• Home
  • »
  • News
  • »
  • tech
  • »
  • Google Doodle: ಒಲಿಂಪಿಕ್ ಪದಕ ಗೆದ್ದ ಭಾರತದ ಮೊದಲ ವೈಯಕ್ತಿಕ ಅಥ್ಲೀಟ್‌ಗೆ ಗೂಗಲ್ ಡೂಡಲ್​ನಿಂದ ಗೌರವ!

Google Doodle: ಒಲಿಂಪಿಕ್ ಪದಕ ಗೆದ್ದ ಭಾರತದ ಮೊದಲ ವೈಯಕ್ತಿಕ ಅಥ್ಲೀಟ್‌ಗೆ ಗೂಗಲ್ ಡೂಡಲ್​ನಿಂದ ಗೌರವ!

ಗೂಗಲ್​ ಡೂಡಲ್​ನಲ್ಲಿ ಕೆ.ಡಿ ಜಾಧವ್ ಅವರ ಚಿತ್ರ

ಗೂಗಲ್​ ಡೂಡಲ್​ನಲ್ಲಿ ಕೆ.ಡಿ ಜಾಧವ್ ಅವರ ಚಿತ್ರ

ಒಲಿಂಪಿಕ್ಸ್​ನಲ್ಲಿ ವೈಯಕ್ತಿಕ ಕ್ರೀಡೆಯಲ್ಲಿ ಭಾರತಕ್ಕೆ ಮೊದಲ ಪದಕವನ್ನು ತಂದುಕಕೊಟ್ಟಂತಹ ಕೆ.ಡಿ ಜಾಧವ್ ಅವರ ಜನ್ಮದಿನವನ್ನು ಇದೀಗ ಗೂಗಲ್ ತನ್ನ ಡೂಡಲ್ ಮೂಲಕ ಆಚರಿಸುತ್ತಾ ಇದೆ. ಹಾಗಿದ್ರೆ ಖಾಶಬ್ ದಾದಾಸಾಹೇಬ್ ಅವರ ಸಾಧನಗಳೇನು, ಗೂಗಲ್​ ಡೂಡಲ್​ನಲ್ಲಿ ಅಂತದ್ದೇನಿದೆ ಎಂಬುದನ್ನು ಈ ಲೇಖನದಲ್ಲಿ ನೋಡಿ.

ಮುಂದೆ ಓದಿ ...
  • Share this:

    ಗೂಗಲ್ (Google)​ ಪ್ರತೀ ಬಾರಿ ತನ್ನ ಬಳಕೆದಾರರಿಗಾಗಿ ಏನಾದರು ಮಾಹಿತಿಯನ್ನು ನೀಡುತ್ತಲೇ ಇರುತ್ತದೆ. ಅತೀ ದೊಡ್ಡ ಟೆಕ್​ ಕಂಪೆನಿಯಾಗಿರುವ (Tech Company) ಗೂಗಲ್​ ಕ್ಷಣಮಾತ್ರದಲ್ಲಿ ಬಳಕೆದಾರರಿಗೆ ಬೇಕಾದ ಮಾಹಿತಿಯನ್ನು ನೀಡುವಂತಹ ವೇದಿಕೆಯೆಂದರೆ ತಪ್ಪಾಗಲಾರದು. ಗೂಗಲ್ ಪ್ರತೀ ಬಾರಿ ತನ್ನ ಡೂಡಲ್ ಮೂಲಕ ಏನಾದರು ಸಂಭ್ರಮಾಚರಣೆಗಳನ್ನು, ಪ್ರಸಿದ್ಧ ವ್ಯಕ್ತಿಗಳ ಹುಟ್ಟುಹಬ್ಬ ಸಂಭ್ರಮವನ್ನು ಫೋಟೋ ಅಥವಾ ಆ್ಯನಿಮೇಶನ್ (Animation) ಮಾಡುವ ಮೂಲಕ ಆಚರಿಸುತ್ತದೆ. ಇದೀಗ ಒಲಿಂಪಿಕ್​ ವೈಯಕ್ತಿಕ ಅಥ್ಲೀಟ್​ನಲ್ಲಿ ಭಾರತ ದೇಶಕ್ಕೆ ಮೊದಲ ಪದಕ ತಂದುಕೊಟ್ಟಂತಹ ಖಾಷಭಾ ದಾದಾಸಾಹೇಬ್ ಜಾಧವ್ (Khashaba Dadasaheb Jadhv) ಅವರ 97 ನೇ ಜನ್ಮದಿನವನ್ನು ಜನವರಿ 15 ರಂದು ಗೂಗಲ್​ ತನ್ನ ಡೂಡಲ್​ನಲ್ಲಿ (Google Doodle) ಆಚರಿಸುತ್ತಿದೆ.


    ಒಲಿಂಪಿಕ್ಸ್​ನಲ್ಲಿ ವೈಯಕ್ತಿಕ ಕ್ರೀಡೆಯಲ್ಲಿ ಭಾರತಕ್ಕೆ ಮೊದಲ ಪದಕವನ್ನು ತಂದುಕಕೊಟ್ಟಂತಹ ಕೆ.ಡಿ ಜಾಧವ್ ಅವರ ಜನ್ಮದಿನವನ್ನು ಇದೀಗ ಗೂಗಲ್ ತನ್ನ ಡೂಡಲ್ ಮೂಲಕ ಆಚರಿಸುತ್ತಾ ಇದೆ. ಹಾಗಿದ್ರೆ ಖಾಶಬ್ ದಾದಾಸಾಹೇಬ್ ಅವರ ಸಾಧನಗಳೇನು, ಗೂಗಲ್​ ಡೂಡಲ್​ನಲ್ಲಿ ಅಂತದ್ದೇನಿದೆ ಎಂಬುದನ್ನು ಈ ಲೇಖನದಲ್ಲಿ ನೋಡಿ.


    ಖಾಷಭಾ ದಾದಾಸಾಹೇಬ್ ಜಾಧವ್ ಅವರ ಜನನ


    ಕುಸ್ತಿಪಟು ಖಾಷಭಾ ದಾದಾಸಾಹೇಬ್ ಜಾಧವ್ ಅವರು ಮಹಾರಾಷ್ಟ್ರದ ಗೋಲೇಶ್ವರ ಗ್ರಾಮದಲ್ಲಿ ಜನವರಿ 15 ರಂದು, 1926 ರಲ್ಲಿ ಜನಿಸಿದರು. ಇವರ ತಂದೆ ಸಹ ಕುಸ್ತಿಪಟುವೇ ಆದ್ದರಿಂದ ಇವರ ಈ ಸಾಧನೆಗೆ ಕಾರಣವಾಯಿತು.


    ಇದನ್ನೂ ಓದಿ: ಫ್ಲಿಪ್​ಕಾರ್ಟ್​ ಬಿಗ್​ ಸೇವಿಂಗ್ ಡೇಸ್​ ಸೇಲ್; ಈ ಸ್ಮಾರ್ಟ್​​ಫೋನ್​​ಗಳ ಮೇಲೆ ಬಂಪರ್​ ರಿಯಾಯಿತಿ


    ಒಲಿಂಪಿಕ್ಸ್​ನಲ್ಲಿ ಭಾರಕ್ಕೆ ಬಂದ ಮೊದಲ ವೈಯಕ್ತಿಕ ಪದಕ


    1952ರ ಒಲಿಂಪಿಕ್ಸ್​​ನಲ್ಲಿ ಫ್ರೀ ಸ್ಟೈಲ್ ಕುಸ್ತಿ ವಿಭಾಗದ ಕಂಚಿನ ಪದಕ ವಿಜೇತರಲ್ಲಿ ಖಾಷಭಾವು ಸಹ ಒಬ್ಬರಾಗಿ ಸಮ್ಮಾನ ಪಡೆದರು.10 ಕ್ರೀಡೆಗಳ ಪೈಕಿ, ಹಾಕಿ ತಂಡದ ಚಿನ್ನದ ಪದಕ ಮತ್ತು ಖಾಷಭಾವುರ ವೈಯಕ್ತಿಕ ಪದಕ, ಇವೆರಡೇಹೆಲ್ಸಿಂಕಿ ಒಲಿಂಪಿಕ್ಸ್​​ನಲ್ಲಿ ಭಾರತದ ಸಾಧನೆಯಾಯಿತು. ಈ ಕಂಚಿನ ಪದಕ ಸ್ವತಂತ್ರ ಭಾರತದ ಮೊದಲ ಒಲಿಂಪಿಕ್ಸ್ ಕಂಚಿನ ಪದಕವಾಗಿತ್ತು


    ಗೂಗಲ್​ ಡೂಡಲ್​ನಲ್ಲಿ ಕೆ.ಡಿ ಜಾಧವ್ ಅವರ ಚಿತ್ರ


    ಕಂಚಿನ ಪದಕ ಪಡೆಯಲು ಕಾರಣ


    ಕೆ.ಡಿ ಜಾಧವ್ ಅವರು ಬಾಂಟಂವೇಯ್ಟ್​ ಫ್ರೀಸ್ಟೈಲ್​ ಕುಸ್ತಿ ವಿಭಾಗದಲ್ಲಿ 5 ಪಂದ್ಯಾಟವನ್ನು ಗೆದ್ದು ನೋಡುಗರಲ್ಲಿ ಆಶ್ಚರ್ಯ ಮೂಡುವಂತೆ ಮಾಡಿದರು. ಆದರೆ ಜಪಾನಿನ ಸೊಹಾಚಿ ಇಚಿ ವಿರುದ್ಧ ಜಾಧವ್ ಅವರು ಸೋತರು. ಪಂದ್ಯದ ನಿಯಮದಂತೆ 2 ಪಂದ್ಯಾಟಗಳ ನಡುವೆ 30 ನಿಮಿಷಗಳ ಬಿಡುವು ನೀಡಬೇಕಿತ್ತು, ಆದರೆ ವಿರಾಮ ನೀಡದೆಯೇ ಖಾಷಾಭಾ ದಾದಾಸಾಹೇಬ್ ಜಾಧವ್ ಅವರಿಗೆ ರಷ್ಯಾದ ರಷೀದ್ ಮೊಮ್ಮದ್​ ಬಿಯೋವ್​ ವಿರುದ್ಧ ಸ್ಪರ್ಧಿಸಲು ಆದೇಶ ನೀಡಿದರು. ಆದರೆ ಈ ಸಂದರ್ಭದಲ್ಲಿ ಜಾಧವ್ ಅವರ ಪರವಾಗಿ ಮಾತನಾಡಲು ಅಲ್ಲಿ ಭಾರತದ ಯಾವುದೇ ಅಧಿಕಾರಿಗಳು ಇರಲಿಲ್ಲ. ಆದ್ದರಿಂದ ಸ್ವಲ್ಪವೂ ವಿರಾಮವಿಲ್ಲದೇಯೇ ಆಡಬೇಕಾಯಿತು.


    ಆದರೆ ಇದರ ಮೊದಲೇ ಆಡಿ ಕದಣಿದಿದ್ದ ಖಾಷಭಾ ದಾದಾಸಾಹೇಬ್ ಜಾಧವ್ ಅವರು ಸೆಮಿಫೈನಲ್ಸ್​ನಲ್ಲಿ ರಷೀದ್ ವಿರುದ್ಧ ಆಡಬೇಕಾಯಿರು. ದುರದೃಷ್ಟವಶಾತ್ ಜಾಧವ್ ಅವರು ಈ ಪಂದ್ಯಾಟದಲ್ಲಿ ಸೋತರು. ಈ ಪಂದ್ಯಾಟದಲ್ಲಿ ಸೋತ ಕಾರಣಕ್ಕೆ ಸೊಹಾಚಿ ಇಚಿ ಬಂಗಾರದ ಪದಕ, ರಷೀದ್ ಬೆಳ್ಳಿ ಪದಕ ಹಾಗೂ ಖಾಷಭಾ ದಾದಾಸಾಹೇಬ್ ಜಾಧವ್ ಅವರು ಕಂಚಿನ ಪದಕ ಗೆದ್ದರು.




    ಏನಿದೆ ಗೂಗಲ್ ​ ಡೂಡಲ್​ನಲ್ಲಿ?


    ಗೂಗಲ್​ ಡೂಡಲ್​ ಇದೀಗ ಜನವರಿ 15 ರಂದು ಖಾಷಭಾ ದಾದಾಸಾಹೇಬ್ ಜಾಧವ್ ಅವರ ಜನ್ಮದಿನವನ್ನು ಆಚರಿಸುತ್ತಿದೆ. ಈ ಸಂದರ್ಭದಲ್ಲಿ ಡೂಡಲ್​ನಲ್ಲಿ ಆ್ನಿಮೇಶನ್​ನಂತಹ ಚಿತ್ರವನ್ನು ಹಾಕಿದ್ದಾರೆ. ಈ ಚಿತ್ರದಲ್ಲಿ ಕುಸ್ತಿ ಪಟುವಿನ ಚಿತ್ರ ಮತ್ತು ಖಾಷಭಾ ದಾದಾಸಾಹೇಬ್ ಜಾಧವ್ ಅವರು ಬುಕ್​ ಹಿಡಿದುಕೊಂಡಿರುವಂತೆ ಅವರ ಚಿತ್ರವನ್ನು ಬರೆಯಲಾಗಿದೆ.


    ಈ ಚಿತ್ರದ ಮೇಲೆ ಕ್ಲಿಕ್ ಮಾಡಿದಾಗ ಒಲಿಂಪಿಕ್ಸ್​ ಪಂದ್ಯಾಟದಲ್ಲಿ ಭಾರತಕ್ಕೆ ಮೊದಲ ವೈಯಕ್ತಿಕ ಕ್ರೀಡೆಯಲ್ಲಿ ಪದಕ ತಂದುಕೊಟ್ಟ ಖಾಷಭಾ ದಾದಾಸಾಹೇಬ್​ ಜಾಧವ್ ಅವರ ಜೀವನ ಚರಿತ್ರೆಯನ್ನು ಓದಬಹುದಾಗಿದೆ. ಮತ್ತು ಅವರ ಕೆಲವು ಸಾಧನೆಯ ಚಿತ್ರಗಳನ್ನು ನೋಡಬಹುದಾಗಿದೆ.

    Published by:Prajwal B
    First published:

    ಸುದ್ದಿ 18ಕನ್ನಡ ಟ್ರೆಂಡಿಂಗ್

    ಮತ್ತಷ್ಟು ಓದು