2022 Smartwatches: ಇಲ್ಲಿವೆ ನೋಡಿ 2022ರ ಬೆಸ್ಟ್​ ಸ್ಮಾರ್ಟ್​​ವಾಚ್​ಗಳ ಪಟ್ಟಿ

ಇತ್ತೀಚಿನ ದಿನಗಳಲ್ಲಿ ಇಲೆಕ್ಟ್ರಾನಿಕ್ಸ್​ ಸಾಧನಗಳಲ್ಲಿ ಮೊಬೈಲ್ (Mobile) ಮತ್ತು ಸ್ಮಾರ್ಟ್​ವಾಚ್​ಗಳು (Smartwatch) ಬಹಳಷ್ಟು ಬೇಡಿಕೆಯಲ್ಲಿವೆ. ಆದರೆ ಈಗ ಸ್ಮಾರ್ಟ್​​​ಫೋನ್​ಗಳ ನಂತರ ಬಿಡುಗಡೆಯಾಗುತ್ತಿರುವ ಹೆಚ್ಚು ಬಿಡುಗಡೆಯಾಗುವುದು ಸ್ಮಾರ್ಟ್​​ವಾಚ್​ಗಳು. ಇನ್ನೇನು ಕೆಲವೇ ದಿನಗಳಲ್ಲಿ ಎಲ್ಲರೂ ಹೊಸ ವರ್ಷದ ಸಂಭ್ರಮದಲ್ಲಿರುತ್ತಾರೆ. ಆದರೆ ಈ ವರ್ಷ ಯಾವೆಲ್ಲಾ ಸ್ಮಾರ್ಟ್​ವಾಚ್​ಗಳು ಬಿಡುಗಡೆಯಾಗಿವೆ ಎಂಬುದು ಕೆಲವರಿಗೆ ಗೊತ್ತಿಲ್ಲ. ಈ ವರ್ಷದಲ್ಲಿ ದೇಶದಲ್ಲಿ ಹಲವಾರು ಸ್ಮಾರ್ಟ್​​ವಾಚ್​ಗಳು ಬಿಡುಗಡೆಯಾಗಿದ್ದು ಪ್ರತಿಯೊಂದು ಬೇರೆ ಬೇರೆ ಕಂಪನಿಯದ್ದಾಗಿದೆ. ಆದರೆ ಸ್ಮಾರ್ಟ್​ವಾಚ್​ ಕಂಪನಿಗಳು ಒಂದಕ್ಕೊಂದು ಪೈಪೋಟಿಯನ್ನು ನೀಡುತ್ತಾ ತನ್ನದೇ ಆದ ಶೈಲಿಯಲ್ಲಿ ಮಾರುಕಟ್ಟೆಯಲ್ಲಿ ಸ್ಥಾನವನ್ನು ಪಡೆದುಕೊಂಡಿದೆ. ಹಾಗಿದ್ರೆ 2022ರಲ್ಲಿ ಬಿಡುಗಡೆಯಾದಂತಹ ಬೆಸ್ಟ್​ ಸ್ಮಾರ್ಟ್​​ವಾಚ್​ಗಳು (Best Smartwatches) ಯಾವುದೆಂದು ಇಲ್ಲಿ ತಿಳಿಯೋಣ.

ಸ್ಮಾರ್ಟ್​ವಾಚ್​ಗಳು, ಫಿಟ್ನೆಸ್​ ಬ್ಯಾಂಡ್​ಗಳು 2022 ರಲ್ಲಿ ಬಹಳಷ್ಟು ಪ್ರಚಾರವನ್ನು ಪಡೆದ ಸಾಧನವಾಗಿದೆ. ಇದು ಮೊಬೈಲ್​ನಂತೆಯೇ ಫೀಚರ್ಸ್​ಅನ್ನು ಹೊಂದಿರುವುದರಿಂದ ಗ್ರಾಹಕರನ್ನು ಆಕರ್ಷಿಸುವಲ್ಲಿ ಯಾವುದೇ ರೀತಿಯಲ್ಲೂ ವಿಫಲವಾಗಿಲ್ಲ. ಹಾಗಿದ್ರೆ 2022ರಲ್ಲಿ ಬಿಡುಗಡೆಯಾದ ಬೆಸ್ಟ್​​ ಸ್ಮಾರ್ಟ್​​ವಾಚ್​ಗಳು ಯಾವುದೆಂದು ನಿಮಗೆ ಗೊತ್ತಾಗ್ಬೇಕಾದರೆ ಇದನ್ನು ಓದಿ.

ನಾಯ್ಸ್​ ಕಲರ್​ಫಿಟ್​ ಪ್ರೋ 2:

ಈ ನಾಯ್ಸ್​ ಕಲರ್​ಫಿಟ್​ ಪ್ರೋ 2 ಸ್ಮಾರ್ಟ್​​ಬ್ಯಾಂಡ್​  1.33-ಇಂಚಿನ ಡಿಸ್​ಪ್ಲೇಯನ್ನು ಹೊಂದಿದೆ. ನತ್ತು ಪಾಲಿಕಾರ್ಬೊನೇಟ್​ನಿಂದ ಬಾಡಿಯನ್ನು ರಚಿಸಲಾಗಿದೆ. ಇನ್ನು ಈ ಸ್ಮಾರ್ಟ್​​​ ಬ್ಯಾಂಡ್​ 4 ಬಣ್ಣಗಳ ಆಯ್ಕೆಯಲ್ಲಿ ಮಾರುಕಟ್ಟೆಯಲ್ಲಿ ಖರೀದಿಸಬಹುದಾಗಿದೆ. ಇದು 24×7 ಹೃದಯ ಬಡಿತದ ಮೇಲ್ವಿಚಾರಣೆಯನ್ನು ಮಾಡುತ್ತದೆ. ಇದು 10 ದಿನಗಳ ಬ್ಯಾಟರಿ ಬ್ಯಾಕಪ್​ ಅನ್ನು ಹೊಂದಿದೆ.

ಇದನ್ನೂ ಓದಿ: ಬಿಡುಗಡೆಯಾಗುವ ಮೊದಲೇ ಲೀಕ್​ ಆಯ್ತು ಐಫೋನ್ 15 ಅಲ್ಟ್ರಾ​ ಫೀಚರ್ಸ್! ಬೆಲೆ ನೋಡಿ ಶಾಕ್​ ಆಗ್ತೀರಾ!

ಇದನ್ನು ಮ್ಯಾಗ್ನೆಟಿಕ್ ಚಾರ್ಜರ್ ಮೂಲಕ ಈ ಸ್ಮಾರ್ಟ್​​ ಬ್ಯಾಂಡ್​ ಅನ್ನು ಚಾರ್ಜ್​ ಮಾಡಬಹುದು. ಇದು ವಾಕ್, ರನ್, ಹೈಕ್, ಬೈಕ್, ವರ್ಕ್-ಔಟ್, ಕ್ಲೈಮ್, ಸ್ಪಿನ್ ಅಥವಾ ಯೋಗವನ್ನು ಒಳಗೊಂಡಿರುವ 9 ಕ್ರೀಡಾ ವಿಧಾನಗಳನ್ನು ಹೊಂದಿದೆ. ನಾಯ್ಸ್​ ಕಲರ್​ಫಿಟ್​ ಪ್ರೋ 2 IP68 ರೇಟಿಂಗ್‌ನೊಂದಿಗೆ ವಾಟರ್​ಪ್ರೂಫ್ ಆಗಿದೆ.

ಸಾಂಕೇತಿಕ ಚಿತ್ರ

ಫಾಸ್​​ಟ್ರ್ಯಾಕ್​ ರಿಫ್ಲೆಕ್ಸ್​ ಆ್ಯಕ್ಟಿವಿಟಿ ಟ್ರ್ಯಾಕರ್​:

ಫಾಸ್​​ಟ್ರ್ಯಾಕ್​ ರಿಫ್ಲೆಕ್ಸ್​ ಆ್ಯಕ್ಟಿವಿಟಿ ಟ್ರ್ಯಾಕರ್ ಪ್ರಸ್ತುತ ಅಮೆಜಾನ್​​ನಲ್ಲಿ ಕೇವಲ 1,349 ರೂಪಾಯಿಗೆ ಲಭ್ಯವಿದೆ. ಈ ಸ್ಮಾರ್ಟ್ ಬ್ಯಾಂಡ್ ಕಾಲ್​ ಮತ್ತು ಮೇಸೇಜ್​ಗಳು ಬಂದರೆ ನಾಟಿಫಿಕೇಶನ್​ ಅನ್ನು ನೀಡುತ್ತದೆ. ಸಾಧನವು ಸ್ಮಾರ್ಟ್​​ಫೋನ್​ಗೆ ಕನೆಕ್ಟ್​ ಆದರೆ ಮ್ಯೂಸಿಕ್ ಆನ್​ ಆಫ್, ಕ್ಯಾಮೆರಾ ನಿಯಂತ್ರಣ, ವೈಬ್ರೇಶನ್​ ಮತ್ತು ಫೋನ್ ಫೈಂಡರ್‌ನಂತಹ ಫೀಚರ್ಸ್​​ ಅನ್ನು ಸಹ ನೀಡುತ್ತದೆ. ಸ್ಮಾರ್ಟ್ ಬ್ಯಾಂಡ್ IPX6 ರೇಟಿಂಗ್‌ನೊಂದಿಗೆ ವಾಟರ್​ಪ್ರೂಫ್ ಆಗಿದೆ. ಈ ಸ್ಮಾರ್ಟ್​ ಬ್ಯಾಂಡ್​ ಅನ್ನು ಒಮ್ಮೆ ಚಾರ್ಜ್​ ಮಾಡಿದರೆ 7 ದಿನಗಳವರೆಗೆ ಬಳಕೆ ಮಾಡಬಹುದು.

ಹಾನರ್​ ಬ್ಯಾಂಡ್ 6

ಹಾನರ್​ ಬ್ಯಾಂಡ್ 6 1.47-ಇಂಚಿನ AMOLED ಟಚ್ ಡಿಸ್​​ಪ್ಲೇಯನ್ನು  ಹೊಂದಿದೆ. ಈ ಫಿಟ್‌ನೆಸ್ ಬ್ಯಾಂಡ್​ನ ಫೀಚರ್ಸ್​ ಕುರಿತು ಹೇಳುವುದಾದರೆ, ಇದರಲ್ಲಿ SpO2 ಫೀಚರ್ಸ್​ ಮೂಲಕ ಬಿಪಿ, 24×7 ಹೃದಯ ಬಡಿತ ಮಾನಿಟರ್ ಅನ್ನು ಟ್ರ್ಯಾಕ್ ಮಾಡುವ ಮೂಲಕ ಬಳಕೆದಾರರಿಗೆ ಮಾಹಿತಿಯನ್ನು ನೀಡುತ್ತದೆ. ಸ್ಮಾರ್ಟ್ ಬ್ಯಾಂಡ್ SMS, ಇಮೇಲ್, ಕಾಲ್​, ಸೋಶಿಯಲ್​ ಮೀಡಿಯಾ ಆ್ಯಪ್ಸ್​ಗಳ ಇತ್ಯಾದಿ ನಾಟಿಫಿಕೇಶನ್​ಗಳನ್ನು ಕೂಡ ತೋರಿಸುತ್ತದೆ. ಇದು ಆಂಡ್ರಾಯ್ಡ್ ವೇರ್ 2.9 ಆಪರೇಟಿಂಗ್ ಸಿಸ್ಟಂನಲ್ಲಿ ಕಾರ್ಯನಿರ್ವಹಿಸುತ್ತದೆ.

ಸಾಂಕೇತಿಕ ಚಿತ್ರ

ಶಿಯೋಮಿ ಎಮ್​ಐ ಸ್ಮಾರ್ಟ್​​ಬ್ಯಾಂಡ್​ 6:

ಶಿಯೋಮಿ ಎಮ್​ಐ ಸ್ಮಾರ್ಟ್ ಬ್ಯಾಂಡ್ 6 ದೊಡ್ಡ 1.56-ಇಂಚಿನ AMOLED ಡಿಸ್​ಪ್ಲೇಯನ್ನು ಒಳಗೊಂಡಿದೆ. ಇದರ ವಿಶೇಷತೆಯೆಂದರೆ ಇದನ್ನು ಒಮ್ಮೆ ಫುಲ್​ ಚಾರ್ಜ್​ ಮಾಡಿದರೆ ಇದನ್ನು 2 ವಾರಗಳ ಕಾಲ ನಿರಂತರವಾಗಿ ಬಳಸಬಹುದಾಗಿದೆ. ಸ್ಮಾರ್ಟ್ ಟ್ರ್ಯಾಕರ್ ಜೊತೆಗೆ ಇದು 30 ಫಿಟ್‌ನೆಸ್ ಮೋಡ್‌ಗಳೊಂದಿಗೆ ಬರುತ್ತದೆ ಮತ್ತು ಹೃದಯ ಬಡಿತ ಮಾನಿಟರಿಂಗ್, ನಿದ್ರೆಯ ಮೇಲ್ವಿಚಾರಣೆ, ಮಹಿಳೆಯರ ಆರೋಗ್ಯದ ಮೇಲ್ವಿಚಾರಣೆ ಮುಂತಾದ ಆರೋಗ್ಯದ ಬಗ್ಗೆ ಟ್ರ್ಯಾಕ್ ಮಾಡಿ ಮಾಹಿತಿಯನ್ನು ನೀಡುತ್ತದೆ.