ಮಕ್ಕಳ ಓದುವ ಕೌಶಲ್ಯ ಅಭಿವೃದ್ಧಿ ಪಡಿಸಲು ಈ ಆ್ಯಪ್​ ಬೆಸ್ಟ್​​!

ತಂತ್ರಜ್ಞಾನದ ದೈತ್ಯ ಗೂಗಲ್​  ಮಕ್ಕಳ ಕಲಿಕೆಗೆ ನೆರವಾಗಲು ‘ರೀಡ್​ ಅಲಾಂಗ್‘​ ಆ್ಯಪ್​ ಅನ್ನು ಪರಿಚಯಿಸಿದೆ. ಈ ಆ್ಯಪ್​​ ಭಾರತೀಯರಿಗೆ ‘ಬೋಲೊ‘ ಹೆಸರಿನಲ್ಲಿ ಸಿಗುತ್ತಿದೆ. ‘ರೀಡ್​ ಅಲಾಂಗ್‘​​ ಆ್ಯಪ್​​​ ಮಕ್ಕಳ ಕಲಿಕೆಯ ಮೇಲೆ ದೃಷ್ಠಿ ಇರಿಸಿಕೊಂಡು ಅಭಿವೃದ್ಧಿ ಪಡಿಸಲಾಗಿದೆ. ಆ್ಯಂಡ್ರಾಯ್ಡ್​ ಆ್ಯಪ್​​ ಇದಾಗಿದ್ದು, 5 ವರ್ಷಕ್ಕಿಂತ ಮೇಲ್ಪಟ್ಟ ಮಕ್ಕಳ ಸಾಕ್ಷರತೆ ಕೌಶಲ್ಯ ಅಭಿವೃದ್ಧಿ ಪಡಿಸಲು ಇದು ಸಹಾಯಕವಾಗಲಿದೆ.

ಭಾರತದಲ್ಲಿ ಪೋಷಕರ ಅಭಿಪ್ರಾಯವನ್ನು ಪಡೆದುಕೊಂಡ ನಂತರವೇ ‘ರೀಡ್​​ ಅಲಾಂಗ್​‘ ಆ್ಯಪ್ ಅನ್ನು ಪರಿಚಯಿಸಿದೆ. ಸದ್ಯ 180ಕ್ಕೂ ಹೆಚ್ಚು ದೇಶದಲ್ಲಿ  ‘ರೀಡ್​ ಅಲಾಂಗ್​‘ ಆ್ಯಪ್​ ಬಳಕೆಯಲ್ಲಿದೆ. ಇಂಗ್ಲೀಷ್​​, ಸ್ಪ್ಯಾನಿಷ್​​, ಪೋರ್ಚುಗೀಸ್​​ ಮತ್ತು ಹಿಂದಿ ಭಾಷೆಯಲ್ಲಿ ಸಿಗುತ್ತಿದೆ.

‘ಬೋಲೊ‘ ಆ್ಯಪ್​​

‘ಬೋಲೊ​‘​​ ಆ್ಯಪ್​​ ದಿಯಾ ಫೀಚರ್​ ಸಹಾಯವನ್ನು ಪಡೆದುಕೊಂಡು ಮಕ್ಕಳ ಸ್ವತಂತ್ರ ಕಲಿಕೆಗೆ ಮತ್ತು ಓದುವ ಕೌಶಲ್ಯವನ್ನು ಅಭಿವೃದ್ಧಿ  ಪಡಿಸಲು ನೆರವು ಮಾಡುತ್ತದೆ. ಜೊತೆಗೆ ಮಕ್ಕಳು ಜೋರಾಗಿ ಓದಲು ದಿಯಾ ಗೂಗಲ್​ನ ಟೆಕ್ಟ್​​-ಟು-ಸ್ಪೀಚ್​ ಮತ್ತು ಸ್ಚೀಚ್​​ ರೆಕಗ್ನಿಷನ್​​​​ ಟೆಕ್ನಾಲಜಿಯನ್ನು ಬಳಸಿಕೊಳ್ಳುತ್ತಿದೆ. ಇದರಿಂದಾಗಿ ಮಕ್ಕಳು ಪದಗಳ ಉಚ್ಚಾರಣೆ ಮತ್ತು  ಹೇಗೆ ಓದುತ್ತಾರೆ ಎಂಬುದನ್ನು ಗಮನಿಸಲು ಸಹಾಯ ಮಾಡುತ್ತದೆ.

‘ರೀಡ್​ ಅಲಾಂಗ್​‘ ಆ್ಯಪ್​ನಲ್ಲಿ​  ಪ್ರಪಂಚದಾದ್ಯಂತ ವೈವಿದ್ಯಮಯ ಮತ್ತು ಆಸಕ್ತಿದಾಯಕ ಕಥೆಗಳನ್ನು ನೀಡಲಾಗಿದೆ. ಜೊತೆಗೆ ಮಕ್ಕಳಿಗಾಗಿ ಆಟವನ್ನು ಇದರಲ್ಲಿ ನೀಡಲಾಗಿದೆ. ಮಕ್ಕಳು ಓದುತ್ತಾ, ಆಡುತ್ತಾ ಬ್ಯಾಡ್ಜ್​ಗಳನ್ನು ಸಂಗ್ರಹಿಸಬಹುದು. ಇದು ಮಕ್ಕಳನ್ನು ಓದಲು ಪ್ರೇರೆಪಿಸುತ್ತದೆ ಎಂದು ಗೂಗಲ್​ ತಿಳಿಸಿದೆ.



ಇನ್ನು ರೀಡ್​ ಅಲಾಂಗ್​ ಆ್ಯಪ್​ ಜಾಹೀರಾತು ರಹಿತವಾಗಿದ್ದು,​ ಮಕ್ಕಳು ಇಂಟರ್​ನೆಟ್​ ಇಲ್ಲದೆ ಸಹಃ ಬಳಸಬಹುದಾಗಿದೆ. ಹೆಚ್ಚಿನ ಕಥೆಗಳಿಗಾಗಿ ಪೋಷಕರು ಇಂಟರ್​ನೆಟ್​ ಬಳಸಬೇಕಾಗುತ್ತದೆ.