Vodafone Idea: ವೊಡಫೋನ್ ಐಡಿಯಾ ಗ್ರಾಹಕರಿಗೆ ಕಂಪೆನಿಯಿಂದ ಭರ್ಜರಿ ಗಿಫ್ಟ್! ಈ ಪ್ಲ್ಯಾನ್​ನಲ್ಲಿ ಡೇಟಾ ಫ್ರೀ

ದೇಶದಲ್ಲಿ ಹಲವಾರು ಟೆಲಿಕಾಂ ಕಂಪೆನಿಗಳಿವೆ (Telecom Comapnies). ಮಾರುಕಟ್ಟೆಯಲ್ಲಿ ಅಗ್ರಸ್ಥಾನವನ್ನು ಪಡೆಯುವ ನಿಟ್ಟಿನಲ್ಲಿ ಗ್ರಾಹಕರನ್ನು ಸೆಳೆಯಲು ಒಂದಕ್ಕೊಂದು ಕಂಪೆನಿಗಳು ವಿಶೇಷ ರೀಚಾರ್ಜ್​ ಪ್ಲ್ಯಾನ್​ಗಳನ್ನು (Recharge Plans) ಪರಿಚಯಿಸುತ್ತಲೇ ಇರುತ್ತದೆ. ಅದೇ ರೀತಿ ಟೆಲಿಕಾಂ ಕಂಪೆನಿಗಳಲ್ಲಿ ಜಿಯೋ ಮುಂಚೂಣಿಯಲ್ಲಿದ್ದು, ಏರ್​ಟೆಲ್ ಎರಡನೇ ಸ್ಥಾನದಲ್ಲಿದೆ. ಹಾಗೆಯೇ ಮೂರನೇ ಸ್ಥಾನವನ್ನು ವೊಡಫೋನ್ ಐಡಿಯಾ ಪಡೆದುಕೊಂಡಿದೆ. ಈ ಕಂಪೆನಿ ಇದೀಗ ತನ್ನ ಗ್ರಾಹಕರಿಗಾಗಿ ಅಗ್ಗದ ರೀಚಾರ್ಜ್​​ ಪ್ಲ್ಯಾನ್​ ಅನ್ನು ಪರಿಚಯಿಸಿದೆ. ಜಿಯೋ ತನ್ನ ಅಗ್ಗದ ಬೆಲೆಯಲ್ಲಿ ರೀಚಾರ್ಜ್​ ಪ್ಲ್ಯಾನ್​ಗಳನ್ನು ಬಿಡುಗಡೆ ಮಾಡುವ ಮೂಲಕ ಈ ಅಗ್ರಸ್ಥಾನವನ್ನು ಪಡೆಯಲು ಕಾರಣವಾಗಿದೆ. ಈ ಮಧ್ಯೆ ವೋಡಫೋನ್ ಐಡಿಯಾ (Vodafone Idea) ಹೊಸ ಯೋಜನೆಗಳನ್ನು ಬಿಡುಗಡೆ ಮಾಡಿದೆ.

ವೊಡಫೋನ್​ ಐಡಿಯಾ ಪರಿಚಯಿಸಿರುವ ರೀಚಾರ್ಜ್​ ಯೋಜನೆಯಲ್ಲಿ ಹೆಚ್ಚುವರಿ ಡೇಟಾ ಸೌಲಭ್ಯವೂ ಇದೆ. ಈ ಮೂಲಕ ಕಡಿಮೆ ಬೆಲೆಯಲ್ಲಿ ಹೆಚ್ಚು ಡೇಟಾ ಬಳಸುವವರಿಗೆ ಇದು ಉತ್ತಮ ಆಯ್ಕೆಯಾಗಿವೆ. ಹಾಗಿದ್ರೆ ಈ ಆಫರ್​ನಲ್ಲಿ ಯಾವೆಲ್ಲಾ ಪ್ಲ್ಯಾನ್​ಗಳು ಲಭ್ಯವಿದೆ ಎಂದು ಈ ಲೇಖನದಲ್ಲಿ ತಿಳಿಯೋಣ.

ವಿಐ ನ 199 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​

ವಿಐ ಟೆಲಿಕಾಂನ 199 ರೂಪಾಯಿ ಪ್ರೀಪೇಯ್ಡ್‌ ಯೋಜನೆಯು ಒಟ್ಟು 18 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿರುತ್ತದೆ. ಹಾಗೆಯೇ ಈ ಯೋಜನೆಯಲ್ಲಿ ಗ್ರಾಹಕರು ಪ್ರತಿದಿನ 1ಜಿಬಿ ಡೇಟಾ ಸೌಲಭ್ಯವನ್ನು ಪಡೆಯುತ್ತಾರೆ. ಇನ್ನು ಈ ರೀಚಾರ್ಜ್​ ಪ್ಲ್ಯಾನ್​ನಲ್ಲಿ ಅನ್ಲಿಮಿಟೆಡ್​ ವಾಯ್ಸ್​ ಕಾಲ್​ ಸೌಲಭ್ಯ ಮತ್ತು ಪ್ರತೀದಿನ ಉಚಿತವಾಗಿ 100 ಎಸ್​ಎಮ್​ಎಸ್​ ಅನ್ನು ಮಾಡಬಹುದು.

ವಿಐ ನ 209 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​

ವೊಡಫೋನ್​ ಐಡಿಯಾ ಕಂಪೆನಿ ಪರಿಚಯಿಸಿದ ಈ 209 ರೂ. ಪ್ರೀಪೇಯ್ಡ್‌ ಯೋಜನೆ ಒಟ್ಟು 28 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿದೆ. ಹಾಗೆಯೇ ಈ ಯೋಜನೆಯಲ್ಲಿ ಒಟ್ಟಾಗಿ ಗ್ರಾಹಕರಿಗೆ 4ಜಿಬಿ ಡೇಟಾ ಸೌಲಭ್ಯ ಸಿಗಲಿದೆ. ಜೊತೆಗೆ ಈ ರೀಚಾರ್ಜ್​ನ ಆಫರ್​ನಲ್ಲಿ ಹೆಚ್ಚುವರಿಯಾಗಿ 2ಜಿಬಿ ಡೇಟಾ ಲಭ್ಯವಾಗಲಿದೆ. ಇದರೊಂದಿಗೆ ವಾಯ್ಸ್​ ಕಾಲ್​ ಪ್ರಯೋಜನ ಹಾಗೂ ಪ್ರತಿದಿನ 100 ಉಚಿತ ಎಸ್‌ಎಮ್‌ಎಸ್‌ ಅನ್ನು ಮಾಡಬಹುದಾಗಿದೆ.

ವೊಡಫೋನ್​ ಐಡಿಯಾದ 269 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​

ವೊಡಫೋನ್ ಐಡಿಯಾ ಟೆಲಿಕಾಂನ 269 ರೂ. ಪ್ರೀಪೇಯ್ಡ್‌ ಯೋಜನೆಯು ಒಟ್ಟು 28 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಒಳಗೊಂಡಿದೆ. ಹಾಗೆಯೇ ಈ ಯೋಜನೆಯಲ್ಲಿ ಪ್ರತಿದಿನ ಗ್ರಾಹಕರು 1ಜಿಬಿ ಡೇಟಾ ಸೌಲಭ್ಯವನ್ನು ಪಡೆಯಬಹುದಾಗಿದೆ.

ವೊಡಫೋನ್ ಐಡಿಯಾ

ಜೊತೆಗೆ ಈ ರೀಚಾರ್ಜ್​ನ ಕೊಡುಗೆಯಲ್ಲಿ 2ಜಿಬಿ ಡೇಟಾವನ್ನು ಹೆಚ್ಚುವರಿಯಾಗಿ ಪಡೆಯಬಹುದಾಗಿದೆ. ಇನ್ನು ಈ ಯೋಜನೆ ಮೂಲಕ ಅನ್ಲಿಮಿಟೆಡ್​ ವಾಯ್ಸ್​ ಕಾಲ್​ ಪ್ರಯೋಜನ ಹಾಗೂ ಪ್ರತಿದಿನ 100 ಎಸ್‌ಎಮ್‌ಎಸ್‌ ಸೌಲಭ್ಯಗಳು ದೊರೆಯಲಿವೆ.

ಇದನ್ನೂ ಓದಿ: ಲಗ್ಗೆಯಿಟ್ಟಿದೆ ಇನ್ಫಿನಿಕ್ಸ್​ ಕಂಪೆನಿಯ ಹೊಸ ಮೊಬೈಲ್! ಫೀಚರ್ಸ್​ ನೋಡಿದ್ರೆ ಗ್ಯಾರಂಟಿ ಖರೀದಿಸ್ತೀರಾ

ವೊಡಫೋನ್​ ಐಡಿಯಾದ 299 ರೂಪಾಯಿ ರೀಚಾರ್ಜ್​ ಪ್ಲ್ಯಾನ್​

ವೊಡಫೋನ್ ಐಡಿಯಾ ಟೆಲಿಕಾಂನ 299 ರೂ. ಪ್ರೀಪೇಯ್ಡ್‌ ಯೋಜನೆಯು ಒಟ್ಟು 28 ದಿನಗಳ ವ್ಯಾಲಿಡಿಟಿ ಅವಧಿಯನ್ನು ಹೊಂದಿರುತ್ತದೆ. ಹಾಗೆಯೇ ಈ ಯೋಜನೆಯಲ್ಲಿ ಪ್ರತಿದಿನ ಗ್ರಾಹಕರಿಗೆ 1.5 ಜಿಬಿ ಡೇಟಾ ಸೌಲಭ್ಯವನ್ನು ಪಡೆಯಬಹುದು. ಜೊತೆಗೆ ಈ ರೀಚಾರ್ಜ್​ನ ಆಫರ್​ ಮೂಲಕ 2ಜಿಬಿ ಡೇಟಾವನ್ನು ಹೆಚ್ಚುವರಿಯಾಗಿ ಪಡೆಯಬಹುದಾಗಿದೆ. ಇದರೊಂದಿಗೆ ಈ ಯೋಜನೆ ಮೂಲಕ ಅನ್ಲಿಮಿಟೆಡ್​ ವಾಯ್ಸ್​ ಕಾಲ್​ ಮತ್ತು ಪ್ರತಿದಿನ 100 ಎಸ್​ಎಮ್​ಎಸ್​ ಅನ್ನು ಉಚಿತವಾಗಿ ಮಾಡಬಹುದಾಗಿದೆ.

ಇದು ವೊಡಫೋನ್​ ಐಡಿಯಾ ತನ್ನ ಗ್ರಾಹಕರಿಗಾಗಿ ಪರಿಚಯಿಸಿರುವ ಹೊಸ ರೀಚಾರ್ಜ್​ ಪ್ಲ್ಯಾನ್​ಗಳಾಗಿವೆ. ಈ ಯೋಜನೆಯ ಮೂಲಕ ವೊಡಫೋನ್​ ಐಡಿಯಾದ ಗ್ರಾಹಕರು 2ಜಿಬಿ ವರೆಗೆ ಉಚಿತ ಡೇಟಾ ಯೋಜನೆಗಳನ್ನು ಪಡೆಯಬಹುದಾಗಿದೆ.