Smartphones Tips: ಸ್ಮಾರ್ಟ್​ಫೋನ್​​ ಹೊಂದಿದ್ದೀರಾ, ಈ ಕೆಲಸಗಳನ್ನು ಮೊದಲು ಮಾಡಿ! ಇದರಿಂದ ನಿಮ್ಮ ಮೊಬೈಲ್​ ಸೇಫ್​ ಆಗಿರುತ್ತೆ

ತಂತ್ರಜ್ಞಾನದ (Technology) ಪ್ರಗತಿ ಹೆಚ್ಚಾದಂತೆ ಸ್ಮಾರ್ಟ್​ಫೋನ್​ಗಳ (Smartphone) ಬಳಕೆ ಕೂಡ ಹೆಚ್ಚಾಗ್ತಾ ಇದೆ. ಅದೇ ರೀತಿ ಹೊಸ ವರ್ಷ ಇನ್ನೇನು ಕೆಲವೇ ದಿನಗಳಲ್ಲಿ ಬರ್ತಾಇದೆ. ಹೊಸ ವರ್ಷ ಬರ್ಬೇಕಾದ್ರೆ ನಮ್ಮಲ್ಲೂ ಏನಾದ್ರೂ ಬದಲಾವಣೆ ಆಗ್ಬೇಕು ಎಂದು ಜನರು ಬಯಸುತ್ತಾರೆ. ಅದೇ ರೀತಿ ಇತ್ತೀಚೆಗೆ ಟೆಕ್ನಾಲಜಿಯಲ್ಲಿ ಹ್ಯಾಕರ್ಸ್​ಗಳ (Hackers) ಸಂಖ್ಯೆ ಹೆಚ್ಚಾಗಿದೆ. ಇದರಿಂದ ಹೆಚ್ಚಿನ ಜನರು ಈಗ ಮೋಸ ಹೋಗ್ತಾ, ತಮ್ಮಲ್ಲಿದ್ದ ಹಣವನ್ನು ಕಳೆದುಕೊಳ್ತಾ ಇದ್ದಾರೆ. ಇದನ್ನೆಲ್ಲಾ ಕಡಿಮೆ ಮಾಡ್ಬೇಕಾದ್ರೆ ಟೆಕ್ನಾಲಜಿ ಕಂಪನಿಗಳು ಸ್ಮಾರ್ಟ್​ಫೋನ್​ಗಳಲ್ಲಿ ಪಾಲಿಸಬೇಕಾದ ಕೆಲವೊಂದು ನಿಯಮಗಳನ್ನು ಹೇಳಿವೆ. ಈ ನಿಯಮಗಳನ್ನು ಸರಿಯಾಗಿ ಪಾಲಿಸಿದ್ರೆ ಹ್ಯಾಕರ್ಸ್​ ಬಗ್ಗೆ ಯಾವುದೇ ಭಯಪಡಬೇಕಾಗಿಲ್ಲ.

ಹೌದು, ಇತ್ತೀಚೆಗೆ ದಿನಕಳೆದಂತೆ ಹ್ಯಾಕ್ ಹ್ಯಾಕ್ ಎಂಬ ಸುದ್ದಿಯೇ ಕೇಳುತ್ತಿದೆ. ಇದಕ್ಕೆ ಮೂಲ ಕಾರಣ ತಂತ್ರಜ್ಞಾನದ ಬೆಳವಣಿಗೆ ಅಂತಾನು ಹೇಳ್ಬಹುದ. ಯಾಕೆಂದರೆ ಇದರಿಂದ ಹ್ಯಾಕರ್ಸ್​ಗಳಿಗೂ ಬಳಕೆದಾರರಿಗೆ ಗೊತ್ತಾಗದ ಹಾಗೆ ನುಸುಳಲು ಅನುವು ಮಾಡಿಕೊಡುತ್ತೆ. ಆದರೆ ಇದನ್ನು ತಪ್ಪಿಸಲು ಕೆಲವೊಂದು ಮಾರ್ಗಗಳಿವೆ. ಇದನ್ನು ಸರಿಯಾಗಿ ಪಾಲಿಸಿದ್ರೆ ನಿಮ್ಮ ಸ್ಮಾರ್ಟ್​ಫೋನ್​ ಅನ್ನು ಸೇಫ್ ಆಗಿ ಇಟ್ಟುಕೊಳ್ಳಬಹುದಾಗಿದೆ.

ಇ-ಕಾಮರ್ಸ್​ ವೆಬ್​ಸೈಟ್​​ಗಳಿಂದ ಲಾಗೌಟ್​ ಆಗಿ

ಇತ್ತೀಚಿನ ದಿನಗಳಲ್ಲಿ ಜನರು ಯಾವುದೇ ವಸ್ತುವನ್ನು ಖರೀದಿ ಮಾಡಬೇಕೆಂದರೂ ಇಕಾಮರ್ಸ್​ ವೆಬ್​ಸೈಟ್​ಗಳಲ್ಲಿ ಸರ್ಚ್​ ಮಾಡ್ತಾರೆ. ಅದಕ್ಕಾಗಿ ಬಳಕೆದಾರರು ಬೇರೆ ಬೇರೆ ಇಕಾಮರ್ಸ್​ ವೆಬ್​ ಸೈಟ್​ಗಳಿಗೆ ಲಾಗಿನ್​ ಆಗಿರುತ್ತಾರೆ. ಹಾಗೆ ತಮಗೆ ಬೇಕಾದ ಪ್ರೊಡಕ್ಟ್​ ಅನ್ನು ಕೂಡ ಖರೀದಿ ಮಾಡ್ತಾರೆ. ಆದರೆ ಇದನ್ನು ಬಳಸಿದ ನಂತರ ಅದರಿಂದ ಲಾಗೌಟ್​ ಆಗಲು ಮರೆತುಬಿಡುತ್ತಾರೆ. ಇನ್ನೂ ಕೆಲವರು  ಲಾಗೌಟ್​ ಮಾಡಲು ಬಯಸುವುದಿಲ್ಲ.

ಇದನ್ನೂ ಓದಿ: ಬಿಡುಗಡೆಗೆ ಮೊದಲೇ ಸದ್ದು ಮಾಡುತ್ತಿದೆ ಈ ಮೊಬೈಲ್​ ಗೇಮ್​​ಗಳು! 2023 ರಲ್ಲಿ ಲಾಂಚ್​

ಈ ವೆಬ್​ಸೈಟ್​ಗಳು ಹೆಚ್ಚಾಗಿ ವೈಫೈ ನೆಟ್​ವರ್ಕ್​ ಮೂಲಕ ನಡೆಯುವುದರಿಂದ ನಿಮ್ಮ ಸ್ಮಾರ್ಟ್​ಫೋನ್ ಅನ್ನು ಹ್ಯಾಕರ್ಸ್​ಗಳಿಗೆ ಹ್ಯಾಕ್​ ಮಾಡಲು ತುಂಬಾ ಸಹಕಾರಿಯಾಗುತ್ತದೆ. ಆದರೆ ನಿಮ್ಮ ಮೊಬೈಲ್​ ಸೆಕ್ಯುರಿಟಿ ಸಮಸ್ಯೆಯನ್ನು ಎದುರಿಸುವ ಚಾನ್ಸಸ್​ ಹೆಚ್ಚಿರುತ್ತದೆಆದರೆ, ಈ ರೀತಿ ಮಾಡುವುದರಿಂದ ಅದರಲ್ಲೂ ವೈ-ಫೈ ನೆಟ್‌ವರ್ಕ್‌ ಮೂಲಕ ಈ ಪ್ರಕ್ರಿಯೆ ನಡೆಸುವುದರಿಂದ ನಿಮ್ಮ ಸ್ಮಾರ್ಟ್‌ಫೋನ್‌ ಹ್ಯಾಕರ್‌ಗಳಿಗೆ ತುತ್ತಾಗಬಹುದು ಅಥವಾ ನಿಮ್ಮ ಮೊಬೈಲ್‌ನಲ್ಲಿ ಭದ್ರತಾ ಸಮಸ್ಯೆ ಎದುರಾಗಬಹುದು.

ಚಾರ್ಜಿಂಗ್​ ಸ್ಟೇಷನ್​ನಲ್ಲಿ ಚಾರ್ಜ್​ ಮಾಡುವಾಗ ಎಚ್ಚರಿಕೆ ವಹಿಸಿ

ಸಾಮಾನ್ಯವಾಗಿ ಈ ರೀತಿಯ ಸಂದರ್ಭಗಳಲ್ಲಿ ಜ್ಯೂಸ್​ ಜಾಕಿಂಗ್​ ಎಂಬುದು ಹ್ಯಾಕರ್ಸ್​ಗಳು ಬಳಸುವಂತಹ ಮಾರ್ಗವಾಗಿದೆ. ಆದ್ದರಿಂದ ಯಾವುದೇ ಸಂದರ್ಭದಲ್ಲಿ ನೀವು ಚಾರ್ಜಿಂಗ್ ಸ್ಟೇಷನ್​ನಲ್ಲಿ  ಮೊಬೈಲ್​ ಅನ್ನು ಪ್ಲಗ್ ಮಾಡುವ ಮುನ್ನ ಎಚ್ಚರಿಕೆ ವಹಿಸಿ. ಇಲ್ಲವಾದರೆ ಅವರು ನಿಮ್ಮ ಎಲ್ಲಾ ಡೇಟಾವನ್ನು ಸುಲಭವಾಗಿ ಕದಿಯುವ ಪ್ರಯತ್ನ ಮಾಡುತ್ತಾರೆ. ಹಾಗೆಯೇ ನಿಮ್ಮ ಮೊಬೈಲ್‌ಗೆ ಮಾಲ್‌ವೇರ್‌ ಇನ್‌ಸ್ಟಾಲ್‌ ಮಾಡುತ್ತಾರೆ. ಇದರಿಂದ ನಿಮ್ಮ ವ್ಯವಹಾರಗಳು, ಮೊಬೈಲ್​ನಲ್ಲಿರುವಂತಹ ಡೇಟಾಗಳನ್ನು ಅವರು ಬಳಸುವ ಸಾದ್ಯತೆಗಳಿರುತ್ತದೆ.

ಸ್ಮಾರ್ಟ್​ಫೋನ್​ಗಳನ್ನು ಅಪ್ಡೇಟ್​ ಮಾಡ್ತಾ ಇರಿ

ಈ ನಿಯಮವನ್ನು ಅಂತೂ ನೀವು ಕಡ್ಡಾಯವಾಗಿ ಪಾಲಿಸಲೇ ಬೇಕು. ಇದರಿಂದ ನಿಮ್ಮ ಸ್ಮಾರ್ಟ್​​ಫೋನ್​ ಸೇಫ್​ ಅಗುವುದರ ಜೊತೆಗ ನಿಮ್ಮ ಸ್ಮಾರ್ಟ್​​ಫೋನ್​ನ ಗುಣಮಟ್ಟ ಕೂಡ ಉತ್ತಮವಾಗಿರುತ್ತದೆ. ಈ ಅಪ್ಡೇಟ್​ ಮಾಡುವುದರಿಂದ ಮುಖ್ಯವಾಗಿ ಸೆಕ್ಯುರಿಟಿ ಸಿಸ್ಟಮ್​ಗಳು ಇನ್ನೂ ಹೆಚ್ಚು ಗುಣಮಟ್ಟವಾಗಿ ರೂಪುಗೊಳ್ಳುತ್ತದೆ. ಅದ್ರಲ್ಲೂ ಓಎಸ್​ ಅಪ್ಡೇಟ್​ನಿಂದ ಸೆಕ್ಯುರಿಟಿ ಸಮಸ್ಯೆಗಳು ಹೆಚ್ಚು ಪರಿಹಾರವಾಗುತ್ತದೆ. ಈ ಮೂಲಕ ವಂಚಕರು ನಿಮ್ಮ ಮೊಬೈಲ್​ ಅನ್ನು ಪ್ರವೇಶಿಸದಂತೆ ನೋಡಿಕೊಳ್ಳಬಹುದು.

ಸ್ಟ್ರಾಂಗ್​ ಪಾಸ್​ವರ್ಡ್​ ಹಾಕಿ

ಈಗಿನ ಟೆಕ್ನಾಲಜಿ ಬೆಳವಣಿಗೆಯಿಂದ ಹಿಡಿದು ಈಗ ಎಲ್ಲಾ ವ್ಯವಹಾರಗಳನ್ನು ಮೊಬೈಲ್​ನಲ್ಲೇ ಮಾಡುತ್ತಾರೆ. ಬ್ಯಾಂಕ್​ ವ್ಯವಹಾರದಿಂದ ಹಿಡಿದು ಆಧಾರ್​ ಕಾರ್ಡ್​ಗಳನ್ನು ಕೂಡ ಈಗ ಮೊಬೈಲ್​ನಲ್ಲಿಯೇ ಪಡೆಯಬಹುದಾಗಿದೆ. ಆದ್ದರಿಂದ ಪಾಸ್​ವರ್ಡ್​ಗಳನ್ನು ಹಾಕುವಾಗ ಸ್ಟ್ರಾಂಗ್ ಆಗಿರುವಂತದ್ದನ್ನೇ ಹಾಕಬೇಕು. ಯಾರೂ ಊಹೆಯೂ ಮಾಡದಂತಹ ಪಾಸ್​ವರ್ಡ್​ಗಳನ್ನು ನಿಮ್ಮ ಖಾತೆಗಳಿಗೆ ಹಾಕಿದ್ರೆ ಒಳ್ಳೆಯದು. ಮತ್ತೊಂದು ಮುಖ್ಯ ವಿಷಯವೇನೆಂದರೆ ಬೇರೆ ಬೇರೆ ಅಕೌಂಟ್​ಗಳಿಗೆ ಒಂದೇ ಪಾಸ್​ವರ್ಡ್​ಗಳನ್ನು ಹಾಕಬೇಡಿ.

ಅಗತ್ಯವಿಲ್ಲದಾಗ ಬ್ಲೂಟೂತ್​, ವೈ-ಫೈ ಆಫ್​ ಮಾಡಿ

ಇತ್ತೀಚೆಗೆ ಹ್ಯಾಕರ್ಸ್​ಗಳು ಎಷ್ಟು ಮುಂದುವರೆದಿದ್ದಾರೆ ಎಂದರೆ ಕೇವಲ ಬ್ಲೂಟೂತ್​, ವೈಫೈ ಮೂಲಕವೂ ಹ್ಯಾಕ್ ಮಾಡಲು ಆರಂಭಿಸಿದ್ದಾರೆ. ಒಂದು ವೇಳೆ ನಿಮ್ಮ ಸ್ಮಾರ್ಟ್​ಫೋನ್​ನಲ್ಲಿ ಬ್ಲೂಟೂತ್, ವೈಫೈ ಆನ್ ಆಗಿದ್ದರೆ ನಿಮ್ಮ ಮೊಬೈಲ್​ಗೆ ಹ್ಯಾಕರ್​​ಗಳು ಮಾಲ್​ವೇರ್​ಗಳನ್ನು ರವಾನಿಸಿ ನಿಮ್ಮ ಡೇಟಾಗಳನ್ನು ಕದಿಯಲು ಪ್ರಯತ್ನಿಸುತ್ತಾರೆ. ಆದ್ದರಿಂದ ಅಗತ್ಯವಿಲ್ಲದಾಗ ನಿಮ್ಮ ಮೊಬೈಲ್​ನಲ್ಲಿ ಇವೆರಡನ್ನು ಆಫ್​ ಮಾಡಿ.

ಇನ್ನು ಮುಖ್ಯವಾಗಿ ನಿಮ್ಮ ಮೊಬೈಲ್​ನಲ್ಲಿ ವೈಫೈ, ಬ್ಲೂಟೂತ್​ ಆನ್​ ಆಗಿದ್ರೆ ಚಾರ್ಜ್​ ಕೂಡ ಬೇಗನೆ ಖಾಲಿಯಾಗುತ್ತದೆ.