• Home
  • »
  • News
  • »
  • tech
  • »
  • Google: ಗೂಗಲ್​ಗೆ ಕೋಟಿ ಕೋಟಿ ದಂಡ ವಿಧಿಸಿದ ಸರ್ಕಾರ! ಕೊನೆಗೂ ನ್ಯಾಯಮಂಡಳಿಯ ಮೊರೆ ಹೋಗ್ಬೇಕಾಯ್ತು

Google: ಗೂಗಲ್​ಗೆ ಕೋಟಿ ಕೋಟಿ ದಂಡ ವಿಧಿಸಿದ ಸರ್ಕಾರ! ಕೊನೆಗೂ ನ್ಯಾಯಮಂಡಳಿಯ ಮೊರೆ ಹೋಗ್ಬೇಕಾಯ್ತು

ಗೂಗಲ್​

ಗೂಗಲ್​

ಗೂಗಲ್​ ತನ್ನ  ವ್ಯವಹಾರದಲ್ಲಿ ಗ್ರಾಹಕರಿಗೆ ಅನ್ಯಾಯ ಮಾಡಿದೆ ಮತ್ತು ಆಂಡ್ರಾಯ್ಡ್​ ಬಳಕೆದಾರರ ದೂರುಗಳನ್ನು ಗಮನಿಸಿ ಭಾರತೀಯ ಸ್ಪರ್ಧಾತ್ಮಕ ಆಯೋಗ ಗೂಗಲ್​ಗೆ 1337.76 ಕೋಟಿ ರೂಪಾಯಿ ದಂಡ ವಿಧಿಸಿದೆ.

  • Share this:

    ಭಾರತದಲ್ಲಿ ದೊಡ್ಡ ಟೆಕ್​ ಕಂಪನಿಯೆಂದರೆ (Tech Company) ಅದು ಗೂಗಲ್ (Google) ಅಂತಾನೂ ಹೇಳ್ಬಹುದು. ಆದರೆ ಇದೀಗ ಭಾರತೀಯ ಸ್ಪರ್ಧಾತ್ಮಕ ಆಯೋಗ (CCI) ಪ್ರಸಿದ್ಧ ಗೂಗಲ್​ಗೆ 1337.76 ಕೋಟಿ ದಂಡ ವಿಧಿಸಿದೆ. ಆದರೆ ಈ ದಂಡವನ್ನು ಉದ್ದೇಶಿಸಿ ಗೂಗಲ್ ಸಂಸ್ಥೆ ರಾಷ್ಟ್ರೀಯ ಕಾನೂನು ಮೇಲ್ಮನವಿ ನ್ಯಾಯಮಂಡಳಿಯ ಮೊರೆಹೋಗಿದೆ. ಆಂಡ್ರಾಯ್ಡ್​ ಮೊಬೈಲ್ (Android Mobile) ​ಸಾಧನಗಳಿಗೆ ಸಂಬಂದಿಸಿದಂತೆ ಗೂಗಲ್​ ಪ್ರಬಲ ಸ್ಥಾನವನ್ನು ಪಡೆದುಕೊಳ್ಳುವ ನಿಟ್ಟಿನಲ್ಲಿ ದುರುಪಯೋಗಪಡಿಸಿಕೊಂಡ ಕಾರಣ ಭಾರತೀಯ ಸ್ಪರ್ಧಾತ್ಮಕ ಆಯೋಗ ಗೂಗಲ್​ಗೆ ಈ ರೀತಿ ದಂಡ ವಿಧಿಸಲಾಗಿದೆ ಎಂದಿದ್ದಾರೆ. ಇನ್ನು ಗೂಗಲ್​ ತನ್ನ ಮೋಸದ ವ್ಯಾಪಾರನ್ನು ನಿಲ್ಲಿಸಿ ನ್ಯಾಯೋಚಿತ ವ್ಯಾಪಾರವನ್ನು ನಡೆಸಬೇಕೆಂದು ಭಾರತೀಯ ಸ್ಪರ್ಧಾತ್ಕಕ ಸಂಸ್ಥೆ ಆದೇಶ ನೀಡಿತ್ತು. ಆದರೆ ಈ ಆದೇಶದ ಕುರಿತಾಗಿ ಗೂಗಲ್ ಇದೀಗ ನ್ಯಾಯಮಂಡಳಿಯ ಮೊರೆ ಹೋಗಿದೆ ಎಂದು ಹೇಳಬಹುದು.


    ಗೂಗಲ್​ ತನ್ನ  ವ್ಯವಹಾರದಲ್ಲಿ ಗ್ರಾಹಕರಿಗೆ ಅನ್ಯಾಯ ಮಾಡಿದೆ ಮತ್ತು ಆಂಡ್ರಾಯ್ಡ್​ ಬಳಕೆದಾರರ ದೂರುಗಳನ್ನು ಗಮನಿಸಿ ಭಾರತೀಯ ಸ್ಪರ್ಧಾತ್ಮಕ ಆಯೋಗ ಗೂಗಲ್​ಗೆ 1337.76 ಕೋಟಿ ರೂಪಾಯಿ ದಂಡ ವಿಧಿಸಿದೆ.


    ಈ  ಬಗ್ಗೆ ಗೂಗಲ್​ ವಕ್ತಾರರ ಮಾತು


    ಈ ಕುರಿತಂತೆ ಗೂಗಲ್ ಕಂಪನಿಯ ವಕ್ತಾರರು ಮಾಹಿತಿ ನೀಡಿದ್ದು, ಆಂಡ್ರಾಯ್ಡ್ ಮೊಬೈಲ್ ಸಾಧನಗಳಿಗೆ ಸಂಬಂಧಿಸಿದಂತೆ ಭಾರತೀಯ ಸ್ಪರ್ಧಾತ್ಮಕ ಆಯೋಗದ (CCI) ನಿರ್ಧಾರದ ಕುರಿತು ನಾವು ಮೇಲ್ಮನವಿ ಸಲ್ಲಿಸಲು ನಿರ್ಧರಿಸಿದ್ದೇವೆ.


    ಇದನ್ನೂ ಓದಿ: ಆ್ಯಪಲ್​ನ ಈ ಸಾಧನಗಳನ್ನು ಭಾರೀ ಅಗ್ಗದಲ್ಲಿ ಖರೀದಿಸಿ, ಡಿಸೆಂಬರ್​ 31ರಿಂದ ಡಿಸ್ಕೌಂಟ್​ ಸೇಲ್​ ಆರಂಭ


    ಈ ಆದೇಶವು ನಮ್ಮ ಭಾರತೀಯ ಬಳಕೆದಾರರ ಆಂಡ್ರಾಯ್ಡ್‌ನ ಭದ್ರತಾ ಫೀಚರ್ಸ್​ಗಳನ್ನು ನಂಬುವ ವ್ಯವಹಾರಗಳಿಗೆ ಮತ್ತು ಮೊಬೈಲ್ ಸಾಧನಗಳ ಬೆಲೆ ಏರಿಕೆ ವಿಷಯದಲ್ಲಿ ಭಾರೀ ನಷ್ವವನ್ನು ತರುತ್ತದೆ ಎಂದು ಹೇಳಿದ್ದಾರೆ. ಈ ಉದ್ದೇಶದಿಂದ ನಾವು ಈ ಎಲ್ಲ ವಿಷಯಗಳನ್ನು ಗಮನಿಸಿ ರಾಷ್ಟ್ರೀಯ ಕಾನೂನು ಮೇಲ್ಮನವಿ ನ್ಯಾಯಮಂಡಳಿಗೆ ದೂರನ್ನು ನೀಡಲಿದ್ದೇವೆ ಎಂದು ಗೂಗಲ್ ವಕ್ತಾರರು ಹೇಳಿದ್ದಾರೆ.

    ಗೂಗಲ್​ನ ವ್ಯವಹಾರದ ದುರುಪಯೋಗದಿಂದ ದಂಡ 


    ಎಪ್ರಿಲ್​ 2019ರಲ್ಲಿ ಆಂಡ್ರಾಯ್ಡ್​ ಬಳಕೆದಾರರಿಂದ ಸ್ಮಾರ್ಟ್​​ಫೋನ್​ಗಳ ಕುರಿತು ದೂರುಗಳನ್ನು ಸಂಗ್ರಹ ಮಾಡಲಾಗಿತ್ತು. ಆದರೆ ಇದೀಗ ಇದರ ಸಂಪೂರ್ಣ ತನಿಖೆಯ ನಂತರ ಭಾರತೀಯ ಸ್ಪರ್ಧಾತ್ಮಕ ಆಯೋಗವು ಗೂಗಲ್​ಗೆ 1337.76 ಕೋಟಿ ದಂಡ ವಿಧಿಸಿತ್ತು. ಗೂಗಲ್​​ ಮೊಬೈಲ್​ ಸೂಟ್​ ಅಪ್ಲಿಕೇಶನ್​ ಅನ್ನು ಸ್ಥಾಪಿಸಲಾಗಿತ್ತು. ಆದರೆ ಇದನ್ನು ಯಾವುದೇ ರೀತಿಯಲ್ಲೂ ಅನ್​​ಇನ್​ಸ್ಟಾಲ್​ ಮಾಡುವ ಆಯ್ಕೆಯಿಲ್ಲ.


    ಇಲ್ಲಿ ಗೂಗಲ್​ ತನ್ನ  ಬಳಕೆದಾರರನ್ನು ಹೆಚ್ಚಿಸುವ ಕಾರಣಕ್ಕಾಗಿ ಕಾನೂನು ಬಾಹಿರ ಚಟುವಟಿಕೆಗಳನ್ನು ನಡೆಸುತ್ತಿದೆ ಎಂದು ಭಾರತೀಯ ಸ್ಪರ್ಧಾತ್ಮಕ ಆಯೋಗ ತನ್ನ ವಿಚಾರಣಾ ವರದಿಯಲ್ಲಿ ತಿಳಿಸಿದೆ. ಇಂತಹ ಅನ್ಯಾಯವನ್ನು ನಿಲ್ಲಿಸುವ ಕಾರಣಕ್ಕಾಗಿ ಭಾರತೀಯ ಸ್ಪರ್ಧಾತ್ಮಕ ಆಯೋಗ ಈ ನಿರ್ಧಾರವನ್ನು ಕೈಗೊಂಡಿದೆ.


    ಆದೇಶದಲ್ಲಿ ಏನಿದೆ?


    ಭಾರತೀಯ ಸ್ಪರ್ಧಾತ್ಮಕ ಆಯೋಗದ ಆದೇಶದಲ್ಲಿ ತಿಳಿಸಿದಂತೆ, ನ್ಯಾಯೋಚಿತ ವ್ಯಾಪಾರ ನಿಯಂತ್ರಕದ ಪ್ರಕಾರ, ಗೂಗಲ್‌ ಕಂಪೆನಿಯು ಆಂಡ್ರಾಯ್ಡ್‌ಆಪರೇಟಿಂಗ್ ಸಿಸ್ಟಮ್ ಮತ್ತು ಇತರ ಪರವಾನಗಿಗಳನ್ನು ನೀಡುವ ಕೆಲಸ ಮಾಡುತ್ತದೆ. ಆಂಡ್ರಾಯ್ಡ್ ಡಿವೈಸ್‌ಗಳಲ್ಲಿ ಸರ್ಚ್ ಅಪ್ಲಿಕೇಶನ್‌ಗಳು, ವಿಜೆಟ್ ಮತ್ತು ಕ್ರೋಮ್ ಬ್ರೌಸರ್‌ನಂತಹ ಪ್ರಮುಖ ಸರ್ಚ್ ಎಂಟ್ರಿ ಸೆಂಟರ್‌ಗಳನ್ನು ಡಿವೈಸ್‌ಗಳಲ್ಲಿ ಪೂರ್ವದಲ್ಲಿಯೇ ಸ್ಥಾಪಿಸಲು ಒತ್ತಡ ಹಾಕುತ್ತಿದ್ದು, ಪ್ರತಿಸ್ಪರ್ಧಿಗಳಿಗಿಂತ ಹೆಚ್ಚಿನ ಪ್ರಯೋಜನವನ್ನು ಈ ಮೂಲಕ ಪಡೆಯುತ್ತಿದೆ. ಇದೆಲ್ಲದರ ಜೊತೆಗೆ ಆಂಡ್ರಾಯ್ಡ್‌ ಡಿವೈಸ್‌ಗಳಲ್ಲಿನ ಯೂಟ್ಯೂಬ್ ನಲ್ಲೂ ಸಹ ಈ ಈ ರೀತಿಯ ಪ್ರಾಬಲ್ಯದ ಮೇಲೆ ಆದಾಯವನ್ನು ಪಡೆಯುತ್ತಿದೆ ಎಂದು ಭಾರತೀಯ ಸ್ಪರ್ಧಾತ್ಮಕ ಆಯೋಗದ ಆದೇಶದಲ್ಲಿ ಉಲ್ಲೇಖಿಸಲಾಗಿದೆ. ಇದು ಗೂಗಲ್‌ಗೆ ಸಂಕಷ್ಟ ತಂದಿದೆ.



    Published by:Prajwal B
    First published: