HOME » NEWS » Tech » GOOGLE USERS CAN CHECK FOR MISINFORMATION OR FAKE NEWS BY CHECKING FOR SOURCES OF NEWS HG

ಸುದ್ದಿ ನಕಲಿಯೇ- ಅಸಲಿಯೇ ಎಂದು ಪರೀಕ್ಷಿಸುವುದು ಹೇಗೆ?; ಗೂಗಲ್ ನೀಡಿರುವ ಈ 5 ಸಲಹೆ ಪಾಲಿಸಿ

Internet: ಇಂಟರ್​ನೆಟ್​ ಮೂಲಕ ಹರಿದಾಡುವ ಮಾಹಿತಿಗಳ ಸತ್ಯಾ ಸತ್ಯತೆಯನ್ನು ಮತ್ತು ಸುದ್ದಿಯು ನಕಲಿಯೇ ಎಂದು ತಿಳಿಸಲು ಗೂಗಲ್​ ತನ್ನ ಬಳಕೆದಾರರಿಗೆ ಕೆಲವು ಟಿಪ್ಸ್ ನೀಡಿದೆ. 

news18-kannada
Updated:April 2, 2021, 9:12 AM IST
ಸುದ್ದಿ ನಕಲಿಯೇ- ಅಸಲಿಯೇ ಎಂದು ಪರೀಕ್ಷಿಸುವುದು ಹೇಗೆ?; ಗೂಗಲ್ ನೀಡಿರುವ ಈ 5 ಸಲಹೆ ಪಾಲಿಸಿ
ಸುದ್ದಿ (Photo:google)
  • Share this:
ಇಂಟರ್​ನೆಟ್​ನಲ್ಲಿ ಆಗಾಗ ನಕಲಿ ಸುದ್ದಿಗಳು ಅಥವಾ ತಪ್ಪಾದ ಮಾಹಿತಿಗಳು ಹರಿದಾಡುತ್ತಿರುತ್ತದೆ. ಓದುಗನಿಗೆ ಕೆಲವು ಸುದ್ದಿಯ ಸತ್ಯಾಸತ್ಯೆಯ ಬಗ್ಗೆ ಅರಿವಿರುವುದಿಲ್ಲ. ಸ್ಮಾರ್ಟ್​ಫೋನ್​ನಲ್ಲಿ ಬಂದಿರುವ ನೋಟಿಫಿಕೇಶನ್ ತೆರೆಯುತ್ತಾ ಹಾಗೂ ಸುದ್ದಿಯನ್ನು ನೋಡಿ ಸತ್ಯವೆಂದು ತಿಳಿಯುತ್ತಾರೆ. ಆದರೆ ಕೆಲವೊಮ್ಮೆ ಸುಳ್ಳು ಸುದ್ದಿಗಳು ಹರಿದಾಡುತ್ತಿರುತ್ತದೆ.

ಆನ್​ಲೈನ್​ನಲ್ಲಿ ಹರಿದಾಡುವ ನಕಲಿ ಸುದ್ದಿಯನ್ನು ಪರಿಶೀಲಿಸಲು ಗೂಗಲ್​ ತನ್ನ ಬಳಕೆದಾರರಿಗೆ ಅನುಮತಿಸುತ್ತದೆ. ಗೂಗಲ್​ನ ಪರಿಕರಗಳನ್ನು ಬಳಸಿಕೊಂಡು ಲೇಖನ ಅಥವಾ ಚಿತ್ರವನ್ನು ಪರಿಶೀಲಿಸಬಹುದಾಗಿದೆ. ಹಾಗಾಗಿ ಇಂಟರ್​ನೆಟ್ ಮೂಲಕ ಹರಿದಾಡುವ ಮಾಹಿತಿಗಳ ಸತ್ಯಾ ಸತ್ಯತೆಯನ್ನು ಮತ್ತು ಸುದ್ದಿಯು ನಕಲಿಯೇ ಎಂದು ತಿಳಿಸಲು ಗೂಗಲ್​ ತನ್ನ ಬಳಕೆದಾರರಿಗೆ ಕೆಲವು ಟಿಪ್ಸ್ ನೀಡಿದೆ.

ಅಲೆಕ್ಸಿಯೋಸ್​​ ಮಾಂಟ್ಜಾರ್ಲಿಸ್​​, ಸುದ್ದಿ ಮತ್ತು ಮಾಹಿತಿ ಹುಡುಕಾಟದಲ್ಲಿ ಸುಮಾರು 50 ಸಾವಿರಕ್ಕೂ ಹೆಚ್ಚು ಫಾಕ್ಟ್​ಚೆಕ್​ಗಳನ್ನು ಪತ್ತೆಹಚ್ಚಿದ್ದಾರೆ. ಎಲ್ಲಾ ಫಾಕ್ಟ್​ಚೆಕ್​​ಗಳು ಆ ಕಾಲವಧಿಯ ಹುಡುಕಾಟದಲ್ಲಿ 2.4 ಬಿಲಿಯನ್​​ಗಿಂತ ಹೆಚ್ಚಿನ ಅನಿಸಿಕೆಯನ್ನು ಪಡೆದಿದೆ.

ಆನ್​ಲೈನ್​ನಲ್ಲಿ ಬರುವ ತಪ್ಪು ಮಾಹಿತಿ ಅಥವಾ ನಕಲಿ ಸುದ್ದಿಯನ್ನು ಹೀಗೆ ಪರಿಶೀಲಿಸಿರಿ...

ಸುದ್ದಿಯ ಮೂಲದ ಬಗ್ಗೆ ತಿಳಿದುಕೊಳ್ಳಿ: ಓದುವ ಮೊದಲು ಸುದ್ದಿಯ ಮೂಲ ಮತ್ತು ಯಾವ ವೆಬ್​ಸೈಟ್​ನಲ್ಲಿ ಪ್ರಸಾರವಾದದ್ದು?, ಯಾವಾಗ ಬರೆದದ್ದು? ಎಂಬುದನ್ನು ತಿಳಿಯಿರಿ. ಗೂಗಲ್ ಮೂಲಕ ಈ ಬಗ್ಗೆ ಎಲ್ಲಾ ಮಾಹಿತಿಗಳು ದೊರೆಯುತ್ತದೆ.

ನೈಜ ಚಿತ್ರವೆಂದು ತಿಳಿಯಿರಿ: ವಾಟ್ಸ್​ಆ್ಯಪ್ ಮತ್ತು ಫೇಸ್​ಬುಕ್​ನಲ್ಲಿ ಆಗಾಗ ನಕಲಿ ಫೋಟೋಗಳು ಹರಿದಾಡುತ್ತಿರುತ್ತದೆ. ಕೆಲವೊಮ್ಮೆ ಹಳೆಯ ಫೋಟೋ ಮತ್ತೆ ಫಾರ್ವರ್ಡ್​ ಆಗುತ್ತಿರುತ್ತದೆ. ಅಂತಹ ಫೋಟೋಗಳು ಜನರ ದಾರಿ ತಪ್ಪಿಸುತ್ತದೆ. ಹಾಗಾಗಿ ಫೋಟೋದ ಬಲ ಭಾಗವನ್ನು ಕ್ಲಿಕ್​ ಮಾಡುವ ಮೂಲಕ ನೈಜ ಚಿತ್ರವೇ ಎಂದು ಪರಿಶೀಲಿಸಿ. ಆ ಬಳಿಕ ಫೋಟೋದ ಯಾವಗದ್ದು? ಎಂದು ತಿಳಿಯಿರಿ.

ಇನ್ನು ಗೂಗಲ್​ ಮೂಲಕ ಫೋಟೋವನ್ನು ಹುಡುಕಬಹುದಾಗಿದೆ. ಗೂಗಲ್ ಸರ್ಚ್​ ಫೋಟೋದಲ್ಲಿ ಮಾಹಿತಿ ದೊರಕುತ್ತದೆ.ಒಂದಕ್ಕಿಂತ ಹೆಚ್ಚು ಮೂಲಗಳಿಗಾಗಿ ಹುಡುಕಿ: ಒಂದೇ ಸುದ್ದಿಗೆ ಸೀಮಿತವಾಗಿರಬೇಡಿ. ಆ ಸುದ್ದಿಗೆ ತಕ್ಕಂತೆ ಬೇರೆ ಯಾವೆಲ್ಲಾ ಸುದ್ದಿಗಳು ಹರಿದಾಡಿದೆ?. ಅದರ ಮೂಲ ಎಲ್ಲಿ? ಎಂಬುದನ್ನು ಮೊದಲು ಹುಡುಕಿ.

ಗೂಗಲ್​ ಫಾಕ್ಟ್​ ಚೆಕರ್​ ಬಳಸಿ: ಗೂಗಲ್​ ನಕಲಿ ಸುದ್ದಿಯೇ ಎಂದು ಪರಿಶೀಲಿಸಲು ಫಾಕ್ಟ್​ ಚೆಕ್​ ಬಳಸಿ. ಅದರ ಮೂಲಕ ಸುದ್ದಿ ಪ್ರಸಾರವಾಗಿರುವ ದಿನಾಂಕ, ಸುದ್ದಿಯ ಕುರಿತಾದ ಮಾಹಿತಿ ಕಲೆ ಹಾಕಬಹುದಾಗಿದೆ.

ಘಟನೆಯ ಸ್ಥಳದ ಬಗ್ಗೆ ಮಾಹಿತಿ ತಿಳಿದುಕೊಳ್ಳಿ: ಒಂದು ಘಟನೆಯ ಕುರಿತು ಸುದ್ದಿಯಾದರೆ ಅಲ್ಲಿನ ಸ್ಥಳದಲ್ಲಿ ನಿಜವಾಗಿಯು ಅಂತಹ ಘಟನೆ ನಡೆದಿದೆಯಾ ಎಂಬುದನ್ನು ಖಚಿತಪಡಿಸಿ. ಇದರಿಂದ ಸುದ್ದಿ ನಕಲಿಯೇ-ಅಸಲಿಯೇ ಎಂದು ತಿಳಿಯುತ್ತದೆ.
Published by: Harshith AS
First published: April 2, 2021, 9:12 AM IST
ಮತ್ತಷ್ಟು ಓದಿರಿ
ಮುಂದಿನ ಸುದ್ದಿ

Top Stories