Google Maps: ಕೊರೋನಾ ಬಗ್ಗೆ ಮಾಹಿತಿ ನೀಡಲು ಗೂಗಲ್ ಮ್ಯಾಪ್​ ತರುತ್ತಿದೆ ವಿಶೇಷ ಅಪ್ಡೇಟ್

ಕೊರೋನಾ ವೈರಸ್​ ನಿಯಂತ್ರಣಕ್ಕೆ ಎಲ್ಲ ರಾಷ್ಟ್ರಗಳು ತಮ್ಮ ಕೈಲಾದ ರೀತಿಯಲ್ಲಿ ಹೋರಾಟ ಮಾಡುತ್ತಲೇ ಇವೆ. ಕೆಲವರು ಇದರಲ್ಲಿ ಯಶಸ್ವಿಯಾದರೆ, ಇನ್ನೂ ಕೆಲವರು ಹೋರಾಟ ಮುಂದುವರಿಸುತ್ತಲೇ ಇದ್ದಾರೆ. ಈ ಮಧ್ಯೆ ಕೊರೋನಾ ವಿರುದ್ಧ ಹೋರಾಟ ಮಾಡಲು ಗೂಗಲ್​ ಮ್ಯಾಪ್​ ಹೊಸ ಫೀಚರ್​ ಒಂದನ್ನು ಪರಿಚಯಿಸುತ್ತಿದೆ.

ದಿನದ ಯಾವ ಯಾವ ಸಮಯದಲ್ಲಿ ರೈಲು ನಿಲ್ದಾಣಗಳಲ್ಲಿ ಎಷ್ಟು ಪ್ರಮಾಣದಲ್ಲಿ ಜನ ಸಂದಣಿ ಉಂಟಾಗಬಹಹುದು, ಬೇರೆ ಬೇರೆ ಊರುಗಳಿಗೆ ಬಸ್​ಗಳ ಓಡಾಟ ಎಷ್ಟೆಷ್ಟು ಗಂಟೆಗೆ ಇದೆ, ಪ್ರವಾಸ ಕೈಗೊಳ್ಳುತ್ತೀರಿ ಎಂದಾದರೆ ಯಾವ ಯಾವ ಭಾಗದಲ್ಲಿ ಓಡಾಟಕ್ಕೆ ನಿಷೇಧ ಇದೆ ಎಂಬಿತ್ಯಾದಿ ಮಾಹಿತಿ ಗೂಗಲ್​ ಮ್ಯಾಪ್​ನಲ್ಲಿ ಸಿಗಲಿದೆ. ​ಭಾರತ, ಅರ್ಜೆಂಟೈನಾ, ಫ್ರಾನ್ಸ್​, ನೆದರ್​ಲೆಂಡ್​, ಅಮೆರಿಕ ಸೇರಿ ಅನೇಕ ರಾಷ್ಟ್ರಗಳಲ್ಲಿ ಗೂಗಲ್​ ಮ್ಯಾಪ್​ನ ಹೊಸ ಫೀಚರ್​ ಸಿಗಲಿದೆ.

ಇದನ್ನೂ ಓದಿ: ಸಣ್ಣ-ಮಧ್ಯಮ ಕೈಗಾರಿಕೆಗಳ ಅಭಿವೃದ್ಧಿಗೆ ಕೇಂದ್ರ ಘೋಷಿಸಿರುವ 3 ಲಕ್ಷ ಕೋಟಿ ಪರಿಹಾರ ಇನ್ನೂ ತಲುಪಿಲ್ಲ; ಆರ್‌ಎಸ್‌ಎಸ್‌ ಘಟಕ ಆರೋಪ

ಇತ್ತೀಚಿಗೆ ಗೂಗಲ್​ 131 ರಾಷ್ಟ್ರಗಳ ಕೋಟ್ಯಾಂತರ ಗೂಗಲ್​ ಮ್ಯಾಪ್​ ಬಳಕೆದಾರರ ಮಾಹಿತಿಯನ್ನು ವಿಮರ್ಷಿಸುವ ಕೆಲಸ ಮಾಡಿತ್ತು. ಲಾಕ್​ಡೌನ್​ ವೇಳೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುತ್ತಿದ್ದಾರೋ ಅಥವಾ ಇಲ್ಲವೋ ಎಂಬುದನ್ನು ಪರಿಶೀಲನೆ ಮಾಡಲು ಈ ಮಾಹಿತಿ ಸಹಕಾರಿಯಾಗಿತ್ತು.

​ ಮ್ಯಾಪ್​ ಡಿಜಿಟಲೀಕರಣ ಮಾಡಲು ಗೂಗಲ್ ಲಕ್ಷಾಂತರ ಕೋಟಿ ರೂಪಾಯಿ ಹೂಡಿಕೆ ಮಾಡಿದೆ. ಪ್ರತಿ ತಿಂಗಳು 100 ಕೋಟಿಗೂ ಅಧಿಕ ಗೂಗಲ್​ ಮ್ಯಾಪ್​ ಬಳಕೆದಾರರು ವಿಶ್ವದಲ್ಲಿ ಹುಟ್ಟಿಕೊಳ್ಳುತ್ತಿದ್ದಾರೆ.