ ಈ ಕಂಪನಿಯ ಅಡಿಯಲ್ಲಿ ಬಿಡುಗಡೆಗೊಂಡಂತಹ ಸ್ಮಾರ್ಟ್​ಫೋನ್​ಗಳ ಬಹಳಷ್ಟು ಬೇಡಿಕೆಯಲ್ಲಿವೆ. ಇದೀಗ ಶಿಯೋಮಿ ಕಂಪನಿ ಮುಂದಿನ ವರ್ಷದಲ್ಲಿ ಹಲವಾರು ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡುವುದಾಗಿ ಯೋಜಿಸಿದೆ. ರೆಡ್​​ಮಿ (Redmi) ಬಿಡುಗಡೆ ಮಾಡಿದ ಹೆಚ್ಚಿನ ಮೊಬೈಲ್​ಗಳು 20 ಸಾವಿರಕ್ಕಿಂತ ಕಡಿಮೆ ಬೆಲೆಯದ್ದಾಗಿದೆ. ಈ ವರ್ಷ ಮತ್ತೆ ಬಜೆಟ್​ ಬೆಲೆ ಸ್ಮಾರ್ಟ್​​ಫೋನ್​ಗಳನ್ನು ಬಿಡುಗಡೆ ಮಾಡುವುದಾಗಿ ನಿರ್ಧರಿಸಿದೆ. ಈ ಸ್ಮಾರ್ಟ್​ಫೋನ್​ಗಳು ಮಾರುಕಟ್ಟೆಯಲ್ಲಿ ವಿಶಿಷ್ಟ ಫೀಚರ್ಸ್​ಗಳೊಂದಿಗೆ ಮಾರುಕಟ್ಟೆಗೆ ಕಾಲಿಡುತ್ತದೆ ಎಂದು ಕಂಪನಿ ಹೇಳಿದೆ.


    ರೆಡ್​​​ಮಿ ಕಂಪನಿಯು ಹೊಸ ವರ್ಷದಲ್ಲಿ ಸಾಕಷ್ಟು ಸ್ಮಾರ್ಟ್​ಫೋನ್​ಗಳನ್ನು ಬಿಡುಗಡೆ ಮಾಡುವುದಾಗಿ ಯೋಜಿಸಿದೆ. ಈ ಬಾರಿ ರೆಡ್​ಮಿ ಕಂಪನಿಯಿಂದ ಅತ್ಯುತ್ತಮ ಫೀಚರ್ಸ್​ ಹೊಂದಿದ ಸ್ಮಾರ್ಟ್​​ಫೋನ್​ಗಳು ಮಾರುಕಟ್ಟೆಗೆ ಲಗ್ಗೆಯಿಡಲಿದೆ. ಹಾಗಿದ್ರೆ ಈ ಬಾರಿ ರೆಡ್​ಮಿ ಕಂಪನಿಯಿಂದ 2023 ರಲ್ಲಿ ಬರಲಿರುವ ಸ್ಮಾರ್ಟ್​​ಫೋನ್​​ಗಳು ಯಾವುದೆಲ್ಲಾ ಎಂಬುದನ್ನು ಓದಿ.


    ರೆಡ್​​ಮಿ ನೋಟ್​​ 12


    ರೆಡ್​​ಮಿ ನೋಟ್​​ 12 ಸ್ಮಾರ್ಟ್‌ಫೋನ್‌ ಮುಂದಿನ ವರ್ಷದಲ್ಲಿ ಬಿಡುಗಡೆಯಾಗಲಿರುವಂತಹ ರೆಡ್​ಮಿ ಕಂಪನಿಯ ಮೊದಲ ಸ್ಮಾರ್ಟ್​ಫೋನ್​ ಆಗಿದೆ. ಈ ಸ್ಮಾರ್ಟ್​ಫೋನ್​ 6.67 ಇಂಚಿನ ಫುಲ್‌ ಹೆಚ್‌ಡಿ ಪ್ಲಸ್‌ ಅಮೋಲ್ಡ್​​ ಡಿಸ್‌ಪ್ಲೇ ಹೊಂದಿರಲಿದೆ. ಈ ಡಿಸ್‌ಪ್ಲೇಯು 120Hz ರಿಫ್ರೆಶ್‌ ರೇಟ್‌ ಸಾಮರ್ಥ್ಯವನ್ನು ಹೊಂದಿರುತ್ತದೆ.


    ಇದನ್ನೂ ಓದಿ: ಫ್ಲಿಪ್​ಕಾರ್ಟ್​​ನ ‘ಇಯರ್​ ಎಂಡ್​ ಸೇಲ್​‘ ಆರಂಭ, ಈ ಸಾಧನಗಳ ಮೇಲೆ ಬಂಪರ್ ಆಫರ್!


    ಜೊತೆಗೆ 1200 ಗರಿಷ್ಠ ಬ್ರೈಟ್‌ನೆಸ್‌ ಹೊಂದಿರಲಿದೆ ಎಂದು ಅಂದಾಜಿಸಲಾಗಿದೆ. ಇನ್ನು ಡಿಸ್‌ಪ್ಲೇ 85.0% ಸ್ಕ್ರೀನ್‌ ಟು ಬಾಡಿ ನಡುವಿನ ಅನುಪಾತವನ್ನು ಹೊಂದಿದೆ. ಇದರ ರಚನೆಯ ಅನುಪಾತ 20:9 ರಷ್ಟಿದೆ ಎಂದು ಹೇಳಲಾಗಿದೆ. ರೆಡ್​​ಮಿ ನೋಟ್​​ 12 ಸ್ಮಾರ್ಟ್​​ಫೋನ್ ಕ್ವಾಲ್ಕಾಮ್‌ ಸ್ನಾಪ್‌ಡ್ರಾಗನ್‌ 4 Gen 1SoC ಪ್ರೊಸೆಸರ್‌ ವೇಗವನ್ನು ಪಡೆದುಕೊಂಡಿದೆ. ಇದು ಆಂಡ್ರಾಯ್ಡ್‌ 12 ಸಾಮರ್ಥ್ಯದಲ್ಲಿ ಕಾರ್ಯನಿರ್ವಹಿಸಲಿದೆ.


    ರೆಡ್​​ಮಿ ನೋಟ್​ 12 5ಜಿ


    ರೆಡ್​​ಮಿ ನೋಟ್​ 12 5ಜಿ ಸ್ಮಾರ್ಟ್​​ಫೋನ್‌ 128ಜಿಬಿ, 256ಜಿಬಿ ಸ್ಟೋರೇಜ್​ ಮತ್ತು 4ಜಿಬಿ, 6ಜಿಬಿ ಮತ್ತು 8ಜಿಬಿ ರ್‍ಯಾಮ್ ರೂಪಾಂತರಗಳಲ್ಲಿ ಬಿಡುಗಡೆಯಾಗುವ ಸಾಧ್ಯತೆಯಿದೆ. ಹಾಗೆಯೇ ಇದು 48 ಎಂಪಿ ಮತ್ತು 2 ಎಂಪಿ ಡ್ಯುಯಲ್ ಪ್ರಾಥಮಿಕ ಕ್ಯಾಮೆರಾ ಮತ್ತು 8 ಎಂಪಿ ಮುಂಭಾಗದ ಸೆಲ್ಫಿ ಕ್ಯಾಮೆರಾವನ್ನು ಅಳವಡಿಸಲಾಗಿದೆ. ಇನ್ನು ಈ ಫೋನಿನ ಡಿಸ್‌ಪ್ಲೇಯು 6.67 ಇಂಚುಗಳ 1080 x 2400 ಪಿಕ್ಸೆಲ್‌ಗಳಾಗಿದ್ದು ಕ್ವಾಲ್‌ಕಾಮ್ ಸ್ನಾಪ್‌ಡ್ರಾಗನ್ 4 ಜನ್ 1 ಪ್ರೊಸೆಸರ್‌ ಕಾರ್ಯನಿರ್ವಹಿಸಲಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ 5000 mAh ಬ್ಯಾಟರಿಯನ್ನು ಸಹ ಒಳಗೊಂಡಿದೆ.


    ಶಿಯೋಮಿ ರೆಡ್​​ಮಿ ನೋಟ್​ 13


    ಶಿಯೋಮಿ ರೆಡ್​​ಮಿ ನೋಟ್​ 13 ಬಜೆಟ್​​ ಬೆಲೆಯ ಸ್ಮಾರ್ಟ್‌ಫೋನ್ ಆಗಿದ್ದು, ಜನವರಿ 26, 2023 ರಂದು ಬಿಡುಗಡೆಯಾಗುವ ನಿರೀಕ್ಷೆಯಿದೆ. ಇನ್ನು ಈ ಸ್ಮಾರ್ಟ್​​ಫೋನ್​ನ ಫೀಚರ್ಸ್​ ಬಗ್ಗೆ ಹೇಳುವುದಾದರೆ ಇದು​  6.52 ಇಂಚಿನ IPS LCD ಜೊತೆಗೆ 90Hz ರಿಫ್ರೆಶ್ ರೇಟ್ ಸಾಮರ್ಥ್ಯವನ್ನು ಹೊಂದಿರಲಿದೆ. ಇನ್ನು ಕ್ಯಾಮೆರಾ ಫೀಚರ್ಸ್​ ಬಗ್ಗೆ ಹೇಳುವುದಾದರೆ ಇದರ ಹಿಂಭಾಗದಲ್ಲಿ ಟ್ರಿಪಲ್ ಕ್ಯಾಮೆರಾ ಸೆಟಪ್ ಹೊಂದಿದೆ. ಜೊತೆಗೆ ಇದರಲ್ಲಿ ಮುಂಭಾಗದ ಕ್ಯಾಮೆರಾ 6 ಮೆಗಾಪಿಕ್ಸೆಲ್​ ಆಗಿದೆ. ಇದು ಮೀಡಿಯಾ ಟೆಕ್‌ ಹಿಲಿಯೋ G88 ಪ್ರೊಸೆಸರ್‌ನಲ್ಲಿ ಕಾರ್ಯನಿರ್ವಹಿಸುತ್ತದೆ. ಜೊತೆಗೆ 18W ವೇಗದ ಚಾರ್ಜಿಂಗ್‌ನೊಂದಿಗೆ 5000mAh ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ.


    ಶಿಯೋಮಿ ರೆಡ್​​ಮಿ ನೋಟ್ 13​ ಪ್ರೋ ಮ್ಯಾಕ್ಸ್​​ 5ಜಿ


    ಶಿಯೋಮಿ ರೆಡ್​​ಮಿ ನೋಟ್ 13​ ಪ್ರೋ ಮ್ಯಾಕ್ಸ್​​ 5ಜಿ ಸ್ಮಾರ್ಟ್​​ಫೋನ್ 120Hz ರಿಫ್ರೆಶ್ ರೇಟ್ ಪಡೆದಿದ್ದು, ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 720G ಚಿಪ್‌ಸೆಟ್ ಪ್ರೊಸೆಸರ್‌ ಅನ್ನು ಒಳಗೊಂಡಿದೆ. ಈ ಫೋನ್‌ ವಿಶೇಷವಾಗಿ 108 ಮೆಗಾಪಿಕ್ಸೆಲ್​ನಲ್ಲಿ ಹಿಂಬದಿಯ ಕ್ಯಾಮೆರಾವನ್ನು ಅಳವಡಿಸಿದ್ದಾರೆ. 32 ಎಂಪಿ ಮುಂಭಾಗದ ಕ್ಯಾಮೆರಾ ಒಳಗೊಂಡಿದೆ. ಹಾಗೆಯೇ ಇದು 67W ವೇಗದ ಚಾರ್ಜಿಂಗ್ ಮತ್ತು ಸೈಡ್-ಮೌಂಟೆಡ್ ಫಿಂಗರ್‌ಪ್ರಿಂಟ್ ಸೆನ್ಸಾರ್ ಅನ್ನು ಒಳಗೊಂಡಿದೆ.

    Published by:Prajwal B
    First published: